روايتي الاولى حلووة تفضلوو لا تفوتكم...

hiبنات اسفة على التأخير بس والله ظغوط ولابتوبي بعده خربان وانا دشيت من جهاز ثاني لاني كنت كاتبة بارت طويل مرررة وانمسح في لابتوبي وانا الحين برد اعيده يلا خليكم معاي...

هذا هو البارت و قراءة ممتعة للجميع ...
وماشافت إلا ظل واحد يقرب منهاا كان لابس بنطلون جينز وقميص ابيض وجاكيت اسود ونظارة شمسية سودة ماركة شالهاا اول ماقرب منهاا...
انا خفت وارتبكت في نفس الوقت ياربي شيبي ذي وقته يعني وينج ياسعاد عني.

:السلام عليكم
سارة بارتباك شديد وهي اتطالع يمين ويسار
سارة:هاا ....عليك..م السلا..م
:اسف يمكن مو وقت مناسب للحديث او مكان مو مناسب واسف لين سببت لج أي احراج بس بغيت اطلب طلب ...

سارة في قلبهاا اوووه هذا شيبي ,هذا بعده ماتكلم اسف واسف اووووف....

سارة:تفضل

:احم .....امممممم ..انا ...انا.. بصراحة معجب فيج من زمان وانا إنسان ما عندي مني مناك ومااعرف أي بنت عشان اطرشهاا تكلمج بدل مني حتى ماسبب لج الاحراج..

قاطعته وانا خلاص بموت شقاعد يقول مينون ؟! هذا شيبيني اقوله مايعرف يسأل عني ويدل بيتنا بدل هالاحراج كله اووف...

سارة وهي واقفة:عفواً بس اخوي ناطرني برع بروح حقه..

وبكل ادب:ممكن تعطيني رقمه.؟

اتحيرت شنو اسوي او شنو ارد قعدت ساكتة لثواني بس اهو شكله مو من النوع اللي يقص او يلعب على البنات...

عطيته رقم اخوي ومشيت عنه وانا خايفة احد شافني وفهمني غلط....

رحت عند الباركات واشوي وجا ساجد بعد ماسوا رنة مايدري اني انا واقفة احارسه
ركبت وانا خايفة , يمكن اتصل له في هالثواني لا يمكن اجذب ويبي يقول الى اخوي اشياء عني مب زينة...

اوووه انتي بعد ,شتبينه يقول واهو مايعرفج ولا شافج ..

وصلني ساجد البيت ونزلت ورحت على طول غرفتي واتصلت على سعاد
سعاد:الوووووو..
سارة:بااااال قلنا فيش زكام مو صوتج ايصير وحش..

سعاد:قلبي ويهج مو ناقصتج انا ..
سارة:هههههههههه خاطري ايي لج واجوفج واطنز عليج مب اليوم مخليتني بروحي في الجامعة...

سعاد:هاا..وش صار اليوم عطيتون الدكتور البروجكت...
سارة:من حسن حظج الدكتور غايب وحظرنا حصة بس...

سعاد:اشوى مايه كان خاطري اشرح له عن البروجكت معاج...

سارة:امممم..مادريتي اليوم شنو صار لي؟
سعاد:شنو صار بعد يم الدواهي ؟؟
سارة:تذكرين مرة كنا في الكفتيريا وكان واحد قاعد يمنا ويطالعنا ؟؟

سعاد:امممم.. لحظة خل اتذكر...

بعد ثواني معدودة : اي تذكرت شفيه مات وفتكينه منه؟؟؟ يامسكين بعده شباب

سارة:فالج ماقبلناه سبالة صج انتي مو مالت سوالف باااي..
سعاد:تعالي ..ههههههه...والله امزح معاج....هههههههههه....

سارة :قلبي ويهج ..
سعاد بجد:صج ..صج شنو فيه؟
سارة:يا صوبي اليوم...وانا خلالاص اصفريت وحمريت..(((اشارة مرور مثلاً هههه)))

سعاد:اوك...بعدين شنو قال؟

سارة:يقول ..السلام عليكم ...ادري المكان مو مناسب ((وكملت لهاا اللي قاله ))...
سعاد:بااااال..يا سلام ...وش قلتي حقه؟

سارة:قال لي ابي رقم اخوج وعطيته اياه..
سعاد:واتصل؟؟؟!!!!

