وظيفتك تحت المجهر...الضيفه (8) أنا الشوق... محللة سياسية واقتصادية

بيتووو;13275883:

عرفينا على وظيفتك أكثر

[CENTER]تجربتك في المقابلة الشخصية
[CENTER]أهم الصعوبات التي واجهتك في وظيفتك

[/CENTER]


[/CENTER]

غاردينياs;13276563:
مرحبا أختي موضوع روعه ياعسل تسلمين
سؤالي لك الله يسعدك
وشهو أكثر شيء تعلمتيه من وظيفتك وتحسين إنه لازم تاخذين به لطول العمر درس يعني؟
وجزاك الله خير

اللي تعلمته اني أكون دبلوماسيه في العمل وما آخذ الأوامر او التعديلات من مسؤولي على انها مسأله شخصيه، وهاذي للأسف حال أغلب العرب
اذا كلمهم مسؤولهم او "وبخهم" ياخذون الأمر على انه شخصي ويحملون في قلبهم على المسؤول

فتوح الصغيره;13276755:

يعطيكِ العافية أختي بيتووو على الموضوع الرائــع

و منورة أنا الشوق الموضوع

أممم
شنو أصعب موقف صادفج في الشغل لدرجة البكاء ؟

الحمدلله مامر علي موقف خلاني أبكي
بس يمكن مرات أحس بالقهر لما واحد من السؤولين يحسسني اني مافهم ولا ماعرف وأنا اللي أعلمه وأصحح له ومايعترف بهالشي :mad:

chocolate baby;13276432:


سؤالي:

1- شنو الشي السلبي اللي حصلتيه من شغلج؟
2- شنو الشي الاجابي اللي حصلتيه من شغلج؟


والله يوفقج ويعطيج العافية

حيا الله جاكليته

امممممم شي سلبي مافي شي يخطر على بالي الحين :|
والايجابي اني تعلمت وااايد أشيا وكونها أول وظيفه لي فتعلمت شلون التعامل مع الناس وتعلمت شلون الناس يختلفون في عاداتهم وتقاليدهم
ووحده من الموظفات بعد سألتني هالسؤال في حفلة توديعي، قلت لها أهم شي اختلاف الثقافات
ردت علي ان مافي أحد منا صح والثاني غلط، بس الموضوع ان احنا مختلفين :thumbs_up:

نوادر العرب;13277096:
مشكورة بيتو على هذا الطرح المميز:)

نفس سؤال بيتو ياريت تعرفينا على وظيفتك اكثر ومدى علاقتها بالسفارات وهل هي محصورة فقط على العمل في السفارات فقط ولك جزيل الشكر

وظيفتي شرحتها في سؤال بيتو
وهي اذا كانت نفس المسؤوليات بالضبط فتقتصر على السفارات
أما اذا حذفنا الترجمه والتقارير فتتحول الى سكرتيره :!!:

#Reta#;13277640:
أرحب بأنا الشوق
وأهنئك بوظيفتك
أسئلتي هي
هل عندك خبرة كافية في الشؤون السياسية؟
وضحي لي أكثر عن أهداف التحليل السياسي؟
هل تشعرين بالمتعة بهذه الوظيفة؟
هل تحللين السياسة عن طريق الشاشة؟
وشكراً

الصراحه، أول مابتديت الشغل ماكانت عندي اي فكره عن السياسه، مجرد اهتمامات ومعلوةمات بسيطه عن السياسه الخارجيه والعالميه وماعندي أدنى فكره عن البحرين :worn_out:

وظيفه المحلل السياسي هي نقل الاخبار اللي يشوفها انها مهمه طبعا تكون لها علاقه بالبحرين، اعداد تقارير عن أهم الاحداث وتحليلها من ناحية وش أسبابها وأبعادها وراي الشارع البحريني
بالاضافه الى الاشاعات اللي تطلع، وخصوصا ان الوضع السياسي عندنا متوتر دايما

هي الوظيفه المفروض ممتعه
بس الجو هناك ما كان يساعد على المتعه :lol:
وطبعا الشاشه مانعتمد عليها في التحليلات لأن أخبارنا طبعا ماتعكس الواقع بس نسبه قليله منه

