»¤‡° تجهيزات عرائس لشهر ذو القعدة 1431 - 2010 م / الجزء = 153 °‡¤«

[QUOTE=noogy;13566084]طب يا نودى يعنى برسيف نازلة الشهر ده ولا لأ ؟
ولو موجودة بكام
وبالنسبة للفرح انا حاباه اوى الاوبن اير ونفسي ان شاء الله اعمله
هو محتاج انه يكون بالنهار ومايكونش شتا علشان المطر ومايكونش الجو حر برضه يعنى يكون زى اليومين دول هيبقي حلو اوى فى شهر 10 و 11 و شهر 3 و4
وزى ماقولتلك الاضاءة ممكن تزيد بس ده هيكلف كتيييير اوى فالاحسن اخر النهار حتى الصور هيبقي شكلها احلى بكتييييييير
وكمان حاجة برضه تحجزى الفيلا بنفسك علشان الويدنج بلانر مايعملش عليكي شغل انا مرة وريت لقطقوطة فيلا فى العبور جميلة اووى وكانت على 1500 ولا 2000 بالكتير وممكن انتى تتفقى على دى جى من بره والاكل من بره برضه هيبقي ناقص بس الكوشة والتزيين والاضاءة تشوفى بقى الويدينج بلانر هيقولك كام على السعر يعنى اقصد مش لازم هو ياخد الفرح من الالف الى الياء


QUOTE]

[QUOTE=lasposadelnilo;13561859]


واضح انى لخبطتك
البرسيف الرجالي نازله ب 61 جنيه من غير خصم الشهر ده
وبعد الخصم تعمل 45
وشهر افون هيخلص اخر الاسبوع وهوا نظامهم كده البرشور بدا 10 اكتوبر وهيخلص 5 نوفمبر




ما العبور بعيده اوي يا نوجي
عموما لو معاكي ارقام لمكتب او جناين او اي حاجه تخص الابن اير ابعتيلي على الخاص يا موزه
مفيش داعى للتفجير يا نودى
بصى بقى الفرح الاوبن اير جااااااامد طبعا جداااا انا حضرت فرح الشتا اللى فات وكانت غلطة عمرى انى روحت:lol: متخافيش مش عشان وحش كان تحفة بس جاتلى انفلونزا حادة قعدت فيها شهر عيانة وبقيت اقول ربنا يستر على العروسة :D
لا بجد والله هو بيبقى حلو بس بيناسب اكتر الصيف
هو اتكلف حوالى 12000 بس متتخضيش كانت عازمة يمكن 250 فرد والاكل كان اوبين بوفيه وحاجة عالية مشويات يعنى بقى وانتى فاهمة فاعتقد لو هتعملى هاى تى وهتعزمى 100 بس اكيد التكلفة هتقل المشكله بقى انى مش فاكرة اسمه:lol: بس هو كان فى الهرم فى طريق كدة يعنى كمان اللى هيروحلك عايز عربية مكن يجى فى تاكسى وميعرفش يروح:D هاتصلك بيها النهاردة وهاسأله
الك عن اسمه اه هو كان مربع كبير فى بسين وجنينه

عارفة بقى بعد الرغى دة كله مسمعش دعوة انا اللى هاجى افجرك :struggle:

[QUOTE=* كلاسيك *;13562027]

خلاص ياستي ولا هفجرك ولا حاجه
بس ظبطيني وابعتيلي رقم التليفون والتفاصيل عشان ادعيلك بزمه وضمير
ربنا يجازيكي خير وتتجوزي بسرعه يارب
وتتهنى امين يارب العالمين
وميرسي لهتمامك وردك يا وزتي عقبال ما اشوفك في الكوشه جمب راجلك يارب

قرآنيه;13566541:

iهههههههههههه
انتى كنتى هناك
انا لسه بردو جايه

اشتريت لحاف كالرز موديل
yh1017
ادخلو السايت وقولولى رايكم
انا جبته ب 425
فى كاربت سيتى كان ب 500 تقريبا وخصم 10 % يعنى هيبقى ب450
وفعلا فى واحده كانت معايا اشتريته من المعرض ب450 بس انا فاصلت فيه لغايه مطلعت عين الراجل واخدته ب425

المهم بقى
قلت اشترى المفرش
وقعدت ادور على حاجه زى التركى او حاجه تنفع مودرن ملقتش
والحاجات الكويسه كنت بلاقيها معديه ال700
بمعنى فى اشكال كانت عامله فوق الاف
اللى هى المفارش السورى
ومكنتش بردو مودرن

المهم بقى
زهت وقلت مش لازم مفرش
لانى فعلا مش لاقيه حاجه مودرن
وانا طالعه لقيت راجل سورى عارض حاجه كدا ستان والشغل اللى فيها عباره عن كشكه
مش عارفه اسمها ايه الكشكه دى
بس زى اللى بتتبقى على السوريهات على الصدر كدا
سالته دا ايه
قالى لحاف وينفع مفرش
بكام
قالى 1300
عاااااااااااااااااااااااااا
كان عاجبنى موت
بس غالى لانى كنت خلاص اشتريت الحاف
قعدت افاااااااااااااصل اللى ان وصلت الى 800 بالعافيه
وقلت بقى خلاص مشتريش مفرش دا كفايه وخاصه انى هتجوز فى الشتا
ومستخصرتش المبلغ لانه لحاف ومفرش
انما المفرش بصراحه خساره ادفع فيه اكتر من 500 لان استخدامه بسيط
مكنش فيه غير البنى والسكرى والعسلى او الدهبى
انا جبت الدهبى
ايه رايكم
ملحقتش اصوره والله ماما شلته من اخواتى الصغيرين عبال مغيرت هدمى لاقتها شالته

بس ممكن ابقى احاول اصوره

واشتريت البتاعه بتاعت خله السنان دى اللى معروضه فى فتاكات ب25
جبتها ب10
اللى هى دولفن دى

nooga
منوره
عود احمد

نانو مباااااااااارك ياجميل

الناس اللى بتتصل ب رشا ياريت تطمنا عليها

يارب تتهني بيهم ياااااااااااااااااااارب ياريتنا كنا اتقابلنا ما تيجي نروح مع بعض المركب الي خمس نجوم علي كورنيش المعادي و اهو تبقي فسحة تغيير جو
هههههههههههههههه

عايز اسال علي فيلا كويسة و ياريت تكون في عرابي و يكون ايجارها في المعقول ؟

قرآنية مبارك ياجميل على الحاجه وتتهنى بيهم يا جميل يعنى انتى كده جبتى لحاف فيبر ومفرش سرير ولا ايه لحسن اختك مفهمتش حاجه
وبعدين متعرفيش اماكن غير المعارض فيها مفارش مودرن للسفرة اللى هى الرنر لانى هعوزك تنزلى معايا :o رزله اوى انا معلش
وحاجه كمان :confused: مش مكانها هنا عرفتى حد بتاع ستاير شوفتى شغله حضري نفسك جيالك بعد العييييييييييييييييييييد :D:D:lol:

رجعتلكوا تاني يابنات

المهم بس قبل اي حاجة عايزة ابارك لحبيبتي توتااااا بجد طرت من الفررررحة مبروووووك ياقمراية وربنا يتمملكوا على خير يارب وييسرلكوا الامور وكل حاجة تبقى زي مانتي عايزة وتلاقي كل حاجة زي الفستان والمكان اللي يعجبك ياااارب انتي ونوجي بجد فرحتوني اوي ربنا يتمم ليكوا على خير وعقبالكل البنات يااارب

بصوا زي مقولتلكوا ع الفستان الحمدلله كان جميل اوي والورد المشغول ده كان تحفففة حتى من غير التطريز وزي الصور اللي ع النت ورقيق اوي الحمدلله وزي مكنتوا عارفين كنت محتارة في البوليرو كنت عايزة قماشة طرية وخفيفة متحررش وفي نفس الوقت مش شفافة ملقتش طبعا فاضطريت البس بادي واعدنا انا وماما والراجل نفكر نعمل البوليرو من انهي قماش ووصلنا للاخر لقماشة كده بيبطن بيها الفساتين اسمها ساليا بجد تحففففة يابنات عجبتني اوييي طرية وناعمة وبياضها حلو اويي عملي بيها البوليرو وعليها تل وطبعا لبست بادي ومن كتر معجبتني القماش خدت منها للطرحة اللي تحت الاساسية وطبعا فوقيها التل والحمدلله كانوا حلوين اويي المهم اللي تيجي تشتري قماش مطرز او مشغول لفستانها تقوللي عشان اقولكوا الفكرة اللي راجل قاللي عليها ووفرت معايا اكتر من 200 جنيه

بالنسبة للماكياج انا طبعا كنت بدور على واحدة تعملي لفة طرحة من قدام وماكياج يكون من غير الوان خالص يعني مجرد تظبيط لوشي وحاجات لون الجلد صاحبتي كانت جايبة جيلان عاطف عشان برضه كانت عايزة طرحة من قدام وعايزة ماكياج من غير الوان بس طبعا انا امكانياتي متسمحش بجد زي جيلان وحتى لو معايا بصراة بستحرم اوي كل الفلوس دي على كام ساعة وللناس كمان مش لجوزي المهم جبت واحدة كده من على فتكات في الحنة هي واختها بيعملوا ماكياج وشعر ورسم حنة بس معجبتش ماما وخالاتو اوي قالوا عادية يعني واعدوا يقولولي بنت عمتك اللي كانت عاملالك الطرحة والماكياج في الفرح كانت احسن مليون مرة وكان شكلك حلو اوي واقنعوني فعلا اني اخلي بنت عمتي هي اللي تعملي هي ماشاء الله مصممة جرافيك وفنانة بجد الله اكبر عليها وفعلا كانت الوحيدة اللي هتفهمني واتكلم معاها براحتي وفعلا هي اللي عملتلي الطرحة ورتها صور كده وظبطنا عليها والماكياج برضه عملتهولي زي مانا عايزة من غير الوان خالص مفيش غير جلوس وعلى مروحنا الدار كان اتمسح الحمدلله وبصراحة لو كان في وقت اكتر كنا ظبطنا اكتر لكن كنا بنجري ورا بعض اللي بيشتري كرافتة واللي بتجيبلي البوكيه والشراب والعربية بتاعة الزفة اتأخرت بس الحمدلله شكلي كان معقول اوي وعاجبني

الجيست بوك كنت عايزة اعمل حاجة غير الورق ده وتكون حاجة اسهل فلقيت ان فكرة جزع الشجرة انسب جدا لأنه سهل اوي وكمان ماشي اوي مع مود الاوبن اير والجنينة واللي شجعني اكتر لقيت عندنا في الزرع اللي في البلكونة شكله ينفع جدا في فروع كتير كده ونازلة طبعا مكنش عندي وقت اعمله فاديته لواحدة صاحبتي ماشاء الله عملته ليلة الفرح وكان سهل اوي زينته بكريستالات على شكل ورود وقلوب وجابت كام ورده صناعي كده وجابت زي فازة ازاز كده ملتها ظلط وفايبر وحطت فيها الجزع وزينته بشريط اورجانزا اول بس مجيب كارت الميموري هصورهولكوا

بالنسبة للجنينة كانت حلوة اوي وبجد الناس في الدار محترمين جدا ومرنين اوي يعني ظبطونا في حاجات كتير كان نفسي اروح بدري والحق جزء كبير من النهار بس قدر الله وماشاء فعل يدوبك على موصلت ودخلنا اتصورنا لقينا المغرب بيأذن روحنا مصلين انا وبابا ونبيل والراجل المصوراتي ونازلين فيدوبك لحقت اخر جزء من النهاااااار

صحيح اشراقة ياقمر الف مبرووووك يا جميل وانا بشجعك على فكرة الماكياج واهم حاجة نيتك انك ترضي ربنا وصدقيني هيبقى شكلك رقيق وجميييل وربنا يتمملك على خير يارب وان شاء الله هكتبلكوا كللل حاجة بالتفصيل

لا سبوزا ازيييك يا ندلة واحشاااني بصي هرد عليكي بكل تفاصيل الفرح حااضر بس ال 7 الاف دول يعملوا في الدار اللي عملت فيها فرح جامد اوي وبوفيه كامل كمان مش بس هاي تي انا طبعا بتكلم ع الجنينة معرفش القاعات هناك بكام بصراحة

المهم الحمدلله ان البنات عقلوكي عن فكرة الموكيت لأني كنت ناوية اموتك ع الفكرة اللي ملهاش اي لاازمة دي ولا هتوفر ولا ايي حاجة

ميراميا وعسولة عمرو وبطة وحفيدة فاطمة وكلكوا كلكوا بجد ربنا يجازيكوا خير ومتزعلوش والله مش قصدي مردش بس بجد على مبلحق اعد ع الجهاز مبلحقش اوصل لاخر صفحة وبجد كل يوم كنا بننزل نشتري حاجات يوم الغسالة يوم التليفزيون يوم الركنة بجد مخلصناش غير يوم الخميس وبرضه لسه في حاجات مخلصتش

بصوا انا جبت تلاجة ال جي 14 سلفر زي مقولتكوا بجد تحفففة عاجباني اوي الحمدلله وصيانة ال جي دول مش ممكن اتصلنا بيهم لأن نبيل عمل فيشة منفصلة للتلاجة ولقيناها مشتغلتش وبتنور وتطفي كده وصضوت تكة كأنها بتدينا انذار ان في حاجة غلط تخيلوا قالولنا خلاص هنبعتلكوا حد الصبح واحنا اساسا ساكنين في الشروق يعني بعيد جدااااااااااااا والله مكملنا ساعتين نبيل نزل يجيب حاجات وصلى المغرب وطلع لقيتوا جايب مع واحد وبيقوللي بتاع ال جي انا وهو مكناش مصدقين انهم جم بالسرعة دي لا وكمان في الشروووووق والمفروض بيجوا على فكرة يختموا الضمان فجه ختم الضمان وشاف مشكلة التلاجة وطلعت منا لفيش اللي احنا عملناها وقال ان مفيش رسوم ولاحاجة بس نبيل اداله بقشيش بصراحة يستاهل

