سلام عليكم
كيفكم عروسات ؟؟؟شخباركم ؟؟؟
اني اول مرة ادخل هالقسم واول مرة اشارك فيه
بس عندي مشكلة تقدرون تقولون انها منغصة عليي تفكيري ومحتارة شلون اتصرف وياها
المشكلة هي ان بنتي اول سنة روضة اول يوم دوام كانت متشجعة على الاخر وودها تروح ركيض الروضة ويوم وصلتها ودخلتها صفها على طول اندمجت مع الاطفال لدرجة اقول ليها ماما اروح عنش تقول اي ماما روحي عني اني بقعد في الروضة كنت مرتاحة من تصرفها الى هني كلشي تماموز لكن يوم ثاني قعدت الصبح وجهزتها ووصل الباص لكن من فتح الباص الباب الا بنتي متغيره فوق تحت ما ابغي اروح تصرخ وتصييييييييييح حاولت وياها بالطيب ومشرفة الباص بعد تشجعها وهي معانده لا ما اابغي اروح ومشى عنها الباص واني قلت ما بستسلم ليها قمت ووصلتها اني الى الروضة وبعد ما رضت تدخل وقعدت تصيييييييييح ودخلت وياها الصف وهي على نفس الحاله تصرخ ما ابغي الروضة ابغي ارجع البيت وتصيييييييييح وعقب اكثر من ربع ساعة واني احاول اسكتها والمعلمة تحاول وياها وعطتها حلاوة وهي مصرة على موقفها بعدين قالت لي المعلمة لازم تمشين عنها والا بتظل تصيح في هذة الاثناء قالت تبغي تروح الحمام فاخذتها مساعدة المعلمة وودتها الحمام واني طلعت عنها لكنها وهي رايحه للحمام وهي تصييييييييييييييح وموصياح عادي صياح من كل قلب لدرجة واني اركب السيارة قمت اصيح ما اقدر اشوفها تصيح جدي واليوم الثالث ما رضت تقعد من الصبح وهي تصيح ودموع وحالتها حالها واني اشجعها اذا رحتين بشتري ليش لعبة وبوديش الحديقة ما خليت شي هي تحبها الا قلت ليها بسويه ليش بس تروحين الروضة . حيرتني هالبنت ما ادري شلون اتصرف وياها ؟؟؟
ياريت تفيدوني امهات :'(ترى من جد تعبت نفسيتي من هالموضوع :'(
بنتي والروضة
أ
06-10-2010 | 03:06 PM
u
06-10-2010 | 03:17 PM
الله يساعدش خيوو
بس جان سألتينها ليش ماتبغين تروحين ؟ في احد ضايقش في شي مو عاجبنش
يمكن لاسمح الله متهاوشة وي وحده من الروضة او شي
أو مو حابة المعلمة ..
حاولي تعرفين السبب اللي عشانه مو راضية تروح وانشالله توصلين لنتيجة وياها
بس جان سألتينها ليش ماتبغين تروحين ؟ في احد ضايقش في شي مو عاجبنش
يمكن لاسمح الله متهاوشة وي وحده من الروضة او شي
أو مو حابة المعلمة ..
حاولي تعرفين السبب اللي عشانه مو راضية تروح وانشالله توصلين لنتيجة وياها
ز
06-10-2010 | 04:07 PM
الله يعينج عليها
أ
06-10-2010 | 05:20 PM
um 3looy;13315843:
الله يساعدش خيوو
بس جان سألتينها ليش ماتبغين تروحين ؟ في احد ضايقش في شي مو عاجبنش
يمكن لاسمح الله متهاوشة وي وحده من الروضة او شي
أو مو حابة المعلمة ..