سارة:شدراني انا توني ياية من الجامعة وعلى طول اتصلت فيج...
سعاد:منو يابج...
سارة:سجوودي حبيبي....اخوي القمر...
سعاد:فديته والله..
سارة:لا تقعدين تتفدين في اخوي يلا مناك...
سعاد:وع ..كلش عااد...
سارة:وع هاا ماعليه((وسديت الخط في ويهاا حتى تتأدب))
*
*
*
*
*
*
*
*
*
*
*
*
*
*
*
*
*
يتبع

...ام مهدي...
..المتحف...


اليوم قررنا انا وابو مهدي نروح المتحف ....عشان مهدي يتعلم اشياء ويقعد يميز فيهم بين الحقيقي و الصناعي...
دشينا القاعة الرئيسية اللي كان فيهاا هيكل الديناصور ...
ام مهدي:شوف ماما هذا شنو..
مهدي:هذا ادم ((عظم))..
ام مهدي:حبيبي شوف هذا حيوان اسمه دينا صور مات وراح الجلد ماله ..شوف ..وحملته عشان يشوفه ...
ابو مهدي:هذا مثل اللي في الرسوم المتحركة بس هذا حقيقي وهذاك جذب ..
وقعدنا نفتر على كل القاعات ونعلمه عليهم..
ورجعنا البيت بعد تعب ...

....بعد مرور اسبوع ماكل من مرور الاحداث...


مهدي صار طفل مؤدب جداً في كل مكان وقاعد يتعلم اكثر واكثر ...

سارة ... اتصل الشاب على اخوهاا وكلمه وختار موعد انه يجي مع اهله يوم الخميس الياي..


حبيب اللي قاعد يسوء اكثر واكثر من شلة الشر وقام يطلع العصر غير مهتم بأحد ..
وهو اللحين في القهوة مع شلة السوء في الليل:
حمود:شف بس حبيب اشلون لك هيبة وانت ماسك الشيشة في ايد وتشرب الجاي في ايد ثانية ..
ملاحظة هامة:(((هذي الشلة اكبر سن من حبيب لانهم راسبين بس معاه في صف )))


سارة قابلت وليد ...
وليد عمره 23 سنة له هذي اخر سنة من الدراسة ..يدرس إدارة اعمال ..

اهل سارة في الاسبوع سألو عن وليد ومحد ذم فيه بالعكس رجال خلوق وكامل والكامل الله..

سعاد...
...بيت عمهاا...

طلعت من حجرة سارة وماادري ليش بس ماابي اسمع هالسيرة اكيد هو غير رايه فيني من الحادث اللي صادني ولو بيخطبني بيكون مغصوب لان الكل يدري انه حجزني بس انا مابوافق وماشفت روحي إلا دعمت بظل طويل ..
سعاد:بسم الله الرحمن الرحيم ...

ساجد:مرة ثانية لين بتمشين امشي بحذر وطالعي فوق حسيت انه حتى مو مشتهي اكون بالقرب منه في ثواني شلون يخطبني؟!
رفعت عيني المليانة دموع اطالع عينة ..
ساجد من شاف الدموع رفع راسهاا بيده وقال لهاا
ساجد:اش فيج؟؟سعادقولي شصاير.؟

سعاد:مسحت دموعهاا وتركت ساجد بس في ايد كانت اسرع منهاا مسك يدهاا وضمهاا بقووة..


قمت من حظنه بسرعة خفت احد يشوفنه..



ساجد :شفيج سعاد..؟
سعاد:مافيني شي ..
ساجد حس من نظراتهاا نظرات احتقار ابتدلت بنظرات الحب السابقة :شو صاير لج؟؟
سعاد بعصبية وبدون وعي:هذا انت المتدين وجذي حبيب شنو بيسوي.
وماحست إلا بكف قوي حمر ويهاا..انا من حسيت بالكف على طول رحت غرفة سارة وقبل لا ادخل مسحت دموعي ماابي اخرب فرحة سارة ..

..ساجد ..
..في الصالة...انا شنو سويت ..هذي سعاد حبي الاول والاخير اضربهاا كف ..



