وش اسوي في عيون بنتي؟!

رأي الدكتور ده مظبوط انا ابني كان عنده الغده الدمعيه مسدوده في عين واحده و خفت تماما في عمر السنه بدون اي عمليات فقط بالتدليك بحركات دائريه عند زاويه العين ناحيه الأنف و ربنا يشفيها يا رب

ام حمود وبرور;13257450:
ياعمري عليهااا فطومة

ماقدر افيدش خيوو بس ماقدر اطلع من غير ماادعي ليها

الله يشفيها ان شاء الله ويقومها ليش بالسلامة

ويارب ماتحتاج عملية...

كل شي ولا العيون.. الله يعينها ويعينش..

سلامات للامورة..

الله يسلمش عيوني .. مشكورة يالغالية :(

الفرقد 23;13257502:
الله يشافيها ان شاء الله
اني بعد ما اعرف دكتورات حق عيون
ان شاء الله ماعليها الا العافيه

ان شاء الله .. مشكورة عيوني..

بنت الاجـــواد;13257573:
الله يشافيها يارب

لاتجرربين شئ مايفيدها يمكن يضرها لاسمح الله

اسألي عن اطباء اخصائين في العيون

واذا قدرتي جيبها للسعوديه في دكاتره اخصائين

عندك مغربي الدمام في خوش دكتور اسمه طااارق

الله يشفيها يارب

لا ماجربت شي ماعرفه.. يعني او الدكتور واصفها وعن ماي الورد والشاي كنا نستخدمه لعيونا ينظفها من الغبار .. قلت يمكن ينفع!! بس دكاترة البحرين متميزين في طب العيون .. ولا هنتوا يالغالية ..

بسـ شفاي ــمة;13257576:

إن شاءلله يفيدونش أمهات عروس

وما عليه شر والله يشافيها ..

مشكورة خيتي..

عيون وليد;13257775:
يا اختي

المفروض من اول مانولدت بنتك وشفتي عيونها تعبانه كان عطيتيها قطرة العيون مانتظرتي

ولد قريبتي جاه مثل بنتك والدكتور صرف له على طول القطره وعمره لسى ايام والحمدلله كمل بس اسبوع وطابت عيونه ترا هالشي يجي من الحضانه حقت المستشفى يومها شفت حضانة الاطفال والله دون مابالغ ان كل طفل جنبه قارورة القطره لونها ابيض وفيها خط ازرق

انصحك تودينها طبيب عيون موب طبيب اطفال اكيد بيكون عنده خلفيه اكثر حتى لو استشاره

انا هذا اللي اقوله .. ابي اوديها بس وين ماعرف .. اخاف اوديها حق اخصائي عيون للكبار ويجرب عليها قطرة للكبار.. ان شاء الله البنات يفيدوني.. واول مرة اعرف هالمعلومة عن قطرة الاطفال.. جزاج الله خير حبيبتي..

حبك يداويني;13258131:
الله يشفايها ان شالله وما تشوف شر

ان شاء الله .. مشكورة

بوح الكلمات;13258545:
وديها لأخصائي عيون ، واللهه يشافيهها .

ان شاء الله .. مشكورة

كادي الدلوعه;13258572:
ياحبي لها ربي يحفظها كبر ولدي بس انا اكبر بشهرين
شوفي انا اختي يوم ولدتها امي كانت مثل بنتك
ولا عطونا المستشفى شي قال اعملي لها كل يوم تمارين بحركه دائريه
على الا نف جهت العين من فوق عرفتي كيف
والله الحمد للله اختي الان عمرها 8 سنوات مشاء الله عليها
ربي يشفي بنتك وطبيعي تجي للاطفال لا تخافين
وموفقه قلبي وبوسي لي فطوومه:L::L:

ايه .. قالولي شي طبيعي .. وانا اسويلها انواع التمارين .. ومرة يقولون حطي ماي دافي ومرة حطي ماي بارد.. وجربت هالتمارين .. احسها تزيد!! ووصلت البوسة فديتج .. F:

صراحة انا بنتي عمرها سنه
من اول ما و لدتها لين الحين عيونها تدمع و شيء اوصاخ
لما كانت عمرها شهرين سألت دكتوره قالت عادي بيروح لما تكبر
بس اعطتني مرهم
المهم ما استخدمتها
الاهل نصحوني بالكحل الطبيعية اني احط في عيونها
و كحلت عيونها و الحمدالله خفت شويه
فانشاءالله ما تشوفين شر
فلا تخافين حبيبتي:)