وجبت برضه غسالة ال جي 7 كيلو السيلفر طبعا كنت هموت واجيب السودا اللي بالبخار بس منفعش بس لسه مشغلنهاش لسه معملناش الوصلة وصحيح هوبز كنتي بتسألي على ابعادها انا معرفش انتي تقصدي بتاعتي ولا واحدة غيرها عموما هي 60 في 62 واظن قسناها لو الباب مفتوح كانت حاجة وتمانين سنتي وعموما الابعاد مكتوبة ع الكرتونة

البوتاجاز جبت ايديال 4 شعلة لأن معندناش مساحة لاكتر من كده وبصراحة انا مهتمتش اوي بنوع البوتاجاز لأن استخدامي ليه قليل اصل انا ونبيل مبناكلش طبيخ ولا كده وقررنا يبقى اكلنا كله صحي على اد منقدر فمخلين البوتاجاز لحاجات بسيطة وجبنا شواية استخدمناها كذا مرة ولسه هجيب حلة بخار ان شاء الله وخالو جابلي فرن كهربا فدول هيغنوني تماما عن البوتاجاز انما انا شايفاه معقول مقدرش احكم اوي لأني مجربتوش كتير انما حتى الان معقول

السخان جبنا يونيفرسال كهربا وبرضه حتى الان اقدر اقول معقول بس احنا برضه مجربنهوش اوي عندنا مشكلة في الكهربا فقليل لما بنستخدمه

التليفزيون بقى توتا كانت بتسأل ع ال سي دي بصي احنا روحنا كارفور وشوفنا العروض والاسعار وجبنا سامسونج 40 بوصة وكان عليه هوم سينما وستاند هدية كان ب 6200 كان في زيه بظبط 40 بوصه ومعاه هدية دي في دي ب 5400 بس في تلات مميزات زيادة في التاني فهي مغلياه شوية باقي الانواع ياغالية اوي يا مش معروفة اوي ده اللي استقرينا عليه ولازم تروحي وتشوفي وتقارني عشان توصلي لأفضل اختيار وطبعا متخرجيش برة الماركات المعروفة ال جي سامسونج سوني طبعا بس غالي كده يعني

كفاية كده دلوقتي لأن لسه عندي كلام كتيييير

هاا محدش رد على سؤالي حد شاف مرايل المطبخ البلاستيك اللي بتترمي دي في كارفور؟؟ وبكام؟

كنت عامله اقتباسات كتير وطارت
ميراميا شكرا ياحبيبتى بس انا اقصد بتحطى المواضيع تحت ازاى من التوقيع معتقدش منين بقى
نانو اهلا بيكى ومبرووك ياعروسه والله بفرح اوى لما بشوفك موجوده معانا قوليلى بس سعر التلاجه واغساله ايه؟؟ عشان ان شاء الله ناويه بردو اجيب ال جى تلاجه بس غساله لسه ما استقرتش بصراحه
مش فاكره ايمو كانت بتتكلم عن السافلون مش فاكره بقى كنت عايزه اقول ايه اه شوفتيهم فين ارخص من حمام التلات اصل انا نزلت عندنا هنا فى السويس مكنتش لاقياهم وبعدين لاقيتهم عند راجل دا اغلى واحد فى السويس التلاته 18,20,22 عاملين 435ج فا تقريبا كده غاليين حد جابهم ارخص من كده ولو فى حد جاب من مركاتو يقولنا او شاف اسعارهم
قرانيه اللحاف ماشاء الله جميل تتهنى بيه يارب وعقبال ما تفرشيه فى القريب العاجل
هوبا بودى كنتى بتسالى على اللحافات ممكن تدخلى على موقع فوربد او كالرز فى لحافات حلوه ومش غاليه اوى كده
مكرونه شكرا ليكى ياحبيبتى وعلى ردك بخصوص المخدات
والله يابنات اعذرونى كان فى ناس كتير هرد عليها بس كله طااااار
مبروووك لكل عروسه جابت حاجه او حددت ماد فرحها وعقبال الجميع
انا شايفاكو بقى بتتكلمو على البيجامات بتاعت العريس هو بقى لازم اجيب ايه والبجامه دى عباره عن ايه ردو مش تطنشونى
وكمان حد يقولى اجيب لحاف ايه كالرز ولا فوربد ولا المجد حد جرب حاجه من التلاته؟؟؟

ناناو الف الف مبروووووووووووووووووووووووك
ربنا يسعدك

طب احنا نفسنا نشوف الفستان؟؟
اعااااااااااااااااااااااااااااااااااااااا
سؤالى انا عايزه اشوف الفستان؟؟

عسولة عمرو;13567930:
كنت عامله اقتباسات كتير وطارت
ميراميا شكرا ياحبيبتى بس انا اقصد بتحطى المواضيع تحت ازاى من التوقيع معتقدش منين بقى
نانو اهلا بيكى ومبرووك ياعروسه والله بفرح اوى لما بشوفك موجوده معانا قوليلى بس سعر التلاجه واغساله ايه؟؟ عشان ان شاء الله ناويه بردو اجيب ال جى تلاجه بس غساله لسه ما استقرتش بصراحه
مش فاكره ايمو كانت بتتكلم عن السافلون مش فاكره بقى كنت عايزه اقول ايه اه شوفتيهم فين ارخص من حمام التلات اصل انا نزلت عندنا هنا فى السويس مكنتش لاقياهم وبعدين لاقيتهم عند راجل دا اغلى واحد فى السويس التلاته 18,20,22 عاملين 435ج فا تقريبا كده غاليين حد جابهم ارخص من كده ولو فى حد جاب من مركاتو يقولنا او شاف اسعارهم
قرانيه اللحاف ماشاء الله جميل تتهنى بيه يارب وعقبال ما تفرشيه فى القريب العاجل
هوبا بودى كنتى بتسالى على اللحافات ممكن تدخلى على موقع فوربد او كالرز فى لحافات حلوه ومش غاليه اوى كده
مكرونه شكرا ليكى ياحبيبتى وعلى ردك بخصوص المخدات
والله يابنات اعذرونى كان فى ناس كتير هرد عليها بس كله طااااار
مبروووك لكل عروسه جابت حاجه او حددت ماد فرحها وعقبال الجميع
انا شايفاكو بقى بتتكلمو على البيجامات بتاعت العريس هو بقى لازم اجيب ايه والبجامه دى عباره عن ايه ردو مش تطنشونى
وكمان حد يقولى اجيب لحاف ايه كالرز ولا فوربد ولا المجد حد جرب حاجه من التلاته؟؟؟

