»¤‡° تجهيزات عرائس لشهر ذو القعدة 1431 - 2010 م / الجزء = 153 °‡¤«

L O L Y;13451101:
بنااات ممكن حد بص يقولى النمرسى فين بتاع الاكسسورات ومستلزماتها وياترى اسعارة اية

RAINBOW2000;13450806:
التنضيف يا اشرى بتبان نتيجته فى ساعتها انا لما عملته حسيت بالفرق اووووى فساعتها هو اه يفضل يتعمل قبل الفرح بيومين او تلاتة بس ده عشان البشرة ترتاح يعنى بس مش لدرجة 10 ايام


بنات هو توكيل مولينكس فين ؟

Dodo555;13446284:
أم فارس مبروك عليكى الشقة البوتجاز احسن حاجة سمعت عنها تكنوجاز وبعدية على طول كريازى القديم اوك
الثلاجة سمعت عن وايت ويل وال جى وشارب وتوشيبا وهيتاشى جامدين اوى السخان الكهرباء احسن حاجة توشيبا وبعدية اوليمبك
المكواة باناسونيك حلوة اوى ومعروفة برضوا
نيجى بقى للمطبخ انتى عايزة اللى لونة فضى دة قبل ما يتلون دة مش حلو بس دة ممكن المتر فى حدود 650-750 اوك لكن لو هيدخل الفرن وياخد لون فضى حلو كدة ممكن 800-900 اوك
وماليش دعوة انا عايزة الجايزة اوك:thumbs_up::thumbs_up:

saso_mc;13446377:
مبروك ياقمر على تجهيز الشقة بصى احسن بوتجاز هو كريازى القديم وتكنوجاز والتلاجة ال جى وتوشيبا بيابين وهيتاشى والسخان لو غاز يبقى يونفيرسال ولو كهربا يبقى اوليمبك والمكواه فليبس عندنا فى البيت حلوة اووووى وخفيفة بس انا جبت ناشيونال الى هى روز فى ابيض
والمطبخ انا عاملة المتر فوق وتحت ب 1100 وده عشان معرفة بس فيه شغل عنده المتر فوق وتحت ب 1000 ج اى لون حتى لو فضى بس طبعا بيبقى رش فهمانى

Warde;13449245:

عايزة أخد رأيكوا فى حاجة أنا بفكر مجبش شنطة المعالق

هل ممكن أجيب 12 قطعة من المعالق والسكاكين والشوك لوحدهم تكون حاجه شيك كده، ينفع ده بديل لشنطة المعالق ولا هيكون صعب ؟

اكرمنى يارب;13450075:
سؤال يا بنات

هو فيه حلل استالس بتتباع فردانى

دارينيتا;13450982:
[QUOTE=

لا ياقلبي ولاتعب ولاحاجه خالص انا ياستي عملته عند مسيو عبده والباكيدج الكامل اللي اخدته بدون حمامات مغربي ب2800 والتنضيف لو هتعمليه منفصل مش عارفه كام بس والله كل اللي يشوفني يوميها يقولي قمر بمعني الكلمه حتي دوقتي لما حد يشوف الصور او يكون حضر فرحي ويزورني يقولي كنتي عامله ايه يابنتي في نفسك يوميها كنتي منوره جامد موت وبخصوص صور الحاجه مش عارفه مش راضيه تظهر ليه؟ وميرسي اوي ياقمر لكلامك الحلو



