اختي بتضيعنا بمراهقتها

°ѕυѕнїfloωεя°;13274835:

حبيبتي اختج عندها نقص في شي أكيد لأنها وايد متأثرة بصديقاتها على قولتج
ايه انا نفس الاحساس بس مو عارفه ايش
وهي تسمع من صديقاتها اكثر منا !

وتبي تقلدهم في كل شي حتى لو كان شين ..
هذا اللي مضايقني ودليل انها اضافت شاب بدون ماندري واكيد معتبره في بالها ان هالشي عادي لان صديقاتها يسوون هالشي

هني دورج انج شوي شوي تصيرين صديقتها .. وهالشي وااااااااايد صعب ..
اي والله هو صعب انا اتنرفز بسرعه بسببها واسلووبها وردها مو زين احيانا توصل امد يدي عليها مو بيدي من قهري عليها

حاولي تجوفين هي شنو تحب وشاركيها فيه .. شوي شوي بتلاقينها صايرة صديقتج
مره سوينا كذا وبدت تسوولف عن صديقاتها المهم حاولت استدرجها بس ولو تخفي اشياء كثير مااتوقع تقولها واحس تسووي اشيا كثير غلط بس مافي فايده يعني ممكن اذا طفشت دخلت معنا بالسوالف انا مرات اطنش اخواتي الكبار وانا اسولف معهم بس عشان اسمعها لكن ولو مو اي شي تقووله انا بطبعي انا واخواتي كل شي نقووله مهما كان بس هي غامضه وخاصه وقت مدارس الحين تخيلي مااشوفها كثير يعني اول ماتجي من المدرسه تنام الين المغرب ثم يلا تاكل شي ثم تشوف وش عليها من واجبات وبعدها تنام بدري ماتجي 8 الانايمه ماادري نظام غريب لكن تنام بدري نفسي اروح المدرسه عن الوالده لان مافيها حيل وغير كذا ماتحب امي هالمواضيع يعني تخجل مافي الاانا وغير كذا ودي اروح انا حتى لو قدرت الوالده عشان ارتاح واشوف واقول للمدرسات شدو عليها
وتبي تصير نفسج .. هي تبي تصير واو ماتعرف شلون .. راويها انج انتي والوالدة
اتمنى هالشي مو بس تكون مثلي مو لازم اتمنى تكون احسن مني بعد هذا اللي اتمناه والله
المثل الأعلى لها بس تحتاجون وايد وقت ..
ان شاء الله يارب يصير هالشي

على فكرة .. بقولج بكل صراحة.. انه كنت نفس اختج بس أقل بواااااااااايد .. بس كنت
نفس الاسلوب .. اختي غيرتني .. حاولت فيني 3 سنين .. الحمدلله افتخر واقول ان صديقتي وحبيبة قلبي ومثلي الأعلى هي اختي

اللهم لك الحمد فرحت لك والله يارب ياكريم اللي هداك يهديها ان شاء الله الله الهادي

لا تفقدين الأمل فيها .. لأنها بتضيع منكم إذا فقدتوه

ان شاء الله يارب الله يصبرني ويعطيني الصبر ان شاء الله ماراح اخليها الين اشوف لها حل لانها بتضيع وبتضيعنا معها
مشكوره حبيبتي ماقصرتي والله استفدت منك الله لايحرمنا منكم

أحلى خجل;13275629:
الفتيات المراهقات دائمآ يعتقدون أنه الا يسوونه صح
و أنهم كبار حالهم حال غيرهم و عندهم لازم كل شيىء يعرفونه>بغض النظر عن هذي النقطه

أهم بنفس الوقت أهم في حركاتهم الجانبيه صغااااار من تكلم شباب
و أخذ و عطي في الكلام و طولة لسان

خبررررري أخوش عنها اذا أنتون البنات ما قدرتون عليها
و اذا السالفه فيها صبي في المسن لازم رجال يتدخل فيهاا

و اذا بالمثل تهاوشوا على المسن مع بعض أهو أكيد بيحاول ينتقم منهاا

و من هالقبيل.............

اذا مثل ما تقولين وحده من خواتش يأست بعدين أختش الثانيه بتيأس بعدين أنتين

و هي وين موقعها من الحدث !!!!!!!!!!!!!!!

