»¤‡° تجهيزات عرائس لشهر ذو القعدة 1431 - 2010 م / الجزء = 153 °‡¤«

human being;13528963:
انا عايزة ادخل فى اللسته انا كماااااااااااان :)

ان شاء الله هيبقى 26-11

ادعولى اخلص اللى وراااايا

عشان انا حتى مش خلصت امتحانات لسه

:)

بنات انا رحت معرض وزارة التضامن الاجتماعى وده تقريرى
اولا المعرض عملاه مراكز تدريب مهنية ومكتوب على كل بارتشن كده
ثانيا ان الاسعار المكتوبة فى الجرائد طلعت وهم يعنى انا مثلا اوضة النوم الى عجبتنى كانت ب 10250 والجورنال كان قايل ان عفش الشقة كله ب 10000 طبعا انا مكنتش هاجيب كده بس رحت عشان اخد فكرة
بس الى عجبنى فى المعرض 2 اوضة نوم ومفيش اى سفرة عجبتنى لان كل حاجتهم فى السفر استيل وكمان فيه انتريه واحد بس عجبنى شوية كان ب 3750
المهم مشيت من المعرض زعلانه قلت لماما تعالى نروح معرض جهاز العروسين عشان اجيب عباية سورى دخلت لقيت العبايةحلوة اوووى سالت بكام ياعم قال ب 600 و700
:-o:-o:-o طبعا مشيت ومش جبتها بصيت لقيت القصر الاخضر عامل برتشن هناك وانا اصلا بثق فى حاجته اووووى لقيت اسعاره حلوة اوووووى اوضة النوم ب 9 و 10 الاف والانتريه ب 5000 والسفرات بقى اسعارها احلى
المهم انا جبت السفرة وحجزت انتريه مع انى لسه محددتش خالص بس قلت افرح نفسى شويه هههههه عبيطة صح اول لما استلم هصورلكو الحاجة بس بجد يابنات الى محتاجة سفرة مودرن تروح على طول انا كمان لما اخترت السفرة خليتو دخل عليها تعديلات وبعد 3 ايام هروح اشوفها ع الكمبيوتر عشان ينفذ على كده
معرفش انا كده مخالفة ولا ايه وكنت المفروض اكتب فى استفسارات الديكور بس انا قلت والله افيدكو واى استفسار انا تحت امركو بس بقى والنبى والنبى ادعولى ربنا يعدى الايام دى ع خير ويفك النحس ونتجوز

السؤال بقى انا عملت فى السفرة مربعات احط فيها ايه غير الورد والكريستالات والاطباق الشوك عايزة حاجة جديدة يابنات؟؟؟

Dodo ماشاء الله يا حبيبتى حاجتك جميلة جدا تتهنى بيهم يا رب

شكرا للإيضاحة على القميص الابيض بس عارفة يا ميرميرا انا حاسة انى حتكسف البس هوت شورت تانى يوم الصبح و يمكن تفكيرى يختلف بعد كدة

و فى قمراية حاطة صور ملايات بجد حلوين جدا و الملايات المشجرة بتدى بهجة للاوضة

بصو يا عرايس لما بيتشيلو هدوم الخروج صيفى و شتوى بتحطوا معاهم حاجة ولا لاء و بتطتبق ازاى؟؟

human being;13523367:
يارييييييييييت بجد تقوليلى العنوان والمكان

بجد ربنا يخليكى يا ساسو

كوافير نانا ودوشى تليفون 0105740182---- 26706570----0176565001 والعنوان 31 ش محمود سامى البارودى متفرع من حسانين هيكل (موازى لعباس العقاد)

زهرة برية سعيدة;13525562:

سؤال يا بنات هو المعرض الى اتفتح النهاردهده فى الصالة المغطاة ولا ارض المعارض وهل هو عفش بس ولا شبه اللى كان قبله لبس وديكورات وكده

المعرض الى فى الصاله المغطاة فيه عفش بس لكن المعرض الى فى ارض المعارض فيه عفش وعبايات ومفارش سورى ونجف مودرن تحفة اووووى وصينى و كاسات وحاجات النيش كلها ولانجيرى وملايات وطرح ومكيب

hasby_raby_77;13526579:
طب ممكن يا قمر تقوليلى كنتى جايباه منين الطقم اللى ليه ملايتين مشجر وساده

من عند الحناوى كانت ب 265 بس تستاهل

soshe;13527175:
معلش يا بنات سؤال هو سوق غزة جنب حمام التلات مش كدة طيب الأزهر فين بئا فى نفس المنطقة برده ولا لأ عشان عايزة اجيب الملايات من هناك

لا سوق غزة مش عند الازهر ده اتنقل من زمان ودلوقتى مكانه بعد غمرة يعنى انتى تركبى مترو وتنزلى غمرةوتعدى الشارع وتاخدى ميكروباص هينزلك ادامه
لكن شارع الازهر هو الى عند حمام التلات هتنزلى العتبة وتخرجى من ناحية المسرح القومى وتسالى وهتمشى حبة صغيرة

F:F:يا صباااااااااااح الخييييييييرF:F:
إليكم البيان التالى
يوم الخميس روحت ادفع اشتراك النت فى بى تك فرع الهرم عند نصر الدين
قلت يا بت تجولى شوية وشوفى الدنيا فيها اية اولا شفت كل انواع البيبى ليس والنات اللى كانت بتسأل فى بنوته هناك انتى بتقوليلها طبيعة شعرك وعايزة اية وهى اللى ترشحلك مكواه تنفع مع طبيعة شعرك
شفت كمان عرض انا شايفاه حلو اوووى عبارة عن كيتشن ماشين براون بس الصغير هو تمنه لوحدة 725 تقريبا المهم
كيتشن ماشين
مكواه ملابس
سيلك ابيل
غلايه مياه
محضر طعام
ب1500 بدلا من 1890
واسمه جهاز العروسه انا قلت اقولكو علشان لو يناسب حد
بعد كدة طلعت على النساجون الشرقيون اللى جمبه قلت اخد فكره برضة الدنيا فيها اية :D شفت فرش الحمام رووووووووووعه بجد فظيييييييييييع بس مكسوفة اقولكو انى نسيت السعر علشان سألت على حاجات كتييير بس بجد تحفة
وطبعا اتوهمت على السجادة بتاعتهم ام ورد بارز دى الواحدة ب 2500 وانا عايزة اتنين فى الريسيبشن يعنى 5000 متهيالى كتير بقى ولا اية مش عارفة ولسة بااااااقى الشقة
طلعت بقى على معرض مصنع 6 اكتوبر اللى عند الطالبية ملقيتش صوانى تقديم عجبتنى خااااالص بس عجبتنى سرافيس االسفرة الاستانلس هجيب منها اتنين ان شاء الله واسعارها حلوة وعليها10% خصم وشفت عندهم وياريت بقى تجاوبونى فى السؤال دة طقم قهوه كوبايات عربى كدة ازاز بالاطباق بتاعته والطبق ازاز برضة ورسومات بقى وحركات كان حوالى 67 جنيه عجبنى اووى مش تقليدى ينفع اجيبة وبلاش طقم القهوة التقليدى ولا لازم لو حد يعرفو ياريت يجاوبنى بلييز علشان اروح اجيبه النهاردة
وبعدين عيب اوى التقيم واحد هزوا شوية علشان بقى شكلى وحش :lol:

tota_10;13527354:


ميرسى يا قمر
هى الشوايه اللى شوفتيها حجمها كبير ولا صغير ؟؟ يعنى تكفى فرخه مثلا متقطعه 4 ولا اكتر من فرخه ؟؟

الشواية الى انا شوفتها صغيرة ممكن تاخد فرخة ونص مش اكتر من كده
وبالنسبة للفستان انا بنت خالتى كانت جايباه من اتليه فرحة فى عمارات العبور استايل امريكى مفهوش اى استرس وكانت عامله الفرح فى القصر الصغير فى الحرس الجمهورى وانتىا ممكن تكونى سمعتى الاضاءة هناك خافتة ازاى ومع ذلك الفستان وهم انتى ممكن تنزلى الاتليه تشوفى عندهم الاستايل ده

نور!;13528885:
عندي سؤال اجيب كام صينيه

basmatelislam;13530693:
بنات عاوزه اجيب المرتبه الجاهزه كنت هجيب هابيتات اللى هى فيها طبقه قطن كانت ب 1300 انا بصراحه مش فاكره المقاس بس هو مقاس سرير اوضه نوم عاديه مترين فى 160 حاجه كده

عندنا مجربين هابيتات وعاجباهم اوووووى وناس كتير فعلا بتشكر فيها وانا كنت هعمل زيك وانجد المخدات بس لاقيت ناس مجربين المخدات الجاهزة ومريحاهم فقلت اجيب كله جاهز

