السلام عليكم
البعض منكم يعرف معاناتي في الحمل واني من المتاخرات في الحمل
وحمدلله الله رزقني بالحمل لكن الله ما اراد ان يتم هالحمل
وتوقف نبض الجنين وانا في الاسبوع السابع
كنت قبل يومين طارحه موضوع بخصوص ان كيس الجنين كان كبير والدكتوره صارحتني وقالت ان هالحمل ماراح يكتمل وكان في نبض ،، امس كنت بعياده ثانيه وللاسف تمنيت تبشرني بخبر حلو لكن قالت لي ان مافي نبض وانصدمت :'(
ماتعرفون حالتي كيف صارت ،، رجعت عند الدكتوره الي كنت اتعالج عندها وقالت لي ان البيوضه كانت مشوهه عشان جذي الله ما اراد يكتمل ويتوقف النبض.
يوم رحت العياده الي قالت مافي نبض قالت لا تخليهم يسوون لج تنظيف لان يضر الرحم خليهم يعطونج تحاميل اسقاط ،،ولما رحت عند دكتوري نفس الشيء قالت ماتحتاجين تنظيف ولا تحاميل البيبي راح ينزل من نفسه .
بعد هالقصه الطويله ،، ممكن البيبي ينزل من نفسه ؟
وشو لازم اسوي في فترة الاجهاض.
انا خايفه من كثر ما اسمع ان لازم يكون في تنظيف عشان البيبي ميت ماياثر على الرحم
وخايفه من الاجهاض ؟
ساعدوني منو منكم اجهضت بدون عمليات او تحاميل ؟
وكيف اتاكد بعد الاجهاض ان الرحم صار نظيف ؟
الدكتوره عطتني موعد بعد اسبوع عشان تشوف هرمون الحمل اذا نزل
وراح تسوي لي صوره بس انا هالتاخير مخوفني ياثر علي البيبي ميت
ادعولي الله يعوضني بالحمل السليم المعافى عاجل غير آجل :'(
اولا يسعدني اول وحده ترد على موضوعج
الحمدالله مالكم صالح فيه وربي يرزقج الذزريه الصالحه يارب
انا ماعندي فكره بس احس الوحده إذا اجهضت وصفولها على طول تحمل وان شاءلله البنات يفيدونج اكثر ماحبيت ادخل ومارد على موضوعج
الله يعوضش حبيبتي وماتدري عن المصلحه ومثل ماعطاش بيعطيش ان شاءالله وبيعوض صبرش خير بس انتين وكلي امرش اليه
وان شاءالله البنات افيدونش بالنسبه للأسئله ...
اولا اختي الله يعوضك خير ان شاء الله
ودام حملتي في فرصه قدامك تحملي مره ثانيه وثالثه بإذن الله
والله يرزقج عاجلا غير اجل لا تتأسفي
وعن الاجهاض في هالعمر من الحمل ينزل من حاله مثل الدوره بس بشكل اغزر
بس عليش بالمشي وشربي مشروبات ساخنه مثل الدارسين (القرفه) الزعتر والزعفران...الخ
انا اجهضت مرتين والحمدلله صبرت وربي رزقني ببنتي ربي يحفظها من كل شر
ويرزق كل متمنيه يارب
الله يعوضش خير حبيبتي
ولا تيأسين من رحمــة رب العالمين ,,
وحمدي ربج انه الجنين لما بين في تشوه انه وقف النبض وبينزل ,, ولا تتعبين طول فترة الحمل وبعدين يصير اجهاض وانتي بالثامن أو التاسع لا قدر الله
أو انج تولدينـه وعنده اعاقات أو تشوهات ,, فهذي رحمه من الله
وعن التحاميل والاجهاض ان شـاء الله البنات يفيدونج , لأني لما أجهضت سويت عملية تنظيف
وما أخذت تحاميل ولا شي ونزل البيبي بروحـه ويه دم طبعاُ ولما رحت المستشفى قالوا لي لازم تنظيف عشان يمكن فيه بقايا عالقه في الرحم
وكان بالاسبوع الثامن
الله يعوضك خير
ما عندي فكرة عن الاجهاض
الله يعوض عليكي حبيبتي و لا تيأسي من رحمة الله صحيح الامر مو سهل بس بعض الشر اهون من بعض
انا من بعد معانات و عذاب طويل و حرمان حملت ووصلت للشهر التاسع و بنصفه توفيت الطفلة بلا سبب
كتبت لك جزء من قصتي لتعلمي ان ما اراده الله فوق كل شيء و اذا اراد ان يعطينا فلا راد لعطائه و ان شاء الله رح يعوضك و لا تياسي من رحمته
هلا اختي ما حبيت اطلع بدون ما ادعي لك الله يعوضك ويصبرك ماعليه اختي الله بيعوضش
اذكر الدكتورة قالت لي يوم اطرح قبل سنه تقول لي صح الولد غالي بس في ناس يشوفونه قدام عيونهم ويربونه ويسهرون عليه ويكبرونه ويصير شباب ويروح من ايدهم الحمدلله على كل حال
بس حبيبى اولا ربنا يعوضك يارب
ثانيا لازم الدكتور يعملك صونار عشان يشوف فى بواقى فى الرحم وله لا لو فى بيديك دوا انا مش فكره اسم الدوا اللى اخدوا بعد الاجهاض عشان ينظف وبعد شويه بتروحى لو محصلش ونضف بيعمل عمليه كحت الرحم وهى مش مخيفه مبتخدش وقت عشر دقايق وبترتاحى شويه فى المشفى بتاع ساعتين وبتروحى البيت فى نفس اليوم
فنتقلقيش انا اجهضت قبل كدا
الله ايعوضج ان شاء الله بحمل سليم ثابت
اني اجهاضي الاول طاح بروحة والثاني بعد طاح بس عطوني تحميلة وحدة ونزلت الاوساخ كلها واثنيهم ما سويت عملية تنظيف بروحة التنظيف يكسر الظهر
الله ايعوض علينا يارب
ربي يعوووضج ويرزق بالحمل الثابت المعافى
انتظرري لين ينزل عليج دم وطبعا من يبدا النزيف روحي للمستشفى عشان يشيكون
اذا الكيس نزل او لا ...اذا نزل مافي مشكله لكن لو تم معناته تحتاجين تنظيف
ومثل ما يقولون "كل ساقط لاقط">>>>لا تضيقين خلقج وقولي الحمدلله ع كل حااال
حااسه فيج لاني مريت بنفس التجربه بس انا ع نهايه الرابع وللحين ماحملت
عسى ربي يعووضنا عاجلا غير اجل
الله يعوضش خير اني نفسش احمل بعلاج ونفس الشي اسقط يموت الجنين بداية الاشهر ثلاث مرات ولكن الدكتوره الاستشاريه مالتي تقول خليه ينزل وعقب تعالي المستشفي نجيك ادا احتاج تنضيف اولا بس مره ما سوني اخليه ينزل وبعدين اروح المسستشفي لاتخافين بطيح اخر مره تم لي مده مانزل وعقب نزل الحمد لله رب العالمين الله يعوضش ويعوضي ويكتب لش دريه صالحه يارب
الله يصبر قلبج يالغالية ويعوضك
انا اجهضت مرة في الاسبوع 6 ولا احتجت تنظيف لان حجم البيبي صغير ونزل لوحدة بدون تحاميل
اذا اجهضت ارتاحي كانك والد وتنفسي زين
اختي الله يعوضك خير ان شاء الله
ربي يعوضج خير
ودامج حملتي مرة بتحملين مرتين وثلاث
بالنسبة للأجهاض انه قبل كنت حامل ونزل علي دم ورحت قالوا
كل شي عادي ولما عملت سونار بالشهر الخامس تبين انهم توأم
اجهض واحد عمره شهرين لحاله يعني نزلت قطعة صغيرة مرة ومعها دم
بعدين نزل افرازات بنية وفترة ووقفت ونزل كيس الجنين
انه من رأيي تنتظرين شوي وإذا استمرت معاج الدم
روحي المستشفى احسن
ما عندي فكرة والله ايعوض عليش انشاء الله والله ما يسوي شي الا وفيه صلاح
ربنا يعوضك بالحمل السليم عاجلا غير اجل