الله يسلم كل من سأل عن بنتي وجبهتها..
وابشركم انها طيبه ان شاء الله..
رايقة..
وضربت الوسطي بالشبشب على مؤخرته وهو يصارخ وطع كنه عدنان يوم يمحطه القبطان
يا اني ظحكت ظحك على التشبيه البليغ ...هههههههههههه الله يقطع بليسك..:085:
انا هاليومين بادية تطول يدي على الصغيرة!!<< بس تستاهل الحمارة..تنررررفز..
_________________
يومياتي..
امس.. وانا نايمة ما دريت الا هاللي وقفه عندي تبكي!!<< الكبيرة
وتقول ما بعد نمت<< نايمة بس يوم قامت تحسبها ما بعد نامت!!!منسمة!!!
وتبي تنام عندي..وه من كبر السرير!!!! خليتها تنام عندي وانا معاد عرفت انام..
لين طلعت الشمس وقامت لولو..وجتنا تحتج..بعدين قامت معها اختها..
وقلت لهن روحو للحمام وغسلو..
بعدين جتني لولو بتثبت لي انها غسلت وتحط يدها الباردة والرطبه على خدي!!!
بغيت اشوتها..8o|وهاوشتها..وطلعت وهي تترنم..
وانا متعلقة بالمخدة والنوم طار..بس انتظر الساعة تدق!!!:sleep:
بعد ما دقت قمت لبست الكبيرة ومشطت شعرهاوجهزت شنطة اللنش..
وراحت مع ابوها للمدرسة السعودية..
ولا اذكر وش سويت بعدها!!!
والعصر تغدينا..وغسلت المواعين..
وبالليل قعدنا نتفرج على الـTV..و فيه برنامج عن البيزا..واشتهيتها..
قمت دخلت المطبخ وطلعت التورتيلا ودهنتها بجبن وصلصة بيزا..
وقطعت شوية بصل ومشروم وخكري وزيتون..وبشرت عليها تشيدر..
وعالفرن.. ولا اسرع منها ولا الذ..مممم:thumbs_up:
واليوم.. قمت تسع ..وجهزت الكبيرة للمدرسة و طلعت مع ابوها..عالعشر..
ما دريت الا وهو يدق علي..يقول ان المدرسة مسكرة!!! ويشجب ويستنكر وظع السعوديين وبربستهم!!
دقيت على مُدرسة بنتي أسألها اذا اليوم فيه مدرسة او لا!!!
قالت: فيه الساعة عشر!!
قلت: هالحين عشر!!والبنت وابوها عند الباب ومسكر!!
قالت: انتم ما اخرتو الساعة؟!!! اليوم يبدأ التوقيت الشتوي!!!
عرفت ان اللي ما عنده سالفة هو السعودي حقي..:p
دقيت اعلمه..وقعد يظحك على نفسه.. والمشكله انه داري عن التوقيت بس ناسي!!!!!:057:
المهم..افطرنا كلنا بعد ما رجعت بنتي مع ابوها..
ثم طلعنا مع بعض..حطينا الكبيره بالمدرسة وحنا رحنا للسوق..
ولقيت المحل اللي ابيه مسكر طول اليوم لأنه الاحد..
فرفرنا وجبنا البنت من المدرسة ومرينا السوبر ماركت..
وبعض الناس ملونين وجيههم كأنهم زومبيين.. ومتنكرين<< اليوم الهيلوين..
المهم..تقظينا ورجعنا للبيت..:064:
وكانت السيارة مليانه فتافيت..قلت لزوجي يقربها من باب المطبخ..
وكنستها بالكهرب وفركتها بالفرشة..وسكرتها..
ودخلت فصخت عبايتي ورتبت الاغراض ولقيت زوجي معبي الغلاية يبي قهوة..
وفرحت لأني كنت ناويه ابدأ بالغدا..
قعدنا نتقهوا ونتفرج على فلم مرعب..
والبنات الله يصلحهن مسويات انغسهن شجاعات ويتفرجون معنا..:089:
والله يعيني على حلومهن الليلة!!!
بعد ما خلص الفيلم.. قمت وبديت بالعشى..
وجتني بنتي تقول ان فيه احد يطق الباب..
قلت اكيد اطفال يبون حلاو<< عيدهم زي القرقعان..
و راحت بنتي تقول لأبوها..ويوم فتح لهم لقاهم راحو..
وانا جهزت صحن فيه حلويات.. << من باب ادخال الفرحةلقلوب الاطفال..
بس ماعادجانا احد..
تعشينا والمواعين حطيتها بالغسالة.. وما عرفت اشغلها..خخخخ
نومت البنات وقعدت عالنت.. وجتني الكبيرة تبكي وظايق صدرها..
لأنه ما جانا احد ياخذ من الحلويات..ولا حست باجواء الهيلوين!!
قلت: يا حبيبتي حنا مسلمين..لنا اعيادنا..ليه هم ما يحتفلون بعيط الفطر؟!!!
قالت: لأنه مو عيدهم..
قلت:وحنا هذا مو عيدنا..ان شاء الله اذا جا عيد الظحية..نشتري زينات ونزين بيتنا لأننا بنتعيد فيه<< الله يعيني
وقعدت عندي تتفرج علي وانا اكتب هذا الرد.. وبعدين دخلت تنام..
و بعد ما ارسل الرد بنزل اشوف غسالة المواعين اشتغلت والا الله يعيني على المواعين..
وقطو..