مشمشة.;13532134:
عندى سؤالين:1-عايزة اجيب نجف مودرن بس مش غالى اجيبة منين

2- لو روحت معرض الاساس اللى فى القاعة المغطاة لازم ادفع رسم دخول 100ج فعلا

ربنا يعوض عليكى ياحبيبتى وانا والله امبارح نزلت اجيب البلاستكات من هناك البنت فى المحل قالتلى دخلى السلسلة عشان اليومين دول فيه سرقات كتييير
المعرض ياقمر مالوش رسم دخول خالص وهناك هتلاقى نجف مودرن حلو اووووى من 400 ل 600 مستورد وواحد تانى عنده نجف صينى اسعاره حلوة اوووى انا سالت ع النجفة الى انا جايباها من درب البرابرة ب 160 لقتها عنده ب 140 وممكن يفاصل

fatomalove;13535347:
السلام عليكم ورحمة الله وبركاته
سؤال انا عاوزة اجيب الصينية بتاعتة الكيك اللي بتتفتح من الجنب دي مش عارفة الاقيها فييييييين بليز للي تعرف تقولي وجزاكم الله الف خير

انا جايباها من حمام التلات بس من فترة وكان طقم فيه 3 صوانى

.* اميرة *.;13521727:
زهرة نورما
انا كمان شقتى ان شاء الله هاتبقى كلاسيك فيما عدا الليفنج
بموت فى شياكة الكلاسيك البسيط مش اللى مليان اويم
عايزة ايه ونفكر سوا

حبيبتى حبيبتى حبيبتى
اه والله:D
انا كمان زيك بالظبط وبحب برضه الكلاسيك والاستيل الرقيق مش بحب زحمه الاويم ياريت نرتب افكارنا ونظبط مع بعض
انا ان شاء الله استقريت على شكل الصالون هاعمله حاجة شغل فرنساوى واخترت الفرنساوى لان الاستيل بتاعه هادى وناعم والاويم مش عالية ونظام ورد بقى وفل وتحسى انك فى مشتل ولون الخشب هادهنه الوان مط دهبى مترب او اوكسيديه مخضر او محمر بس القرار هاخده لما اشترى القماش علشان يليق عليه
سؤال بقى علشان المخالفة حارة اليهود فيها تحف كلاسيك ؟؟؟؟؟؟؟؟؟؟


بنات ايه احسن نوع lcd

Dodo555;13533601:

تقرير جامد جدا لكل البنات اللى كانت بتسال على الملايات المنقوشة اوك دى ملاياتى وشوية حجات كدة من جهازى

دى اللى كنت قولت عليها الحرية و 80من الازهر اوك

ة كيس مخدة من الملاية بس نسيت اصور الملاية

ويارب اكون افدتك انا جايبه شبيهه لدول من اسكندرية عندنا من معرض زهران

red roseee;13537562:

يا بنات يا حلوااااااااااااااات

بالنسبة لبطاقات الفرح الدعاوي يعني
هل هي انقرضت يعني بقت حاجة قديمة والكل دلوقت بيعزم بالتليفون
ولا لسة مستمرة ولازم

طب لو فيه هيا بتبقى على مين اللي بيعملها اهل العريس ولا اهل العروسة

لا ليه قدمت هى الناس بس اللى بقت تحب توفر
لان الجواز بقت مصاريفه عاليه اووى الله يكون فى عون الاهالى بصراحة لكن طبعا دى حاجة شيك وجميلة خاالص واجمد واحد فى مصر خطاب طبعا
وفيه مكان بيعملوا فى الدعوات فى المكان تقريبا اللى بيبيعوا فى حاجات السبوع بس مش فاكرة اسمه
والدعاوى على العريس لو هو ظروفه مش مناسبة وانتى عندك ناس عايزة تعمللهوم دعاوى اعملى عدد قليل مش هتحسى بالفلوس فهمانى للناس المهمين يعنى

انا زعلانة اووووى منكو كلكو عشان محدش باركلى ع السفرة والانتريه
وكل لما اقولكوا ادعولى محدش بيعبرنى
سؤال المخالفة بقى اجيب طقم الكاسات البوهيمى ولا فيه حاجات اشيك ؟؟؟؟؟

والله العظيم اقسم بالله ان خالى شغال فى الحاجات دى وقالى يونيفرسااااااااااال لا يعلى علية بس الكلاسيك ودخلنى المخزن وفتح الكارتين وورانى كريازى الجديد والقديم وقالى انة سعرة عالى لان الناس عملتلة سيط وكدة والناس بتروح على الغالى دايما وقالى ان تكنوجاز لو ببلاش متجبيهوش وقالى ان اى حاجة بالمحافظة هتبقى تمام وتفضل جديدة زى ماهى وانا كنت رايحة وناوية اجيب كريازى القديم ومرضيش يخلينى اجيبة جبت يونيفرسال كلاسيك خمسة شعلة وهوة 60فى 90 وربنا يوفقك ياقمر وانتى ليكى حرية الاختيار انا بس حبيت احكى تجربتى بما يرضى الله