صج انا غبي من غير سبب اسوي هذا الشي .



بس لا كانت نظرات الاحتقار في ويهاا قطع عليه افكاره دخول حبيب :
هااااااااااااااي...
ساجد:وعليكم السلام..
حبيب كان ماشي ولا عليه مني ..هذا بعد اتغير واتغير وايد بعد ..
ساجد:حبيب..
حبيب وهو موقف :نعم ...
ساجد:تدري انه اليوم خطبة اختك سارة وانت لاهي من مكان لمكان ابيك اليوم تحظر ..
حبيب:انزين اووف...
وطلع عني وظليت انا بهمي وافكاري ....


انتهى البارت اتمنى انه عجبكم ...
تحياتي لميس الروح..
احببببكم..

hi بنات ...
هذا هو البارت وقراءة ممتعة للجميع .....

سارة..
بيتهم...
الليل ..

كنت مرتبكة اشوي وخاصة مع سكوت سعاد الغريب بعدين يت ام وليد واخته الهنوف متزوجة واهو وابوه فيصل ابو وليد ..

الحريم قعدوا في الصالة والرجاجيل في المجلس وابتدأت السوالف ..

كنت انا لابسة تنورة لونهاا اسود على ذهبي ولبست بلوزةلونهاا ذهبي وكنت منزلة شعري مع مسكة الشعر بطريقة مرتبة وحاظة في ويهي مجرد كحل خفيف وروج خفيف جداً ...

سلمت عليهم وانا اشوف نظرات الفحص الشامل وقعدت على صوب وانا ساكتة ..

ام وليد:شسمج؟!
سارة بحيا:سارة..
ام وليد:عاشت الاسامي ..
سارة:الله يخليج..
وسألتني اخته ريم شنو تخصصي وفي أي كورس وعن اخباري وسولفنه شوي ...

...ام مهدي...
من مهدي تعلمت ان المشاكل العائلية اللي بيني وبين ابو مهدي لازم ماتصير جنب مهدي ومايشوف فينا إلا التعاون عشان يتعلم ومايروح يطلع الكلام ..

....بعد مرور اسبوعين من الاحداث ....

حنان ولطيفة يستعدون للامتحانات النهائية للكورس الاول للثالث الثانوي ((توجيهي)) ...

اما مهدي فمن احسن الى احسن...

حبيب اللي حاله كلما جاله ويزيد حتى انه مرة تأخر للساعة 3 الصبح وكانت بتصير مذبحة في بيتهم...

اما سارة فهي تتجهز مع سعاد لخطوبتهاا بعد ماوافقت على وليد ...



بعد التجهيزات كلهاا...


*
*
*
*
*
*
*


...يوم الخطوبة...
سارة:كنت اليوم الصبح مرتبكة وحالتي حالة الحجرة مقلوبة فوق تحت من الاغراض ...
رحت وغسلت الحناء مالي ورحت افطرت وبعد الفطور ..
غسلت وبرزت كل الاغراض اللي راح احتاجهم في الصالون اتصلت في سعاد اللي راح تجي معي ونروح للصالون..

سارة:الووو
سعاد:حيا الله العروس ...
سارة:الله يحيج ويبقيج...هااا قعدتين؟؟
سعاد:ايه من زمان ...
سارة:اوك برزي روحج بمر عليج عقب شوي ..
سعاد:اوك بجهز...


مرينا على سعاد على الساعة 12 الظهر ...
ورحنا نزلنا الاغراض ...

تكملة البارت بأسرع وقت ممكن ...
مع السلامة

hi.... بنات اخبارك تمام...

هذا هو البارت وقراءة ممتعة للجميع ...
...سعاد...