ضروري تخبرين أخوش عساه لو يكسر راسهاا و لا تصيدها عواقب من الي تسوي بعدين

ترا أني مراهقه حالي من حالها و سني قريب من سنهاا بس الحمدلله ما عندي هالسوالف

و هذا كلام اخت لأختها

تحملوا فيهاا

..تحيآتي..

انا صحيح تعبت منها بس ماراح اتركها واشيل يدي منها لاابدا الله يعطيني الصبر ان شاء الله والحلم
بس مشكلتها انها مو معترفه انها غلطانه يعني تكلم شاب عادي عندها هذا اللي ذابحني مو مقتنعه انه عيب او حرام او مايصلح عجزت افهمها انا اللي اعرفه اذا الوحده انكشف امرها وعرفنا خافت وجت تترجى ووتتوب بس هي ولاهمها يوم درينا عن سوالفها انكرت وطولت لسانها يعني شين وقوه عين
ومشكله انا فكرت اذا علمت اخواني وهي اصلا مو مقتنعه انها تسوي غلط مصيبه احس راح تزود وتسووي شي اكثر ويمكن تتنتقم منا احنا من طريقتها اتوقع يصير منها هالشي عشان كذا مااستعجلت اقولهم ابيها تقتنع قبل وتعترف انها غلطانه عشان اضمن انها هي تعرف وش تسووي عشان لو فرضا قلت لااخواني عنها واذا جاها الضررب تعرف ليش بس مشكلتها غريبه وهي اغرب

وماشاء الله عليك والله عارفه كثير مراهقات ماشاء الله رزانه وعقل مع انهم صغار ولاعندهم خرابيط الله يحميك وياهم واختي يارررب ويهديها

إحساس قلمـ;13275632:
وانا أأيد كلام الاخت °ѕυѕнїfloωεя°

حاولي انتي تتقبلين هالمرحلة الي اهي فيها وبمشاكلهايعني التعامل معها ماراح يكون بالعصبية والصراخ،،

والله يهديها ويهدي الجميع ويهدينا

انا مو مسأله مو متقبلتها بس هي مشكله تتمادى في كل شي من شاب الى طوله لسان ولااحترام للوالد ولاالوالده انا انقهر لما ترفع صوتها والله اذا طولت لسانها ادور شي عشان ارميها عليها وووووووووووياهي تعاند امي بااشياء كثير وتافهه ذبحتنا لاااسلوب مع الكل برا البيت وداخله و اغلاط تسويها مالها اول ولااخر
وغير كذا الاحظ انها ماصارت تحب تطلع كثير من البيت مو عارفه وش السبب يعني سبحان الله
يوم عرفنا انها تكلم كانت تطلع مع اهلي اي مشوار سوق او حتى اغراض للبيت اي شي
والحين صارت ماتحضر مناسبات ولاحتى زيارات اقارب ولاغيره يعني لو تروح بتكون مجبوره لان امي ماتخليها لحالها بس اذا وحده من اخواتي تعبانه او فيها الدوره وغيره او اختبار او اي شي غيره تجلس يعني ماتصدق احد يجلس مو عارفه ليش طبعا ماتجلس الا واحنا حاطين عيونا عليها يعني صراحه كله خوف وش تسوي او بتسوي ومن هالكلام
انا مشكله اكتم غضبي عليها فتره واذا ماشفت نتيجه انفجرت عليها خاصه اذا جابت مصيبه

AL'MaNaMeA;13276505:
نفس ماقالوا البنات

ومن رايي ، إذا تقدرون تطلعون باسوورد ايميلها وتغيرون الباسوورد او تقطعون عنها النت لفترة ، او اذا عندها تلفون تاخذونه من عندها