العبيدية;13277756:

واوووووووووووو والله فكرة حلوة

اختي انا الشوق هل انتي بوظيفتك الحالية حققتي الشي الي كنتي تبي توصلي له

لا والله ما حققت اللي ابي أوصل له
يمكن الوظيفه كمكان وكمسمى حلوه، لكن مافي أي تطور وظيفي
هالمنصب تظلين فيه طول عمرج :|

ema_85;13278471:
ياهلا بأنا الشوق

سؤالي هل تحسي ان المحلل السياسي تخصص رجال فقط ام حتى النساء يقدرن للوظيفة ؟

وهل فيه زيارة ميدانية ام كله في المكتب؟ :D

لا والله النساء ممكن يصيرون محللين كالرجال، بس اللي ممكن يعيق المرأه هم التفكير العاطفي والابتعاد عن المنطق في بعض الأحيان
:worn_out:
و الشغل كله في المكتب بس في بعض الاحيان تكون لنا مشاركات في بعض المعارض، وكان من المفروض اني ارافق الملحق التجاري في مقابلاته مع المسؤولين ورجال الأعمال بس السفير ما وافق :lol:

Co0lGurl;13278588:
فكرة الموضوع حلووووووووووووووووووووووووة
كنت ابي اقيمج بيتووو بس للاسف ميزانج رافض
والله يعطيج العااااااااااااافية


هلا اختي انا الشوق...
- في اي سفارة تشتغلين؟!؟ (عادي اذا ما تبين تجاوبين لان ادري السؤال خصوصي شوي)
- حلوة شغلتج؟!؟ وشنو احلى شي تحبين تسوينه في الشغل؟!؟
- تنصحين احد يشتغل شغلتج؟!؟ واي شهادة تحتاج؟!؟

اتمنى ما ثقلت عليج بالاسئلة والله يعطيج العاااااااااافية...

كنت في السفاره اليابانيه
الشغله ايه حلوه بس فيها بعض المنغصات :p أحلى شي أحب اسويه؟ امممممم، مادري وقت القعده والسوالف :lol: وأحب اسوي الاشغال اللي مافيها اتصالات بالناس ولا ترتيب مواعيد خصوصا اذا انا اتصل من جهة وسكرتيره السفير من جهة ثانيه ومديري من جهة ثالثه وتصير اللخبطه العدله
وأحلى شي لما أسوي تقارير من النت :thumbs_up: أحب انبش :o
شغلتي لشخص توه مبتدأ حياته ايه انصحه يشتغلها، واذا كان واحد يحب الروتين ويبي بس وظيفه ثابته و راتب ثابت بدون تطور فالوظيفه تناسبه
بس اذا واحد يبي يتطور فماتناسبه أبداً ، كشي مؤقت فقط لا أكثر
والمؤهلات، لما قبلوني بالوظيفه كان المتطلب الوحيد هو القدره على الترجمه فقط،وأغلب اللي خذوهم من قبلي كان تخصصهم ترجمه
لكن من بعد ما طلعت صاروا يبون مؤهلات لها علاقه بالبزنز

ماذا اقول;13281503:

هلا بغاليتنا وضيفتنا أنا الشوق

أنا حاسة انه هالوظيفة وظيفة ما شاء الله مرموقة
هل أثبتِ جدارتك بهذه الوظيفة ؟
ماهو تخصصك الدراسي؟
هل الوظيفة مناسبه لكِ كإمرأة أم أنكِ استطعتِ أن تثبتي أن المرأة مثلها مثل الرجل
تستطيع أن تجاريه حتى في المهمات الصعبة؟
إذا كنت متزوجة كيف تستطيعين التوفيق بين البيت وعملك؟؟
أكيد كترت أسئلتي أرجو منكِ تقبلها
ويعطيكِ العافية