منقول

زهرة نورما;13537224:
F:F:يا صباااااااااااح الخييييييييرF:F:
إليكم البيان التالى
يوم الخميس روحت ادفع اشتراك النت فى بى تك فرع الهرم عند نصر الدين
قلت يا بت تجولى شوية وشوفى الدنيا فيها اية اولا شفت كل انواع البيبى ليس والنات اللى كانت بتسأل فى بنوته هناك انتى بتقوليلها طبيعة شعرك وعايزة اية وهى اللى ترشحلك مكواه تنفع مع طبيعة شعرك
شفت كمان عرض انا شايفاه حلو اوووى عبارة عن كيتشن ماشين براون بس الصغير هو تمنه لوحدة 725 تقريبا المهم
كيتشن ماشين
مكواه ملابس
سيلك ابيل
غلايه مياه
محضر طعام
ب1500 بدلا من 1890
واسمه جهاز العروسه انا قلت اقولكو علشان لو يناسب حد
بعد كدة طلعت على النساجون الشرقيون اللى جمبه قلت اخد فكره برضة الدنيا فيها اية :D شفت فرش الحمام رووووووووووعه بجد فظيييييييييييع بس مكسوفة اقولكو انى نسيت السعر علشان سألت على حاجات كتييير بس بجد تحفة
وطبعا اتوهمت على السجادة بتاعتهم ام ورد بارز دى الواحدة ب 2500 وانا عايزة اتنين فى الريسيبشن يعنى 5000 متهيالى كتير بقى ولا اية مش عارفة ولسة بااااااقى الشقة
طلعت بقى على معرض مصنع 6 اكتوبر اللى عند الطالبية ملقيتش صوانى تقديم عجبتنى خااااالص بس عجبتنى سرافيس االسفرة الاستانلس هجيب منها اتنين ان شاء الله واسعارها حلوة وعليها10% خصم وشفت عندهم وياريت بقى تجاوبونى فى السؤال دة طقم قهوه كوبايات عربى كدة ازاز بالاطباق بتاعته والطبق ازاز برضة ورسومات بقى وحركات كان حوالى 67 جنيه عجبنى اووى مش تقليدى ينفع اجيبة وبلاش طقم القهوة التقليدى ولا لازم لو حد يعرفو ياريت يجاوبنى بلييز علشان اروح اجيبه النهاردة
وبعدين عيب اوى التقيم واحد هزوا شوية علشان بقى شكلى وحش :lol:

انا والله قيمتك اوك وبعدين لو انتى شايفة ان طقم القهوة واو وحلو اوى اتكلى على الله وهاتية اوك لان اصلا الحاجات اللى نازلة دلوقتى مش تقليدية خالص يعنى متخافيش لو عجبك اوى هاتية وانتى مطمنة

red roseee;13537562:

بسم الله ماشاءالله الله اكبر يا قمر حاجتك عسولة خالص تتهني بيها يارب

F:F:F:



مرسى ليكى ياقمر انتى وبنوتة تانية اللى عبرتونى بس وعقبال متتهنى انتى كمان بحاجتك
;13526441]البنوته اللى سالت عن طقم البهارات فى طقم بيبقى فى علبه كبيره فى 4 كبار اللى هو بتاع السكر والشاى وكده وفى اتنين لزيت وخل وفى 4 بردو صغيرين ولو عاوزه تجيبي اللى هم 3 مع بعض هاتى اتنين مثلا وممكن تجيبي للبهارات التانيه ستاند كده طويل وفى علب صغيرة

ويارب اكون افدتك انا جايبه شبيهه لدول من اسكندرية عندنا من معرض زهران

[/QUOTE]

قرآنيه;13537780:
والله العظيم اقسم بالله ان خالى شغال فى الحاجات دى وقالى يونيفرسااااااااااال لا يعلى علية بس الكلاسيك ودخلنى المخزن وفتح الكارتين وورانى كريازى الجديد والقديم وقالى انة سعرة عالى لان الناس عملتلة سيط وكدة والناس بتروح على الغالى دايما وقالى ان تكنوجاز لو ببلاش متجبيهوش وقالى ان اى حاجة بالمحافظة هتبقى تمام وتفضل جديدة زى ماهى وانا كنت رايحة وناوية اجيب كريازى القديم ومرضيش يخلينى اجيبة جبت يونيفرسال كلاسيك خمسة شعلة وهوة 60فى 90 وربنا يوفقك ياقمر وانتى ليكى حرية الاختيار انا بس حبيت احكى تجربتى بما يرضى الله

منقول

لا والنبى براحة كدة عليا وارسوا على حاجة عشان انا نازلة الاسبوع اللى جى عشان اشترية ها اية رايكم تكنو ولا كريازى القديم ولا يونيفرسال بجد حد يرد على السوال دة لحسن دى حاجة العمر

nosha_2000;13525860:

كلاسيك """""""""""جبتى من فين و لو ممكن تصوريه يارات اصل الشوفته ده الراجل قال ممكن يستخدم كشياله بسكويت برضه اصله لى عمود سلفير فى النص كده و الاطباق المكسرات مش لزقه فى بتتشال و قال 150 جنيه

جبته من مركاتو برضه وكانت لقاء هي اللى قالتلى على الاقطم دي وزي ما قولتلك كان ب 85

tota_10;13527354:
مســــــــــــــــــــاء الخير على القمرات
ازيكوا كلكوا يا حبيبات قلبى :adore:
انا بقالى يومين كل شويه خروج عشان ابتديت اخلى عندى دم وانزل بقا ادور على الفستان
واااااااااااااااه اسفاه
مش لاقيه اى حاجه عاجبانى
والنهارده كانت معايا ماما وخالتوا وكل مايقولوا على فستان حلو اقولهم مش مقتنعه
وزعقولى :'(
والبنت اللى فى المحل قعدت تضحك عليا
عشان قلتلهم هو انتوا بتزعقولى وانا بشترى الشبكه وبتزعقوا وانا بشترى الفستان
ولما اجى اشترى العفش هتعملوا فيا ايه
اصل انا فيا عيب فظيييييييييييييع بجد
مش بقتنع بحاجه بسهوله
حتى وانا بشترى دهب الشبكه كنت مجنناهم
كل شويه اختار حاجات رقيقه وتطلع خفيفه
وطبعا ده ماينفعش فى الشبكه
فيييييييين لحد ما لاقيت حاجه شكلها رقيق وهادى وفى نفس الوقت مش خفيفه
وبعدين انا عندى افكار كده مش عاجبه حد
مش بحب الفساتين او اللبس عموما يكون ملعلع :lol::lol::lol::lol:
وهما بيقولولى المفروض انتى عروسه وهتعملى فى قاعه لازم الفستان ينور .. يعنى المفروض يبقا فيه شغل او تطريز باين مش أوفر بس على الاقل باين
انا مش عارفه اعمل ايه ؟؟
حقيقى لو الفستان سيمبل ومش فيه تطريز وشغل هيبقا شكلى مطفى فى القاعه ادام الاضاءه وكده؟؟

ربنا يارب يا حبيبتي يتمملك بخير

بس مش وحش انك تتمهلي ف كل حاجة لكن الوحش انك

تكوني مترددة بلا سبب

انا رأيي انك تختاري اللى انتى عايزاه مهما كان شكله

المهم حلو عليكي ومقتنعه بيه وبس F:

tota_10;13527799:

سؤالى بقا
انا نزلت بطرس غالى وشوفت كام محل كده
شوفت محل برونيت لاقيت عنده اتنين كويسين عاجبننى شويه
وشوفت سنتر عنابه ده تقريبا اسمه كده
شوفت محل فى الدور الارضى بس هو اللى عنده فستان واحد عجبنى
حد عنده اى مقترحات لأى اتليهات تانيه فى روكسى انزل اشوفها عشان افكر فى كله بقا واستقر على حاجه
بس بجد جاوبونى مش تنفضوا
انا عارفه ان فيه كتير منكوا راح المنطقه دى وعارفها ;)

لسه عايزة انزل عندهم يا توتا ادعيلي

ملمحتيش اي حاجة بيضا عدله ؟ وياترى اسعارهم كويسه ؟

pretty_mai;13527837:


عندي سؤال ياريت لو فى بنات من الزقازيق ينصحونى مين احسن كوافير فيها و محل تأجير فساتين افراح بلدياتى بتوع الشرقية ارجوووووو المساعدة