فى كاربت ستى الراجل قالى كلهم كويسين بس كالرز احسنهم لان التقفيل بتاعه كويس

بنات قولولي ايه احسن بيبي ليس تعمل شعر كيرلي و مفرود و مبلول و جاف
و بيبي ليس احلى ولا براون ولا فيلبس و لا كله زي بعضه؟؟؟

و قولولي الموديل و السعر
و بيبي ليس الحمرا بتعمل مبلول و ناشف و كيرلي؟؟؟؟؟؟؟؟؟ظ

ولو في مواضيع عن البيبي ليس حطولي بلييييييييييز

زهرة نورما;13559630:
يا بنــــــــــــــــات كل اللى ســــــأل على البيــــبى لــــــيس

شاشة LCD
رقم الموديل ST29E
السعر 300ج
وضمان سنتين
ــــــــــــــــــــــــــــــــــــــ

للشعر الجاف والرطب
رقم الموديل ST27
السعر 225
الضمان سنتين
ــــــــــــــــــــــــــــــــــــــ

الموديل ST26
السعر210
الضمان سنتين
ــــــــــــــــــــــــــــــــــــــ
موديل ST25
السعر190ج
الضمان سنتين
ـــــــــــــــــــــــــــــــــــــ
موديل ST15
السعر 150ج
الضمان سنتين
ـــــــــــــــــــــــــــــــــ
تمليس وتجعيد
موديل ST70
السعر 340
الضمان سنتين
ـــــــــــــــــــــــــــــــــ

بالايونات + شاشة ديجيتال
الموديل ST87
السعر 360ج
الضمان سنتين
ـــــــــــــــــــــــــــــــــــ

بالايونات والبخار
موديل ST95
السعر 500ج
الضمان سنتين
ـــــــــــــــــــــــــــــــــــــ
موديل 2085 PINK
السعر 320ج
الضمان سنتين
ــــــــــــــــــــــــــــــــــــ
موديل ST86
السعر 340ج
الضمان سنتين
ـــــــــــــــــــــــــــــــــــــــــ
طقم تمليس وتجعيد 8 قطع
موديل 2020CE
السعر 230
الضمان سنتين

ــــــــــــــــــــــــــــــــــــــــ
للشعر الجاف
موديل 2028
السعر 280 ج
الضمان سنتين
ــــــــــــــــــــــــــــــــــ
مجفف شعر
موديل D300E
1800 وات
السعر 265ج
الضمان سنتين
ـــــــــــــــــــــــــــــــــــــــــ
مجفف شعر
موديل 5721
السعر 330ج
ضمان سنتين
ــــــــــــــــــــــــــــــــــ
فرشاة هوائية
موديل 2735
السعر 460ج
الضمان سنتين
الاسعار دى منقولة بس اسعار اليومين دول لانى لسة كنت هناك وشفتهم
بصوا بقى دى اسعار مكاوى وسيشوارات بيبى ليس من بى تك وعلشان هو وكيل وبيديكى ضمان سنتين ف بيبقى اغلى شوية من برة بس مضموووون وطبعا علشان هما مخصصين فى الشعر بس فهى تعتبر احسن الانواع ولا حد يقوللى براون ولا نيله افضلهم اللى بالايونات لانها بتحمى الشعر من الحرارة
ورجااااااااءا تروحو فرع بى تك لان البنت اللى هناك هتساعدكم فى اختياراتكم اوى
اللى مش هتقيمنى او حتى تدعيلى هاقرصها فى عنيهاو هاخليها شبه الحج ده:|
:lol::lol:
سؤال بقى اجيب كام بطانيه؟؟

ميرسييييييييييييييي اووووووووووووووووووووووووووويF:
بس كنتي تقولي كل واحده بتعمل ايه:D
انتي جبتي انهي واحده؟؟؟؟؟؟

hoba555;13560063:
تسلميلي يا قمر
التوحيد والنور رحت ومعجبنيش حاجه خالص

البنات اللي بيسالو عن البيي ليس
انا عندي البيبي ليس الحمرا جيباها من سنه وشويه بس تحفه هي بلبخار كانت ب500 تقريبا
وكمان بعد ما جبتها طلع كم موديل ارخص منها وفي بنات جابها وبرده عجبتهم

وبالنسبه للمساحه بتاعت تميمه لاغني عنها عندي تحفه بجد
والتقليد منها ب25 تقريبا وكنت جيباه واحده من كارفور ب45 دي بجد احسن واحده جبتها

يعني فعلا حلوة الحمرا؟؟
و بتعمل كيرلي و مفرود ناشف و مبلول؟؟؟؟؟؟مستنيه ردك ضروري

.. Hopes;13561029:
بصي يامرموره :lol:
التقشير بيشيل طبقه كامله من الجلد .. بيشيلها فعلا
يعني لو عملتي الجلسه يوم الخميس مثلا بيفضل وشك يقشر لحد يوم الاتنين او التلات لحد ماالطبقه اللي فوق كلها تتقشر
الاثار الحمرا والغاامقه دي مش بتحتاج جلسات كتير يعني بتروح من جلستين تلاته كده
انا كان عندي الاتنين والحمدلله :lol:
كان عندي اماكن غامقه مكان الحبوب وحفر كده
الالوان راحت تقريبا بعد جلستين والحفر طولت شوية تقريبا بعد 6 او 7
بس مش هينفع تعملي تقشير قبل ماتعالجي الحبوب يابنتي
هو اصلا حب الشباب انواع يعني .. لو النوع العادي الطبيعي بتاع البشر ده اللي تلاقي قبل البيريود حبايتين صغننين ده بيروح لوحده بس مع الاستمرار في غسل الوش بالميه الدافيه واستعمال صابونة الكبريت مرتين ومش شرط تستعملي معاه اي دهانات موضعيه
في نوع تاني تحسه ان الحبايه مكببه كده ومدفونة جوا خدك زي البلية كده
ده بقا لازم ليه علاج .. وانصحك تروحي تكشفي الاول
هبعتلك ع الخاص عنوان ورقم تليفون الدكتور .. واي حاجه عاوزاها في الموضوع ده قوليلي :lol:
انا خبره في علاج حب الشباب :lol:
وانا حاليا ساكنه في النعام بس ان شاء الله يعني هتجوز في زهراء عين شمس


السؤال بقا يابناااات
انا مفرش السرير بتاعي لونه عسلي كده او طحيني في بني
اجيب ملايه لونها ايه عشان افرشها معاه اول يوم؟

تسلميييييييييييي بجدددددددددددددددددددددددددF:F:

انا الحبوب معرفش ظهرت فجااااااااااااه من سنه كده و مش راضيه تروح
معرفش وقت بريود دي و لا ايه
بس اللي هيا الحبوب اللي بتوجع اوي الغبيه دي:mad:متعرفيش اعمل ايه جربت كل حاجه
و بعدين فجاه بقى كل الحبوب اللي عندي لازم ولابد تسيب اثر احمر اووي زمان كانت بتروح
اديني العلاج يا دكتور:D

at2ota;13561699:

نودى انا حابه جدا فكرة الفرح الاوبن الاير بس فى حاجه مهمه اوى لازم تخلى بالك منها ان الاضاءة بتكون ضعيفه اوى فلو هيكون بالنهار هيبقى احسن



وبالنسبه للفستان انا هحطه فى الفايل بتاعى على الفيس بس على فكرة الصور مش موضحاه اوى لان صور الاستديو لسه مش جتلى فا ممكن تشوفى ديه تصبيرة لحد مجبلك صور الاستديو وبعد متشوفيه ابقى قوليلى عشان اشيلو

وانا وناا عايزة اشوف مش عارفه ضيفاكي ولا لا اسمك ايه هناك؟؟؟F:

nanono;13563850:
سلاااااااااااام علييييكم ازيكووووو يا احلى عرااايس وحشتوووووووووني جدا جدا


اولا بجد متشكرة جداااا لكل اللي سألوا عليا وباركولي هنا وع الخاص وع الفيس بوك ربنا يباركلكوا جميعاااا يابنات ويخليكوا لينا

اخيراااااا وصلت لاخر صفحة كل يوم اعد اقرا شوية على امل اني اوصل وبرضه مفيش ماشاء الله عليكووو بتجروووا جري بس الحمدلله حصلتكوا

معلش انا مكنتش بعد كتير اوي ع النت لأن تقريبا كل اسبوع العسل قضيناه في شرا وتجهيز باقي الشقة ولسه في حاجات مخلصتش كل يوووم ننزل نجيب حاجة وان شاء الله هديكوا تقرير بكل اللي جبناه المهم انهاردة اول مجوزي نزل الشغل اعدت اكمل كللل الصفحات واعدت اكتبلكوا رد كبيييير جدا مرة دوست غصب عني على باك راح ماسح كل الرد وتاني مرة راح الكمبيوتر عامل ريستارت لوحده مع نفسه كده اتعصبت وسبته وقومت مقدرتش اكتب كللل ده تاني

عسولة عمرو هههههههههههههههه ربنا يكرمك على سؤالك عليا ياقمر بس والله لا كسوف ولا حاجة زي مقولتلك فوق كنت بكمل الصفحات


انا طبعا عارفه ان عندكو مليووون سؤال زي مكل واحدة بتتجوز بنعد نهريها اسئلة ههههههههههههههههه

هكتبلكوا تقرير على كل حاجة بس اول حاجة لازم ابارك لحبيبتيييييي توتاااااااااااااااا بجد طرت من الفرحة ياتوتا الف مبروووووووك وربنا يتمملكوا على خير يارب وييسرلكوا كل الامور وكل حاجة تتظبط وتلاقي كل حاجة زي مانتي عايزة ياااارب وتخلصي من هم الفستان وكلل حاجة يااارب انتي وكل البنات ياارب

بصوا بقى اولا الفستان الحمدلله طلع جمييييييييل جداااااا كان نفسي الحق اطرز الوردات اللي عليه بس طبعا مكنش فيه وقت الراجل بصراحة مقصرش انا اللي كنت بروحله كل فين وفين مشغولة طبعا في باقي الحاجة ويدوبك لحق ليلة الفرح يشطبه ويقفله

المهم دلوقتي انا هقوم وبليل ان شاء الله هكتبلكوا كلللل حاجة بالتفصيل عن الفستان والفرح والشقة والاجهزة وكللل حاجة

حد شاف مرايل المطبخ البلاستيك في كارفور؟؟ وبكام؟؟

و عليكم السلام
مبروووووووووووووووووووووووووووووووووووووووووووووووووووووك يا قمررررررررررر شكلك كان امووور خالص و ادينا النصايح يلا حالااااااااااااا;)
و الفستان بليز بجد الفضول هنا هيقتلنا كلنا:lol:

رشروش84;13565477:
[QUOTE=يارب وفقني مرمر;13556985]
طب اماااااااااااانه تقوللنا موديل بتوجاز اخوكي ايه؟او تورينا صورةF:

تسلميييييييييييي يا حببتي الحمدلله طلع واحد تاني غير اللي ف باليF:

نانو ازيك ياقمر
قوليلى انا كنت بفكر اعمل زيك واخلى صحبتى تعملى الميكب هو كان حلو فى التصوير ولالازم الواحد يبقى حاطط حاجات اد كده
عملتى اوضك فين ويريت بقى تنزليلنا الصور لحسن اختك محتاسة بين الجاهز الغالى ولا العمولة وحسب مايطلع اللون
انا مشفتش المرايل دى وكمان بوتجاز ايديال عندنا وشغال حلو والفرن والعيون كويسين اوى يعنى لو فكرتى تطبخى هتلقيه شغال تمام

بصى يامرمر ياعيانة :sick:انا هديكى الدواء انا متابعة مع دكتور لشعرى والحبوب مكنتش كتير بس كنت عاوزة وشى يبقى صافى عشان العلامات ادنى مرهم بيقشر الحبية او الاثر بتاعها بحطه على الحبية وفعلا مكانها بيتقشر وبعدين لما رجعتله كان عندى كام حبية مش ردينى يروحو حتى مع العلاج غيرلى المرهم بواحد اقوى شوية وبرده مرديوش يروحوا كانوا بيوجعونى قولتله على صابونه بتقشر قريت عنها على النت مرديش وقالى بلاش الحاجات القوية عشان اثر الحبوب بس هواللى بيتعالج
وقالى ان فيهم رووس بيضاء ولازم ينضفهم المهم طبعا كنت مرعوبة بس استحملت هو عملى التنضيف وكان وشى احمر مكان الحبوب وتانى يوم لقيت ايه :-oوشى بيلمع ونضيف ومفيش دهون عشان منطقة الانف هى اللى بيطلعلى فيها دهون كتير ولمارجعت حطيت المرهم واقعدت اكتر من 10 ايام وشى نضيف وبعد كده بقيت انا لما القى حبية اعمل زيه لانه ورانى افضيها ازاى لو عاوزة اسم المرهم ادهولك هو مكتوب عليه لحب الشباب بس متحطيش ميكاب واستحملى التقشير هو خفيف
ودى قصتى مع الحبوب وقريبا الجزء التانى الشعر:082:
النجف المودرن الصينى كويس ؟

