Roka85;13554055:
ازيكم يا أحلى بناتيت و يا أحلى عرايس بجد في الدنيا .... بصو بجد انا اول مرة في حياتي اشارك في أي منتدى .......... وحتى عمري ما حبيت الشات ولا تفاعلت معاه ... بس انا بقالي بتاع شهرين عماله اتفرج كده من بعيد لبعيد .... لحد ما بجد اتعودت عليكو وحسيت ان في هنا اصحاب كمان بينهم حاجة كبيرة وحلوة أوي مشتركة ... بجد ادمنتكو .... مبقتش اعرف انام من غير ما اشوفكو بتقولو ايه ..... وكتييييييير أوي بلاقي اجابات على اسئلة عندي :)))))) ...... ف لاول مرة قررت اقتحم واشارك ,,, لا وكمان اكتب بالعربي ..... :)))))
أعرفكم بنفسي الاول ... ممكن تقولو علي يعني تقريبا عروسة أنا مخطوبة بقالي سنة الا شهر ... والحقيقة ما بداتش موضوع الجهاز ولا أي حاجة تخصه قبل كده غيلر من 4 شهور تقريبا ... فاعتقد ان يعني خبرتي مش واسعة زيكو يا بناتيت ما شاء الله :))))) ... أنا فرحي يا بناتيت المفروض ان شاء الله يبقى في شهر 2 الجاي .... امتى بقى بالظبط الله اعلم للاسف لسه محجزناش ... عشان مقضينها ... خناق خناق خناق .... لحد ما خلالالالالالالالالالالالالالاص جالي صداع جالي قراع على رأي الراجل في الفيلم الي مش فاكرة اسمه ده :)))))
تفتكرو ده طبيعي يا بنات ؟؟؟؟؟؟؟؟؟ :(((((((
عايزة اجاوب على سؤالين كده عشان ابقى عضوة فعالة :)))) كان فيه حد من زمان كده بيسال على هوVictoria secret productsفي فعلا محل ليهم هنا في مصر في شارع بيروت مصر الجديدة ... تدخلي من شارع الحجاز بعد ما تخلصي سور الميريلاند قبل فرع اتصالات علطول هتلاقو يافطة يمين مكتوب عليها ش بيروت اول ما تدخلو مفيش كام متر كده هتلاقوقوه على الشمال المحل بينزلولوه بسلم كده ولونه Pink >>>>>
كان فيه سؤال تاني حد كان بيسأل في محلات بتبيع الCostumes Lingerie اااه يا بنات انا اعرف محل عسول اوي اسمهHana women's wear هو في بطرس غالي (روكسي) اخره خالص بعد السنتر الي فيه الاستاذ فيه السنتر الي كان فيه وندي زمان .. هو جنبيه علطول محل لبس اسمه Expensive ..... بس ده فعلا عنده حاجات لطيفة اوي امريكى وصيني وفيه حاجات اسعارها لطيفة جدا.....
مش عارفة انا رغيت ولا ايه بس بجد حبيت اتعرف عليكو واقولكو كلكو ربنا يباركلكو ويهنيكو يا أحلى عرايس ياااااارب ...
طبعا بما اني مستجدة ف انا مش عارفة كده ابقى خالفت القوانين او لازم اسظال او لا بس سوال ميضرش برده .. حد يعرف أجيب منين سابو بكعب شفاااف .. زي الي ال models كلها لابساه في كتاوج جويا و اوليفيا .... حد يعرف ... ؟؟؟؟؟؟؟؟
اهلا بيكي معانا يا جميلة نورتينا..
وانا زيك برضه كده كنت اول مرة اشارك في منتدي بس الصراحة لما شفت كلامهم مع بعض
اتشجعت جدا اني اشارك معاهم وهما الصراحة مش بيقصروا في حاجة واستفدت منهم كتير الحقيقة :016::016:وبعتبرهم اخواتي لاني معنديش اخوات بنات..... ان شاء الله يفيدوكي في كل اللي انتي عاوزاه F:
وانا اللي كنت بسأل علي victoria secret:D
ربنا يخليكي يا قمر افدتيني بجد....
وربنا يتمملك علي خير وتحددي معاد الفرح قريب ان شاء الله F:
والسابوه اللي بكعب شفاف اعتقد عندكم في روكسي محلات فيها اشكال والوان من الجزم والصنادل والسابوهات... انتي بقي اللي تفيدينا:D
te amo;13554058:
انا نزلت اشتريت بجامة صيفى 60 وجبت 2 شورت القصيرين مش هوت شورت اطول شوية نازل نوع صينى بس خامته ناعمة زى خامة كارينابس انعم والوانه تحفة عليه كتابة ورسومات عسل جدا 10 وجبت سوفت برا برده خامته حلوة اوى احلى من بتاع كارينا وناعم اعتقد صينى لانى جبته من نفس المحل 10 وجبت 2 طقم لانجيرى زى بتوع فيكتوريا سيكريت هوزى المايوه بس مربوط ببعضه بكم حاجة كده انا مش عارفة اوصفه بس نصيحة تجيبوه وهم فى اللبس انا مش عارفة انزلكم الصور بس اللى عاوزة انا ممكن اوريكم على الموقع الاشكال اللى جبتها جبت الاسود وشكل تانى التيجر هو جرى شويتين بس ممكن بعد كده وفى طقم لانجيرى امريكى هجيبه من كوكى شوفته 120 وده جامد جدا صحبتى كانت جايبه وعباية استقبال بيضاء
انا شوفت البرا بيبقى الضهر فيه حلقات معدن كده ؟ اجيبه ولا مالوش لازمه هو ينفع لو هنلبس حاجة ضهرها مفتوح
te amo يا قمر ...مبروك عليكي مشترياتك يا جميل :celebrate:
بس مقولتيش جبتي منين الحاجات دي؟؟؟
وانتي تقصدي كوكي بتاع اللانجيري اللي في شهاب ولا حاجة تانية
والطقم اللي بتقولي عليه زي المايوه ده اللي بيبقي نازل منه كده شرايط وبتتربط في شراب ولا انتي تقصدي ايه بالضبط ^o)
ياريت لو عرفتي تصوري الحاجة ابقي نزليها
يا قمر ماشي؟؟