حاولي تعرفين السبب اللي عشانه مو راضية تروح وانشالله توصلين لنتيجة وياها
مشكورة خيو على المرور
ويساعدنا عليهم جميعا
سالتها تقول بيعصبون عليي :-o اني بنتي من النوع الحساس كلش يعني اذا اتكلم ويا ابوها ساعات واثناء النقاش شوي صوتنا يرتفع تجي سيده تركض تقول ماما انتون تتهاوشون اقول ليها لا ما نتهاوش ,و اذا اروح بيت ابوي و احد يصارخ على الجهال حتى لو هي مو وياهم او ما يعنيها سيده تخاف وتقعد تصيح ساعات واجد حساسه
أ
06-10-2010 | 05:22 PM
زوجي حبيب قلبي;13316211:
الله يعينج عليها
مشكورة خيو على المرور
الله يعينا عليهم جميعا
أ
06-10-2010 | 05:28 PM
27 مشاهدة وبس الردود 2 :(
ما توقعت النتيجه جدي
ما توقعت النتيجه جدي
u
06-10-2010 | 05:32 PM
أم مريمي;13316771:
مشكورة خيو على المرور
ويساعدنا عليهم جميعا
سالتها تقول بيعصبون عليي :-o اني بنتي من النوع الحساس كلش يعني اذا اتكلم ويا ابوها ساعات واثناء النقاش شوي صوتنا يرتفع تجي سيده تركض تقول ماما انتون تتهاوشون اقول ليها لا ما نتهاوش ,و اذا اروح بيت ابوي و احد يصارخ على الجهال حتى لو هي مو وياهم او ما يعنيها سيده تخاف وتقعد تصيح ساعات واجد حساسه
الله يساعدش عليها خيووو
حاولي مرتين ثلاث وفهميها انه اذا ماسوت شي غلط محد بيعصب عليها وبالعكس بحبوونها وقولي لمعلمتها تعامل بحب وبلطافة وخبريها انه بنتش من النوع الحساس وماتحب احد يعصصب عليها
وانشالله تتيسر اموورش وياها وترضى تروح
F:
U
06-10-2010 | 07:36 PM
يمكن أحد مخوفنها من الروضة حاولي تفهمين منها هي ليش خايفة يعصبون عليها
أ
06-10-2010 | 07:48 PM
تصدقين عاد ذكرتيني ببنتي أول سنة لها روضة وثالث يوم سوت لنا فيلم هندي وصياح ونياح وما قدرت وطلعتها من الروضة كان عمرها 3 سنوات وقالوا لي صغيرة. أذكر كنت أروح الشغل أصيح مثلج ، بس الحمد لله هانت
وأنتي شوفي ودي هدايا جلديها لها وخلي المعلمة تشجعها وتعطيها أستمري على ذي الحال أسبوعين إلى ثلاث لين ما تتقبل وعشيها زين ورقديها من وقت
وأنتي شوفي ودي هدايا جلديها لها وخلي المعلمة تشجعها وتعطيها أستمري على ذي الحال أسبوعين إلى ثلاث لين ما تتقبل وعشيها زين ورقديها من وقت
م
06-10-2010 | 08:10 PM
هلا حبيبتي اقولك انا بحكم خبرتي ما اوديهم ولا اروح معهم<< مع اني من جوه اغلي ابي اروح اطمن واحس انها مبسوطه بس اضغط على نفسي>>>>>>> بس لمن اضطر اروح معاهم الروضة يسوون كذا ويصيحون بس لمن نكون موجوديين معاهم بس لا طلعتي من عندها اسئلي معلمتها سكتت بعد ما خرجت من عندها؟؟ اذا سكتت اعرفي انها تدلع عليك واذا لا واستمرت يعني ممكن ما ارتاحت ولا تجبريها في هذي الحاله بس شجعيها انا اطفالي يتحمسون لمن اشتري لهم هدايا ولا بلونات بعدد اصدقائهم في الفصل واقولهم يلا وزعوها على صديقاتكم كلهم او شكولاتات اي شي عادي بدون تكلف وكل ماراحت توزع عليهم هنه تتحمس وتحس انها مهمه والكل يحبها وتزداد ثقتها بنفسها وبالتوفيق للكتكوته يارب ولك بعد