والله يهديهم يااارب

سويتها والله بس رجعته مو عارفه كيف اكيد من بنات ابليس حسبي الله ونعم الوكيل بس بالطقاق ترجعه او لا الحين ماتجلس عليه ابداااا مع انها تنتهز اي فرصه مثلا اختي خلت جهازها مشغل وراحت تسوي شغل لها او تطبخ شي مثل كذا على طووول تجلس يالله واناديها باااسمها وتطنش مو عارفه دايم كذا خاصه اذا على الجهاز ومره بالصدفه كنت ادورها واناديها وومطنشه ولاردت ودخلت عليها ماتوقعت يالله بغيت اصفقها والله من القهرر مو كله عشان صديقات كل يوم تشوفهم مع اني دخلت المسن وحذفته بس تقدر ترجعه هذا الحقير معطيته صديقتها يعني لو اجلس احذف كل شي تقدر ترجعهم من صديقاتها
ماعندهاجوال لو عندها كسرته فوق راسها والله من قهري اكتبه امي مشكلتها بعد مااحس انها مهتمه يعني كأنه تقول بتكبر وتعقل كم مره علمناها ترى خطر عليها امي مو مطنشه بس على نياتها مو عارفه وش ورا هالنت مصايب والجوال بعد
امين يارب الله يهدي الجميع الله يعطيك العافيه على ردك ومساعدتك

سميّه;13277277:


واضبيف الدعاااااااااااااااااء لاتخلينه

توشي;13277287:
شلون عمرها 15 وعندها إيميل حراام عليكم البنت أكيد بتضيع غصب لان المراهق ( مجنوووون)اتقوا الله فيها وامنعوا عنها النت نهائيا وخوفيها من أخوانك لأن المراهقة ما تخاف إلا من رجاااااال دائما خوفيها من أخوانك .... الله يهديها ويصلحها ويحفظها

"عنيدة";13278045:
والله انا اصغر منها بسنة لا اكلم في تلفون و مسن و لا اطلع من البيت من نفسي و شنو اصلا يكون المراهقة و الله يهدي الكل و بنسبة للمسن عندي 3 ايميلات بس مافيهم صبيان بالمرة

هو انا اللي اشوفه المراهقه اذا البيت صالح برا فيه فاسدين يعني تأثرت باللي برا البيت اكثر وتبي تسوي مثلهم
الله يثبتك حبيبتي وعسى الله يحميك ويكملك بعقلك ويهدي اختي وبنات المسلمين
هو البلا مو بالعمر في ناس بالعشرين ويصير معهم كذا لكن صدق الصاحب ساحب
الله يهدينا جميعا

لازم تهددوها باحد تخاف منه
اوعلمي ابوك اواخوك
لانه لسمح الله لو يصير لها شي بيلومكم
لانك كنتوا عارفين وسكتوا

هدب زوجي;13278217:
ما ازيد على كلام الاخوات كفو وفو ما قصرو لكن اقول لازم تعلمين ابوك ضروري لا ان السكوت هو سبب البلاوي وياما سمعنا قصص شباب ضاعو بسبب سكوت الام والاخت خوف عليهم من الضرب والنهايه دمار وهذي بنت يعني المصيبه اكبر والضرب ارحم من مصيبه وفضيحه تجيبها لكم احنا عا يشين في مجتمع ما يرحم تنضرب في البيت ولا احد يدري مو احسن تنفضح والكل يدري ويتشمة وصديقاتها سهله انقلوها من المدرسه وغيرو رقم جوالها واي وحده تتصل سكرو التلفون بوجهها والنت لا تستخدمه وحدها بل مره وراقبوها نصيحه خذيها مني هذا الموضوع مافيه لعب الزبده علمي ابوك احسن هو يتصرف الضرب ما يذبح المهم تعرف انو فيه احد وراها والله الهادي

المشكله ابوي يدري هزئها وعصب وتنرفز وياخوفي يجيه شي وهي السبب
هي ماتستخدمه الحين حارمته منها وجوال ماعندها
انا الحين محتاره يعني ودي اقول لااخواني لكن مشكله مو مقتنعه انه هذا اللي تسويه غلط تحسبه صح يعني كأنها تقول انا الصح وتكابرولسانها طويل
الله يعافيك يارب

مس زوزو;13278236:
والله مدري شقولج اختي برأيي انج
تحاولين قد المستطااع انج تكلمينا بكل
هدوء لأن اذا شافتج ع طول تعصبين علينا
بتزيد في تصرفاتهاا بجد بنات هالأياام ينخاف
منهم و بقولج شي اختش بسني و بعد كم شهر
بدخل 16 والحمدالله انا كللللش بعيدة عن هالسوالف
انا اعرف تفكيرهم و اشوف بنات وااااااااجد بالمدرسة أنواع
و أشكااال الي اغلبهم منحرفين و حالتهم حالة و انصحش
مرتين و ثلاث وعشر مراااات تحاولين تباعدينها عن هالبناااات
السيئات أساساً اذا بنات المدرسة شافوهاا وياهم رااح يقولون
هي نفسهم و النااس راح تتكلم عليكم و حراااااااااام تضيع نفسهاا
بسببهم وش دراكم بكره شتسوي ؟؟ و اعتقد لو تكلمين اخوانج عنها
افضل بس لا تخلينهم يضربونهاا

