تجمع امهات يوليو 2010

ماسة الجمال;13242815:
مرحبا ياحلوين أخباركم ؟؟

بنات انا بنتي ماعندها مساحه باذنها حق التخريم مادري شسوي شكلي بروح اخرملها وتوكل على الله

بحرينيه 87;13242905:

مرحبا

وحشتوني كلكم فديتكم
عندي وايد كلام ابي اقوله لكم
عن نفسي انا ولامره جاتني الدوره وخايفه وايد
ومااستخدم اي عازل
وفهود مثله مثل غيره ينام 5 الصبح
حبيت ابشركم الحمدلله اشتغلت يوم اللي ولدت تاريخ 8-8 اتصلولي عشان اوقع العقد بس كنت توني والده وخبرتهم وقالولي تعالي عقب اسبوعين ورحت وتفاجأت ان مافي اجازه لي قلت لهم مستحيل انا ماقدر اداوم والده قيصري قالوا لانج جديده بس اسبوعين وسفهت لهم وماداومت الا لمن كملت الاربعين
ايي ونسيت اقولكم اني اشتغلت معلمه في مدرسه ثانويه واحس روحي وايد صغيره بين المعلمات وفارق السن بيني وبين طلابي 4 سنين بس خخخخ
بس الحمدلله الدوام مريح لان عندي ساعتين رضاعه اداوم من 7 لي 11 ونص
ماكنت متوقعه اني اشتغل بس الحمدلله هذي رزق فهود
تخيلوا ان مايخليني انام الا 5 الصبح واقوم 6 عشان اروح المدرسه وينام طول الظهر ولما ارجع يكون شبعان وتوه قاعد يعني مافي رقاد الظهر وبعدين ينام المغرب ويخزن حق الليل
ماتتصورون شلون نفسيتي تعبانه من قلة النوم
كل شي مره وحده تراكم الشغل والبيبي والم العمليه
وشغلي مو بس في الدوام عارفين المعلمه لازم تحضير تصحيح اختبارات يعني لاحقني لي البيت الشغل
وزوجي وايد مقصره معاه مسكين ماسولف معاه ودايم مشغوله عنه :(
واضطريت اعطي فهودي صناعي لاني اروح المدرسه بس لما ارجه ارضعه من صدري
امي فديتها مومقصره تيود البيبي وماترضه اييب له شغاله تقول ما آمن على الشغاله
امممم بعد شنو
ايي ابي اضعــــــــــــــــف شسويتوا عشان تضعفون
بصراحه صايره وايد اكل ماقدر ايود حلجي؟؟ :-#
ادري وايد هذرت بس شاسوي التجمع وحشني وايد وصرت مافتح النت من بعد ماصكوا التجمع والحين وايد استانست يوم رجعتوا التجمع

يلا اخليكم باروح اتسبح قبل يقعد فهودي

أم رواض;13243045:
فديت عيالكم الحركات أنا عن نفسي فديت شمة ربي يحفظها طلعتها معي. كذا مرة أوديها مؤلات مطاعم خاصه في رمضان ريلي اجازة آخر اسبوعين وأنا اجازة وجو السوق في رمضان غير كل يوم نطلع تقريبا وأشلها معي مرة وحده خليتها مع أمي. ومرة خليتها مع أختي في المرتين يقولوا لي أنها ما تتقبل المرضعه عسب جي في المرات اللي عقبها كنت إشلها قبل لا أنزل المؤل أحاول أرضعها وأشبعها وأخليها في العربة مالتها مرتين رحت السينما وبعد شليتها معي صح بكت بس عادي ما أريد أحرم عمري من الطلعه وأريد أعودها لاني انسانه أمل وأيد في البيت

وااايد تكلمت صح بس شو اسوي صج لكم وحشة

أم عبـــــــدالله;13243065:
السلاااااااااااااااام عليكم

شخباركم انا ما روكو

يبت عبادي القمر الله يحفظه

يلله عاد حركوا اي اشتركت في تجمع اغسطش

ما شاء الله عليهم فعالين

عذبة الأطباااع;13244440:
السلام عليييييكم
مساااكم ورد وفلل وياسمين وزعتر @@ شو يخصه مادري