رحت اييب الفستان وقلبي يدق لان ساجد هناك من شافني باخذه قال بيساعدني لان صج ثقيل وقبل مااشيله قال لي :

ساجد بنظرة ساحرة:عقبالج سعاد...
سكت عنه وقلت له ساعدني حتى انشيله اكيد سارة اتحارس هناك..
ساجد:لا تتهربين هذي احسن مناسبة اقدر اتكلم فيهاا معاج...
سعاد وهي خلاص بتموت وهي تشوف نظرات ساجد:
سعاد:نعم ..شصاير.؟

ساجد:اول شي عتذر عن الكف اللي عطيتج اياه دون قصد وعسى ايدي تنكسر يوم فكرت اني اضربج ..
سعاد:اسمله عليك...((وهي تشوفه))..
ساجد:وين هالنظرة ياسعاد كنت ابي اشوفهاا من زمان وش صار لش اتغيرتين ترى انا بعدي ساجد اللي يحبج واللي نحب بعض بنظرات عيونه الصامتة فليش نظراتج راحت لييش؟؟

سعاد وهي خلاص دمعت عينهاا :انت تدري ليش انا خلاص مااصلح لك واستندت على السيارة وحست بظل يقرب منهاا اشوي...
ساجد بعصبية:ليش شنو اللي صار ؟؟انا سويت لج شي؟؟
شنو صار فيج تكلمي؟؟

سعاد ببكاء:بعد اللي صار لي يوم يتحرشون فيني ولو ماالرجال الطيب جان ماادري شنو حالتي اللحين اعتقدت انك خلاص راح حبك لي...
ساجد حط ايده على وجه بقوة بعد ماسمع الرد التافه من حبيبته سعاد..
ساجد:انتي صار لج شي؟؟
سعاد:لا ..لا ...
ساجد براحة:هه((بسخرية)) اللحين ذابحتني على هالرد التافه سعاد انا واثق فيج ازيد من نفسي تفهمين وهذيلين مجرد حثالة مجتمع انا مااهتم فيهم ولا اخليهم يخربون حياتي سعاد ارجعي سعاد اللي تبحني ارجوج لا تختربين..
سعاد:صج ساجد انت مااخذت فكرة عني مثل الناس ؟
ساجد:اتخسي اللي يمس سعاد بشعرة والله اراويه..
سعاد ببسمة شايلة الارض :يلا ساعدني اشيل الفستان..
ساجد:يلا وعقبال مانشوفج عروس..
سعاد بخجل :انشاء الله..
ودخلت الصالون وشفت سارة كانت بتطلع حقي..
سارة:اتاخرتي شتسوين ؟؟
سعاد بحرج:هاا...علما اشيل الفستان من كل الجوانب ..
سارة:انزين يلا خلنا نروح تأخرنا وايد...
((في الصالة))
دخلت سارة غرفة التعديل في الصالة والمصورات راحو يتجهزون ..
عدلت سارة روحهاا زين ..
انطفأت انوار الصالة و اشتغلت موسيقى كلاسيكية ووصلت للكوشة ..
والكل كان فرحان ...بعد فترة قامت الناس تبارك لسارة ...
طلع وليد والناس فلت كشختهاا ورقصو واستانسو ...
بعدين راحو البيت مع الهرن المتواصل ...


...حنان...
اليوم من الصبح جت لي لطيفة للمراجعة لمادة الريض مع بعض لان بكرة امتحان نهائي ادعو لينا...

حنان:انزين حلي هذي المعادلة دار راسي وماعرفت احلهاا ...
قامت لطيفة اتحلهاا ولا حنان تقول :والله تدعمني سيارة واقدم هالامتحان.,..

...سارة,..
قعدت الساعة 10 الصبح تقريباً وانا تعبانة وقعدت اتذكر اللي صار امس صج انا طول الوقت خايفة بس مع الغفصة والتصوير والاكل والروحة والجية راح الخوف مني..
كان امس الكل مستانس الا العروس والمعرس خايفين قمت وغسلت وجهي وافطرت مع احلى صباح من اهلي عقب توني بروح اتروش الا تلفوني يرن ...
رقم غريب استغربت منه ويوم شلته سمعت صوت وليد يقول..
:السلام عليكم ...
باااااااااااااااال انصدمت انا ماعطوني رقمه وهو حصل رقمي اكيد ساجد عطاه ...
وليد:قلنا السلام عليكم ...
سارة:هااا ...وعليكم السلام والرحمة ..
وليد:شخبارج عروس انشاء الله بخير..
سارة:الحمد الله ...شلونكم انتو ؟
وليد :الحمد الله بخير...
سارة :دوم انشاء الله ...
وليد:الله يخليكم ..انزين حبيت اقولج اليوم معزومة على غدا عندنا في البيت اوكي ..
سارة:انشاء الله ..بس متى بتمر علي ؟
وليد:الساعة 1 الظهر زين الوقت .؟
سارة :اي اوكي ..
وليد :اوك حبي تامريم على شي؟
سارة بخجل:الله يسلك سلامتك ..
وليد:يلا مع السلامة ..
سارة :الله يسلمك ...
سكرت التلفون ورحت اتروش ...
**************
طلعت من الحمام((الله يكرمكم )) ولبست بلوزة وردية على اسود مع بنطلون جينز ...
تعطرت ولبست الجزمة ((الله يكرمكم)) وعبائة الكتف ..
بعدين الساعة 1 يا وليد واخذني...