ربي يشفيها يارب .
بس نصيحه خففي ادويه .. واول ماتصحى دايم امسحي عيونها بماي دافي مغلي طبعا من قبل .. وامسحيها بقطنه .
وكل عين قطنه ومرريها عليها مره وحده بس

عروس متحيرة;13258630:
ما عليها شر ان شاء الله

ما ابغي اخوفج بس حاولي تودينها لأخصائي عيون بأقرب فرصة

لأن وحدة من الأهل بنتها ألحين عمرها 7 شهور ومن اول ما ولدتها كانت عندها عيون وحدة تدمع وتطلع وسخ ..

ودتها المستشفى كذا مرة مرة يعطونا قطرة عين ومرة مرهم وما استفادت عليه

وخذتها لدكتور تقي خلف وقال لها ألحين لازم رقاد لان البنت كانت من كثر ما عيونها توسخ وتدمع ما تقدر تفتحها وعندها التهاب حاد.. وظلت بالمستشفى عشر أيام كان بس يعطونها قطرة كل ساعة والحمدلله شوي شوي فتحت عيونها وصارة أحسن بس صار عندها حول..

وودتها السعودية ألحين قال لها الدكتور لازم عملية ألحين لان الحول صاير بسبب الالتهاب وصار لها شد بعصب العين والعملية عشان يرخي العصب ومن بعد العملية لازم تلبسها نظارة ..

وألحين قريب ان شاء الله بتسوي لها العملية ..
والله يشافي الجميع يارب

مشكوورة حبيبتي بس انا عيون بنتي مولدرجة ماتقدر تفتحها ولا تصير حمرا الا اذا تحسست من الدخان او شي .. جذي يعني .. انا شرحلي اخصائي عيون ان اللي في بنتي انسداد في القناة الدمعية .. بس كان عمرها وقتها 7 شهور .. قالي اذا كملت سنة بتنفتح بروحها واذا مانفتحت وراني ابر طواال يقولي نسوي بهذولي .. اقوله فيه بالليزر يقول لا !! وواحد سأله زوجي يقول سوا العملية بسيطة في السلمانية بالليزر .. بدون بنج ولاشي ولا يعور .. بس المواعيد بعيييدة .. ابي استشارية زينة .. وحياج الله يالغالية

ام فطومة الحلوة;13258946:
صح كلام الاخت كادي

بنتي بعد كانت عينها تدمع بس عين وحدة وقالت لي الدكتورة سوي لها مساح عند العين على الانف حركة دائرية يعني شفتي مصاصة العصير اذا منسدة شلون تنزلين الوسخ منها على تحت ويتصير زينة

ما تشوف شر الحلوة وان شاء الله فهمتي شلون

ايه سويت .. وبظل اسوي لين تنحل مشكلة بنتي .. مشكورة حبيبتي..

.. أمــ عــلــيــ ..;13259284:
الله يشفيها ويخليها لك ويحفظها من كل شر

انا اخوي اول ما انولد صار له مثل بنتك .. ووصل عمره سنه .. وسووا له العملية كان عنده انسداد .. ماشاءالله الحين بالجامعه ومافيها شي عينه .. بس مشكلتها البسيطة اللي الى الآن انها غالباً تدمع ..

انتي وديها لدكتور يكون خبير في العيون .. ان شاءالله يكون حلها بسيط ..

فيه طبيب عيون ماشاءالله معروف بالسعوديه .. بالقصيم .. اسمه ( الفلاي ) بمدينة عنيزة .. له عيادة خاصة فيه .. ماشاءالله علاجه وحده بوحده .. عالجت عين ولدي عنده .. طاح فيها شي وورمت وصارت حمراء .. وديته المستشفى العام .. ومافيه فائده .. ووديته مستشفى خاص .. مافيه فائده .. وديته آخر لشي للطبيب هذا ( الفلاي ) .. ماشاءالله علاجه من ثالث يوم ترجع العين طبيعية .. أنصحك بزيارته .. لأنه من تجربة ..

:)

ماقدر اسافر لأن زوجي ماعنده اجازة حاليا الى شهر محرم .. يعني وايد بعيد!! مشكورة حبيبتي..