اهلااااااااااااااااااااااااااااااااااااا اخيراً في حد هنا يونسني

انا من الزقازيق يا قمر

بصي هو ف الزقازيق دلوقتي مفيش غير لمسات وسهيلة

وفي كمان لبانيز فاشون ده عند مول مؤمن كده

والتأجير فيه النص الحلو وفي محل كده قدامه دول كويسين

والشارع ده كللللللله فساتين وربنا يارب يتمملك بخيرF:

pretty_mai;13527929:


سؤال انا رحت الاسواق الحرة و شفت الحجات الى فيها حسيت انها مش قوى وغالية :$:

و اطقم الصينى واصلة لغاية ال 8 الاف وشكلها وحش قوى هى ممكن تبقا صنع نضيف بس شكلها مش عاطفى :badly:

انا عايزة اجيب طقم صينى يبقا حلو و شيك وانا بحب المودرن الى بيبقا مربع ماما بتقلى لا مش عملى ف الاكل

رأيكم اجيب الصينى المربع ولا المدور التقليدى ؟؟؟؟

انا بتاعي مربع ومودرن جبته من محل اسمه الرشيدي ف وسط البلد

في شارع اجزخانة مصر لو تعرفيه ب 1400

وماما قالتلى ان نازل اخوه عند محل اسمه السنان قدام مديرية الامن

جمب محل غريب مجاهد

سلمى 16;13529108:
اهلا يا احلى عرايس
بشكر كل القمرات اللى ردوا عليا بخصوص السكاكين و إن شاء الله حجيب فرادى صغنين و كبار

و فى عسولة حاته قمصان نوم شتوى بالروب بتاعها بجد بسم الله ماشاء حلوين قوى تتهنى بيهم يا قمر

بنات امبارح كنت فى فرح واحدة اعرفها بصوا بقى العروسة ديه كانت كسولة جدا و قعدت 3 أيام قبل الفرح متنمش عشان تخلص حاجتها انتو متخيلين كان فاضل على فرحها 10 أيام و مكنتش جايبة ولا قميص نوم واحد و يوم الحنة قضته كله فى الشارع معملتش حنة و يومها الصبح عملت حمام مغربى و سويت جسمها كان ملتهب جدا جدا و ووجعها جدا وكمان ليلة الفرح مامتها و خالتها هما اللى راحو فرشوا هى مكنتش تعرف اى حاجة و لا تعرف حاجتها اترصت فين و يوم الفرح بقى عينها كانت محلقة و شكلها كان مجهد جدا

بنات بجد محدش يسيب نفسه كدة دى نصيحة

و فى بنوتة بتسأل على الطاسات هاتى 4 مقاسات مختلفة

بصو يا قمرات عندى سؤال ملح هو القميص الابيض بالروب ده بيتلبس لما بروح و لا يوم الصباحية الصبح ؟؟؟ و سؤال كمان اكثر الحاحا للعرايس اللى اتجوزو الاروان ديه مهمة و القمصان النوم بالروب دول مهمين ولا لاء؟؟؟

ربنا يتتملنا جميعا على خير و يرزق العازبات بالازاج الصالحة ياللى بسعدوهم

ازيك يا سلمى وحشاني وانا بجد بحبك ف الله مع انى معرفكيش F:

صح يا سلمى والله نصيحة ف الجون وبجد ده اللى بحاول اعمله

نفسي يبقى عندي وقت كبير انا وزوجي نسترخي قبل الجواز

يبقى يادوب على يومين الفرش وخلاص الباقى بقى اظبط نفسي فيه

ربنا يكرم ان شاء الله واقدر اعمل كده :)

وبالنسبة لقميص النوم ده علشان لما ترجعي من الفرح وبراحتك

مش ضروري يكون ابيض وعن تجربة المتجوزين قالوا ان القمصان

اللى بأرواب دي ملقهاش اي لازمة انتى ممكن لو احتجتي

تلبسي روب البسي الروب المنفصل اللى هتجبيه لوحده عليه عادي

tmatimo tmtm;13529975:
بنات سوال ضروري معلش هوا احنا بنجيب كام طقم حلل وايهه الانواع ينفع استانلس وتيفال فقط ولا قليل كدا ؟؟؟؟؟؟؟

لأ مش قليل كفاية اوي كده انا عند المونيوم وصاج ومش عايزة اخدهم

اصلاً وحاسه ان ملهمش اي لازمة

baata;13530731:

يويو حبيبتي معلش والله لسه مش نزلت علشان اسال الاستوديو علشان مشغوله مع اختي في حاجاتها مش تزعلي مني F:F:F:

يابنتي ولا يهمك

انا بس عايزة اعرف الاستديوهات عامة اقل بكادج ممكن يبقى بكام

وايه الاوبشنات بتاعته علشان لو كده هاظبط حاجة عندي هنا وخلاص

زهره بريه;13532033:

السلام عليكم
ازيكم يا بنات
انتى فين يا مووووووووووووده وحشتينى
رحت النهارده اشوف مطبخى لقيت المطبخ لون تانى غير اللى اخترته مفيش حل يا بنات غير انى اعيد من الاول ولا اسلم وخلاص بالامر الواقع ؟؟

قدر الله وماشاء فعل بس بجد مقهووووووووووووووووووووووووووره اوى:'(
سؤالى التانى

محتاره بين تلاجه ايديال ايبرنا ايطالى وتقفليها تركى
وبين الال جى والوايت ويل ايه رايكم يا بنات عايزه ترشيحات كتير وجواب نهائى واللى تجاوب ادعيلها دعوه حلوه :(

لو لونه مش وحش وصعب يتغير خلاص معلش تتعوض ان شاء الله

انا لسه جايبه من يومين وايت ويل 16 قجم سيلفر تقفيل اوروبي

والحمد لله مقتنعه بيها جداً وال جي برضه ماركة محترمة جداً

مكرووونة;13535722:

كلاسيك
انا شفت زيهم فى مكتبة بتبيع حاجات لطلبة تربية فنية و كدا
اسمها كاميرا 9 فى الدقى جمب محطة مترو البحوث
لو ينفع تروحيها اوصفلك العنوان بالضبط

ماشي يا حبيبتي اوصفيلي علشان لو رحت قريب من هناك ان شاء الله

وقوليلي صحيح انتى نظام فرحك كان ازاي ؟

لسه معرفتيش حد يعمل نوتياج اقل شوية من 350 ؟؟؟



ساسو


مبارك عليكي يا قمر العفش اللى حجزتيه وتتهني بيه يارب

ومنتظرين الصور بس ف الديكور ان شاء الله



والبنات اللى حاطيت صور حاجتهم تتهنوا بيها يارب



نوجي


انتى مختفية فين يابنتي انتى ولاسبوزا ؟؟؟



اه صحيح يا بنات الحمد لله انا جبت الاجهزة جبت


تلاجة وايت ويل 16 قدم سيلفر تقفيل اوروبي


غسالة وايت ويل 6 كيلو ( ملقتش 7) حلة من جوه استنلس

سيلفر بس تقفيل مصري


بوتاجاز يونيفرسال اربعة شعله 60 في 60 بحوامل زهر ( دايموند)


باركولي بقى :D



بنات انا عايزة بتاع ستااااااااير مش لازم واو بس يكون كويس

ونضيف دي اهم حاجة وياريت في الجيزة علشان يكون قريب مني

انا عامة هاعمل الستاير ان شاء الله عادية مش فيها شغل خالص

قرآنيه;13538236:

مبااااااااااااااااااااااارك ياكيلاسيك على الاجهزه عقبال يارب لما نستقر احنا كمان

انا بابا زهق منى وانا عماله ااجل فى شيراهم لغايه مستقر

الله المستعان


هو ايه البتاعه اللى انتى حاطه صورتها دى
دى لللتوابل ولا الككسرات

الله يبارك فيكي يا حبيبتي يارب عقبالك يارب F:

ده طبق مكسرات ممكن تشيلي الاطباق الصغيرة دي

ويبقى سرفيس عادي او طبق تحطي فيه اي حاجة وتغطيها

* كلاسيك *;13538269:
الله يبارك فيكي يا حبيبتي يارب عقبالك يارب F:

ده طبق مكسرات ممكن تشيلي الاطباق الصغيرة دي

ويبقى سرفيس عادي او طبق تحطي فيه اي حاجة وتغطيها

قرآنيه;13537780:
والله العظيم اقسم بالله ان خالى شغال فى الحاجات دى وقالى يونيفرسااااااااااال لا يعلى علية بس الكلاسيك ودخلنى المخزن وفتح الكارتين وورانى كريازى الجديد والقديم وقالى انة سعرة عالى لان الناس عملتلة سيط وكدة والناس بتروح على الغالى دايما وقالى ان تكنوجاز لو ببلاش متجبيهوش وقالى ان اى حاجة بالمحافظة هتبقى تمام وتفضل جديدة زى ماهى وانا كنت رايحة وناوية اجيب كريازى القديم ومرضيش يخلينى اجيبة جبت يونيفرسال كلاسيك خمسة شعلة وهوة 60فى 90 وربنا يوفقك ياقمر وانتى ليكى حرية الاختيار انا بس حبيت احكى تجربتى بما يرضى الله

