هل صحيحي انه المشي للحامل يسهل الولادة؟؟؟؟؟؟؟

مالك القلب;13230206:
ام عبادي اللحين بالليل ساعات يصير الجو حليوووو امشي ..لو عندي وقت رحت اتمشى ويااااااااااااش ....بس مثل ما تعرفين عندي شيل وحط ..
على قولت امي شهر شوال لا فيه عرس ولا حوال ...واني شكلي ما بتحول الا اذا خلص شوال هههههههه

نونو كتكو نايس;13230620:

أم عباااااااااادي حبيبتي المشي اهو الوسيلة الاكيده اللي تحرك الياهل ولو بتقارنين انه اول الاشهر يقولج لا تشتغلين وحتى رياضة لا تسوين بس تالي يقولج الدكتور حاولي تتحركين ...

لان الحركة تهيج الياهل وتخليه يتحركويقلب وضعه ... وكثر ما تسوين جهد تحسين بعضلاتج تحت شوي وتنفجر صح؟
(أقصد من العوار) ... ولو تلاحظين في بكذا مجال يقولج انه الوالده دايما يكون جسمها يعورها وعظامها مدقدقه ... هذا ليش لأن ما حاولت تنشط دورتها ولا تمرن عظامها ... مثال على كلامي للتوضيح أكثر ... انتي قلتي انج لما مشيتي حسيتي بعدين بعوار مو؟
أعتقد انها كانت المره الاولى اللي تمشين فيها لان لو كنتي مواظبه عالمشي والحركة والجهد جان تمرن جسمج وتعودت عظامج عالمد والحركة ...
يعني المشي اذا كان يساعد في الولاده فالمقصود منه ...
1- تنشيط الدوره الدموية .
2- استرداد نشاط الجسم بعد الخمول (وعلى فكره انا هالشي ما اعترف فيه اني ما اتحرك كلش ... أحس لازم الحامل تتحرك بس عاد مو تكون الحركة فوق المعقول وتفوق طاقتها ... لأ قصدي حركة بالمعقول ... اوكي يمكن في حوامل ما تجوز لهم الحركة ولازم يرتاحون بفترة الحمال لان فيها خطورة عالجنين) لكن والله وحده ما تشتكي من شي غير الثقل فشي طبيعي لازم اتحرك حتى لو ربع ساعة حق تلييين الجسم وتمرينه (شوفووووووووووووووووووووووووووا الأجانب)
عاد تصدقين ريلي كل ما شافني تحركت يعصب وبييب خدامة بس أنا موراضيه ... بغض النظر عن اني ما احبهم ولا احب أتعود عليهم .... بس شغل البيت احس اني قادره عليه وبالعكس مو متعبني ... أصلن لي قعدت ما سويت شي احس بكأبه ...
وهالشي صج وسألي دكتورج بيقولج انه الحركه للحامل تنشط حتى نفسيتها وتخليها حابه وضعها أكثر وتشيل منها الكأبه ...
فمختصر كلامي انه المشي واااااااااااااااااااايد زين وهالشي بيساعدج على تعديل وضعية البيبي ومعلومة للي تقول انها مشت وما نفع معاها المشي وانه كلام وبس
لأ مو كلام وبس ... المشي عشان تسرع الولاده لازم يكون على رمل أو ثييل (عشب اخضر)
يعني مكان يكون مداسة قوي مو على ارض مستوية ... لأ لازم يكون لمن تمشين تحسين بتعب وانتي تدوسين ...
وااااااااااااااااااي والله يا حريم قبل (يداتنا) تشيلج البيت من راسة لساسه ... تقوملج تعجل من الصبح لي اخر الليل ولا جنه فبطنها شي ... مو احنا رباديين وكسااااااااااااله .... تعلمو تعلموووووووووووووووووووووووووووووووووو ....
لا وتالي تكتبون وتتشكون بطونه ماراحت ... اي تحركي وتعبي جسمج اشوي عشان عظامج ورحمج يرد
واااااااااااااااااااااااااااي خليتوني أطلع العين الحمرااااااااااااااااااااااااا ....
(فديتكم خواتي ترا اتغشمر عاد مو تاخذونها انه صج وتزعلون ... بس والله اذا فكرتوا بكلامي بتلاقونه فايدكم) ...

وأخر دعواتي ربي يسهل على كل حامل يارب

أم رهـف;13230963:
المشيء ما يسرع الولاده

في ناس يمشون وايد بس ما يولدون غير بالطلق

وفي ناس جالسه وتولد

بس المشيء يعدل وضعيه الياهل ويخليه مركز على وضع الخروج


وكثرة الجلوس تسوي العكس

غ ـزآإل;13235410:

ربي يسهل على جميع الحواامل بولاده سهله ومريحه ويثبت حملي ياارب

انا سمعت انو المشي يسهل الولاده والتمر بعد سمعت عنه وسمعت عن سوره الزلزله تقريبا ان وقت اللولاده تقرينها وتسهلها بس مو متاكده اذا صح هي سوره الزلزله او انا غلطانه لنو معلومه قديمه عندي ....

عُشاب;13241057:
يارب تسهل ع الحوامل يااااارب

اختي غزاال " ..انا جربت اقرأ سورة الزلزلة سبحان الله كنها مسكن اثنا الطلق

واذا ع المشي الواحد لازم يتدرج بالوقت مو كل شي مرة وحده ..

ولدت قبل موعد الولاده بعشر ايام يمكن ذاك اليوم مشيت وطولت غير عن العادة بس للأمانه تراني بديت امشي من اخر ايام الثامن حبه حبه وكل شوي ازيد


وترا كله بأمر رب العالمييين والحين انتظر الفرج من ربي باقي 17 يوم واخلص التاسع

ماشاء الله حريم قبل يتحركون ومايحسون بالتعب والحين من نتحرك اشوي
حسينة بالتعب