بنات البحرين ؟؟؟ مستشفى العسكري

هلا حبيبتي انا اتابع عند دكتورة عابدة في العسكري زينة بس مادري شلون الولادة عندهم

انا كنت اتابع عندهم في العيادة مع دكتورة باسمة او بسمة بس مو شرط دايما عند دكتورة وحده يغيرونها عادي اذا مو موجوده اعتقد

كل موعد يسون التراساوند ولازم تروحين من الصبح عدل لان حده زحمة وكلما تتاخرين بتتاخرين بعدين .. اول ماتروحين بيسون لك تحليل الابوال وانتي بكرامة وبعدين وزن وبعدين تنقعين شوي قاعدة بعدها ينادونك عشان الالتراساوند بعدها بعد تنتظري عشان الدخول للدكتورة

انا ولدت بالشهر السابع واسبوعين بسبب ارتفاع الضغط وزلال الابوال بعملية قيصرية .. بس حسيتهم وااجد استعجلوا لان اول مارحت الجناح قالت لي بنخليك 48 ساعه اذا مانزل الضغط بنولدك قيصرية وخبري زوجك.. لان كنت بروحي رايحة موعد عادي.. قلت لها اوكي.. وبعدها حتى ماجت ساعتين الا قرروا وعفسوني عفاس خلوني ارتبك واخاف وارتفع الضغط ازيد واضطرينا نوافق على العملية من الخوف يقولون ارتفع واجد .. بس يعني هم ماعطوه جانس ينزل ربكوني وخوفوني وارتفع اكثر بعيد الشر عنك وعن كل حامل يارب

والله يوفقج اختي ويقومج بالسلامة

مشكورين ما قصرتون

لان زوجي عسكري بس اخاف اروح اهناك

إنيي عندي سؤال
بجم يولدون في العسكري. ؟
واذا في حجرة خأصه بجم ؟

العسكري كنت اتابع من بداية حملي الاول الى الشهر السادس مع دكتورة عابدة
وكانت زينه و تهتم بس اخر الايام حسيتها ما تعطي وجه عدل
حتى الالترا ساوند هي تسويه كل زياره صح بس بعدين احسها ما تدقق تسويه بس عشان تشوف النبض
بعدين اضطريت اني اروح المركز الصحي اتابع وياهم لان في العسكري ما يعطوني حتى تجييك hp حق الدم بس حدهم الوزن وتكرمون الابوال
وزحمه عدل كنت اتابع العصر لازم من الساعه 3 اني هناك وماتجي الدكتورة الا 4 ونص
وتقعدين تنطرين جم ساعه من تروحين لين يجي دورش
بس المركز غير مواعيدهم منظمة واهتمامهم اكثر ما عدا التلفزيون يسوونه مره وحده او اذا حبيتي تروحين خاص تسوينه
والله يسهل على كل الكروشات يارب

انا اسمع انه الولاده عندهم مو اوكي مافي عنايه

والشيء الثاني الحجره الخاصه اسعارها فوووق كلش ما فيها مجال
والعمومي تكونين مع اللي خبرش

هلاا اختي

انا اتابع عندهم صراحه ما نصحج اتابعين عندهم تابعي في المركز الصحي يهتموووون اكثرر <<<<< كيفج ترى بس نصيحتي
ان لو ودي تابعت في المركز بس لانه طارحه مرتين حولوني السلمانيه ومارحت اتابع عندهم رحت العسكري لانه اقرب لي
اول شي المركز بتروحين اي وقت تاخذين رقم وتدخلين على رقمج ياخذون ضغط والوزن ونسبة الدم والدكتورة تخبرج بكل التفاصيل بعدين وما تتاخرين بلقعده اكثر من ساعتين حتى لو 3 ساعات ماكو مشكله يعني تستحملين

العسكري
ما في تنظيم كلش تروحين تحطين الكارت وكل وحده عقبج تحط كارتها قبلج غيرررر جذي انه تقعدين وتنظرين اخر شي الموظفات كل وحده تدخل الا تعرفهااا حتى لو توهاااا موصله عقبج وانتي تمين قاعده يعني اذا تعرفين احد زين ينفعونج واسطه ;)
غير جذيه بعد اتروحين من 7 المكااااااااااااان فل :| والدكتورات يبتدون ينادون ثمان ونص او تسع وعلى ما يوصل دورج صارت 12
يعني اطولين :worn_out:لا وتدخلين على الدكتورة بس اتقول كل شي اوكي وخلاص بعد زين تتكلم اذا سالتي
وهي تنادي مريضه غيررر:confused:

وهناك ياخذون الوزن والضغط ما ياخذون نسبة الدم
والتراسوند ما يسونه كل مرة يعتمد على الحالة
هي اذا بتابعين الصبح
واذا بتابعين العصررر بتدفعين اكيد الاهتمام اكثرررر:D
وانتي جيكي تابعي مرة في المركز ومرة في العسكري والي تقتنعين فيهم واصلي عندهم

وبلنسبه للولاده ما جربت بس كل الااعرفهم ولدو هناك يرتاحون ويمدحونه
بس بعد ما اذمهم في المتابعه بس من زود الضغط الا عندهم يصير ما في اهتمام عدل


وانتي كيفج وعلى راحتج سوي الي يريحج مسامحه طولت عليج
هي وجهة نظري

الله يتمم حملج على خير ان شالله ويسهل عليج

انه كنت اتابع في المركز والعسكري وعند عيادة خاصة كل شهرين

المركز الصراحة عناية ومتابعة دقيقة وفحوصات منتظمة العسكري بديت اتابع معاهم من الشهر السابع على اساس ان تكون عندهم تحاليلي الكاملة حق وقت الولادة

كنت اتابع عند عابدة ممتازة صج ماتعطي ويه بس انه مابي اسولف وياهه ولا شي اهم شي اطمني على البيبي

طبعا ولدت بالعسكري وانه ارتحت وايد منهم اللي تحت عابدة اللي تسوي الخياطة ممتازة ممتازة اهيه مالت خياطة تجميلية

عن اسعار الغرف الحين تغيرو تقريبا سعر الغرفة مع الولادة يوصل لي 1300 هلون

يعني بالنسبة لي الوحدة تروح الامريكي هم خبرة وهم ارخص بوايد

والله يسهل عليج يارب وعلى كل حامل