هههههههههههههههههههه ضحكتوني يابنات بجد والله العظيم انا من غير متتكلموا اول ميجيلي صور هحطهالكوا بس بجد انا بعاني جدا في موضوع الصور انا حتى الان معنديش غير تلات صور للخطوبة وكتب الكتاب والباقي مش عارفه اجيبهم من اللي صوروا والفرح جالي الصورتين الوحاد الحمدلله اللي لحقنا نصورهم في العربية الفارهة دي اللي مكناش مصدقين اننا راكبينها بقول لنبيل لو اعرف ان اخويا هيجبلي عربية زي دي نتزف فيها مكنتش عملت فرح هههههههههههههههههه ماشاء الله لا قوة الا بالله ربنا يبارك لصاحبها فيها لحسن الواد كان مخضوض مننا رد فعلنا طول محنا ماشيين الواد حاسس اننا هناكله وهناكل العربية والله انا كنت خايفة عليه من رد فعلي انا ونبيل واختي هههههههههههههههه وجالي كام صورة مش واضحين تماما متصورين من موبايل غير كده والله مجالي اي صور ولا حتى استلمنا صور الدار اول مستلمهم هحطهم فورااااا

te amo العفش زي مقولتلكوا انا كنت عاملاه عمولة كله عند واحد كده بس بوزلي الركنة خالص منه لله تقريبا هو بيعملها عند حد فطلعت وحشة اوي حسبي الله ونعم الوكيل فيه واودة النوم مكنش عملها وخدنا واحدة تانية عنده جاهزة في المحل بس الحمدلله كانت حلوة اوي وعاجباني جدااا والسفرة حلوة بس نسي حاجات كتير قولتله عليها والركنة طبعا مخدنهاش بس اشترينا ركنة جديدة يوم الخميس من مدينة نصر حلوة جداااا وكمان كان ممكن نغير القماش بأي شكل وخامة ولون احنا عايزنهم بس طبعا احنا كان بقالنا اسبوع بنعد ع الارض فقولنا نخلص ونشتريها بقى وكانت ب 3200 حلجة وة جدا ومعاها تلات بفات كبار كل واحد ياخد فردين جمب بعض وميزتها انها كلها قطع منفصلة يعني نحطها باي ترتيب يعجبنا نعملها زي الانتريه نعمله ركنة ان شاء الله هصورلكو كل حاجة لما اجيب كارت الميموري معلش اصلي ساكنة في الشروق فبعيدة عن كل حاجة والكارت بتاعي مع واحدة صاحبتي في مصر الجديدة

ماشى يانانو هستناكى تقوليلى اتجنن واعمل الميكاب ولا لازم كوافير عشان ساعة مش 3 ساعات
واحكيلنا شوية ايه حكاية العفش اللى بتجبيه فى اسبوع العسل انتو نسيتوهولا ايه :lol:
انا بحب الناس اللى مش تقليدية عادى العفش مجاش ونقعد على الارض وممكن بلاش كوافير لوعندى كان باقى العيلة ازاى عروسة من غير كوافير شكلك مجنونة :03:زيى عارفة انا طاقة فى دماغى احجز واجيب باقى العفش براحتى لحسن زهقت من الف والخناقات مش عارفة الف على ايه ولا ايه احسن حاجة احطهم ادام الامر الواقع
هوايه موضوع البيبى ليس هى مهمة كده اصلى انا مش بفكر فيها اصلا انا ممكن اجيب سشوار وممكن لا اللى اتجوزو يقلولنا مهمة ولا ايه ؟

نانوو الف مبروك يا قمر وبجد احلى حاجة عملتيها التقرير اللى بتكتبيها لانى بجد حاسة انى تايهة وقرفانة

من كل حاجة قوليلى هو بوتجاز ايديال ده وحش لانه جالى هدية وانا هتجوز ان شاءالله الشهر اللى جاى

فخايفة منه ايه رايك فيه!!!

س/ اجيب كام قميص نوم ؟؟مع انى مش بحبهم بحب الاقطان القصيرة والبديهات الحملات

فينفع مجبش قمصان كتير واكتر فى الحاجات دى ولا ايه

te amo زي مقولتلك الراجل بوز الركنة ومكنش في وقت نعمل حاجة فاتجوزنا من غيرها عادي زجدا زي متجوزنا من غير تلات تربع الحاجات هههههههههههههه ونزلنا نجيبهم في اسبوع العسل هههههههههههه اول يوم جبنا حاجات للتلاجة لأننا كنا المفروض مسافرين فمجبناش حاجة وبعدين قررنا نعد نعمل الشقة لأن لو سافرنا كنا هنصرف كتير فنزلنا كارفور جبنا حاجات للتلاجة والاكل وجبنا الشواية كينوود ب 350 بس انا شوفت انواع تانية كتير يابنات ارخص وكويسين برضه وياريت افهم ايه حكاية الشواية اللي ع البوتاجاز دي عشان هتبقى اسهل واوفر من دي واخلي دي كل فين وفين وتاني يوم نزلنا جبنا التليفزيون وترابيزته تالت يوم بقى نزلنا جبنا الغسالة واتفرجنا ع الركنات مشدناش حاجة اوي ريحنا رابع يوم ونزلنا الخميس بقى بعد مشوفنا على موقع لقطة محل عامل عروض ع الركنات روحناله اشترينا الركنة واشترينا النجف من هارون وباقي السجاد وستارة واحدة وشوية حاجات من التوحيد والنور هههههههههههههههههه عارفة انك هتتجنني مني

عارفه يوم الجمعة ليلة الفرح كنا مقسمين نفسنا فرق بجد

انا بجيب العبايات اللي كنت بفصلها وبجيب الفستان نبيل بيجيب التلاجة والسخان والمرتبة من كارفور ماما وخالاتي في الشقة بيكملوا تنضيفها وفرشها بابا نزل جابلي مطبخ جاهز على معمل مطبخ هههههههههههههههههه واتقابلنا كلنا بليل بعد مخلصنا المهمات الحمدلله ومازالت البحث والشرا مستمر لسه في حاجات كتير مجتش

على فكرة يابنات عايزة اقولكوا اني حتى الان مجبتش طقم صيني ولا شنطة معالق كاملة الصيني مشوفتش طقم عاجبني الا وكان غالي جدااا وملحقتش انزل درب السعادة زي ماميراميا قالت والحمدلله مازالت حية ارزق وبتنفس كويس والنبض كويس والضغط كويس ممتش يعني عشان مجبتش الحاجات دي وعلى كده كمان كل عيلتي جاتلي في السبوع يوم الجمعة وكلو كلهم في طقم العشا وطقم الاركوبيركس والحمدلله الحاجات كفت وعادي والمعالق والشوك زي مانتو عارفين كنت بدور على حاجة سادة خااالص مفيهاش دهبي ولقيت شنطة ماركة برستيج جامدة جدا بس كانت غالية بالنسبالي ساعتها كانت ب 800 جنيه بس بجد كانت نفس الشكل اللي بحلم بيه معلقة سادة خالص فضي مط روحت شارية بدالها تلات اطقم استخدام برضه سلفر سادة اتنين لميع نفس الشكل و واحد نص المعلقة لميع ونصها مط


