استفسارات وتساؤلات الامهات عن كل شئ (الجزء الرابع)

CuTie KaTkOoTa;13282524:
ما انا مش عندي مطحنة للأسف، هو كيتشن ماشين مش خلاط فعشان كده مفهوش المطحنة الصغيرة، والاكل انا عملت كده من السابع ومش من اوله كمان ومش بتشرق الحمدلله لأن الحاجة بتبقي طرية ومسلوقة، فبحط عليها كمون واقعد اقطع فيها كده بالمعلقة واقلب الكمون الجزر هو اللي بهتم انه ميونش قطع كبيرة عشان بيبقي اجمد طبعا شوية من الكوسة والبطاطس وكده وعشان تتعود كمان لازم تمهدي واحدة واحدة.


المشاية الدكتور قاللي مش قبل 9 شهور، وممكن تاخدي زبادي وسريلاك.


:lol::lol::lol::lol: بصي ممكن تكون النيبلز بتاعة ايفنت مش مستريحة معاها، انا جوجو مش بتحبها اوي زي النك، بصي طيب جربي كده هاتي نوع رخيص وجربي فيه بس تكون النيبلز بتاعته مختلفة اصغر ومقشوطة مش العادية دي.
انا اللبن قل عندي وبعدين هي بقت تعيط وتصوت وهي بترضع عشان الكمية اللي بتنزلها قليلة وهي عايزة تشرب بسرعة، قل من حاجتين بطلت اكل مغات وحلاوة واشرب حلبة عشان تخنوني جامد والسبب الاهم بجد وفعلا لما ركزت فيها لقيت انه حسد من ناس حواليا بجد يلا الحمدلله مع انه كان كتير في الاول وبيسرب ومليان عالطول.

علي فكره صح كلامك علشان انتي وانتي كنا بنقعد نقول اللبن بيسرب من عندنا فاكره وعايزين نجيب بادز ههههه خدنا جزائنا

دلوقتي اعمل ايه جبت كوبايه ال هي مش بتوقع المياه بس لاسف مش عارفين يشفطوا اعمل ايه باه
كمان ممكن تقولي ايه الاكل ال اضيفه بعد مايكملو الشهر السادس
واعمل اززاي شوربه لسان العصفور للعيال

ميكو خليكي وراهم بالكوباية حيعرفوا الاول ارفعيها زي البيبرونة حتلاقيهم بيفتحوا بقهم اوسع منها مش مهم واحدة واحدة حيظبطوا بقهم ويشفطوا منها

مبروك يابنات علي الجزء الجديد كنت عاوزه اسالكم دلوقتي الدكتور كتبلي علي دينتوتكس بتاع المغص وماء نونو للمغص برده بس الصيدلاني مكتبش الجرعها علي الدواء والروشته ضاعت ممكن تقولولي بتدو لولادكم ازاي ؟
بنات هو وانا رايحه اديله التطعيم لازم اخد البطاقه الصحيه؟
كتكوته انتي لسه بتروحي مستشفي تبارك عين شمس انهي احسن دكتور شريف ولا دكتور هيثم؟؟؟؟؟
ادعولي يابنات عشان انا بمر بظروف صعبه اوي اليومين دول

miko85;13280942:
شكله ايه الدراع ايه
انتي عارفه كينود ال عامل زي الكوبايه كده وفيها حاجه بتغطي عليها

يعني الطحنه بجد بتفرم الاكل ومش لازم اضيف مياه انا بردو بخاف اد اكل متقطع ماعنها حماتي بتقولي عاادي

هجربها المطحنه برده ان شاء الله

miko85;13283003:
علي فكره صح كلامك علشان انتي وانتي كنا بنقعد نقول اللبن بيسرب من عندنا فاكره وعايزين نجيب بادز ههههه خدنا جزائنا

دخلت صناعى زيك الحمد لله على كل شئ

miko85;13283290:
دلوقتي اعمل ايه جبت كوبايه ال هي مش بتوقع المياه بس لاسف مش عارفين يشفطوا اعمل ايه باه
كمان ممكن تقولي ايه الاكل ال اضيفه بعد مايكملو الشهر السادس
واعمل اززاي شوربه لسان العصفور للعيال