أ
07-10-2010 | 08:25 AM
um 3looy;13316858:
الله يساعدش عليها خيووو
حاولي مرتين ثلاث وفهميها انه اذا ماسوت شي غلط محد بيعصب عليها وبالعكس بحبوونها وقولي لمعلمتها تعامل بحب وبلطافة وخبريها انه بنتش من النوع الحساس وماتحب احد يعصصب عليها
وانشالله تتيسر اموورش وياها وترضى تروح
F:
هلا خيو اقولش ما خليت قصص عن توم وجيري وسبونج بوب كل الشخصيات اللي تحبهم انهم يروحون الروضة ويلعبون ويا اصدقائهم وتشجيع وان الروضة بيودونكم الالعاب والمعلمة اتصلت وقالت انها تحبش واجد بس مادري ويش اسوي بعد
أ
07-10-2010 | 08:27 AM
Um Noor;13317493:
يمكن أحد مخوفنها من الروضة حاولي تفهمين منها هي ليش خايفة يعصبون عليها
حاولت خيو بس ما تعطيني كلام عدل يعني ساعات تقول الاطفال اللي هناك بيضربوني ساعات المديرة تصارخ علينا لكن اني ما بقدر اعرف الحقيقة لان حتى لو اتصلت الروضة وسالتهم اذا في احد يعصب عليهم اكيد ما بيقولون لي الصدق
أ
07-10-2010 | 08:30 AM
أريج المحرق;13317555:
تصدقين عاد ذكرتيني ببنتي أول سنة لها روضة وثالث يوم سوت لنا فيلم هندي وصياح ونياح وما قدرت وطلعتها من الروضة كان عمرها 3 سنوات وقالوا لي صغيرة. أذكر كنت أروح الشغل أصيح مثلج ، بس الحمد لله هانت
وأنتي شوفي ودي هدايا جلديها لها وخلي المعلمة تشجعها وتعطيها أستمري على ذي الحال أسبوعين إلى ثلاث لين ما تتقبل وعشيها زين ورقديها من وقت
هلا خيو اريج ما قصرتين على النصيحة ان شاء الله بسوي اللي قلتينه بشتري ليها هدايا وبجرب بعد يارب تنجح هالخطة:thumbs_up:
أ
07-10-2010 | 08:35 AM
منبع العود;13317680:
هلا حبيبتي اقولك انا بحكم خبرتي ما اوديهم ولا اروح معهم<< مع اني من جوه اغلي ابي اروح اطمن واحس انها مبسوطه بس اضغط على نفسي>>>>>>> بس لمن اضطر اروح معاهم الروضة يسوون كذا ويصيحون بس لمن نكون موجوديين معاهم بس لا طلعتي من عندها اسئلي معلمتها سكتت بعد ما خرجت من عندها؟؟ اذا سكتت اعرفي انها تدلع عليك واذا لا واستمرت يعني ممكن ما ارتاحت ولا تجبريها في هذي الحاله بس شجعيها انا اطفالي يتحمسون لمن اشتري لهم هدايا ولا بلونات بعدد اصدقائهم في الفصل واقولهم يلا وزعوها على صديقاتكم كلهم او شكولاتات اي شي عادي بدون تكلف وكل ماراحت توزع عليهم هنه تتحمس وتحس انها مهمه والكل يحبها وتزداد ثقتها بنفسها وبالتوفيق للكتكوته يارب ولك بعد
صادقة خيو اني عقب ما طلعت من الروضة واتصلت اسال عنها قالوا لي انها صارت طبيعيه
وبعد بجرب نصايحش بحاول اشتري ليها هدايا وشكولاته عشان توزعهم على الاطفال الي وياها .