دلوووعه زوجها;13259362:
ما عليها شر القمره عورني قلبي عليها وكل شيء ولا العيووون ولا اي شيء يعطوونش تحطين فيها ترى اقل خطأ يمكن يسبب ليها مشكله اكبر لا سمح الله
واني ما عندي خلفيه في هالامور إنشاء الله البنات يفييدوونش وماعليها شر وتحملي فيها
والله يشافيها إنشاء الله ويخليها ليش ويبلغش فيها

هذا اللي خايفة منه .. العيون جزء حساس في جسم الانسان واخاف عليها .. مشكورة حبيبتي عالدعوات .. يجزاش خير بمثله ان شاء الله..

رابنزول;13259676:
ماعليها شر ان شاء الله كسرت خاطري

حاولي توديها استشاري عيون معروف

نصيحة لاتسمعي نصايح يمكن تضر ماتنفع يعني العين حساسة

ويمكن اللي استفادوا من هالتجارب مو لازم نفس حالة عيون بنوتتش اقصد تجارب تقطري عينها بحليب او شي ثاني

الله يشافي البنوتة

ان شاء الله .. هذاني اسأل من حد لحد ابي اسم زين .. وهالويك اند ملزمة اشوف حل لعيونها .. مشكورة حبيبتي..

المـ ج ـهولة;13259677:
مرحبا اختي

لا تخافي آنه بنتي قبل اسبوع كانت مثل الحاله

وديتها المركز واعطوني قطور لها جربته واستفدت منه

وهاي صورته



واذا تبين اخصائي اطفال

انصحج تروحين لدكتور محمد الساعي اخذت بنتي له اكثر من مره

و عندج مستشفى الامل بعد زين

واذا تبين ارقامهم ادزهم لج

وقدامها العافيه يارب

هذا القطرة عندي منها وايد ماستفدت منها .. مو كاتبة عصارة ابو الاسد .. مشكورة حبيبتي على عرض الصورة .. وديتها مستشفى الأمل هو شرحلي بأبر كبار .. يقول مافي ليزر!! الطب تطور وهو للحين يبي يبقر عيون بنتي في ابرة ساطور :mad: ومحمد ساعي اول مرة اسمع عنه.. هذا اخصائي عيون؟؟ طرشي رقمه .. ومشكورة حبيبتي..

مالكة الليل;13259759:
انصحش تودينها مستشفى الدولي وعن تجربه ... عندهم دكتور اطفال واخصائي عيون وعن

قريبه لي ولدها اول ماجابته في اول اسبوع له صادته عيونه تطلع وصخ اول شيء بدت عيون وحده وشوي شوي قامت الثانيه بعد تطلع وسخ .. ونصحوها تنقط له من حليبها هم مافاد .. ودوه المركز ع اساس الكل قال لهم هذا مرض عادي للعيون يصيب كل الجهال جدي .. وراحوا المركز والدكتور قال التهاب بسيط وعطاهم مرهم وقطور وقال لهم ايام وبيشفى .. وهذا شيء عادي يصيب الاطفال .. مر يوم ويومين وكل ما جى للحاله تزيدوهي كل ما شالت هالوسخ الاصفر من عيونه يرد يطلع وقام ما يفتح عيونه .. وعيونه من دااخلها احمر
ردوا ودوه السلمانيه قالوا هذا شيء عادي وردوا صرفوا لهم قطور ومرهم بس غير عن المركز .. ومر اسبوع وهم ع هالحاله والام ماليها حال ولا تدري هو نايم والله قاعد ..!!

وبعدها زوجها دخل النت وكتب افضل اخصائي عيون وطلع له بمستشفى الدولي وما صدقوا خبر وراحوا هناك واخذوا الطفل وفحصوه وقالوا لهم عنده التهاب شديد شديد شديد بالعين وقالها اكثر من مره لهم

وقام الدكنور يسال من متى المرض ؟ وهل وديتونه مكان قبل لاتجون هني ..
قال زوجها اي وديناه المركز وعطونه قطور ومرهم فشاف الدكتور الادويه الا يقول هذا قطور مال شخص كبير .؟؟!! اتخيلوا لاي مدى اهمال المراكز الحكوميه صارفين دواء لطفل صغير
فعصب الدكتور وقال له المفروض من الو ما تصيده عيونه توديه لاخصائي عيون وما تخليه ولو راحت عيون الولد و .......الخ

فرد عليه زوجها .. انه وديته المستشفى وكنت واثق بالدكتور بس هو نفسه الكتور قال لي التهاب عادي كلش يروح بالقطور !!!!

