تبون الصج أنتو معزتكم من معزة خواتي :L: وبما أني أستفيد منكم فأكيد مارح أبخل عليكم بتجاربي متى ماسمح لي الوقت بهذا الشي
من عنوان الموضوع صرت أمشط بنتي بكل يسر وسهول ههههه
القصة ومافيها أنو بنتي ترفض رفض تام أنو حد يمشطها مهما عطيتيها من مغريات ومجننتني على هالسالفة وخاصة إذا جينا بنروح مكان تصير معركة :struggle: مع أن شعرها ناعم بس الشعرة ضعيفة وتتلفلف وإذا ماتمشطت يصير بيرم وحلو والكل يقولي موضة بس ودي يكون شعرها مهذب ومرتب هههههه طالب مو شعر هههه
ويوم من الأيام كنت بزيارة إلى الصيدلية >>>>>>>>>> لاتضحكون علي ودي كل يوم أزور الصيدلية ليش ما أدري ؟؟؟؟أحس فيها وايد أشياء ودي أقعدأطالعهم وأتعرف عليهم ونصير ربع هههه:lol:
المهم وأنا أفتر بالصيدلية قمت بزيارة رف الشامبو والزيوت الخاصة بالإطفال جان تطيح عيني على
هذا بخاخ لفك تشابك الشعر من جونسون
وممكن تحطينه على الشعر الجاف أو المبلل
فقلت نجرب ونشوف
وقبل ما أطلع من الصيدلية تذكرت وحدة من الأخوات بالمنتدى هني بقسم التربية والطفل الله يعطيها ألف ومليون عاااافية كانت تمدح زيت تونيك الشعر من فازلين فقلت أشتريه وبعد أجرب
وأخذت التونيك
التجربة خير برهااااااااااااااااااااان
جيت البيت وأنا ناوية ناوية أدش المعركة وأقوم بالتمشيط ههههههههههه
بداية التجربة
ناديت بنتي وماعطتني وجه كلش كالعادة >>>>>>>>> بنتي عمرها سنتين
قلت التلفزيون يجيبها شغلت التلفزيون على براعم وجاااااااااات تررررررررررركض
وقعدت أسولف وياها وطلعت المشط وبدت تصارخ ببي ببي يعني مابي ههههه آآي دعري هههه العيارة توني ماحطيت المشط بشعرها قالت آآآي دعري يعني شعري
هديتها شوي وبخيت على شعرها من السبري إللي شريته وشوي بديت أمشط شعرها وبكل يسر وسهوله والبنت ساكته وماتكلمت ولاصارخت ولاشي وبعد السبري حطيت التونيك وسويت لشعرها تدليك البنت أنبسطت :Dوربطت شعرها وصار ررررررررررروعة
حتى أبوها لمارجع وشاف شعرها قال غريبة شعندنا ههههههههههه
وصرت أستخدم السبري مع التونيك وشعرها صار ولا أروع نعومة ولمعان وسهولة بالتمشيط حتى خواتي أو ل ماشافوها قالو مستشورته ؟؟؟؟؟؟؟؟؟ بس ما أقدر خواتي لازم أقص لهم القصة مثل ماقصيتها لكم لأنكم أنتو بعد خواتي
يارب تستفيدون من تجربتي
ولانسألكم الدعاء