لمة الليبيات لشهر ذو القعده1431

لا مسايا حاف من غير قمر هههه

عروسة ضياء;13454709:
لا مسايا حاف من غير قمر هههه

ههه
باهي كويس

---
اني خلاااااص عيوني بيتكسرووو واساعة واخد عندي محاضرة :(

محاضره محاضره و لا زي متاع الساعه 10 ههههه

كم بتقعدي في شارم الشيخ و كم بتقعدي في المغرب ؟؟؟

و الله مانعرف يا روز بس غالبا السفرتين مع بعض مش حيكونو اكتر من شهر

عروسة ضياء;13454728:
محاضره محاضره و لا زي متاع الساعه 10 ههههه

ههه لا محاضرة محاضرة هو اني تلخبطت
نحسابة الخميس اساعة عشرة والجمعة اساعة واحد بس اطلع العكس


زي هدا اليومم اسبوع اللي فات هيثم كان هنا :(

حقا فكرتي في شنو مكياجك تبيه والتسريحة ؟؟

وبيخش ضياء الصالة ؟؟ ههه

وبتطلعي من الصالة وبتخشي امعاه ؟؟
اني نحب انه تقعدي وهو يخشلك وتطلعي معاه احلي من تطلعي وتخشي من اول وجديد امعاه معجبتنيش هالحركة

المكياج و التسريحه بنرجع للي مشيتلها في البيان
و ضيا طبعا بيخش بس بعدما تفضى الصاله لكن انا نتمنى لو يخش معاي مالأول بس هو مايبيش و لقطه انه يخش بروحه ياودي مندري انحس فيه مايديرهاش و انا بنطلعله ونخش معاه مره تانيه حتى هي مندري ماعتقدش لأن مش حلوة ف دوريلي ع تيرد اوبشن

اني اهني بندير عرسي
هادي من برا

وهادي من الداخل هو طابق الاول مطعم والتاني الصالة





هي من الداخل الصالة ماتعجبنيش هلبا
بس احسن شيء انه امعاها الاكل
بس اني حنجيب امتع الديكور يغيروهالي كلها مع بعضها
حتي اماعين بناجرهم تاجير يعني الكواشيك والصواني
صوانيها مايعجبونيش .. في وحدات يبدو حلوووات وطواسي حلوات تاجريهم من مكان تاني يجبهملك

حتديري عرسك مختلط ؟؟؟

عروسة ضياء;13454800:
المكياج و التسريحه بنرجع للي مشيتلها في البيان
و ضيا طبعا بيخش بس بعدما تفضى الصاله لكن انا نتمنى لو يخش معاي مالأول بس هو مايبيش و لقطه انه يخش بروحه ياودي مندري انحس فيه مايديرهاش و انا بنطلعله ونخش معاه مره تانيه حتى هي مندري ماعتقدش لأن مش حلوة ف دوريلي ع تيرد اوبشن

لا اني بيخش مع بوي وخوتي مش بروحه
ومانبيش يخش لما الناس تمشي ههه نبيه في عز الناس موجدين ههه باش يتفرجو علي خطيبي الحلو ههه
انحسه كانه ماكملش العرس كان هي قاعدة
مانحبش الناس تروح والعروسة قاعدة نبي اني نطلع وهم بعدي يطلعو

ولما بيخش مش امطوله ههه في عرسان معاش بطلعو اني بس نبيه يخش حتي يطلعني انقصو الكيكة ونطلعو ع طول اما امتع غيرو الدبلات و وكلني ونوكلك هادي نووو وي ههه بس بنقصوها

وانصورو بس التصوير يعني مع اهلي وكله مش اني وهو انديرو في حركات ههه
اصلا بندير انصور في الضهر قبل مانجي للصالة انا وهو اندورلي ع مكان برا حديقة او شيء بس تكون مافي حد يعني مكان ناجره او شيء
نبي الصورة تكون برا ع الطبيعة وبعدين نمشي الصالة

عسولتي آنستي..............

عروسة ضياء;13454820:
حتديري عرسك مختلط ؟؟؟

لا عرسي مش مخطلت بس ليش ؟؟؟

نورتي ياهنو

سؤال ليس الا ؟؟

نبي نرررررقد
شكلي ياودي انروح للحوش
مانضنيتا حتي لو صبرت للواحد نص المحاضرة انطيح راقدة

نسادنكم يا بنات انوض اندوش و نسشور شعري خيرلي عالاقل نفتك منه نبي نمشي الكوافير و باااااااااااخله

عروسة ضياء;13454882:
نسادنكم يا بنات انوض اندوش و نسشور شعري خيرلي عالاقل نفتك منه نبي نمشي الكوافير و باااااااااااخله

شن قاعده اديري اهني وعندك عرس امشي وتي روحك:mad:

هنو الدلوعه;13453867:

السلام عليكم جميعـــــــــــــــــــــــاً

ووخياتي كلكم أستاحشتكم وأيوه هكي تهبلو لا مشاكل لا سو وشكرا لي كل من راسلني
من طرابلسيه لي سرتاوي لي عروس ضياء لي حياة حلوه لي لؤلؤة سرت لي أم أحم و عروسة ليبيا وبيكاااااااتشو يابنت ماقصرتس كل يوم تقولي توه هههههههههههههه خشي

وربي يهنيكم كلكم ياحبيباتي

صباح الخير

بيكا كل عام وانتي بخير وان شاء الله تكون سنه حلوه عليك ياحلو


هنو
نورتي اللمه ;)