المهم مااطول عليج ,,

دايركت اخذوه الممرضات وقاموا يحطون له قطور ومرهم لمده 3 ساعات تقريبا .. كل خمس دقايق قطور ومرهم وينظفون عيونه ... وكان فيه نوعيتين من القطور والمرهم ... وضربوه ابره في فخده ع عمري وهو ولد اسبوع وقالوا بعد له ابرتين تعالوا بكرى واللي بعده علشان ياخذهم

وقالوا لهم انه هذا الالتهاب نفس المرض اللي صاد طه حسين جدي ... وزين تلاحقتوا عليه .. وقاموا امه وابوه والتزموا بالقطور والمرهم مع التنظيف للعين وشوي شوي قام يروح للاحمرار ويفتح ...

وطبعا كان له مواعيد يروح لهم فيها علشان يكشفون ع عيونه فاول مره قالوا لهم لا لسى الالتهاب موجود وما تفير شيء ... بس بعدين شوي شوي قام يتحسن وضعه وصار احسن واحسن وعيونه ما قامت تدمع وصخ .. وحمدوا ربهم وشكروه ..لان صدق اهم شيء العين ..

والسموحه ع الاطاله بس عن جد المستشفى اهتمام ورعايه طبيه وعندهم اخصائييين ..

وع فكره ولدها كبر ولدي سنتين وشهرين

مشكورة يا عمري عالرد .. والله انكم خوات لي .. وماخيبتوا ظني .. بس انا عيون بنتي مو لدرجة انها ماتقدر تفتحها .. يعني حتى الوسخ مو ثقيل واجد مثل اول ولادتها .. خف شوي .. بس على طول تدمع على طووول .. بدون احمرار .. وهذا اللي مجنني .. الناس مايدرون هي تصيح والا مستانسة :( وبحاول اوديها ان شاء الله بعد بكرة .. مادري شكلهم ما يداومون الجمعة.. جزاج الله خير يالغالية..

دموع العراق10;13259950:
بنتي بعد كانت عينها تدمع بس عين وحدة وقالت لي الدكتورة سوي لها مساح عند العين على الانف حركة دائرية

كله اسوي في كل رضعة :( ما تغير شي :( بس شكله يزيد.. مشكورة يالغالية

عاشقة الاسمراني;13260152:
ما عليها شر

والله يشافيها يا رب

يارب.. مشكورة حبوبة..

أم ميمي وعلاوي;13260178:
السلام عليكم ورحمة الله وبركاته ..

ما خاب من تمسك بلإيمان .

عزيزتي كوني على يقين ان ارائنا لا تعبر عن حقيقة مرض إبنتك ِ فمهما تشابهت الأعراض إلا إن في نهاية الأمر لسنا سوى أمهات

نخبر تجاربنا من غير وعي ولا ادني معلومية .. للأننا بلأحرى لسنا دكاترة ..

بعد المقدمة الطويله العريضه يا اختي .. انا ولدي من اول ما جبته عنده عين كله تدمع وإذا نام يطلع وسخ ..! رحت لأكثر من دكتور

وكان الكلام نفس الشيء . (( إن القناة الدمعية لا يكتمل نموها إلا بعد السنة الأولى ) وكانوا لا نصحوني بإستخدام الأدوية لما لها

من تأثير سلبي مع مرور الوقت .. ونصحوني بعمل مساج للعين بشكل يومي وفي اي وقت وهي ان اضع طرف اصبعي على

الجفن واعمل دوائر بشكل خفيف ومع إستمراري خلال شهر او اكثر بكم يوم عين ولدي رجعت طبيعية .

اختي الغاليه .. اتمنى لإبنتك ِ الشفاء يارب واهم شيء لا تيأسي وتمسكي بلأمل ولا تخافي من تجارب الآخرين ابدا ً .