*
*
*
*
*
*
*
*
*
يتبع...

...حبيب...
رحت للشقة اللي كنا فيهاا نلعب بته وقمار ونسوي كل شي ((خربوه شلة السوء)) ...
اتصل فيني ساجد ..
وه شيبي ذي طلعت من الشقة حتى مايسمع الاغاني واصوان الشباب العالية ...
حبيب:الووو((بملل شديد))
ساجد بحنية:سلام عليكم ..
حبيب:وعليكم السلام ..نعم..
ساجد:نعم الله عليك ..اقول حبيب انت في وين ؟؟
حبيب:مع ربعي ..امر
ساجد:مايامر عليك عدو ياخوي لكن مو كأنك تأخرت ..
حبيب:ياربي ..انزين ...انزين اللحين بجي..

انتهى البارت

قصة حلوة
يعطيك العافية

هاااي بنات ....

هذا هو البارت وقراءة ممتعة للجميع ....

...حنان....

قاعدين انا ولطيفة نراجع في الكيم 101 ...

لطيفة :حنان دار راسي ...روحي سوي لينا كوفي عاد..

حنان:مااشتغل عندج...

لطيفة:بدت بثقل دمهاا عاد ...صج حنون روحي عن السخافة الزايدة ..

حنان:اوكي كسرتي بخاطري هههههههههه ..

رحت المطبخ اسوي الكوفي واعد الساندويج..

لكن اللي ماكان على البال انه ماقلت للطيفة تقفل الباب عليهاا...

عند لطيفة ...

تعبت وراحت على السرير وفلت شعرهاا الاسود الناعم اللي يوصل تقريباً لنص فخذهاا بطريقة مقطعة وغطت روحهاا بالغطاء كامل...

دخل طارق الغرفة وهو كان توه جاي من شغله دخل وشاف وحدة نايمة قال اكيد حنون...

راح ودزهاا على ظهرهاا
:هي حنون قوووومي...بقوليش شي ...
ولطيفة من صوب ثاني متمسكة بالغطا ومي قادرة تستحمل ..
طارق وهو يحاول يشيل الغطا:حنان عن الدلاعة الزايدة قووومي...مو قاطة اغراضش مال الدراسة ونايمة لي ..ترى بقول الى امي...

دشت حنان الغرفة وصرخت:

طااااااااااااااااااااااااااااااااااااااااااارق !!

اتجمد طارق خلاص قال جنية اكيد ...

بسم الله الرحمن الرحيم حنااان ...
حنان:ويش اتسوي اطلع برى بسرعة ...
((بخوف )) حنان من اللي هني .؟"

حنان:هذي لطيفة ماتفهم ..؟
طلع من الحجرة منصدددددددددددم ..

رفعت الغطا لطيفة وكأن احد كاب على وجهاا صبغ احمر من الحيا ...
حنان:سوووووووووووووري والله لطيفة ماكان يقصد ..
وبدء الحوار بينهم ...


*
*
*
*
*
*
*
*
*
*
*
*
..حنان..

قعدت من الساعة اربع الفجر صليت على النبي محمد وكملت دراسة الكيم ..
بعدين قمت ولبست واخذت الورقة احفظ فيهاا واني امشي في الشارع ...واني رايحة المدرسة وقعدت احفظ فيهاا واني ناسية الشارع...


فجأأأأأأأأأأأأأأأأأأأأأأأأأة .....


يتبع

وقعدت احفظ فيها واني ناسية الشارع...

فجأأأأأأأأأأأأأأأأأأة...