بس اليوم صار شي بعد تصدقون من الصبح واني اشجع فيها انها بتروح الروضة والمعلمة تحارسها عشان توديها الالعاب ويوم قرب موعد الباص الا هي تكرمون ( بالت في ثيابها وهذا شي ما سوته قط حتى اول ما قمت اعملها تقطع الحفاضة ) وتقول خلاص اكو تلعوزوا ثياب الروضة خلاص ما بروح فاخاف الشي يكبر ويطلع عن سيطرتي او انها تسبب لروحها حالة نفسية او شي لا سمح الله
ي
07-10-2010 | 08:38 AM
مرحبا أختي أم ميمي...الله يخلي الحلوة و يهديها ..بس قعدي وياها وهي تلعب وسحبي منها الحجياسأليها ليش ما تحبين الروضة شنو اللي يضايقش فيها...وثاني شغله بنتي بعد كانت حساسه جذي ومن تسمع صوتنا شوي يعلى تصيح وقعدت وياهم وفهمتها إن مو كل صوت عالي يعني هواش وقلت ليها ان كل واحد ساعات يتضايق شوي ويصير صوته شوي عالي لحد ما تعودت
أ
07-10-2010 | 08:56 AM
هلا حبوبة يقين الروح
ان شاء الله بسوي هالشي بقعد وياها وبحاول اسحب الحجي منها
اي , اي صوت عالي عندها هواش لدرجة مرة كنا في بيت ابوي وواحد من خواني قام ينادي صديقه بصوت عالي جت تصيح تقول خالي صارخ عليي ؟؟ محيرتني بهالدلاعة الزايدة
ومشكورة خيو على المرور
ان شاء الله بسوي هالشي بقعد وياها وبحاول اسحب الحجي منها
اي , اي صوت عالي عندها هواش لدرجة مرة كنا في بيت ابوي وواحد من خواني قام ينادي صديقه بصوت عالي جت تصيح تقول خالي صارخ عليي ؟؟ محيرتني بهالدلاعة الزايدة
ومشكورة خيو على المرور
&
07-10-2010 | 10:16 AM
والله وش أقولش ياختي كل شي قلتينه عن بنتش نفس الشي بالضبط في بنتي كأنش تتكلمين عنها , أول يوم فرحانة والارض مو شايلتنها من الفرحة انها بتروح الروضة وبتلعب في الالعاب وفي الطين وبصير عندها اصدقاء ويوم ثاني بدأ الصياح ووجع الراس و تدور اي حجة اتخليها ما تروح الروضة واوديها غصب حتى مرة من المرات دخلتها الصف وبمشي عنها وهي تصيح مو راضية تسكت بس معلمتها قالت لي امشي عنها الا تقولي وهي تصيح ماما فيني بولة(تكرمون) ودخلتها الحمام مع اني متأكدة انها مافيها لأنها توها داشة في البيت وطلعت برد ارجعها الصف الا ردت تصيح تصيح عدل من قلب وردت تقول تبي الحمام (تقضي حاجتها) وهي مافيها شي بس ادور حجة ماتخليني امشي عنها حتى المعلمة تقولي بنتش ذكية انزين بعدين قلت ليها بروح بجيب لش سيدي سبونج بوب تحبه واجد بيتنا واجد قريب للروضة وصياحها للشارع طلعت ورجعت الا المكان هدوووووووء سألت الا يقولون من طلعتين سكتت عطيته معلمة وقلت ليها توديه صفها . وهذي حالتها في الاسبوع الاول من الدوام والاسبوع الثاني خفت عن الصياح بس كلما ترجع تقولي مابي اروح الروضة مااحبها والله للحين حتى في الليل تقعد من النوم خايفة ماتبي تروح الروضة بس وش اسوي اخليها تروح غصب حتى تتأقلم وتتعود ومسامحة على الاطالة :)
ع
07-10-2010 | 12:22 PM
نفــس بنــوتي .. أول يوم قععدت ولبست وتجهزت واهي مستانسه بروحتها الروضه ..
وديتها هناك وكانت متحمسه بس لما شافت الجهال يصيحون .. حست بالخوف وصاحت شوي .. قـامت معلمتها وعطتها دفتر تلوين وقعدت تلــوون .. وانا طلعت واهي تتمت ساكته والوضــع تمــام ..
ثــاني يوم .. خلاص لازم تروح في الباص .. جهزتها ونزلت معااهااا ننتظر الباص .. لما وصل البـاص سوووت عرس ما تبي تركب ب البـــاص .. صيااح من قلب .. وبصراحه لهم الحق أول مره يبتعدون عن امهم ويركبون مع ناس ما يعرفونهم :| .. المهم حاولنا معاها تركب الباص انا ومشرفة الباص ما رضت .. قلت حق مشرفة الباص حملييها وركبيها الباص واهي تصيح .. علشان ما تتعود كل يوم تقعد تصيح وانا اروح اوديها الروضه .. وشالتها المشرفة وركبتها الباص واهي تصيييح ..وانا قلبي يتقطع :'( .. وبعد دقايق اتصلت ع سايق الباص وقال حقي انها سكتت اول ما مشى الباص واكي قاعده تنزل الروضه واهي مستانسه ..