كمان عندي اختي عندها بنت من ولدتها عيونها تطلع وسخ ودموع وكمان تعذبت بالمستشفيات وكلهم يعطونها مراهم وقطور

وما صحت وشفت إلا لما صار عمرها 3 سنوات . وذلك على ما سمعت من الدكتور بإن القناة الدمعية لا تكون في كامل نموها

وكل طفل يكتمل نموها في اوقات مختلفة ولكن كزمن وسطي فإن خلال إكمال السنتين يكتمل نموها .

الله يشافي إبنتك ِ إن شاء الله

الله .. كلامج وايد ريحني .. والله كلامج بلسم خفف عني الكثير .. يارب تشافي بنتي وبنات المسلمين يارب ..بس بسألج خيتو انا اول مرة اعرف انو حركة دوائر فوق الجفن! انا اسوي بجنب بداية العين يعني عند الأنف بالضبط .. بس فوق الجفن اول مرة اسمع .. بجرب وان شاء الله تتحسن .. مشكورة يالغلا..

مسك أبيض;13260240:
:thumbs_up:

ما تشوف شر الحلوة طمنينا عليها

ان شاء الله تتحسن ويارب اطمنكم عليها عن قريب .. مشكورة يالغلاا

miro2;13260318:
رأي الدكتور ده مظبوط انا ابني كان عنده الغده الدمعيه مسدوده في عين واحده و خفت تماما في عمر السنه بدون اي عمليات فقط بالتدليك بحركات دائريه عند زاويه العين ناحيه الأنف و ربنا يشفيها يا رب

مشكورة حبيبتي .. هذا اللي اسويه

مــجـــرد دمــعــــة;13262879:
صراحة انا بنتي عمرها سنه
من اول ما و لدتها لين الحين عيونها تدمع و شيء اوصاخ
لما كانت عمرها شهرين سألت دكتوره قالت عادي بيروح لما تكبر
بس اعطتني مرهم
المهم ما استخدمتها
الاهل نصحوني بالكحل الطبيعية اني احط في عيونها
و كحلت عيونها و الحمدالله خفت شويه
فانشاءالله ما تشوفين شر
فلا تخافين حبيبتي:)

ايه اشتريت لها اثمد حق الصغار من الصيدلية .. كحلناها يومين وامي مارضت تكمل تقول مب زين مادري شنو .. وكاه يسمع حسج .. بحاول اقنعها .. عمتي تقولي لو كحلتيها جان خفت!! بجرب واشوف .. مشكووورة يالغالية .. اشوه فيه حد مثل بنتي وتشافوا الحمدلله .. ريحتوني الله يرريحكم دنيا وآخرة..

بعيد انت;13262907:
ربي يشفيها يارب .
بس نصيحه خففي ادويه .. واول ماتصحى دايم امسحي عيونها بماي دافي مغلي طبعا من قبل .. وامسحيها بقطنه .
وكل عين قطنه ومرريها عليها مره وحده بس

والله مادريت دكتورة تقولي ماي دافي ودكتورة تقول ماي بارد ولا ادري وش الحل.. وهي مو ذاك الزود تتسكر عيونها وماتتبطل .. يعني الوسخ خفيف مقارنة بالدموع.. مشكووورة حبوبة..

من كمثلي;13262930:

الله يشافيها خلي إيمانك بالله قوية

ونعم بالله .. مشكورة خيتي..

ما عليها شر اللة بشافيها

الشر ما يجيش خيتي

مشكورة

الله يشفيها ويعافيها وماتشوف شر

ما عليها شر الكتكوتــــه
في بعض الجهال جذي , على قولتهم بعملية بسيطه ما تاخذ شي وكل شي يصير أوكي
وعطوج البنات خيارات عن الدكاتره الموجودين عندنا في البحرين ,,

وان شــاء الله خير

ماعليها شر ان شاء الله

لاتسكتيت حبيبتي وديها المستشفى

وان شاء الله مافيها الا الخير

هلا حبيبات قلبي خواتي الغاليات ..

امس رحت المستشفى حق روحي كنت تعبانة وقلت باخذ لفطوم موعد وياي يمكن الدكتور غير والاشي

رحت والا كانت الدكتورة اللي عطتها التحويل واني نسيت ماوديتها واستحمقت :(

عطتني تحويل مرة ثانية وعطوني موعد شهر 11

بس شكلي مابصبر قلت لابوها يوديني عند اي اخصائي ان فادني اوكي وان مافادني بنتظر موعدها في السلمانية وان شاء الله خير

دعواتكم يارب تشافي عيون بنتي قبل مايجي موعدها وافتك

اخاف عيون بنتي تضعف اسمله عليها ..

