ركن المشاكل الخاصة / (بإشراف الأخصائية الاجتماعية SHREEFA

بسم الله الرحمن الرحيم
الى الأخصائية شريفة
أتمنى الاقي حل لمعاناتي
انا متزوجة من 4سنين وأعشق زوجي وهو كمان يعشقني بس المشكلة انوا مايشوفني حلوة وهذا الشي مررة مأثر في نفسيتي على الرغم ان كل الناس اللي حوالية يشوفوني جميلة والله صرت اكرة اشوف نفسي في المرايا
من بداية زواجي وفي شهر العسل لما يشوف وحدة حلوة يمدح جمالها قدامي وعمرة في حياته مامدح شكلي ومرة سافرنا للخارج وكنت مغطية وجهي قلت له بالمزح أنا راح أكشف وجهي رد علي وقال ايوه خليهم يشوفوا قد اية بأعاني على فكرة هو يرفض تماما اني أكشف وجهي على الرغم من انه مع من يبيح كشفة وكان يسمح لمطلقتة انها تكشف
ومرة كان يمزح معايا ويقول هيتزوج التانية ولما قلتله خلاص انت نتزوج أش تبغى رد وقال احنا عندنا وحدة طيبة وباقي الحلوة ومواقف كثييير تقول انو يشوفني أقل من عادية
أحيانا كنت أسأله أش رايك في شكلي وطبعا كان يقول حلوة وزي القمر وأكيد انه ماراح يقول الصراحة لأنة يحبني ومايبغى يجرحني صارحتة مرة بكل حاجة وصار كل شوية يمدح فيني بس هذا ماأنهى معاناتي لأني أعرف أنو يجاملني وكلامة مو من قلبة
الله يخليكي قوليلي كيف أعيش مرتاحة وكلي ثقة بنفسي ولله صرت أحقد على كل الحلوين

ملاحظة زوجي عاش كل عمرة في الخارج يمكن عشان كدا يشوفني وحشة