وحشتووووووووووني مووووووووت



بنات
كان طموحي عيال واااااايد
بس تغيرت نظرتي

تصدقون مريووووم والبيبي شاغلين اغلب وقتي
قمت اعيد النظر في الموضووووووع خخ


بحرينية الله يعينج

التدريس اصعب مهنة

انا فترة التدريب بس ماتحملتها وتعبت



يلا بنات
سي يووو

ماسة الجمال;13244503:
مرحبا عذوبه اخبارك واخبار مريووم وبنوتك الجديده نسيت اسمها <<<<<:094::094: الولاده وماتسوي

بنات عندي سؤال انا كل مده ومده تتهيج عندي المعده واصير ارجع اي شي اكله طبعا مع دوخه وغثيان تتوقعون من حبوب منع الحمل وكمان حتى اصابعي صارت تنمل

عذبة الأطباااع;13244506:
لالا تذكرت شي



اليوم سويت فحص حمل تخيلووو
من الوسواس اللي فيني هههه
طبعا طلع نووووو



لان الدورة ماتيني
للحين ماستعملت اي مانع

رومانسيه جذابه;13249820:
انا عن نفسي ماقط طلعت ولدي ابداااا حق مولات ومطاعم بس مره وديته بيت يدتي ومره يوم القرقاعون بيت خالتي و حق مواعيده وبس
ولا افكر اطلعه الحين ماحب اولا اخاف الجو كله غبار وامراض وجراثيم واهو الله يحفظه ليحين نونو ماعنده مناعه وماحب المكان يكون بارد واطلعه في الحر عقب اركبه في السياره وتكون بارده احسه بيمرض من هالسوالف يعني حر وبرد حر وبرد كلش موشي حق البيبي وثانيا ماراح اخذ راحتي في الطلعه ولا باخلص اشغالي

انا قلت اذا صار 4 شهور انشاءالله هني بابتدي اطلعه بس احين صعبه


بس ابغي افهم حبو شلون وديتيه معاج السينما..:|:confused:

شلون ماصاحت؟؟ وصوت الفلم عالي على اذونها... ما انزعجت؟؟؟؟؟


وبالنسبه عن التشققات حددددددددددددددددددددددددي منزعجه منهم صايرين حمررررر ويخرعون ما عرف شاسوي وانا بعد واااايد اكل واشرب اصلا وانا ارضعه احس بالعطش نفس الوقت

وقالوا لي عادي ان تنقطع عني الدوره دام ارضعه من صدري عادي حته لو ماتييني 6 شهور والي ترضع طبيعي ماتحمل بسرعه... :D

وعن العمليه الحمدلله مافي الم بس اذا البس جينز او شي ضيق على الجرح اهني احس بالم...

لولو مي;13250335:
مرحباا بنااات شخبااركم ^^



اول ما دخلت التجمع قاااااااام حمووود... مسألت عناد يعني:worn_out:

*ام ورد*;13242247:
بسمة قلبي حبيبتي انه ماستخدمت مراهم طبية حق بنوتي يمكن مخربطة بيني وبين وحدة ثانية انه استخدمت حق الحساسية اللي في ويهها بيبي جونسون جل وفاد وياها :)


سوعال وأخيراً صار وياي وحدة ما يتها الدورة نهائياً ^_^ انه بعد كنت شايلة هم ان ما يتني من بعد ما طهرت من النفاس ومتأكدة ان مافي حمال بس كنت مشاككة اقول يمكن خربطة هرمونات ويقولون لي بسبب الرضاعة :) ،،، ومممممممم موعد فحصي انه بعد شهر عشرة ولا ابي اروحه كلش ملش كفاية علينه شهور الحمل واللي صار في الولادة خخخخخ

رومانسيه جذابه;13229746:
حبيبتي انا بعد كان جسمه وخدوده كله حساسيه مت من الخوف عبالي اكزيميا وديته للدكتور وقالي هذي حساسيه عادي يعني بتروح بس اهم شي تلبسينه كله قطن وتلبسينه طويل ووصف لي نوعين من لكريم