مشكوورين خواتي الله لايحرمني منكم ان شاء الله..

سلامتها الف سلامه وماتشوف شر

مثل ما قالوا لك الأمهات سوي لها مساج عند العين على الأنف حركة دائرية و استعملي اليها الكريم اللي مرسوم عليه الاسد موجودة صورته في صفحة من الصفحات هذا العلاج اللي الطبيب وصفه لأولادي و هم صغار و عندهم نفس مشكلة بنتك و أذكر طلب مني أسوي إليهم كمادات أعتقد دافية
إذا ما صارت زينة ما لك خيار غير العملية و إن شاء الله ما عليها شر الكتكوتة

السلام عليكم اختي كل اللي قلتيه وشرحتيه اعانيه مع ولدي لكن انا سويت العملية لولدي بس النتيجة انو عين انفتحت وصارت زينة والعين الثانية ...
ماخليت شي ماجربته...وديته لكذا دكتور وعطوه علاجات اشكال وانواع..ومانفع ..شافه دكتور كبير في العسكري دكتور عيسى المطوع سوى ليه عملية التسليك في سن 8شهور ومافي فايدة...
لغاية ماسافرت لعند اهلي وعرضته على دكتور قال كل شي سويتيه زين لكن رجعي عيدي ليه العملية مرة ثانية وقال كلام يخوف بصراحة وبعد كل هذا عطاني علاج مااتوقعت انو يسوي هالنتيجة مع ولدي قسما بالله انها قطور سحرية بس اهم شي بعدي بنتك على الدخان والغبار والتراب..انتي عارفة الاشياء لاللي تجيب الحساسية لانو القناة اللي بتنظف العين مصكوكة ..
زين بعطيك اسم العلاج..
gentalline
هو في منه المرهم والقطور انا عطاني الدكتو القطور ومستمرة عليهم...والله الشافي..
خلي يقينك بالله والله يشفيها ويشفي ولدي...
انا الحمد لله القطور مريحتني لادموع الحين ولا وسخ الحمد لله...ولدي الحين عمره سنة 10شهور..
اسال الله ان يشافي مرضانا وجميع مرضى المسلمين...

السلام عليكم

مشكووورين حبيبات قلبي كل اللي تفاعل معاي بالموضوع .. واردها لكم بالافراح وبميزان حسناتكم ان شاء الله ..

انا بواصل في الموضوع لين القى حل لعيون بنتي .. حتى لو وحدة من البنات احتاجت تسوي بحث لنفس الموضوع لاسمح الله تلاقي الحل بسرعة ..

يوم الأحد من ذاك الاسبوع رحت المستشفى العسكري مع الوالدة الله يحفظها عندها موعد وتذكرت كلام ام .. ورحت اخذت موعد من قسم مواعيد الطب الخاص في المستشفى العسكري .. عطوني يوم الاثنين اللي هو اليوم ..

وديت بنتي وكان الدكتور وااايد طيب ومتفهم وكلامه هادي ويطمن شوي ..

اول مادخلت هو طبعا شاف عيون بنتي تدمع لحاله قالي عيونها اليمين من الولادة جذي؟؟ قلتله اي وشرحتله معاناتي معاها :(

تسأل فيني شوي عن عمرها ومن متى واذا كانت ولادتي طبيعية واذا كملت تسع شهور و و و

بالأخير قالي اذا في حالتها لازم نسويلها عملية تسليك للقناة الدمعية وكان عنده صورة العيون وشرحلي وكذا وقال .. اول مرة بنسويلها تسليك ونسبة نجاح العملية من 90% إلى 95% إن شاء الله .. واذا مانجحت لاسمح الله نرجع نسويها واذا بعد مانجحت لاسمح الله بيسويلها عملية وبيحط انبوب داخل القناة الدمعية عشان تنفتح زين :( اسمله عليها قمرتي :(

العملية بتكون بتخدير عام .. وعطاني ورقة حق سحب دم منها وبيتصلون عشان الموعد خلال هالاسبوع ان شاء الله

دعواتكم بنات الله يشافي بنتي وبنات المسلمين :(

فمان الله..

الله يشافيها ان شاء الله