اه ياحبيبي ينفع وعاوزاكي انتي وكل البنات تاخديها قاعده
مفيش حاجه اسمها لاااااااااااااااااااااازم فيه حاجه اسمها المناسب ليكي ماديا ونفسيا واجتماعيا وكل حاجه وهقولك ازاي في بنات عاقله اوي وبتقول انها مش محتاجه 4 اطقم اطباق مشكل بين صيني واركوبال واركوبايركس وطقم عشاء والبلاوي دي بس وضعها الاجتماعي مايسمحش انها تطنش الكلام ده وفي بنات تانيه تاخدها من الناجيه النفسيه يعني اه تقدر تجيب الكلام ده وزياده ووضعها محتاج الرغي ده بس هي نفسيا شايفه انها هتقدر ترد علي اللي يعكنن عليها ويقولها مش جبتي الحاجات دي ليه والمساله كلها نسبه وتناسب وعلي حسب مقدره كل واحده في اللي هتجيب شنطه معالق ب15000 انتيك وفي اللي هتجيب ب500 صيني وزي الفل عندها والاتنين اسمهم عندهم شنط معالق
الخلااااااااااااااصه ماتربطيش نفسك باي عدد او رقم لاي شي شوفي انتي محتاجه وعاوزه ايه وهاتيه وبالله يابنات الكلام ليكم جميعا فككوا من الجمله العقيمه دي بتاعت لاااااااازم تجييبي عدد كذا وبتاع ومش اقل من كدا ومش اكتر من كده لان ظروف كل واحده مش زي التانيه واللي ينفع معاكي مش ينفع مع غيرك والله انتي ممكن تبقي انتي وجارتك عرايس في شقتين جنب بعض ويمكن اساسا ممكن تكونوا اخوات اصلا وهي جايبه سفره ب7000 وانتي ب17000 ظروف كل بنت مش زي التانيه والله ولو كانوا اخوات معلش رغيت كتير بس بجد النقطه دي تحديدا دايما البنات محتارين فيها وبحب اوضح لهم الي انا شايفه انه هو الصح وطبعا كل واحد حر في رايه :L:وتقبلي تحياتي

كلامك مظبوط يادندون وميه ميه وبخصوص الارواب الشتوي الاجابه كالعاده هتكون علي حسب استعمالك واحتياجك ياقمر زي ماقلنا

اكرمنى يارب;13450075:
سؤال يا بنات

هو فيه حلل استالس بتتباع فردانى [/
QUOTE]
اه فى عادى لو ايزه حله واحده حتى مش لازم تجيبى الطقم كامل
[QUOTE=زهره بريه;13448928]

السلام عليكم
ازيكم يا بنتوتات i miss u allllllllllllllllll

كنت عايزه اسال هو كل الافران الويت ويل طالعه بدون مروحه ؟؟ وياترى ايه فايدتها ؟؟

حد سمع عن فرن تركى اسمه luxel تقريبا واللى يعرف حلو ولا وحش ؟؟

جزيتم خيرا :L:

dandoona 2008;13451289:
النمرسي له فرع في المهندسين ش شهاب قدام ابو النيل وكلاب الدو وله فرع في عباس العقاد(18 ش ابو العافية امتداد عباس العقاد امام الحديقة الدولية وبجوار جزارة العربي) وله فرع في ميدان الجامع مصر الجديدة وفرع في الموسكي
والاسعار البنات تفيدك اكتر...

دي اماكن بوري سنتر اللي فيها توكيل مولينكس..

- 5 ش شريف وصبري ابو علم-وسط البلد-

- 26 ش مصطفي النحاس-مدينة نصر-

- 15 ا ابراج الحرية شارع 153-المعادي-

- 13 ش العراق متفرع من شهاب-المهندسين-

وفيه اماكن تانية واخدة توكيله..
-معرض القاهرة التجاري..204 المبني الاداري-جراج الاوبرا-

-شركة الرجاء للتجارة..33 ش القصر العيني

-شركة الشرق الاوسط..7 ش حمام التلات-الموسكي-

-مودي هان للالكترونيات..98 ش 9 المعادي

مدام/اشرى;13446483:

ربنا يخليكى يا موزة

وبلاش حكاية العين الحمرا دى من اولهااا بدل ما هو الى هيوريكى :mad:
وكويس ان الشقة عجبتك ربنا يخليكى عقبال شقتك يارب تبق احلى واحلى
وخلى بالك من الديتيلز فى المطبخ بذاااااااااااااااااااااات لانها بعدين هتريحك انتى بجد خاصا ترولى الزيت واعملى درفة طويلة للصوانى مهمة بجد اووى وارفف كدة دلع من فوق وحامل الكاسات و اعلمى ترولى الزيت ميفتحش مع الدرفة لا خلى الدرفة تتفتح لوحدها وبعدين تشدى الترولى
اى خدعة اووى قوليلى بقا هتعلمى المطبخ احمر بس ولا هدخلى لون معاة؟؟ على فكرة لو هدخلى زى البيج مع الاحمر هيبق تحفة بجد
وادى عنوان ظاظا فى مشاركة قديمة ليا هعملهالك كوبى وبيست
بنات انا عايزة اقولكوا على محل ظاظا الى فى الازهر دة
بجد المحل جامد اووى واسعارة فظيعةوعندة كل الحاجات الاوريجينال
كريمات-شامبوهات-حمامات كريم
مجموعة فورتينى عندة واسعار تحفة جداااااااااااا
العنوان بالظبط:427 ش بورسعيد -الموسكى
بصوا هتدخلوا ش بورسعيد وامشى فية على طول لحد ما تلاقى كوبرىالمشاة دة لو انتى جاية من ناحية المسجد هتلاقى المحل على ايدك اليمين
انا صورتلكوااليافطة بتاعة المحل هو المحل دور تانى

زهرة برية سعيدة;13447351:

ياترى ممكن اعرف كنت جايبة الصابون ده منين انا نفسى فيهاوى ومش بلاقيه غير بيتباع على النت :'(

دارينيتا;13447151:

اول اختراع بجد طلع يهوس اووووووووووووووووووووي ومش بستغني عنه في تحضير الاكل هو
ده
Flavorwave Oven

سؤال الحلقه بقي
عاوزه عساله اطباق حلوه وفي حدود 1500 وتكون صغننه مش كبيره اوي ياتري ترشحولي ماركه ايه علي فكره يابنات عساله الاطباق ماطلعتش رفاهيه دي طلعت قمه الاساسيات يابنات والله واللي يقول غير كده اعتبروه بيهزززززززززززززززززر :mad::mad::mad::mad::mad:

L O L Y;13451101:
بنااات ممكن حد بص يقولى النمرسى فين بتاع الاكسسورات ومستلزماتها وياترى اسعارة اية

ام فارس2010;13451697:
تسلمى ياجميل بس انتى كدا قوالتيال كل انواع التلاجات ههههههههههههههههههههه والجايززه اكيد وصلتك ياجميل




يعنى ايه رش يا جميل؟؟؟ تيب يابنات محدش يعرف اسعار الاجهزه؟؟

وجايزتك وصلت ياقمر

yaya7;13454306:
ازيكم يابنات انا يايا ومقبلة على الزواج واريد مشاركتكم فى مواضيع

yaya7;13454306:
ازيكم يابنات انا يايا ومقبلة على الزواج واريد مشاركتكم فى مواضيع

جميله..محمود;13447257:
نداء عاجل الي مدام اشري ..... مش عارفه اشوف شقتك خالص كل مافتح اللينك يقولي ليس لديك صلاحيات لدخول هذه الصحه بجد هاتجنن واشوفها من كتر ما البنات بيشكرو فيها ماشاء الله ربنا يباركلك فيها

شوفيلنا حل يا شرشر اوك؟


كمان يا بنات عاوزه اعرف هو فيه غساله اسمها ايديال اليليت اصلي سمعت انها بتنضف اكتر من ايديال زانوسي وسعرها كان300 وكمان
ايه رايكم في تلاجه ال جي ال18 قدم؟؟ ......قولولي بسرعه علشان عاوزه اجيب الاجهزه بجد يا بنوتات

dandoona 2008;13448023:
تسلمي يا جميلة عالتقرير الجامد ده:thumbs_up: وتم التقييم

متهيألي 1800 مناسب اوي


اشري دايما مشاركاتك مفيدة بجد ربنا يسعدك انتي وجوزك:) ومستنيين نصايح اكتر
هي فين صور شقتك دي انتي منزلاها فين :!!:
وظاظا ده جبتي منه ايه بالضبط وحاجته فعلا اصلية؟؟؟