طرااااااااااااااااااااااااااااااااااااااخ

...فيصل...
كنت ماشي بسيارتي الجيب اللي كنت مستأجرنهاا من محل تأجير لاني إماراتي الاصل..وكنت قاعد ادور إذاعة القران في المسجلة ومافتحت عيني اله على قدام بنت قبالي ..ماحسيت في روحي شنو بسوي ..ضربت الفرامل بسرعة...
بس .....بس البنية طاحت ...

نزلت من السيارة بأسرع شي عندي ...شفت البنية طايحة على الارض ومغمضة عيونهاا الواسعة ووجهاا البريء الصافي وشيلتهاا اللي طاحت من على راسهاا وتناثر شعرهاا الطويل الاشقر بس حسيتها ماسكة رجلهاا رحت عند راسهاا...


فيصل بهلع وخوف: هاا اختي ..مو ميتة ..اش صارلج..

حنان لا تعليق

ياربي وش هالورطة اللي ورطت نفسي فيهاا..

فيصل:اختي صادج شي ؟ تقدرين تتكلمين ؟ اشلج المستشفى؟
((بصوت منخفض جداً قريب للهمس )) :ريلي ..اه..
فيصل:امبيه ياربي ...انزين تقدرين تعطيني رقم بيتكم ..
حنان:17........ هذا هو..

اخذت الرقم وقام يرن محد يشيله سكرته ولا حظت ان البنية تحاول تقوم ...اصلاً الشارع فرعي وخالي ساعدتهاا وقلت لهاا تدخل السيارة على ما اتصل في بيتهم ..

اتصلت مرة ثانية ...
ام حنان:الووو
فيصل:السلام عليكم ..
ام حنان بستغراب:عليكم السلام...
فيصل:لو سمحتي خالتي بس بنتكم دعمتها سيارة واحنا على الشارع الفرعي اوديهاا بالاسعاف ولا ماادري..
ام حنان بهلع كبير:بننننننننتي...اشفيييييييها....انت من ؟
وين انتو ؟

اوووه شككلهاا الحرمة مو عملية كلش...
فيصل:اختي احنا في الشارع رقم (...) عنج البيت الاصفر .
ام حنان:جايين ..جايين ..

رحت اشوف البنت لقيتهاا ساكتة ..امبيه لايكون ماتت ياربي..انا شنو مطلعني من صباح الله خير في ديرة غير غير ديرتي ..حسبي الله عليك ياجاسم يوم انك ماجيت معي ..

اشوي ولا اشوف سيارة سودة مقربة بسرعة هنا...

طارق:هاا...وين حنان..
فيصل:في السيارة ..هاا بتركب عشان انوديهاا؟
طارق :لا خلني انزلهاا بوديهاا بسيارتي ..
اوووه هذذا وقت معازم بعد ...شفت حرمة متغشية طالعة من السيارة اكيد امهاا...
وينهي بني ابي اشوفهاا ..ويلي عليج يابني ...

المهم ركبوهاا في سيارتهم وقلت ل طارق يعطيني رقمه عشان انا بلحقه بعد ..

طبعاً ظلو اغراضهاا معاي ..وورقة الظاهر فيهاا معادلات مال مادة الرياضيات يمكن..وقلم ...وشنطة صغيرة مافتحتهاا..

وصلنا وحالاً رحت انا قبل اخوهاا اجيب سرير اسعاف حق البنت ...

تكملة البارت باجر تصبحون على خير ومع السلامة ...

هااي بنات ......

هذا هو البارت واسفة على التأخير وقراءة ممتعة للجميع ...


شلوهاا وودوها مكان الطوارئ ووقفت انا برى...

...حنان...

ماكنت حاسة بولا شي ..اسمع مجرد اصوات ...ماادري اتذكرهاا او لا..؟

فتحت عيني شفت امي صوبي ...مسكتني من يدي ..