ارفعيهلهم لفوق اكيد مش هيفهموا لوحدهم انهم يشفطوا
الدكتور مقليش على لسان العصفور دا
بس قالى صفار بيضه اضربهم مع بطاطس مثلا
فراخ اضربها مع شوربه خضار او الخضار عمتا كدا

وجربت بسكوت هيرو حلو ما شاء الله
واللبن الصناعى جيبت ابتاميل مرحله الاولى
والدكتور قالى لما تخلص هاتى مرحله تانيه ان شاء الله

وقالى اديها بيديكال شهر كمان واقعدها فى الشمس الصبح بدرى او بعد العصر يعنى تكون الشمس خفيفه
تقريبا الكلام دا بعد لما سألنى بتقعد ولا لا
قلتله لا مش بتكمل دقيقه وتميل وتقع الحمد لله على كل شئ
وصح قالى وجبنه نستو اديها كمان واى نوع زبادى بس المهم يكون صابح مش بايت
بس كدا الحمد لله

ولسه هطعمها تطعيم ال6 شهور ادعولى يارب يارب يارب

sweetylolla85;13284527:
مبروك يابنات علي الجزء الجديد كنت عاوزه اسالكم دلوقتي الدكتور كتبلي علي دينتوتكس بتاع المغص وماء نونو للمغص برده بس الصيدلاني مكتبش الجرعها علي الدواء والروشته ضاعت ممكن تقولولي بتدو لولادكم ازاي ؟
بنات هو وانا رايحه اديله التطعيم لازم اخد البطاقه الصحيه؟
كتكوته انتي لسه بتروحي مستشفي تبارك عين شمس انهي احسن دكتور شريف ولا دكتور هيثم؟؟؟؟؟
ادعولي يابنات عشان انا بمر بظروف صعبه اوي اليومين دول

ايوة يا جميله لازم البطاقه الصحيه عشان بيكتبوا فيها التطعيم
وبيطلبوها منك اول ما بتروحى اصلا


وربنا معاكى ومعايا لان ضروفى اليومين دول ربنا العالم صعبه جداااااااااااااااا
الحمد لله على كل شئ
ربنا معانا كلنا
يارب يارب يارب

‏ ربنا يعينك يا سويتي و يسرلك الحال

بصي اللي اعرفه هي جرعه الدينتينوكس بتبقي 2.5 سم




معلش يا مورو متزعليش خير ان شاء الله انتي بس اسمعي كلام الدكتور و سندس هتبقي زي الفل ربنا يباركلك فيها

هو بيبي درينك في منه انواع اصل لقيت علبتين في الصيدليه وااحده االالوان اللي فيها علي اصفر و التانيه علي بمبي

وكمان هو طعمه مسكر كده ليه بيبي كالم مكنش كده

ميكو ...... انا الاول كان الدكتور كاتبلي فرانس ليه و بعد كده غيرت الدكتور و العلبه خلصت فالدكتوره الجديده قالتلي علي s26ar‏ ده مخصوص لارتجاع فعاملينه تقيل و حاطينله نشا فتحسيه منشي

هي اولا محبتش طعمه ثانيا تقيل عليها مش عارفه تمصه



طيب يا بنات انا لو فضلت اديها اللبن الصناعي و هي نايمه كده ممكن متفهمش حكايه الاستسهال ديه و تفضل ترضع مني

ولا ايه انا بديها 3 مرات بس 60 و هو اللبن مكتوب عليه 6 مرات90

بس انا عاوزه ابداء اديها 3 مرات 90 لان وزنها قليل عن العادي و الباقي يبقي مني مع انها مش بترضع 5 دقايق علي بعض

هي اصلا بنت كسوليه ههههههههههه

كتكوته انا اصلا مشربتش مغات و مشربتش غير كام كوبايه حلبه بعسل و ماكلتش حلاوه

هي الحاجات ديه مهمه قووي يعني اا بشرب لبن و ميه كتير مش كفايه ولا ايه

صوت العيون ʚϊɞ ام سندس ʚϊɞ;13284967:
ايوة يا جميله لازم البطاقه الصحيه عشان بيكتبوا فيها التطعيم
وبيطلبوها منك اول ما بتروحى اصلا


وربنا معاكى ومعايا لان ضروفى اليومين دول ربنا العالم صعبه جداااااااااااااااا
الحمد لله على كل شئ
ربنا معانا كلنا
يارب يارب يارب