اولا مبروك عليكي حاجاتك تتهني بيها ياربF:
بس مفيش صور باينة خالص :woo:
ثانيا ميرسي لردك عليا بخصوص النساجون
وميرسي برضه لكتكوتة.. واضح ان فيه اجماع ان فرع مساكن شيراتون هو الافضل...هحاول اروحه ان شاء الله مع انه بعيد عليا :worn_out:

بخصوص غسالة الاطباق لا أفقه فيها شيئا :cool:
بس البنات بتقول ان وايت ويل 8 افراد حلوة اوي

اخرحاجة بقي ياريت تقوليلي انتي عملتي عند كوافير مين وفين والباكيدج عنده كام بالظبط
وكل التفاصيل:D بالتنضيف بكله
معلش هاتعبك معايا:o

Warde;13449245:
يعنى إيه تنضيف بشرة عميق ؟ بيتعمل فيه إيه بالضبط ؟

أشرى إنتى بتقولى إن اتنضيف العميق محتاج 20 يوم عشان يبان تأثيره وبعدين دارنتينا قالت إنها عملته فى يوم فرحها، طب إزاى ؟

^^^^^^^^^^^^^^^^^^^^^^^^^^^^^^

عايزة أخد رأيكوا فى حاجة أنا بفكر مجبش شنطة المعالق

هل ممكن أجيب 12 قطعة من المعالق والسكاكين والشوك لوحدهم تكون حاجه شيك كده، ينفع ده بديل لشنطة المعالق ولا هيكون صعب ؟

اة ينفع ونص كمان
انا عن نفسى جبت علبة نوعها نضيف كدة مكونة من 30 ق 6 من كل نوع ونوعها ما شاء الله حلو اوى لحد دلوقتى بصراحة هايلة معايا اهى صورتهااا



