قصة ولادة علي

السلام عليكم ....
صباحكم نور وسرور :cool:


طبعا انا مضى على ولادتي دهر :lol: بس ما كنت مسجلة بهالمنتدى ....والحين حبيت اكتب هالقصة لكم...



تاريخ ولادتي على حسب الدورة المفروض يكون 4/6 وحسب الالتراساوند 14/6 الموهم ...... تاريخ 4 جا وللحين ما ولدت كان عندي موعد رحت وشيكت الدكتورة وقالت اليي كلشي اوكي والجنين بخير والحمدلله والماي تمام :I: بس للحين ليش ماولدتي عطتني موعد بعد اسبوع اروح لها عشان بتجيك اليي توسع الرحم :sick: خفت على طول طلعت ورحت البيت ادعي اني اولد :'( ما اسون اليي شي لان احتمال اولد طلق صناعي وبعد اسبوع كان معاي حساسية رحت المستشفى وعطوني كريم بس قال اليي الدكتور اذا ما صار اوكي روحي طوارئ الحوامل .....من رجعت البيت جاني طلق بس قلت هذا شي عادي لان بين فترة والثانية يجيني طلق يعني عادي قلت بقوم اخذ لي شور :confused: وما كان لي نفس اكل وحسيت بدوار ولوعه ...خبرت زوجي وقال لي قومي نروح المستشفى قلت له شي طبيعي ولاتحاتي وللحين ما زاد الالم بس يجي كل 5 دقايق الموهم وظليت طوووول اليل على هذا الحال :lol: وقمت الصبح وجهز لزوجي اغراض الشغل وما اهتميت وهو خايف قلت له لا تستعجل روحي الشغل واذا زاد الالم بتصل فيك ...رحت بيت ابويي وقعدت وخبرت امي وتبخرت واكلت تمر وشربت ماي ورد :sick:..........نزلت عليي افرازات ....بس الطلق ما زاد خخخ والي يشوفني اناقز واضحك واسولف ما يصدق اني عندي طلق :biggrin: .......اذن المغرب ورحت المستشفى السلمانية :o قلت للمرضه جيكي اني عندي طلق بس مو واجد :thumbs_up: جيكت وسالتني اتقول ثاني مولود قلت لها لا :-o قامت اطلع فيي اتقول غريبة يجونا البكريات صريخهم لاخر الدنيا وانتين ساكت ....الموهم طلع بس سانتي واحد قلت للدكتورة ما يقعد بروح البيت واذا زاد الطلق برجع ....;) طلعنا ورجعت بيت ابوي واتعشيت لان جوعانه الموهم وصلت الساعه 3 وانا احس بدورة ولوعه :confused: وانتو بكرامه قمت ارجع وبعدها اتصلت على زوجي قلت له ما زاد الطلق بس احس بدوخة وااايد :|رجعت السلمانية مرة ثانية وجيكت الممرضة وقالت اليي بس 3سانتي لكن لازم يشوفك طبيب ....... رحت للدكتور وقال اليي بس 3 سانتي يعني روحي البيت او مستشفى جدحفص :-o انا اهني قلت لا اروح مستشفى خاص ولا اروح مستفشى البيطرية :confused: .......قبل ما اكمل الكلام في بالي رد عليي قال مافي طلعه اصلا انتي معاج ربي وهذا في مسؤليتنا احنا خطر عليج قعدي اهني :lol: سويت جدي بدون احساس ههههه ردتني الممرضه عالسرير وبدلة ملابسي وركبت عليي المغذي لان صادتني جفاف وحزتها نمت ولا ادري بشي حواليي والساعه 8 جت الممرضة تجيك الطلق قلت لها جيكي كم توسعت :biggrin::biggrin: الاتقول 6 يعني ولادة .......نادة امي وزوجي عشان يملي الاوراق واخذني لغرفة الولادة .......بدا الاكشن اهني :|........البنات اخوفون وااااااايد اطالع في الغرفه احسها عادية ومافيها شي يخوف وانا طبعا ولاحس ..جت الدكتورة الي ولدتني نفس السؤال ....انتي ثاني مولود قلت لها لا ليش اتقول احسش هادئةواااااايد توني مولدة وحدة بكر عفستني من الضرب وتصارخ خخخخ :o وصلت الساعه 9 جيكت اليي الا اتقول 9سانتي خلاص ...عطتني ابرة في العضل :I: ....وعدل:I: السرير وجابت المقص والخيط والشاش ......الا بدخلت امي وعمتي اشوفوني .....قلت لهم تطمنو الحين بولد :lol: واني بوزي جدي من الفرح ولا دمعه نزلت مني ولا صوت طلع ولاشي بعد كم دقيقة قلت للدكتورة احس بولد اتقول شلون قلت لها جيكي الا صدق علي بيطلع قالت اليي دفعي ........ اهني توقف تنفسي ماقدرت اتنفس وعلوي توقف قلبه لان وقف واختنق ......حاولت وياي بس ماقدرت لان الربو غلب عليي والساعه 9:41 طلع علوي على هالدنيا :'( حطته على صدري صاير لونه بنفسجي بوسته (شي مقرف بس حلو على قلبي ) :adore: وبس :lol:



بس المغزى من القصة تدرون شنو ......بسبب عدم صياحي ولا اصارخت اني كنت دائما ادعي واقرا ايات واهي الي هدأتني F: وعطتني القوة والصبر ........والي جنبي في الغرف اسمع صريخ :-o وبعدين يتعبون ويتعبون البيبي .....:'(


دعواتكم لولدي بالشفاء ....لان صادته ضيق في التنفس وحتى الرضاعه ما يقدر :sick:




الله يرزق كل حامل ولادة السلامة ....
الله يزرق كل المحرومين من الذرية