ربنا يكرمك يامورو وربنا يفكها عليكي وعليا وييسرلنا الحال يارب
[QUOTE=nemonamanemo;13284992]‏ ربنا يعينك يا سويتي و يسرلك الحال

بصي اللي اعرفه هي جرعه الدينتينوكس بتبقي 2.5 سم




/QUOTE]
نيمو ربنا يكرمك يارب ويخليلك حلا بس انتي بتديهالها بايه الدواء مش جايي معاه معيار انا اديتهوله بالمعلقه بتعرفي ازاي ان دول 2.5 سم؟
نصيحه بلاش صناعي الا عند الضروروه وطول ماربنا مييسرلك الرضاعه الطبيعيه خليكي وراها وخليكي واثقه انك باذن الله تقدري ترضعيها لان موضوع الرضاعه جزء الثقه مهم فيه اوي
لكن طعم الصناعي احلي ونيبلز البيبرونه اسهل لما تديها 3 مرات 90 مللي اكيد مش هاتقبل صدرك وكده هاتبقي بتحرميها من حنانك وحضنك وطبعا لبن الام اللي مفيش زيه
ده مش معناه اني مبديش صناعي بالعكس انا بديي بس لو انا خارجه لاني مبعرفش ارضع بره او لو صدري فضي خالص وهو فضل يعيط لكن غير كده لا
دي نصيحتي ليكي عشان مصلحه حلا ان شاء الله واديها سكريات يامعلم وسلملي علي البريست بادز ان شاء الله

بنت من الزمن ده;13266342:
ازيكوا يا احلى ماميهااات هىىىىىىىىىىىىىىى انا اول واحده في الموضوووع الجدييد ياحلاوة ياولاد
اول حاجه بجد مرسي لكل الحلويين اللى ردوا عليا في موضوع الامساااك ربنا يخليكوا ليا ياارب
تانى حاجه هو البسكويت الساده للاطفال اللى 4 شهور لازم يكون اللى هو مخصص للرضع زى ميلوبا كده ولا ممكن بسكويت ماري اللى هو في الكرتونه دى عادى
تالت حاجه انا برضع طبيعي بس وجبت سيريلاك رز بس مش عارفه اعمله بقى بميه ولا لبن بقري عادى جهينه مثلا ولا اشتري لبن صناعى اعمله بيه لان متهيالي اللبن عندى مش هينفع اعمل بيه لانه مش كتير اوى لدرجه انه يقضى وحتى لو قضى موضوع شفط اللبن ده رخم بالذات ان الشفاط اللى عندى منغير ببرونه وحاسه انه بقاله كتير مركون حساه خلاص مش هيبقى صحى ولا اشتري شفاط جديد ببرونه ولا اعمل ايه وكماان اصلا انا مضمنش ان سيادته ياكلو يعنى ممكن ف الاخر مايكلوش وابقى اتعذبت ع الفاضي قولولي بقى بتعملوا ايه ياقمررااات

بصى فى بسكويت حلو اوى ومغذى اسمه هيرو بيبى من منتجات هيرو لو عارفها انا بجيبه لبنتى بعد ما مشيت فى الرابع والدكتور كان قايلى عليه اشتريه من صيدليه كبيره العزبى مثلا لانى ملقتوش فى الصيدليات العاديه انا مره اشتريته ب 6 ومره ب 7 ومره ب 9
والسريلاك بيتعمل بميه مغليه عادى جدا واوعى تستخدمى لبن جهينه ده مش قبل سنه يا قمر

monyfofo;13272763:
شكرا يا كتكت شكرا يا ميكو

تنظيم الرضاعه فشل فشل ذريع :((
هو يوم واحد بس نامت بالنهار وبالليل بعدكده خلاص

انا بصراحه مبقتنعش بتنظيم الرضاعه للى بترضع طبيعى وقت ما يجوع الطفل يرضع لانك مش شايفه هو بيرضع اد ايه وشبع ولا لا

بسكوتى;13273777:
اه يا ميكو انا فى السعوديه قاعده فى جده
بنات عاوزه اسم كالسيوم اديه لحماده لانه بدء فى السادس والدكتوره لسه مسافره وادى جرعه اد ايه منه لو هتكتبو اسم نوع مين؟