ومكنتش ناوية اجيب شنطة معالق لولا انها جاتلى هدية ورغم انى كان عندى عزومات كتير فى رمضان بس محتاجتش اكتر من الطقم دة وعمرى ما طلعت الشنطة دى لضيوف طلعتها لجوزى كدة دلع مش اكتر الخلاصة يعنى رائى 6 هيكفوكى ولو قلقانة من العدد يبق جمعى وهاتى طقمين وخلاص
بخصوص النتوياج بقااا
انا اول مرة عملتة قبل خطوبتى وكنت ساعتها حاجزة عند اسلام عبود المهم لما كلمونى عشان يحددوا معاد النتوياج الدكتور شافنى وقالى تيجى قبل الفرح ب اسبوع تمام
روحت بقا قولت ماسكين تلاتة هيضربهم على وشى وشكرا
اول ما دخلت بقا الاوضة لقيتلك بقا كانى رايحة لدكتور اسنان شازلونج وعدسة وجهاز عجيب كدة المهم اول حاجة بيشغل عليا جهاز بخار الاوزون اوزون فقط مش مية ها لان الاوزون بيساعد ان الجلد الميت يتشال بسهولة وبيعقم الخلايا كمان غير المية خالص لان بخار المية مضر المهم بقاا بعد الاوزون بشتغل فى وشى بقا بابرة شكلها مرعب طبعاا وبيفتح كل الحبوب البارزة تمام بيفتحها لحد ما ينزل منها سائل اصفر ( اعععععععععععع ) ومينفعش انة ينزل منها دم لان لو نزل دم دة معناة ان الحباية دى مكانها هيعلم لفترة اطول عشان كدة الدكاترة دايما بيحذروا انك تلعبى فى الحبوب لانك مش هتبقى عارفة تفضى الحباية بطريقة سليمة (( معلومات ببلاش اهى اكتبوا ورايا متقعدوش كدة هههههههههه))
ام المهم كل الحبوب اتفتحت واتنضفت بيشتغل بقا على البلاك هيدز ودى اكتر حاجة كان رخمة فى وشى بيطلعها احيانا بالابرة والاغلب بايدة (( طبعا لابس جوانتى وبيغيرة على كل جمب فى الوش))وانتوا طبعا عارفين المنظر لانى كتير بطلع البلاك هيدز عادى بنفسى لانة علمنى الطريقة ومش عايزة اقولكوا الى بيطلع بقا من منطقة الدقن ولا المناخير يااااااااااااااااااااااااااااااااى اخر ارف بصراحة :lol:ههههههه:lol:
بعد ما الوش كلها اتشلفط والى اتفتح اتفتح والى اتشال اتشال بيحط ماسك اسكرب حبيبات على الوش(( ماسكات الدكتور دة كلها طبيعية هو الى بيركبها بنفسة والماسك دة ماسك طحالب بحرية )) وبيسيب الماسك دة ربع ساعة كدة وبعدين بيشيلة بفرشة بالكهربااا كدة بيمشى بيها على الوش كلة وبعدين بقوم اغسل وشى بصابون سايل كدة (( مش بيريل مش عايزين هزار ههههههه )) بردو هو الى بيركبة وانا لحد دلوقتى احيانا كتير بروح اشترى منة ،
وبعد ما اغسل وشى يحطلى بقا ماسك ترطيب وماسك تدعيم ويارب ميطلعش من نصيبكوا الماسك المعفن دة الى بيحطوة ريحتة اعووووووووووذ بالله بجد بشعة موووت مكوناتة غريبة كدة بيتغذى على الميكروب الى بيسبب الحبوب حاجة اخر ارف
والله خلانى اقول حبوب حبوب بس اعيش
ههههههههههههههههههههه
وطبعا النتوياج دة مينفعش يتعمل كل 20 يوم ولا كل 15 يوم لا لا خااالص لان خلايا البشرة اصلا بتتجدد كل 28 يوم فهمنى والدكتور هو الى بيحدد تيجيلة تانى امتى ممكن يقولك شهرين ممكن شهر ونص انا اول مرة قالى تعالى بعد شهرين وبعد كدة قالى تعالى بعد 3 شهور وبعد كدة قالى مش عايز اشوف وشك تانى:lol: وبصراحة من ساعتها وشى عمرة ما رجع زى الاول ابدااااااااااا هى شوية بلاك هيدز مطرح الاتربة وبعرف اشيلها الحمد لله والكام حباية بتوع البيريود وبيروحوا تانى ولله الحمد وبصراحة بعد النتوياج الحتت الى مكنش فيها حبوب بتبق بيربرق بجد وتحسى كأن وشك كدة بيتنفس يا عينى
وفى احساس تانى معفن كدة بتحسى كانك عمرك ما غسلتى وشك بمية اصلااااااا:lol::lol: بجد بينضف
والى عايزة اى معلومات عن الدكتور دة هو اسمةوليد موسى ولية برامج فى التى فى وممكن بردو تسالو عنة ميرو 012 لانها هى كمان جربتة لانها كانت عند اسلام عبود بردو وبتشكر فية اوووى بس متنسوش انى انا اول واحدة جربتة والمفروض تدعوووووووووولى
ودى تجربتى مع النتوياج الى تستفيد تدعيلى بقاااا

dandoona 2008;13449490:
علي حسب معلوماتي بيبقي اسمه نتوياج
وفيه كوافيرات بتحطه ضمن الباكيدج بتاع الفرح
انا مش جربته بس تقريبا كده بيقعدوكي في حمام بخار عشان يفتح المسام ... وبعدين بيشيلوا الرؤوس السوداء اللي في الوش ويعملولك سكرب
للوش عشان يشيلوا طبقة الجلد الميتة ويجددوا خلاياه وبعد كده بيحطولك ماسكات ترطيب
ده اللي اعرفه.. وبرضه البنات اللي جربت تفيدنا اكتر
معرفش اذا كان ده مخالف ولا ايه بس احتياطي اجيب كام روب شتوي؟؟