صحيح بجد عايزة ارد على حاجة لفتت نظري جدااا سلمى 16 كانت بتقول انها اشترت شنطة ولا طقم سكاكين وبتسأل تشتري ايه تاني فناس كتير جاوبت هاتي مش عارفه كام سكينة للاستخدام امال الشنطة اللي هي جابتها ايه؟؟ هتحنطها مثلا؟؟ بلاش ياجدعان فكرة اننا نجيب حاجات للتحنيط وحاجات للاستخدام وبجد اي حاجة هتلمس الاكل نحاول نجيب نوع نضيف ومضمون عندي تجيب سكينة واحدة كويسة احسن من طقم اي كلام انا جبت سكينة منفصلة برستيج وجبت بعد كده طقم سكاكين برستيج برضه وبجد ماركة كويسة جدا ونضيفة اوي

بخصوص القمصان يا اسما اولا الله يبارك فيكي يا حبيبتي انا بصراحة شايفة انك تجيبي كمية معقولة انا جبت قليل بتاع 15 وعايزة اجيب تاني بس طبعا الحاجات القطن الكيوت دي عملية اوي فانتي نوعي مابين دول ودول

وبالنسبة للبوتاجاز انا حتى الان شايفاه معقول ومش حاسة بأي مشكلة وانتي طالما جالك خلاص خديه ووفري فلوسه لحاجات تانية اهم ولما ياستي تلاقي فيه مشكلة او لا قدر الله يبوز ابقي هاتي غيره كمان كام سنة

صحيح يا te amo انا رأيي انك تعملي ماكياج رقيق وبسيط لنفسك او حد يعملك بلاش ناخد ذنوب ملهاش لازمة اليوم ده بجد

وبصي انا عايزاكي تهدي بجد على خطيبك انا من رأي ميراميا جدا ان الرجالة بيزعلوا جدا انهم مش عارفين يجيبولنا اللي احنا عايزينه وهو في ظروف صعبة دلوقتي لما يعدي منها الاول اتكلمي معاه وشوفي العفش والحاجات اللي انتي عايزاها انما دلوقتي بجد متضغطيش عليه هو في حالة نفسية صعبة مش عارف يكمل حياته ازاي وفي واحدة متحمل مسؤولياتها وجواز ومصاريف فاهدي عليه شوية لغاية مالازمة تعدي ويلاقي شغل ويستقر كده ووالله متعرفيش الخير فين يمكن التأخير يبقى افضل ليكي وليه سيبيها على الله وركزي في حياتك وحاولي تساعديه وتدعميه على اد متقدري وانسي دلوقتي اي حاجة بخصوص العفش والكلام ده لما اموره تستقر وربنا يكرمه يارب هو واللي زيه ويرزقه بشغل كويس ورزق حلال

نانو شواية الفرن هتلقيها فى التوحيد والنور من اول 40 فى منها بغطاء بتبقى من جواء تيفال وبتتحط على البوتجاز وتشوى الحاجة واصحابى بيشكروا فيها قوليله عاوزة الشواية اللى بتتحط على البوتجاز واشكالها كتير

nanono;13567905:

بصوا زي مقولتلكوا ع الفستان الحمدلله كان جميل اوي والورد المشغول ده كان تحفففة حتى من غير التطريز وزي الصور اللي ع النت ورقيق اوي الحمدلله وزي مكنتوا عارفين كنت محتارة في البوليرو كنت عايزة قماشة طرية وخفيفة متحررش وفي نفس الوقت مش شفافة ملقتش طبعا فاضطريت البس بادي واعدنا انا وماما والراجل نفكر نعمل البوليرو من انهي قماش ووصلنا للاخر لقماشة كده بيبطن بيها الفساتين اسمها ساليا بجد تحففففة يابنات عجبتني اوييي طرية وناعمة وبياضها حلو اويي عملي بيها البوليرو وعليها تل وطبعا لبست بادي ومن كتر معجبتني القماش خدت منها للطرحة اللي تحت الاساسية وطبعا فوقيها التل والحمدلله كانوا حلوين اويي المهم اللي تيجي تشتري قماش مطرز او مشغول لفستانها تقوللي عشان اقولكوا الفكرة اللي راجل قاللي عليها ووفرت معايا اكتر من 200 جنيه


ميراميا وعسولة عمرو وبطة وحفيدة فاطمة وكلكوا كلكوا بجد ربنا يجازيكوا خير ومتزعلوش والله مش قصدي مردش بس بجد على مبلحق اعد ع الجهاز مبلحقش اوصل لاخر صفحة وبجد كل يوم كنا بننزل نشتري حاجات يوم الغسالة يوم التليفزيون يوم الركنة بجد مخلصناش غير يوم الخميس وبرضه لسه في حاجات مخلصتش

بصوا انا جبت تلاجة ال جي 14 سلفر زي مقولتكوا

te amo;13568314:
بصى يامرمر ياعيانة :sick:انا هديكى الدواء انا متابعة مع دكتور لشعرى والحبوب مكنتش كتير بس كنت عاوزة وشى يبقى صافى عشان العلامات ادنى مرهم بيقشر الحبية او الاثر بتاعها بحطه على الحبية وفعلا مكانها بيتقشر وبعدين لما رجعتله كان عندى كام حبية مش ردينى يروحو حتى مع العلاج غيرلى المرهم بواحد اقوى شوية وبرده مرديوش يروحوا كانوا بيوجعونى قولتله على صابونه بتقشر قريت عنها على النت مرديش وقالى بلاش الحاجات القوية عشان اثر الحبوب بس هواللى بيتعالج
وقالى ان فيهم رووس بيضاء ولازم ينضفهم المهم طبعا كنت مرعوبة بس استحملت هو عملى التنضيف وكان وشى احمر مكان الحبوب وتانى يوم لقيت ايه :-oوشى بيلمع ونضيف ومفيش دهون عشان منطقة الانف هى اللى بيطلعلى فيها دهون كتير ولمارجعت حطيت المرهم واقعدت اكتر من 10 ايام وشى نضيف وبعد كده بقيت انا لما القى حبية اعمل زيه لانه ورانى افضيها ازاى لو عاوزة اسم المرهم ادهولك هو مكتوب عليه لحب الشباب بس متحطيش ميكاب واستحملى التقشير هو خفيف
ودى قصتى مع الحبوب وقريبا الجزء التانى الشعر
النجف المودرن الصينى كويس ؟

.. Hopes;13564537:
يا بنات
مين اللي بيقبل في الجروب ع الفيس بوك دلوقت؟
ان اعاوزة اروح

te amo;13565473:

يعنى يابطة لازم 300 مشاركة عشان نبقى معاكم على الجروب طب الغالبة اللى زينا يعملو ايه :-o