بيديكال كالسوم مع فيتامين

نيمو خلااص بترضع هي نايمه براحتها باه المهم تاخد لحد مايخف عندها ارتجاع المري ده
وانتي اسربي مغات وكلي حلاوه ماعني والله في ناس مش بتاكل والبن عندها كتيير ماشاء الله

سويتي ...... انا بديهولها بالسرنجه و طبعاهتشيلي السن

بصي يا سيتي انا لحد دلوقتي بديلها مره او اتنين 60 مش بنظام يعني بس وزنها مش بيزيد كويس و الدكتوره التلي اديها واحده 60 قبل النوم بس هي ساعات بتبقي جعانه تفضل ترضع لحد ماترجع و بردوا جعانه متعرفيش بقي اللبن خفيف مش بيشبع ولا ايه


مع اني سمعت كذا دكتور في التي في قالوا مفيش حاجه اسمها لبن خفيف و تقيل بس مش عارفه الصراحه انا هفضل اخبط كده لحد مروح للدكتوره السبت الجاي توزن و نشوف

اللى بيجيبه بسكويت هيرو سالتوا الدكتور عليه؟؟؟ اصلي لقيت فى مكوناته بيض فخوفت اديهولها

sweet_toota;13286318:
اللى بيجيبه بسكويت هيرو سالتوا الدكتور عليه؟؟؟ اصلي لقيت فى مكوناته بيض فخوفت اديهولها

يا قمر الدكتور هو اللى كتبلى عليه

miko85;13283003:
علي فكره صح كلامك علشان انتي وانتي كنا بنقعد نقول اللبن بيسرب من عندنا فاكره وعايزين نجيب بادز ههههه خدنا جزائنا

اه والله يا ميكو بس الواحد يتعلم بقي ومش يعمل كده تاني اه ياني :lol::lol::lol: وانا كمان كنت كتبت مرة شفطت اد ايه وطلع كام مللي وكده.

miko85;13283290:
دلوقتي اعمل ايه جبت كوبايه ال هي مش بتوقع المياه بس لاسف مش عارفين يشفطوا اعمل ايه باه
كمان ممكن تقولي ايه الاكل ال اضيفه بعد مايكملو الشهر السادس
واعمل اززاي شوربه لسان العصفور للعيال

معلش واحدة واحدة وهايتعلموا خليكي وراهم ، زي المعلقة بردو جوجو مكنتش متقبلاها وبتعيط ومش عارفة ولا راضية ودلوقتي الحمدلله بتاكل بيها عادي خالص.
لسان العصفور طبعا هايبقي مسلوق بالمية مش محمر ولا اي حاج-ة، يعني هتغلي المية ولما تغلي تحطي فيها لسان العصفور وتسيبي بقي لما يستوي وبعدين ابقي حطي عليه كمون لو حبيتي لما تيجي تغرفي بقي.

sweetylolla85;13284527:
مبروك يابنات علي الجزء الجديد كنت عاوزه اسالكم دلوقتي الدكتور كتبلي علي دينتوتكس بتاع المغص وماء نونو للمغص برده بس الصيدلاني مكتبش الجرعها علي الدواء والروشته ضاعت ممكن تقولولي بتدو لولادكم ازاي ؟
بنات هو وانا رايحه اديله التطعيم لازم اخد البطاقه الصحيه؟
كتكوته انتي لسه بتروحي مستشفي تبارك عين شمس انهي احسن دكتور شريف ولا دكتور هيثم؟؟؟؟؟
ادعولي يابنات عشان انا بمر بظروف صعبه اوي اليومين دول

ويلا انا اتعدلت في قاعدتي اول ما قريت سؤالك والدم فار في نافوخي :):):) ، بصي فاكرة لما كنت حكتلكم قريب ان جوجو عيانة وكده ورحت بيها لدكتور حماااااااااااار، اهو هيثم ده الحمار بعينه اوعي تجيبي سيرته قدامي تاني احسن بتشل منه بجد، ولما رحت للدكتور بتاعها بقي تاني يوم لقيت عندها نزلة شعبية بس في بدايتها، بصي انا بتعامل مع كرم احمد هو كان واخد اجازة الفترة اللي فاتت من فرع عين شمس وبيروح فرع المرج بس عشان عنده امتحانات وكنت بروحله هناك لغاية ما اجازته تخلص بس هسأل بقي اليومين دول عشان عايزة اروحله ميعادها معاه واظن اجازته زمانها خلصت ولو مكنش هروحله بردو في المرج لغاية ما تخلص، ودكتور هشام بردو كويس وبسمع عنه من كذا حد، بس انا مجربتوش عشان مشتتش نفسي بس كرم طيب ومحترم وذوق وبيرد عليكي عالطول في كل حاجة مهما كان عدد اسألتك ولذيذ اوي مع الاطفال كمان بيلاعبهم وبيسمي دايما وكده.
والتطعيم اه لازم عشان بيكتبوا فيها كل مرة البيانات وانه اثبات انه اخد التطعيم ده وفي انهي يوم وكده.