ولمــا رجعت من الروضه سئلتها .. باجر بتروحين في الباص؟؟ قالت لي اي ماما خلاص باروح في الباص .. قلت لها انزين اللي ما يركب الباص واهو ساكت !! يركب واهوا شنو ؟؟ الا تقول لي يركككب واهوااا يصييييييييييح :lol: ..
فعرفت ان لا مفر رر من ركبة الباص .. حتى لو صاحت بتركب غصبا عنها ..
فـــأأنا اقووول لج الغلط منج انتي .. لما جاها الباص في اليوم الثاني وقامت تصيح ما تبي تركب وخليتيها ما تركب وانتي رحتي وصلتيها ..
بس بيجي اليوم اللي بتتعود فيه على الروضه وبتروح واهي ساكته وبترد واهي مستانسه بس طوولي بالج عليها .. وطلعي من لروضه واهي تصيح كلش عادي لان مردها بتصير امام الأمر الواقع وبتسكت .. بس اهم شي لا تلبــين رغبتها في انها ما تروح الروضه .. :)
ن
20-09-2011 | 07:26 AM
بنتي نفس الحالة موراضية تروح .. انا افكر اسحب ملفها ..
ب
20-09-2011 | 08:34 AM
الحال من بعضووووو
بس مشكلتي بنوتتي صغيرة سنتين و9 اشهر يعني ماشاء الله عليها تفهم بس ما اقدر اخذ واعطي اياها عدل والبلوة انها تبغي بنت اختي معاها بالصف واهي مستوى اول وبنت اختي مستوى ثاني والادهى من جذي انه بنت اختي اول اسبوع مستانسة وهالاسبوع تصيح كل يوم ماتبغي تروح فحتى لو بنتي بتشجع الاولى انها تتبع بنت خالتها وفوق كل شي انا اشتغل وماعندي احد يقعد معاها عشان اخلي لها مواصلات فلازم اخذها من صباح الله خير للروضة ماتصير 6 ونص الا اهي في الروضة وماكو عادة اطفال واذا فيه واحد
قلبي معورني عليها بس شسوي الله يهديها كل يوم اعطيها شي يوم ملصقات يوم لابتوب التعليمي مالها يوم سبورة تكتب عليها وهلما جرى ولو انه ما ياثر عدل بس اهون شوي ومن ترد البيت ماما بكرة مابروح لسكول !!! انتي حاولي تعطينها مثل ماقالت احد الاخوات بالونات توزعهم على زملائها وان شاء الله ربي يهديها
مسامحة حطيت مشكلتي ولا ساعدتج :(:(
بس مشكلتي بنوتتي صغيرة سنتين و9 اشهر يعني ماشاء الله عليها تفهم بس ما اقدر اخذ واعطي اياها عدل والبلوة انها تبغي بنت اختي معاها بالصف واهي مستوى اول وبنت اختي مستوى ثاني والادهى من جذي انه بنت اختي اول اسبوع مستانسة وهالاسبوع تصيح كل يوم ماتبغي تروح فحتى لو بنتي بتشجع الاولى انها تتبع بنت خالتها وفوق كل شي انا اشتغل وماعندي احد يقعد معاها عشان اخلي لها مواصلات فلازم اخذها من صباح الله خير للروضة ماتصير 6 ونص الا اهي في الروضة وماكو عادة اطفال واذا فيه واحد
قلبي معورني عليها بس شسوي الله يهديها كل يوم اعطيها شي يوم ملصقات يوم لابتوب التعليمي مالها يوم سبورة تكتب عليها وهلما جرى ولو انه ما ياثر عدل بس اهون شوي ومن ترد البيت ماما بكرة مابروح لسكول !!! انتي حاولي تعطينها مثل ماقالت احد الاخوات بالونات توزعهم على زملائها وان شاء الله ربي يهديها
مسامحة حطيت مشكلتي ولا ساعدتج :(:(