انا جربت معها الاثنين باااسلوب زين بعدها فقدت اعصابي يعيني كل اللي اسويه مافي فايده الحمد الله الله يهدي من يشاء عسى الله يهديها هذي المشكله يعني اختي دارسه بنفس المدرسه وعرفت وحده من المدرسات اختي اللي راحت للثانوي من العائله واستغربت كثيرر يعني مفشلتنا عن المدرسات ولايهمها سمعه وغيره
االمشكله لو اقول لاخواني مستحيل مايضربونها انا الحين حرمتها من كل شي بس طبعا اللي فيه شر بيسوي شي بدون هالاشياء ابسط شي ممكن تعلمها صديقتها ان بيجي عيال ابليس عند الباب تطلع او شي الله يستر يارب الله يستر يارب والله اني خايفه من هالشي

أٌخت الساحرُُ الحلوهًً;13278522:
السلام عليكم إختي عالعموم مابطول عليك بالمقدمات والاسئله لكـن لابد تتصرفي بشكل غير مباشر معها تقدري تغيري الباس ورود مال الجهاز تقدري تقطعي عنها النت وغيركذاقريها القصص المنتشره ترى والله مليانه واذا حابه اعطيك مجلدات عنها..وبغض النظرلابد تخوفيها من عقاب الله قبل كل شي وقوليلها ترى الله بيفضحك قدام اخوانشك خواتشك فهميها مصير الشي يبان وقوليها ترى لو ماعقلتي بقول لاخواني يراقبو تصرفاتك وترى بيعرفو عنك كل شي..
هذا الي اقدر اقدمه بس والله حرام يعني توها سنها صغير:'(..تقبلي مروري...

F:نســــــ الله ـــــــــــئل للجميع الهدايـهـ والصلاح وحسن الخاتمهـF:

وعليكم السلام ورحمه الله وبركاته
الباسوورد غيرته بس مثل ماقلت لوحده من الاخوات انها قدرت ترجعه ماادري كيف النت الحين ماتدخله ولاااسمح لها ابداا ايه اذا عندك مجلدات لاتبخلين علي الله يوفقك يارب ويحميك
وهذي المشكله ان سنها صغير وبتضيع عمرها ولايفيد الندم بعدين الله يبعد عنا عيال ابليس
امين يارب الله يهدي الجميع

ليدي السعوديه;13279960:
يالصابره ابغا ارسلك على الوارد بس الرسايل مره كثيره عنك على الخاص يليت تمسحي عشان ابغا ارسلك

ان شاء الله انا مسحت كل الرسايل الله يجزاك خير منتظره ردك

لوتشي;13281119:
لازم تدخلين اخوانك احسن ما تسوي شي اكبر ويجو يعرفو ساعتها ما رح يضربوها راح يذبحوها
اذا تخافي تخبرين اخوانك كلمي واحد من اخوانك وخبريه يكون يتابعها ويهاوشها اذا تغلط على شي على الاقل تحس ان في حد وراها تعمله حساب لا تسي شي غلط
بس اهي الحن تعرفحتى لو غلطت انتو ما تقدرون تسون شي ولا تقدرون تخبرون اخوانها لا ويمكن تغطون عليها من اخوانها اذا طاحت ف مشكله

انتي حاولي تقربيها لربها اكثر هذا احسن حل خليها تكون تراجه نفسها خوفها من ربها قبل خوفها من اي احد غير
والله يهديها

اخواني طبعهم اللي تغلط بنظره تطلع كأنها شي وسخ ولايناظرها ابد وبعد ولايعبرها مو حقد لكن مايحبون كذا ولو اقول راح تخسرهم طول عمرها تخيلي تعيشين طول عمرك ونظره اخوانك كذا هو صح يفيدهاا بس خسرت الاخوان
اسئل العفو والعافيه
الله يعطيك العافيه يارب