اليكا و كيو في

اليكا هذي استخدم منه بس مسحه وكيو في لا عادي واخلطهم مع بعض واحطه له والحمدلله صار وااايد زين

بس حق الجسم اما الويه فكنت احط له زيت زيتون والحمدلله نتيجته حلوه

الحساسيه تصير من التبوس ومن الميك اب اذا احنا حاطين نبوسه او يلامس ويهنه

عذبة الأطباااع;13244506:
لالا تذكرت شي



اليوم سويت فحص حمل تخيلووو
من الوسواس اللي فيني هههه
طبعا طلع نووووو



لان الدورة ماتيني
للحين ماستعملت اي مانع

alasooola;13251181:
هلا امهات يوليو

اشلووونكم؟؟؟ واشلوووون بيبياتكم؟؟؟

اشتقت للسوالف معاكم؟؟؟

من بعد الولادة صارت بنتي اتعاني من الغازات وامساك مثل كل اليهال

ووديتها لطبيب اطفال والحمد لله صارت زينة

وبعدها صادها زكام واحتقان لاني وايد اطلع معاها للمجمعات وعند الاهل

لاني ما احب القعدة بالبيت اتصيح اشوي وتسكت

ووديتها لطبيب الاطفال والحمد لله الحين احسن

طعمتها والحمد لله ما صادها اصخونه

وهالاسبوع تعبانه وااااااايد لاني بانتقل لشقة يديده يم امي

عشان اتيودها لما ارد الشغل

وللحين ما قضيت اذونها لان مشغولة بالانتقال

انشالله الاسبوع الياي باوديها المستشفى

طبعا بنتي ترضع طبيعي والطبيب وصف لي حليب صناعي

والحمد لله وايد ناسبها لاني مضطرة اعطيها وقت اللي بارد للدوام

وعلمتها على امي اهدها واطلع عنها

عشان لرديت الدوام ما اتصيح واتحس ان الوضع متغير عليها

اما عن نفسي من بعد الاربعين ما ياتني الدورة

مثل ام ورد وسوعال

وعن الترهل بالبطن اسوي تمارين خفيفه وقت اللي تقعد بنتي

وتتمغط انا استغل هالوقت واسوي تمارين شد البطن

اممممممممممممم

مادري شنو اقول اكثر هذرت واااايد

اي صح امهات البحرين

سويتو بطاقات ذكية وجوازات لبيبياتكم؟؟؟

وهل مطلوب صورة للبيبي او لااااااااااا؟؟؟

انا انتظر انتقل للشقة اليديدة ويتغير عنوانه بعدها باسوي لهاااا

لولو مي;13253094:
مسا الخير

شخباركم يا بناات

بـــــــــنات انا احس بالآلام قويه في عظامي وقت ما برضع ولدي بالليل يعني اذا صحيت من النوم عشان ارضعه

احس بهذي الالام ..يعني ما اقدر اتحملهاا.. وااسحب صدري وما اخليه يكمل واقوم اتحرك شوي لاني احس لما اتحرك ايخف الالام

بس هو الله يهديه يصرخ واحس انه يبي يكمل رضاعه؟؟

من اتحس بهذي الالام منكم؟؟؟

مرموم;13254032:
أخواتي الكريمات...علشان التجمع الخاص بكم يستمر...و تقدروا تفتحوه في الركن كل شهر...لازم ترشحوا عضوة منكم تكون مشرفه على التجمع...

أتمنى ترشحوا عضوة منكم و تراسلني على الخاص للضرورة

بالتوفيق

sweet lady84;13254661:
أنا احس بآلام في عظامي احيانا
يعني مو بس في الليل

و بعدين بغيت انبهج انه مب زين تسحبين صدرج من فمه لأن هالتصرف يخلي الطفل يعصب
و مزاجه يتعكر خاصة لو كان يوعان و يشرب بلهفة انتبهي لولو