ومشكورة بيتو يا قمر على الدعوة

الحمدلله الحمدلله أثبت جدارتي في الوظيفه
بس كنت في بعض الأوقات مايكون لي مزاج فما اسوي الشي على أكمل وجه:o
وتخصصي هو أعمال مصرفيه وماليه Banking and Finance وهو تخصص يجمع أعمال البنوك + الاقتصاد + المحاسبه ويعني بزنز :D
والله الوظيفه مناسبة للمرأه بس ممكن الرجل يتقنها، مع ان جميع اللي شغلوا منصبي كلهم نسااء، يمكن لأن الشغل له علاقه شوي بالسكرتارية
أول ماشتغلت ماكنت مرتبطه بس بس بعدين انخطبت وتزوجت بس الحمدلله شغلي مايدخل في حياتي الخاصه، وخصوصا ان وقت الدوام وايد حلو ومب طويل ويناسب المتزوجه وأم العيال :worn_out:
بس في بعض الأشيا اللي كانت تخرب علي اجازاتي مثلا وماتخليني اتهنى فيها وما أفكر الا في الشغل
:thumbs_down:

دهبيه;13282494:
السلام عليكم ورحمة الله
موفقة بيتو حبيبتى بموضوعك مشاء الله

وأهلآ بيكِ أختى أنا الشوق

سؤالى هوا
كم عام لكِ فى هذه الوظيفة؟
وهل أكتسبتى خبرة منها ؟وأفادتك فى حياتك الخاصة ؟

اممم صار لي في وظيفتي سنه و7 شهور تقريباً بس اكتسبت وايد خبره وتعلمت أشيا كثيره
أول شي عشانها أول وظيفه لي
ثاني شي لأن البيئه فيها ثقافات مختلفه وناس من مستويات مختلفه
تعلمت شلون أكون محترفه و Professional ويمكن دراستي بعد ساعدتني على هالشي لأن أغلب زميلاتي ما قدروا يتأقلمون مع الوضع او يتعاملون مع بعض المواقف

вάявyά ..ღ;13283166:
~ هل وظيفتج فيهـآ آختلآط !!

ايه فيها اختلاط
وماعندنا هني وظايف مافيها اختلاط غير التدريس
أما باقي المجالات كلها مختلطه

اهلا وسهلا بالغالية انا الشوق...

نورتينا واتحفتينا باجاباتك الرائعة وتجاربك المفيدة..

ماشاءالله
الله يوفقك حبيبتي


بانتظار المزيد من اسئلة اخواتي العضوات..

شكرا غاليتي

يعطيك العافية بيتو والله يوفق أنا الشوق في الرد على الأسئلة وفي عملها :)
سؤالي :
كم سنة تمارسين هالشغلة ؟
وما معنى محللة سياسية واقتصادية ؟؟
( وضحي اكثر )

يسلمووووووووووووووو

ماشاء الله موضوع جميل

وانا الشوق ماقصرت بالردود ومنها عرفت معلومات ،استفدت ،تعرفت علي الوظيفة

بس في الاول حسيت انها ليها علاقة شويه بمجالي لاني خريجة اقتصاد وعلوم سياسيه بس مع التوضيح حسيتها مختلفه شويه

مشكوره حبيبتي على الموضوع الرائع ..اختي انا الشوق ماشاء الله البنات ماخلو شي تقربيا الاسئله اللي كانت في بالي سألوها اتمنى لك التوفيق في حياتك العلميه والعمليه يارب..

موفقه اختي

ĈĤỢČỚŁĂŢЁ;13276058:

بيتووو

أشكرج على الموضوع الجميل وعلى الفرصهـ اللي اتحتيها لنا لنتعرف على بعض في اسرة عروس ^^

اما بالنسبهـ لضيفتنا ^^

أهلا وسهلا فيج حبيبتي

سؤالي هو:

هل انتي مرتاحهـ بشغلج أو لأن ماكو فرص عمل كثيرهـ رضيتي فيهـ ؟

.