الحأن;13281313:

الله يعينكم حبيبتي =(

لااأإ تخلينها تمسك الجهاااز ياويلي عمرها 15 وضايفه شباب الله يستر منهاآ حطو للشبكه كلمة سر وخليها تفحط من هنا لين بكره ماتقدر لا تدخل مسن ولاااا نت

لا وصل الامر انها ماتسمع الكلااام قولي لخوانك خليهم يضربونهااا ويكسرون راسها اختك هاذي مماينفع معها الا كذذذذا عاادي شي المصلحتتتتتتها يوم يضربووونها

وتاكدي كل شاب بالنت كذاااااااب انتبهو عليها قولي لخوانك احسن من يطيح الفاس براس =)

والله يبعدهاااا عن صديقاااات السووووووووووء :mad:
طمنينا على الامور =)

reem m;13281384:
البنات كفو ووفو
مافي داعي اتكلم بس الله يهديها ويبعد عنها بنات الشر

ماقصرتي حبيبتي يكفي دعوتك لها بالهدايه الله يعطيك العافيه

معنـى الحنـان;13281498:

انا برايي لاتعلمين ابوج ولا اخوج وترى الطق والصراخ عمره مانفع بشي

مو دايم مشيت عليها نظام الصراخ بس هي مانفع معها لاهذا ولاهذا فقدت اعصابي مو عارفه وش استخدم معها اي اسلووب

وصدقيني اذا قسيتوا عليها ومنعتوها بالغصب راح تزييييييييييد اكثر واكثر ويمكن تطلع مع شاب مو بس تكلمه بمسن تدرين ليش؟؟

عناد عليكم
ولانكم منعتوها وغصبتوها وهالشي يخليها تتحداكم

ادري انها تعاند وهذا اللي مجنني بس ناحيه المنع غصب عني امنعها لانها راح تكلمه وانا ابيها تتركه يمكن تكون متعلقه فيه حسبي الله عليه
وهذا خوفي ادري من حركاتها بتسوي مصايب بس او هي مافي بالها مثلا انها تسوي حركه الشاب وتجيبه بس ممكن تعلم صديقتها وتقولها عن السالفه وتجي هذي وتعلمها بتقول اطلعي وسوي ترى كذا بيتأدبوون وهي تسمع منهم كل شي الله يفرق بينهم يارب

صدقيني اسلوب الهواش والصراخ و القوه ماينفع مع المراهقه ابداااااااا

احسن حل انج تكلمينها بهدوووووووووء وتحسسينها انج تحبينها وتبين مصلحتها بدون قوه ولا صراخ وبدون تهديدات

اقنعيها .. الحل الاقنـــــــاااااع

خليها تقتنع ان هذا الطريق غلط وان بنات السوء راح يشوهون سمعتها والصاحب ساحب يعني لازم تختار صديقاتها
مشكله معهم صديقاتها من زمان هذي ثالث سنه ويمكن اكثر وشلون اخليها تتركهم اكيد عاجبينها واكيد بيجون لها يعني بيوم وليله ماتكلمهم بيستغربون وهي خاصه مااتوقع تقتنع تتركهم

والشاب اللي تكلمه بالمسن قولي لها انه يكذب عليها وانه يتسلى فيها وعطيها قصص عن الشباب اللي لعبوا على البنات

وذكريها انه كل شي تسويه الله يشوفه

وقولي لها تشد حيلها بدراستها ومستقبلها

وعلى طول سولفي معاها واسأليها عن اخبارها تقربي منها خليها تقولج كل شي صيري صديقتها خليها تفتح قلبها وتعترف لج

المشكله ان مااشوفها كثير يعني اول ماتجي تنام ثم تقوم المغرب ثم بعد العشاء بكم ساعه تنام وانا ودي اكلمها ويكون لحالنا لان لو تقول شي غلط اخواتي ماراح يسكتون بحاول اصبر واكتم غضبي عشان كذا مااابي اخواتي يصيرون فيه عشان مايخربون اللي بسويه بعصبيتهم
واذا فتحت لها اي موضوع ماتجلس كثير عندي يعني تشغل نفسها بااي شي تروح وتجي وتروح وتجي عشان ماتعطيني مجال اتكلم

