سندريلا الكون;13217067:
ربي يكون بعونك
انا بنتي توها على المدارس
بس انتي حاولي فيها وسوي لها لوحه تشجيعيه مثلا تسوين لها ملصقات ولوحه وكل ماسوت واجب او ذاكرت وحفظت الدرس تحطين لها ملصق على اللوحه واذا كملت اللوحه لها مفاجاة في الويك ايند عاد ووانتي وشطارتك شوفيها وش تحب وانشالله كذا تتعلق بالمدرسه
إن شاء باجرب معاها ومشكورة على مرورج F:
جنه ساكنها حبيبي;13219627:
جربي خلي احد غيرك يدرسها مو لازم انتي
مثلا خواتك او عماتها او معلمه تدرسها
بعض الاطفال بيسمعوا كلام الغريب اكثر من الام
وادا نفع يومين والا 3 وبعدين قولي اليها فلانه تعبانه اليوم بادرسش اني وبكره اوديش اليها وشوفي امكن تتقبل
في نهاية الأسبوع أخلي أختي تدرسها وصج كلامج تسمع لها ومشكورة
.. أمــ عــلــيــ ..;13222738:
حبيبتي .. انا ابقولك حل .. وان شاءالله ينفع معاك ..
اخوي كان مبهذل أهلي بهذله تروووع عند الدراسة .. بيوم من الأيام أبوي وأمي طفشوا منه ومن كثر الهواش .. قال ابوي : اتركيه لا يحل ولا يدرس وخليه يروح المدرسة بدون مايذاكر ولا يحل وانا اعرف اتصرف معاه ..
جاء من بكرى .. والأخ توه مصحصح الصبح .. وعلى باله مثل كل يوم شنطته جاهزه والواجب جاهز ..!!! تفاجأ ان امي وابوي ما سووا له ولا شي .. !!!! وراح المدرسة بدون ما تتغير شنطته من أمس .. اتصل ابوي على المدرس والمشرف حق فصلهم وقال ابيك تاخذ ولدي على جنب وتتكلم معاه وتهدده بالرسوب لو ما اعتمد على نفسه بالمذاكره ..
والحمدلله نفعت معاه هالطريقه .. ماشاءالله الآن ما ندري الا اذا دخل علينا بشنطته من نفسه وجلس يذاكر ويحفظ ويحل الواجب ...!!!!
بنتك مبين عليها ما ينفع معاها اللين والطيبة والهدايا ..!!!
بنتك تبي لها حل صاآآآرم .. ويخوفها .. ويوقفها عند حدها بالدلع .. !!
معليش يمكن اكون قسيت شوي .. بس والله لأني شفت مثل معاناتك قدام عيوني وعارفه وش كثر تعانين معاها .. !!!!
:)
لا والله عزيزة وغالية ، بس اليوم أشوي هدت ييت لها بالكلام الطيب ، بس صج خايفة من باجر تطلعني من طوري وبخصوص العقاب باجرب معاها إذا وصلتني حددددددددددددددددددي ومشكورة
الله يعينج الصراحة لاني حاسه فيج عندي ثلاثه الله يخليهم مو مقصرين صوتي راح من كثر ما اصارخ واعاقب وهم مافي فايده مدري مته بيحسون على دمهم
وخصوصا ولدي الصغير لوع جبدي اصياح خلاني اصيح من كثر ما يأست منه ومن الي يسويه عنيد درجه اولى وكلش ماله خاطر كله يرد على ماعندي وقت انا مشغول يتفلسف هالنتفه بعد
يبطون الجبد ما يسمعون الكلام ولا يخافون من التهديدات كله يقولون لي ماعندنا واجب ماعطونا شيى يعني لازم انا افتش واطلع حتى تحضير مايحضرون مع ان الي في سنهم يدرسون بروحهم
الله يهديهم ان شاء الله ويهدي بنتج وجميع اعيال المسلمين
نواعم البحرين;13241322:
الله يعينج الصراحة لاني حاسه فيج عندي ثلاثه الله يخليهم مو مقصرين صوتي راح من كثر ما اصارخ واعاقب وهم مافي فايده مدري مته بيحسون على دمهم
وخصوصا ولدي الصغير لوع جبدي اصياح خلاني اصيح من كثر ما يأست منه ومن الي يسويه عنيد درجه اولى وكلش ماله خاطر كله يرد على ماعندي وقت انا مشغول يتفلسف هالنتفه بعد
يبطون الجبد ما يسمعون الكلام ولا يخافون من التهديدات كله يقولون لي ماعندنا واجب ماعطونا شيى يعني لازم انا افتش واطلع حتى تحضير مايحضرون مع ان الي في سنهم يدرسون بروحهم
الله يهديهم ان شاء الله ويهدي بنتج وجميع اعيال المسلمين
مشكورة لج أختي والله يهديهم بس صج أبي حل أشلون أخليها تحل واجباتها بروحها يعني لازم أقعد معاها والله في الشغل بنات يقولون أن عيالهم من ييون من المدرسة بروحهم يفتحون شنطاتهم وتعال يا حل ما شاء الله عليهم الله يثبتهم بس ودي بنتي تكون جذي
هههههههههههههههههههههههههههههههههههههههه مت من الضحك
عندي فكرة
كلمي المدرسة مالتهم خل تشجعهم بالصف على المذاكرة تقولهم قصص عن الدراسة تحمسهم تسويلهم شغلات بحيث انهم يحبون لمذاكرة لمن يرجعون البيت ماكو الا هالحل :'(