ĈĤỢČỚŁĂŢЁ;13290224:

ثاني سؤال انا طرحتهـ وتم تطنيشي خخخخخخخ

ĈĤỢČỚŁĂŢЁ;13276058:

بيتووو

أشكرج على الموضوع الجميل وعلى الفرصهـ اللي اتحتيها لنا لنتعرف على بعض في اسرة عروس ^^

اما بالنسبهـ لضيفتنا ^^

أهلا وسهلا فيج حبيبتي

سؤالي هو:

هل انتي مرتاحهـ بشغلج أو لأن ماكو فرص عمل كثيرهـ رضيتي فيهـ ؟

.

خخخخخ سوري سقط سهواً
:o
اممم هو أول شي كتخصص كان المفروض اني اشتغل في بنك، لكني تخرجت مع بداية الأزمة الماليه العالميه، فقلت الفرص
مع اني دخلت مقابله في أحد البنوك بس ماكنت أبي الا بنك اسلامي، فصارت خياراتي محدوده

بعد التخرج تميت شهرين ماقدمت على أي مكان وكنت ابي آخذ فترة نقاهه وبعد ماخلصت نقاهتي خخخخ قدمت على السفاره بعد ماشفت اعلان للوظيفه
واللي جذبني انهم طالبين مساعد اقتصادي وسياسي وعنده مقدره على الترجمه فقدمت وماكنت متوقعه انه بيختاروني

المهم، بعدين قلت خلني اجرب الوضع كم شهر وفي خلال هالكم شهر انخطبت
وطبعا الحين تغيرت أولوياتي، وكوني متزوجه مابقدر اشتغل في بنك أو شركة تأمين وهذول هم اختصاصي
+
اذا أبي أكمل دراستي ان شالله مابيكوت في مجال اذا بطلع من الشغل وقت المغرب
+
دوام زوجي شفتات يعني مابنتلاقى وايد وانا مابي هالشي

فيعني الخلاصه لهالكلام اللي شطوله خخخخخخ ان الحين الفرص موجوده لي في مجالي لكن أنا أبي شي يناسب وضعي الحين وخاصتن ان ميولي تحولت للجانب السياسي الحين :| فمابي طول عمري اتم في البزنز

وان شالله نتطور قريبا

ناني فيبس;13287176:
ماشاء الله موضوع جميل

وانا الشوق ماقصرت بالردود ومنها عرفت معلومات ،استفدت ،تعرفت علي الوظيفة

بس في الاول حسيت انها ليها علاقة شويه بمجالي لاني خريجة اقتصاد وعلوم سياسيه بس مع التوضيح حسيتها مختلفه شويه

أنا كنت ميته أبي ادرس ماستر علوم سياسيه
لأن احس التخصصين مرتبطين
بس ماعندنا في البحرين وماعندنا الا بكالريوس وبالعربي بعد :-#

متابعة معاكم اخواتي..
ماشاءالله عليكم...


انا الشوق...
الله يوفقك حبيبتي.. تابعي واستمري... انا جدا معجبة اولا بوظيفتك(((ماشاءالله)))

وثانيا باجاباتك ..ماشالله واضحة جدا ومفصلة..

الله يوفقك حبيبتي ويحقق لك امنياتك..


سؤال تاني بعد اذنك...

قوليلنا كيف بتوفقي بين بيتك وشغلك..؟؟

F:مجموعة من مواضيعيF:

طريقة تصغير الصور وكتابة اسمك عليها...بالصور

مجسم من الخضروات..خريطة البحرين
مجسم الفواكه,,العصافير
مجسم الخضروات,,راعي الغنم



,,وسيلة تعليمية,,

[/B]

ماشاء الله

بصراحة مافي سؤال في بالي !! اللي جا في بالي طرحته أحد الأخوات .. اكتفي بالمتابعة ،
واتمنى لك التوفيق في حياتك :083:

متابعة بصمت^_^
أول مرة أشوف هذا الموضوع!!
فاتتني كل الحلقات*_*

موفقين ماشاء الله تبارك الله..

والضيفة (أنا الشوق) ماشاء الله عليها إجاباتها واضحة وشاملة.
موفقة..

موضوووع حلووو

تشكررررررري شوااااااااااقه ولج كل التوووووفيق يارب

ماشاء الله موضوع جدا رائع

يعطيج العافيه اختي بيتو على الموضوع الرائع


والحين ايي حق اختي انا والشوق يعطيج ربي الف عافيه على تفصيلج للوظيفة الصراحة عجبني فيج انج تفصيلين كلشي


سؤال :

موقف صادج ( محرج او مضحك)

وتسلمين خيووو ويسهل عليج ان شا ءالله

الكيميائية2008;13286649:
يعطيك العافية بيتو والله يوفق أنا الشوق في الرد على الأسئلة وفي عملها :)
سؤالي :
كم سنة تمارسين هالشغلة ؟
وما معنى محللة سياسية واقتصادية ؟؟
( وضحي اكثر )

وظيفتي ظليت فيها حوالي سنه و7 شهور وكانت الفتره أكثر من كفايه للتعرف على الشغله كامله
وهي مثل ماذكرت قبل ان نناقش وتقريبا نحلل آخر التطورات السياسيه والاقتصاديه في البحرين، وش آخر الأخبار؟؟ من هم هؤلاء الأشخاص؟ ماالسبب الذي أدى لحصول هذا الوضع وهكذا

واحنا نقدم تقارير مبسطه، والمسؤولين عليهم تقديم تقارير شامله لوزراة الخارجيه في طوكيو
كلن على حسب مجاله (العلاقات العامه، الثقافه والتعليم، الاقتصاد، السياسه والدفاع)

بيتووو;13298677:
متابعة معاكم اخواتي..
ماشاءالله عليكم...


انا الشوق...
الله يوفقك حبيبتي.. تابعي واستمري... انا جدا معجبة اولا بوظيفتك(((ماشاءالله)))

وثانيا باجاباتك ..ماشالله واضحة جدا ومفصلة..

الله يوفقك حبيبتي ويحقق لك امنياتك..


سؤال تاني بعد اذنك...

قوليلنا كيف بتوفقي بين بيتك وشغلك..؟؟

واللهي ماصادفت اي مشكله في هالشي
لأن الدوام يخلص مع وزرارات الحكومه، 2 وثلث :thumbs_up: فأوصل البيت على الساعه 3 ويصير عندي وقت لممارسة حياتي الاجتماعية :worn_out: وطبيعة الشغل انه وقت ماينتهي الدوام خلاص يخلص الشغل ومافي اي شغل اوديه معاي البيت وهيك
بس في بعض الاوقات يكون عندنا معارض او حفلات رسبشن أضطر فيها اني أظل لوقت متأخر بالليل على الساعه 11 تقريبا
بس هاذي أيام معدوده في السنه والحضور بعد اختياري، لكن أنا أفضل اني أحضر وما أفوت شي :p

فراولــــه ملكيــــة;13314617:
ماشاء الله موضوع جدا رائع

يعطيج العافيه اختي بيتو على الموضوع الرائع


والحين ايي حق اختي انا والشوق يعطيج ربي الف عافيه على تفصيلج للوظيفة الصراحة عجبني فيج انج تفصيلين كلشي


سؤال :

موقف صادج ( محرج او مضحك)

وتسلمين خيووو ويسهل عليج ان شا ءالله

سؤالج ضحكني مادري ليش خخخخخخخ
امممممم في بعض المواقف اللي تضحك بس لو قلتها مابتصير تضحك لأن لازم تعيشين في قلب الحدث
بس اللي على بالي الحين هو في مره اتصلت فينا حرمه تقول لي ان غسالتها يابانيه وماصار لها فتره طويله من اخذتها والحين اختربت :!!: طيب وش نسوي لج؟؟؟
تقول لي شلون جذي وانا عندي غساله أمريكيه ظلت معاي سنييين وماصار لها شي والحين اليابانيه اختربت :!!: مره ثانيه والمطلوب؟؟!
عاد انا سويت روحي يعني باعطيها ويه شوي، قلت لها شنو ماركتها الا تقول لي توشيبا، قلت لها تبين تكلمين المسؤول؟ وحولتها على مديري خليته يتوهق فيها هي تتحلطم وهو مب عارف يتكلم :worn_out:

وبس مابقى أحد ما قلت له ان في وحده متصله تشتكي على غساله