ولمن تسولف لج عن اي شي لاتهاوشينها ابدااااا .. ناقشيها بهدوووء وبعقل وشوفي رايها وصححي لها افكارها
انا سوت هالشي مره قالت شي ومشكله تحسبه عادي مسكت اعصابي وضحكت وهو غلط وقلت بنفس الوقت وش هذا ماتربت ماتستحي ومن هالكلام ادري انه عاجبه بس حبيت اوصله لها بطريقه غير مباشره هي تبي كل شي تقوله اوافق عليه ولاااقوله مايصلح او غيره هذي مشكله

شوي شوي عليها وراح تتغير المهم انج ماتخلينها و الله يعينج ويهديها
امين يارب امين يارررب

ادعي لها .. الدعاء لاخيك بظهر الغيب مستجاب

ان شاء الله الله يعطيك العافيه ويجزاك خير كلامك حلو كثيررر واستفدت والله منك ومن اخوواتي راح اجرب معها ان شاء الله يارب
دعواتكم اوصل بنتيجه

شوفي آختي اكبر غلط تسوينه انك تخبرين احد من اهلك !!
انتي حآولي تفهمينها قولي لها الولد هذا مايبيك اهو بس يتسلى فيك يعني بياخذ منك شي ويرميك وبعدهآ ماراح احد يبيك انتي ترضين تنزلين رآس ابوي في التراب الي رفعك وكبرك وجابلك الي تبينه !! حآولي تكسسبينها ولا تعصبين عليها خليها من نفسسها تجي وتقولك كل شي وانتي بدورك تنصحينها وو بخصوص رفعت الكموم ماشوف فيها شي بس انتي شوي شوي عليها عشان ماتوصل السالفه للعناد وحاولوا تنقلونها من المدرسه الي ههي فيها بس بمسايس ومساحر

نسال الله الهداية لها وكل بنات المومنين
يارب
اللهم امين

الله يهديك تشكي للناس عندك اللي اكبر واولى وهو رب الناس صلي قيام ليل وادعي ربك من كل قلبك وابكي وان شاءالله ربي بيستجيب منك وادعي بكل صلاة انو ربي يستر عليها وعليكم هدا اللي اقدر اقوله والله يهديها

btbb;13282767:
شوفي آختي اكبر غلط تسوينه انك تخبرين احد من اهلك !!
انتي حآولي تفهمينها قولي لها الولد هذا مايبيك اهو بس يتسلى فيك يعني بياخذ منك شي ويرميك وبعدهآ ماراح احد يبيك انتي ترضين تنزلين رآس ابوي في التراب الي رفعك وكبرك وجابلك الي تبينه !! حآولي تكسسبينها ولا تعصبين عليها خليها من نفسسها تجي وتقولك كل شي وانتي بدورك تنصحينها وو بخصوص رفعت الكموم ماشوف فيها شي بس انتي شوي شوي عليها عشان ماتوصل السالفه للعناد وحاولوا تنقلونها من المدرسه الي ههي فيها بس بمسايس ومساحر

اسلوبك حلو ماشاء الله عى اساس انه هذا ينزل الراس ومن هالكلام اعجبني الله يعطيك العافيه ويكثر من امثالك

ام الصديق;13289340:
نسال الله الهداية لها وكل بنات المومنين
يارب
اللهم امين

امين يارب العالمين الله يجزاك خير

سهاااام الحب;13289794:
الله يهديك تشكي للناس عندك اللي اكبر واولى وهو رب الناس صلي قيام ليل وادعي ربك من كل قلبك وابكي وان شاءالله ربي بيستجيب منك وادعي بكل صلاة انو ربي يستر عليها وعليكم هدا اللي اقدر اقوله والله يهديها

ونعم بالله اكيد اني ادعي لها والله بس اذا هي مستمره على هالشي وبعدين من دخلت المتوسط وهي كذا والحين هي بثالث متووسط ماافي اي تطور او تغير الصديقات نفسهم والاسلوب نفسه ومثل ماقلت وتكلمت بمشكلتها مافيها شي لو استفيد من خبرات البنات واثقف نفسي عشان اقدر اتعامل مع مراهقه كل هذا قصدي قصدي من تنزيلي للموضوع ابي اعرف كيف اتعامل معها
الله يجزاك خير ماقصرتي يكفي دعوتك الطيبه