ام حنان:هاا حنان ..بشنو حاسة ...عندش عوار ؟؟
((( للمعلومية ان هذي الرواية بحرانية ))

حنان بصوت منخفض :شنو قالو عني يمه..؟!
ام حنان:ماقالو عنش شي بس ريلج انلوت اشوي ..
حنان:الحمد الله..
ام حنان:اي بس الشرطة بعدين بجون بيسألونش وبيسألون الصبي ..
حنان بصوت عالي :ترا هو.. ماليه خص .. انا السبب..
هو اتفاجأ فيني مايدري كنت اقرأ في ورقة المعادلات ..
ام حنان:انزين ويش فيش معصبة ياحنان هدي ولا عليش ..
عقب اشوي دخل شرطي وعدلت شيلتي ((الحجاب )) ودخل معاه الرجال اللي دعمني ..كان لابس الغترة الاماراتية البيضة وثوب بعد إماراتية بيضة..واشوي كم شعرة سودة ناعمة طالعة من غترته ((شماغه)) كانت عيونه واسعة وسوودة..

اووه الظاهر وايد ركزت فيه ..هههه..صدق متفرغة..

سألني الشرطي كم سؤال ..واللوم حطيته علي اني وهو يبي يقول انه هو السبب وانا اقول انا السبب ههههه...حتى الشرطي محتار فينا ..

المهم طلعو وسمعت الصبي يقول بيعطينا تعويض بمقدار الاصابة..
حنان بصرخة قوية:مااابي تعويض ...ماتفهمون اني السبب اوووووووف..
شفت علامة التعجب على الكل لكن مع ذلك وقعت التنازل ...

وقال الدكتور انه بيرقدني يومين ..

...فيصل...

استغربت من هالبنت ..تقول ان هي السبب وتتنازل عن التعويض ((ضحكت))يوم اتذكرت يوم تصرخ تقول مابي تعويض ..صج عنيدة...

ظليت لليل اتذكرها واتذكر الموقف وتذكرت شنطتهاا اللي في سيارتي وسرت اركض ..فتحت الشنطة ..فيهاا بطاقتهاا مالت المدرسة فيهااا صورتهاا واسمهاا..

اسمهاا حنان...في اخر مرحلة دراسية ...مسكينة فاتهاا الامتحان..

قعدت اطالع صورتهاا وعينهاا الواسعة السودة ......استغفر الله يمكن ماترضى انا شنو اسوي ..دخلت اغراضهاا وخليتهاا في السيارة وانا معزم على شي بكرة *_^...

يا الصبح ركبت سيارتي ...ورحت محل ورد ...
واخذت باقة كبيرة فيهاا ورد احمر ...

وحيطيت فيهاا بطاقة مكتوب فيهاا
..عذراً على تعطيل الامتحانات..
..وحمد الله على السلامة..

..فيصل...



ورحت من الصبح ..طقيت باب الغرفة بأدب ودخلت شفت علامة الاستغراب والتعجب على وجهاا ..وشفتهاا وهي ادخل خصلاتهاا الشقرا داخل الشيلة ((الحجاب )) وتحاول تغطي نفسهاا ..

فيصل:صباح الخير...
حنان:صباح النور ...
فيصل بجرأة:هذي باقة ورد للمدعوة حنان بدل التعويض اللي رفضتينه...

حنان :كيييييفي...

فيصل:بل ...بل ..انزين ماقلنا شي ..لاتاكلينا..
شكلج من فصيلة الاسوود..

حنان:محد قالك إني لبؤة؟!
فيصل بجرأة اكثر :الله يعين زوجك الاسد عليك ...

حطيت الباقة على الطاولة وقلت لهاا بأدب:الحمد الله على السلامة..
حنان:الله يسلمك..

شفت الغرفة معدلة الظاهر قاعدة من الصبح تعدل فيهاا ..

حنان:ممكن البطاقة..
قرتهاا وقالت:أي عذراً ..بيطوفني امتحانين وانت السبب...

فيصل:باااال ...صج جذابة ...امس امسوية روحج مثالية ((وهو يقلد على صوتهاا )):ماابي تعويض ..انا السبب...

حسيت اني زوتهاا شوي ..هههه..بس انحرجت..

حنان:انت ماتعرف السبب...اني مرة اقول يارب تدعمني سيارة ولا اقدم الامتحان ..من جذي انا دعيت على روحي يعني انا السبب..

فيصل:اممممممممم..تراج انتي مدعية على روحج ..وانا اللي اتوهقت في السالفة..

حنان:لا والله ..شنو اتوهقت ...احد ضربك على ايدك وقالك اتجي شارعنا..
فيصل:المهم البطاقة ولا ممنوع بعد..
حنان:باااااااااااال...توك جايبنهاا تبيهاا ..قلنا بخيل عااد.....لاتنسى الورد وياك...
بااال ..هههه... صبري لين ماحرجتج ياحنان..
محمد:انا ابي افهم من اللي مسمينج حنان ؟! هذا اكيد عمي كان اعمى ..

حنان:هههه ..جود البطاقة ..

اخذ فيصل قلم وكتب في البطاقة قبل اسمه اللي كاتبنه..

...الاسد..فيصل ...وعطاها اياهاا...

حسيت ان حنان صار وجهاا احمر من الكلمة فقلت لهاا :يلا مع السلامة ..

حنان:الله يسلمك..

طلعت من الحجرة انا مع بنت خالتي ماارمس جي ..بس ماادري شنو الشي اللي خلاني انجذب لهاا ...وارمس معاها بالهطريقة..

..حنان...

انحرجت واجد يوم كتب الاسد محمد لانهاا ترتبط بكلامه إني لبؤة والله يساعد زوجي الاسد علي ..
حسيت إني بتبخر ..بس من داخلي شعور كبير بالفرح...ليش ماادري..

عقب سااعة جااء اخوي وسام واخذني من المستشفى لان رخصوني اليوم لميت اغراضي ومشيت .....




حبيب...

كالعادة كنت مع الشباب في الشقة ..نااس تلعب وناس اتدخن وناس تسمع اغاني ..

قالو لي اطول شعري وهذانا قاعد اطوله واحط سلاسل على رقبتي وايدي ..مااشوف بيتنا واجد ..

((على صوب ثاني الاشرار الثلاثة متجمعين يبون يتخلصون من حبيب))..

حمود:خلالاص...لاعت جبدي منه ..صدق اهو اتحول وصار معانا ..بس ايراقبناعلى كل كلمة انقولها..

حسون بخبث:قولو تبون ادخلون الشقة نقط نقط ولين هو معاكم ماتقدرون...

اما حبيب الغافل وعايش حياة الضياع ومستنقع الاوساخ و القذارة جاله مسج في تلفونه ...

فتحت المسج ..ظنيت مسج من الربع...بس اصفريت يوم قريته...

الرقم كان غريب مااعرفه لمست السلاسل الموجودة على رقبتي وانا ابلع ريقي حسيت إني عطشان مو شارب من 100 سنة..

ان جسمي فرغ من الدم ..نشفت ..لكن عبود كان وراي ..

عبود:هاا ابو الشباب اش قاعد تسوي..
حبيب:هاا..ولا شي بس اطالع فلم مع الشباب ..
عبود:تعال خلني اسولف معاك..من زمان ماقعدت معاك..
حبيب:هاا ...اي صح..انتو مبتعدين عني واجد ماادري شفيكم علي هالايام
..

لاحظ عبود ان حبيب ماسك التلفون وكأنه وجه اصفر شوي
اخذ التلفون وقرى بدايته وبعدين مسحه ..

حبيب:ليش مسحته ؟؟!!!!!!!!!!!!!!!!
عبود:اشع عليك منهم ..من اللي مطرش ذي المسج ..
حبيب:مادري رقم غريب..
عبود:امممم..

بس حبيب كان شاك ان ساجد هو اللي راسل له المسج ..

رجعت البيت ولاقيت ساجد في وجهي..
ساجد:حبيب ..حبيب !!!
حبيب:نعم ..امر.؟
ساجد:وعليكم السلام..
لا رد ...
ساجد:وين كنت ...؟هاا اشوف شفت ابوي ساكت اتفلت هاا ؟شوف حبيب لين ماصرت عاقل مثل الاوادم ترى انا اللي مابسكت مو ابوي...
حبيب:خوفتني ..لا تدخل في اشياء ماتعنيك هاا ولا تسوي حركاتك مسجات ومامسجات ..

سكت ساجد عنه ..ومايبي يكبر السالفة ابوه وامه نايمين وكانت سارة توهاا داشة ..جاية من بيت خطيبهاا..

انتهى البارت اتمنى انه ينال اعجابكم...

مع السلامة