منقول

بصي ياجميل موضوع البوتاجاز ده راجع ليمكي أنتِ يعني اختاري اللي تلاقي نفسك مستريحاله بس بصراحه يونيفرسال عنده بقاله 3 سنين يمكن ووحش جداااااااااااااااااااااااااااا تقريبا من ساعة ما جبناه مقعدش معانا كام شهر وبعد كده ابتدى يبقى وحش خالص يعني الشعله بقت ضعيفه جدااااااااا و الفرن مش بيسوي الحاجه كويس خالص
أنا والله مش عارفه البوتاجاز بتاعنا هو اللي بيحصل فيه كده ولا يونيفرسال كلها كده
أنتِ صلي استخاره وتوكلي على الله وان شاء الله تجيبي حاجه كويسه

Dodo555;13537990:

يا بنات يا حلوااااااااااااااات

بالنسبة لبطاقات الفرح الدعاوي يعني
هل هي انقرضت يعني بقت حاجة قديمة والكل دلوقت بيعزم بالتليفون
ولا لسة مستمرة ولازم

طب لو فيه هيا بتبقى على مين اللي بيعملها اهل العريس ولا اهل العروسة

بصي يا دودو بطاقات الدعوات بجد بتبقى حلوه اوي اوي ومش حاجه قديمه خالص بس دلوقتي الجهاز بياخد مصاريف كتير أوي وعلى ما يجي وقت الفرح وتيجي تعملي الدعوات بتكونوا فلستوا فالناس دلوقتي بقت تلغي البطاقات دي بس طبعا كل واحد حسب ظروفه يعني لو تقدري تعمليها اعمليها وبتبقى جميله جدااا


لا والنبى براحة كدة عليا وارسوا على حاجة عشان انا نازلة الاسبوع اللى جى عشان اشترية ها اية رايكم تكنو ولا كريازى القديم ولا يونيفرسال بجد حد يرد على السوال دة لحسن دى حاجة العمر [/QUOTE]

تكنوجاز أو كريازي بلاااااااااش يونيفرسال خااااااالص

saso_mc;13537754:
انا زعلانة اووووى منكو كلكو عشان محدش باركلى ع السفرة والانتريه
وكل لما اقولكوا ادعولى محدش بيعبرنى
سؤال المخالفة بقى اجيب طقم الكاسات البوهيمى ولا فيه حاجات اشيك ؟؟؟؟؟

مبرووووووووووووووك يا حبيبتى مبروكين عليكى وتتهنى بيهم عن قريب ان شاء الله وعقبال ما تفرشيهم ;)
والدعوة ربنا يوفقك ويتمملك بخير وييسرلك امورك امين يارب العالمين
الكاسات البوهيمى الاصلى طبعا مفيش احسن ولا اغلى منهم بس طقم الكاسات الملون فيه بيوصل ل850 جنيه اللى عجبنى متتردديش

كان فيه بنت مش فاكرة اسمها قالت على ارفف تلاجة توشيبا انها مش بتستحمل بصى بقى
تلاجة توشيبا تحفة جدا ومستواها عالى فى كل حاجة بس موضوع الارفف دة زبااااااااااااااااااااااااااااااااااااالة وقدام عينى اكتر من حد فى عيلتى واصحابى كلهم تقريبا والله اللى الارفف بتاعتهم بلاستيك دى اتكسرت واتشرخت ومسندنها بحاجات لحد مايرموها ويشتروا واحدة جديدة
بلاااااااااااااااااااش تلاجة توشيبا ام ارفف بلاستيك والله على ما اقول شهيد
بالنسبة لبوتاجاز يونيفرسال هو حلو اووى يا جماعة وبيعيش ومفيهوووووووش اى مشاكل فى عيب واحد بسسسس
انه شعلته ضعيفة شوية يعنى الحاجة اللى بتستوى فى 10 دقايق يسويها فى ربع ساعه ةهكذاااااااا
وللمعلومة بقى اوعو تفتكرو ان فى منتج او جهاز مواصفاته كاملة بدون عيووووب كل حاجة وهاتلاقى فيها عيب بس انتى بتختارى على الاقل الانسب ليكى واللى يعيش اطول فترة
سؤال المخالفة بقى انا مش بلبس جلابيات اجيب كام ترنج شتوى ومنين اسعار حلوة وشيك ؟؟؟