nemonamanemo;13284992:
‏
هو بيبي درينك في منه انواع اصل لقيت علبتين في الصيدليه وااحده االالوان اللي فيها علي اصفر و التانيه علي بمبي

وكمان هو طعمه مسكر كده ليه بيبي كالم مكنش كده

اه انا كنت جبت الشكل الجديد ده اخر مرة فعلا من زمان وقلت يبقي هما جددوا العبوة بس لأنها كانت قبلها قليلة في السوق وبعدين لما نزلت لقتها بالشكل ده بقي.

nemonamanemo;13285188:
كتكوته انا اصلا مشربتش مغات و مشربتش غير كام كوبايه حلبه بعسل و ماكلتش حلاوه

هي الحاجات ديه مهمه قووي يعني اا بشرب لبن و ميه كتير مش كفايه ولا ايه

لا طبعا مش ضروريين خالص ده كلام امهاتنا وجداتنا وكده للأسف، لازم شوربة دسمة وسمنة بلدي ومغات وحلاوة وحاجات كدهن هما فعلا بيأثروا بس في نفس الوقت بيبوظوا حياتنا احنا، المهم انا قلتلك علي اللي حصل معايا بس الله اعلم هي صدفة ومجرد توقيت جه مع بعضه ولا فعلا منهم، بس السبب التاني هو اللي اساسي بجد وفعلا لما فكرت فيها لقيت كده موضوع الحسد فخللي بالك منه اوي.
انتي فعلا اهتمي باللبن والمية والعصاير والاعشاب وكده والخضار والسلطة وقللي الدهون، انا فضلت اخدهم بس كان خلاص قدري بردو مكتوب بقي

nemonamanemo;13285970:

مع اني سمعت كذا دكتور في التي في قالوا مفيش حاجه اسمها لبن خفيف و تقيل بس مش عارفه الصراحه انا هفضل اخبط كده لحد مروح للدكتوره السبت الجاي توزن و نشوف

بصي دكتور جوجو فهمني حاجة كويسة، عشان كنت اول ما اتولدت رحت لدكتور شاطر اوي بس عصبي ورخم اوي ومستفز فبطلت اتعامل معاه، المهم فهمني نقطة التاني مقدرش يفهمهالي، قاللي لو انتي شايفة وحسة ان لبنك كميته كويسة وكتيرة ولما جربتي تشفطي نزل كمية كويسة ودايما مليان وكده البريست يعني ومع ذلك البنت وزنها مش بيزيد كويس يبقي المسألة مش في ان اللبن قليل وكتير ، يبقي الموضوع ان اللبن مش مغذي بالدرجة الكافية ليها عشان كده مش بيزودها الوزن المناسب وساعتها فعلا بنضطر نضيف صناعي جنب الطبيعي

ياجدعان حد يقوانا اللبن الصناعي بيقعد قد ايه برا الثلاجه



طيب اقولوكوا لو حد رايح قريب للدكتور يسالنا ينوبه فيننا ثواب

nemonamanemo;13288332:
ياجدعان حد يقوانا اللبن الصناعي بيقعد قد ايه برا الثلاجه

طيب اقولوكوا لو حد رايح قريب للدكتور يسالنا ينوبه فيننا ثواب

اعمليه في ساعتها يا نيمو لما تكون جعانة فعلا وبالكتير لو عايزة تعمليه وتنزلي به يعني يبقي ساعة والسريلاك بردو كنت سألته قبل كده قاللي مفروض مش يتركن بس ممكن ساعة بالكتير بس الافضل طبعا انه يبقي في ساعتها.