السلام عليكم ورحمة الله وبركاته
عام دراسي جديد وموفق لجميع الأطفال وحتى الأمهات مع إنها متأخرة شوي :D
قبل إقتراب موعد الدراسة يصير ربكة في البيت للأم والطفل وخصوصا وقت التجهيزات ومع زحمة السوق والمكتبات
ماأطول عليكم أخليكم مع الصور
أولأ : فتشت دولاب إبني المخصص لأدوات القرطاسية والكتب المدرسية وسجلت الموجود والنواقص في ورقة حتى ما ناخذ شي زايد عن اللزوم لقيت هذا الموجود بس
عزلت الجديد والصالح للاستخدام على جنب والقديم واللي مافيه مساحات والالوان القديمة خليتهم في كرتون لولدي الصغير يلعب فيهم
أخذت برايه وبريت الأقلام
وهذي برايتي حبيبتي :L: ماأستغني عنها لاني أحب هالنوعية جودتها ممتازة :thumbs_up:
وهذي النتيجة
-رحت للمكتبة وأخذت النواقص وهذي هي
شنطة وملحقاتها
أقلام -ألوان-برايات-مساحات-مساطر
كراس الرسم ودفتر الواجبات
تجليد للكتب
وبدأنا بتجليد الكتب وكتابة الإسم والصف
أولا نفرد ورقة التجليد وراح تكون مقطعه وجاهزة للأستخدام (يطول عمر اللي سوا هالاختراع>>مالها خلق التجليد:lol:)
نثبت الكتاب
ونفتح التجليد من اليمين وبمساعده المسطرة راح يكون كل شي تمام ونفس الشي لليسار
(ماعرفت اصور هالخطوة بس ان شاء الله تكون واضحه هني )
وهذي طريقة الإستخدام
وهنا الكتب بعد التجليد
:D
أخذت كرتونتين فاضيين كانوا للجزم (نستغل خامات الطبيعه :biggrin:)
ورتبنا فيهم الاقلام وبقية الاغراض
وهذا الكرتون الاول
وهذا الثاني
أغلقتهم وخليتهم في الدولاب
وهذا الملف خاص لكل الأوراق الخاصة بالمدرسة
جهزت المقلمة وخليت فيها قلمين وبراية ومساحه ومسطرة
والكتب وعلبة الالوان رتبناهم في الشنطة
صرفنا 100 ريال أبو ريال للمصروف اليومي
وهذا مصروفه اليومي
شريت له بدلة رياضة نسيت أصورها لونها أخضر هالسنة
وهذي جوارب الرياضة
وهذي الشوزات خصصتها للمدرسة
ملاحظات صغيرة
- راح تلاحظون أخذت كل شي بالكرتون لأن ولدي الحبيب يضيع أغراضه بإستمرار والمساحات في الأقلام عنده عداوة وياها لازم يشيلها
- مدارسنا مايشترطون لبس معين في الإبتدائية فعادي أي لبس
- يوميا أفتش شنطته أشوف الناقص والزايد إذا ناقص أحط له جديد وإذا زايد بالغلط الاغراض لازم وأحرص إنها ترجع لأصحابها افضل حتى مايتعلم ياخذ شي مش له
- النوم مبكرا من اهم أسباب النجاح والتركيز في المدرسة
-بداية كل سنة لازم ناخذ رقم المدرسة ورقم جوال الأستاذ والوكيل لزوم التواصل بين المدرسة والبيت
- أكتب رقم السواق ورقم المدرسة والاستاذ في مكان قريب وظاهر من التلفون للطوارئ لا سمح الله
همسة في أذن كل أم
لاتخلي توترك وتدمرك من المدرسة وخصوصا امام الطفل ينعكس سلبيا عليه وعليك حتى مايتأثر نفسيا ويكره المدرسة وبالتالي يتأثر تحصيله العلمي
وإن شاء الله تعجبكم تجهيزاتنا
تمنياتكن القلبية لإبني بالنجاح والتوفيق :L: