alzanbaq;13328495:
صباح الخير ..
جيكي قيرل .. الله يكتب لج اللي فيه الخير ..
حاسه فيج .. ماتدرين تمشين ع كلام الدكاتره ولا اللي حواليج ..
لان انا موعدي يوم الاحد واتوقع بيقولون لي نفس اللي قالوه لج ..
بس اهلي معترضين على سالفة الطلق الصناعي .. يقولون حجم الجنين
وانه صغير خرابيط المستشفى وان ما عندهم سالفه ويعددون لي كم
وحده قالوا لها نفسي عن حجم الجنين وطلع كذب ..
واخاف اسمع كلامهم ويصير في البيبي شي .. يعني قرار صعب ..
يبي لنا نصلي استخاره وربج يكتب اللي فيه الخير ..
اي حبوبة مشكلة جذي تقعدين تحاتين بس وتحتارين في الامر
انا جفت هالموضوع في احد المنتديات عن الطلق الصناعي
ومن ضمنه الحالة الي احنا فيها
ـ نقص نمو الجنين :
وهنا نشخص نقص نمو الجنين بالفحص السريري، بالإضافة إلى استخدام
الأشعة الصوتية. ويكون نقص النمو لمرض في الأم أو في المشيمة أو في
الجنين نفسه. ولا نستطيع تشخيص السبب الرئيس لهذا النقص بمجرد الفحص
السريري أو حتى الأشعة الصوتية لحين خروج الجنين للحياة.
إن تحريض الولادة بسبب نقص في نمو الجنين لا نستطيع تحديد موعد له ،
ففي البداية نقوم بتنويم الحامل لإجراء الفحوصات اللازمة مع عمل تخطيط
للجنين لمعرفة نشاطه في داخل الرحم، ومن ثم نقوم بإعطاء الأم الإبر
«الأدوية اللازمة» لمساعدة رئة الجنين على النمو، إذا كان التحريض قبل
«34 أسبوعًا». بعدها نحدد موعدًا مناسبًا للتحريض، إلا في بعض الأحيان
قد يكون هناك خطر على بقاء الجنين داخل رحم الأم، عندها يكون من
واجبنا العمل على توليد هذا الطفل في وقت غير محدد له.
اناقلت بسوي استخارة وبتوكل على الله فيها
وانا قلت بخبر الدكتورة تتكلم مع زوجي وتخبره عن الموضوع وعن الاضرار الي ممكن تصير في حال ان ماوافقنا على الطلق الصناعي
وانا اعتقد ان الدكاترة افهم مننا
يعني مايصير وحدة مثلا مو متعلمة تجي تقول لا الدكتورة غلطانة وبس كلام
الدكتورة دارسة وافهم مننا اكيد وتعرف شنو الصح وشنو الغلط واكيد مرت عليها حالات مشابهه
يعني عندها خبرة سنين مو امس واليوم
والمفروض يكون هاي قراري وقرار زوجي محد يتدخل فيه ابدا
في النهاية هاي حياة ولدي موحياتهم اهم
ولو رفضنا راح يكون اي شي يصير له مسؤوليتنا لان احنا رفضنا فلازم نتحمل المسؤولية
اوبالاحرى صاحب الرفض يتحمل المسؤولية
غير هاي احنا عيلتنا
وبالاخص خواتي يولودون بطلق صناعي
حتى اختي كان فيها طلق والرحم مو فاجج واضطروو يسوونهاطلق صناعي وبعد مافتح لان المشيمة شاخت
واختي الثانية جايبة 4 بنات وكلهم طلق صناعي
وبناتها تجيبهم حجمهم صغيرووون يعني سالفة الحجم عندنا عادي
مو بس اخت وحدة حتى اختي الثانية تجيبهم صغيرونين
بس بعدين ينمون عادي
يصيرون مجكنمين خخخخ
ياحليلهم والله
انابيتنا كلهم مأيدين مسألة الطلق الصناعي وفي بيت عمي ابو زوجي عمتي معترضة وزوجي يأيدها
مشكلة اذا زوج يسمع كلام امه على اساس انها افهم منه
بس مو افهم من الدكاترة هاي الي المفروض يفهمه
والله مادري شقوول بعد
تعبت وانا افكر واحاتي
بقوم اصلي على النبي
وبسوي استخارة
وبخبرش بالنتيجة
عن اذنكم