لوووووووودي;13281987:
لازم تهددوها باحد تخاف منه
اوعلمي ابوك اواخوك
لانه لسمح الله لو يصير لها شي بيلومكم
لانك كنتوا عارفين وسكتوا

المصيبه اننا قايله لها ومهدده بس هي ولاهمها
هذا خوفي ان يصير شي لاسمح الله واندم اني ماقلت لحد بس انا بحاول في البدايه عشان ابري ذمتي ولو يصير لها شي من ضرب وغيره ماااكون ظلمتها لاني نصحتها بالاول
مشكوره والله يعطيك العافيه

مالح حلو;13281619:
مساء / صباح الخيرات الله يهديها يارب وييسر لها الرفقه الصالحه ..بس حبيت ياقلبي اقولك اختك مثل كثير من بنات هذا الجيل اللي يحب التميز لكنها اختارت التميز بطريقه خطأ...حبيبتي انصحك تكوني صديقتها في الاول ماراح تتقبلك لكن مع الوقت راح ترتاحلك وتبدا تحكيلك مغامراتها وانتي بكل عقل وهدوء تبينيلها الصح من الخطأ ...حاولي تشوفي ايش تحب وتهتمي فيه وتصيري تشاركيها اهتماماتها ... وكمان اهديلها اشياء بنوتيه مثل الاساور او سلسال بس تكون شبابيه يعني مو تروحي تجيبيلها ذهب وتقولي ماتلبسه ...ياحبيبتي لاتجلسو تقولو هذا من صديقاتك لانها بكذا راح تتمسك فيهم بزياده ...واذا غلطت لاتهجمو عليها كلكم مره وحده لا يعني وحده تشد ووحده ترخي ...وعلى طولت اللسان فوتو لانها الحين تشوف نفسها كبيره وماترضى احد يتكلم عليها ..وعلى روحتها للمدرسه اسمحيلي اكيد انتي قلتيلهاايش هذا كانك رايحه تغسلي الصحون .. ولا قلتيلها ايش حركات الاولاد هذي ولا اي كلمة جرحتها وخلتها تطول لسانها ...اخيراً انتبهي تعلمي اي احد لانها لو اتهزات او انضربت راح تعاند وتزيد بالعكس احتوها بحنان مع الايام راح ترجع البنت الطيوبه ...وبس شكرا على طولت بالك

انا اايد راي البنات قولي لاخوانك حتى لو كسروا راسها و طلعوها من المدرسة و تمي معاها على النت شوفي و يش اتسوي و وين تروح و لاتخلونها تروح بيت صديقاتها لوحدها هذي مرحله مراهقة و بتعدي, المهم حافظوا عليها علشان لا تنهار الاسرة , وانت عارفة اذا صار شيئ لا سمح الله بطولكم كلكم انت شنو اتفضلين تحمين اختك من اخوانك و لا تطول ابوك اخوانك الفضيحة لو سمح الله واذا صار ما صار و دروا انك تسترتي عليها بتتحملين انت المسؤلية لانك ماخبرتيهم و انت الكبيرة العاقل.كفخيها كف خليها ترجع لصوابها و خبري اخوانش.يلا روحي قولي لهم :mad:.بلا مراهقة بلا كلام فاضي لو كل المراهقات يسو الي براسهم كانت هزلت واولهم انا بس امي كانت وايد حازمة ما كانت تخليني اروح او اطلع اي مكان بروحي و كنت واجد زعلانة منها حسيت اهنا حرمتني احلى فترة ممكن البنت تعيشها و لما كبرت 27 سنة احمد الله اني ماسويت شيئ استحي او اندم منه و الحمد لله انا فخورة بنفسي انا محد يمسك زلة علي و امي الله يعطيها الصحة و العافية اتشكر فيها حزمها معاي و اهتمامها فيني. والي يعافيش لا تزعلين مني اذا كان اسلوبي فض بس تعصبت شوي.والله يهديها ان شاء الله.

ياختي علمي احد من اخوانك بس يتفاهم معها بهدوء

بس مو عن كل شي عن قلة ادبها وعدم احترامها للمعلمات وبهذا الامر بتحس انه فيه احد ورها وتسطلب

الله يهديها

ساسيها واخذي الامور باللين توها صغيرة

تقدري تكسبيها