مكرووونة;13449757:
بتاعى يونيفرسال مسطح بيلت ان خمس شعل غاز
مقاسه 75 فى 60
امان كامل و مفاتيح استلس و حوامل زهر
ب 1400
حلو اوى الحمد لله و عاجبنى
بس لو عندك مساحة اكبر فى مطبخك هاتى ال 60 فى 90 حيكون افضل و اريح
بس دا جميل و الرخامة بتاعت المطبخ حوله مريحه فى الاستعمال



الفرن يونيفرسال بيلت ان 60 فى 60
غاز و الشواية كهربا
و فى مروحة توزيع الحرارة
امان كامل و اشعال ذاتى
مش بستعملوا كتير عشان اقولك ممتاز و لا لأ
بس الكام مرة اللى شغلته كان كويس و تمام
سعره 1600

RAINBOW2000;13450806:
التنضيف يا اشرى بتبان نتيجته فى ساعتها انا لما عملته حسيت بالفرق اووووى فساعتها هو اه يفضل يتعمل قبل الفرح بيومين او تلاتة بس ده عشان البشرة ترتاح يعنى بس مش لدرجة 10 ايام


بنات هو توكيل مولينكس فين ؟

Dodo555;13433724:
السلام عليكم ورحمة الله وبركاتة
انا عضوة جديدة هنا مش جديدة اوى بس بتابع معاكم على طول من بعيد لبعيد والنهاردة
قررت انى اشارك معاكم خصوصا انى مخطوبة وبجهز برضو
الف الف مبروك لتوتا وربنا يتمم لها على خير يارب
ومبروك لمشتاقة الى الجنة ربنا يارب يتمم للك على الف خير ياجميل
وبرضوا تميمة (رشا) مش بقولكوا متابعة من زمان اوى وعلى فكرة ورق الحائط تحفة
ونونا تقريبا مبروك برضوا وربنا يسعدك يارب
معلش بقى لو نسيت حد تانى بس دول اللى متذكراهم دلوقتى

سؤال المخالفة
أجيب كام قميص نوم؟؟؟؟

مشتاقة الى الجنة;13432376:
ازيكم يابنات وحشتووووووووووووونى كتير والله بدون ذكر اسماء بسلم عليكم بنوته بنوته
تميمة صديقة كفاحى خلاااااااااااااص ياعمرى ادعيلى
ادعولى بجد ورايا حاجات كتير ولسه مش خلصتها والفرح الجمعة الحمدلله فرشنا الشقة النهاردهخ هجيب المرتبة عشان عملنا مقاس مخصوص جبتها يانسن والستاير ادعولى تيجى النهارده بليل زى ما الراجل قال دعواتكم معايا بالله عليكم بتحصلى حاجات غريبة وحسه انى مش مبسوط مش عارف ليه ربنا يفك كربى وهمى ويبعد عنى الشيطان ياااااااااااااااااااااااااااااااااااارب
انا بجد مبلقيش وقت ابص ورايا وبجد انتم وحشتونى ونفسى اطمن عليكم قولت ادخل اطمن واطمنكم عليه واقولكم ادعولى وغقبال كل البنوتات ياااااااااااااااااااارب
وادعولى لانى بجد مرعوبة اووووى طول عمرى قلبى جامد بس مش عافة مالى خايفة ليه ومرعوبة ربنا يعدى اليوم ده على خير مكنتش اتخيل ان اليوم ده هيجى عليه وانا بالشكل ده من الخوف والرعب والضيقة اللى حسه بيها ربنا يفرجها عليه ياااااااااااارب
سلامى للجميع
سؤال المخالفة
اجيب منين شبشب استقبل بيه الناس اللى هتزورنى فى البيت