مشمشة.;13566159:
حد يعرف يابنات مكان اجيب منة فازات مودرن

.. Hopes;13561029:
بصي يامرموره :lol:
التقشير بيشيل طبقه كامله من الجلد .. بيشيلها فعلا
يعني لو عملتي الجلسه يوم الخميس مثلا بيفضل وشك يقشر لحد يوم الاتنين او التلات لحد ماالطبقه اللي فوق كلها تتقشر
الاثار الحمرا والغاامقه دي مش بتحتاج جلسات كتير يعني بتروح من جلستين تلاته كده
انا كان عندي الاتنين والحمدلله :lol:
كان عندي اماكن غامقه مكان الحبوب وحفر كده
الالوان راحت تقريبا بعد جلستين والحفر طولت شوية تقريبا بعد 6 او 7
بس مش هينفع تعملي تقشير قبل ماتعالجي الحبوب يابنتي
هو اصلا حب الشباب انواع يعني .. لو النوع العادي الطبيعي بتاع البشر ده اللي تلاقي قبل البيريود حبايتين صغننين ده بيروح لوحده بس مع الاستمرار في غسل الوش بالميه الدافيه واستعمال صابونة الكبريت مرتين ومش شرط تستعملي معاه اي دهانات موضعيه
في نوع تاني تحسه ان الحبايه مكببه كده ومدفونة جوا خدك زي البلية كده
ده بقا لازم ليه علاج .. وانصحك تروحي تكشفي الاول
هبعتلك ع الخاص عنوان ورقم تليفون الدكتور .. واي حاجه عاوزاها في الموضوع ده قوليلي :lol:
انا خبره في علاج حب الشباب :lol:
وانا حاليا ساكنه في النعام بس ان شاء الله يعني هتجوز في زهراء عين شمس

dr.muslimah;13564190:

هو حقيقى رشا عملت حادثة ؟؟؟؟؟؟؟؟ظ
طب هى عاملة ايه دلوقتى ؟
بالله اللى يعرف عنها يقولنا ضرورى

هي رشا عملت حادثه؟؟؟؟؟؟؟؟؟؟؟؟ سلامتها الف سلامة دي لسه رانة عليا اول امبارح سبحان الله

بنات كان في حد بيسأل عن حب الشباب
حب الشباب علاجه بيبقى بيتاخد مضاد حيوي فعال مع الباكتيريا المسببة له
ومرهم او كريم عشان الحبوب نفسها
طول ماهي مجمعه وعامله راس بيضا او سودا كدا
وبعد ما الحبوب تروح بنبدأ نتعامل مع الاثار
ونصيحة محدش يحاول يفضيها ولا يلعب فيها نهائي
بتسيب اثر وبتعلم + انها بتنقل البكتيريا الي فيها للمنطقة الي حواليها فبتظهر تاني
وهي كدا او كدا فترة وبتعدي وكلنا بنمر بيها
بس لازم نتعامل معاها صح
يعني ممكن تشوفي غسول كويس يكون بينضف بشرتك من الدهون وتستخدميه
وتتابعي مع دكتور كويس..بس العلاج الصح بيبقى بالتلات محاور دول
غير ان انا خلاص بمتحن اخر امتحان ليا ف طب...:) انا كان ليا صولات وجولات ف علاج حب الشباب
وماشاء الله خبرة ههههههههههههههه ماسبتش دكتور الا ورحتله ومفيش حاجه الا وجربتها وصرفت عليه دم قلبي...اقصد قلب بابا وماما ههههههه
وبجد بقى
ماراحش الا لما طنشته هههههههههههه

مشمشة.;13565742:
شكرا ليكى حببيتى انا خلاص استعوضت ربنا فيهم

عايزة اجيب تابلوهات مودرن اجيبها منين

انا جبت اتنين من درب البرابرة وكانوا حلوين :) الحمد لله

عسولة عمرو;13567930:
كنت عامله اقتباسات كتير وطارت
ميراميا شكرا ياحبيبتى بس انا اقصد بتحطى المواضيع تحت ازاى من التوقيع معتقدش منين بقى
نانو اهلا بيكى ومبرووك ياعروسه والله بفرح اوى لما بشوفك موجوده معانا قوليلى بس سعر التلاجه واغساله ايه؟؟ عشان ان شاء الله ناويه بردو اجيب ال جى تلاجه بس غساله لسه ما استقرتش بصراحه
مش فاكره ايمو كانت بتتكلم عن السافلون مش فاكره بقى كنت عايزه اقول ايه اه شوفتيهم فين ارخص من حمام التلات اصل انا نزلت عندنا هنا فى السويس مكنتش لاقياهم وبعدين لاقيتهم عند راجل دا اغلى واحد فى السويس التلاته 18,20,22 عاملين 435ج فا تقريبا كده غاليين حد جابهم ارخص من كده ولو فى حد جاب من مركاتو يقولنا او شاف اسعارهم
قرانيه اللحاف ماشاء الله جميل تتهنى بيه يارب وعقبال ما تفرشيه فى القريب العاجل
هوبا بودى كنتى بتسالى على اللحافات ممكن تدخلى على موقع فوربد او كالرز فى لحافات حلوه ومش غاليه اوى كده
مكرونه شكرا ليكى ياحبيبتى وعلى ردك بخصوص المخدات
والله يابنات اعذرونى كان فى ناس كتير هرد عليها بس كله طااااار
مبروووك لكل عروسه جابت حاجه او حددت ماد فرحها وعقبال الجميع
انا شايفاكو بقى بتتكلمو على البيجامات بتاعت العريس هو بقى لازم اجيب ايه والبجامه دى عباره عن ايه ردو مش تطنشونى
وكمان حد يقولى اجيب لحاف ايه كالرز ولا فوربد ولا المجد حد جرب حاجه من التلاته؟؟؟

نصيحة من اخت...خبرة 4 شهور ف الجواز
بلاش تجيبي المقاسات الي ورا بعضها دي
ف التيفال بالذات
لانك بتحتاجيه ف حاجات معينة
محشي..رز ..كدا يعني
فهاتي مقاسات فارقه عن بعضها شوية يعني 18 و 22 و 26 مثلا
او 16 و20 و24
انا بعمل نص كباية رز والله ف المرة
والحلة بتاعتي الصغيرة 18 باين او 20 مش بيبقوا باينين فيها
وهي الي بعمل فيها المحشي برده
الاكبر منها تقريبا واحده استخدمتها مرة كنت عامله كمية اكبر
والباقي بكيستهم


بنات....باركولي :o:o:o:o
الحمد لله في نونو جاي ف السكة :o:o:o:o:o

asma_moaa22;13568366:
نانوو الف مبروك يا قمر وبجد احلى حاجة عملتيها التقرير اللى بتكتبيها لانى بجد حاسة انى تايهة وقرفانة

من كل حاجة قوليلى هو بوتجاز ايديال ده وحش لانه جالى هدية وانا هتجوز ان شاءالله الشهر اللى جاى

فخايفة منه ايه رايك فيه!!!

س/ اجيب كام قميص نوم ؟؟مع انى مش بحبهم بحب الاقطان القصيرة والبديهات الحملات

فينفع مجبش قمصان كتير واكتر فى الحاجات دى ولا ايه

kitty_kity;13568978:
هي رشا عملت حادثه؟؟؟؟؟؟؟؟؟؟؟؟ سلامتها الف سلامة دي لسه رانة عليا اول امبارح سبحان الله
ف

بنات....باركولي :o:o:o:o
الحمد لله في نونو جاي ف السكة :o:o:o:o:o