ربات منزل متفائلات وكلهم ملح وانوثه >> فديتهم

دانة الم
شهيتني بكراميلا القديم عساه بالغافيه
و المشروع اللي تفكري فيه روووعه مره
ايش رايك تجيني بعد النفاس صبغه
و قص و سيشوار و من كله ههههه



فوفو
ان شاء الله مو مسروق يارب يكون ضايع طاح هنا و لا هنا
بمكان مافي ارسال و انقطع عنه عشان كذا لما تدقي يعطيك مغلق
بس يا خوفي اذا درى زوجك يحرمك من روحة المناسبات او يحرمك من الجوال



خلود
جهزي القهوه و الشاي باجيك ههههههههه
من جد طاقه براسي اجيك ليتك قريبه بس



انثى ذوق
انا اللي يرفع ضغطي لما احد يتصل عليه و اول كلمه يقولها
ها ماولدتي؟ يعني باولد بالله و اخبي سر هو!!
و لا يسألأوا حاسه بشي؟ هذي ما ترفع ضغطي بس توترني


كوامن الليل
هذي تلف و تدور و لا هي صريحه كل ما سألتها عن شي تلف
يمين يسار و بما انك بجده تعرفي دكتوره شاطره بمستشفى الزهراء؟



ما يمدحني لقب
مشكوره عالراوبط و القصه الاولى خرااااافيه اذا شعرك ناعم قصيها

شوفي عندك التبوله والفتوش ,,والمحاشي الكوسه والفلفل ,,وورق العنب ,,

والحلويات عندك القطايف ,,هذا اللي في بالي الحين ,,

,,,,,,,,,,,,,,,,

يوميـــاتي
السبت صحيت عالساعه 7صليت وطلعت للمستشفى عندي موعد للغدة والحمدلله طلعت تمام بس الي قهرني لآزم أستمر عالعلاج
ورجعت الساعه 12اتغديت ونمت وصحيت العصر
غسلت لي ثلاث دفعات غسيل
وأثناء الغسيل غسلت المغاسل وشطفت حمام الضيوف
بسرعه وجهزة القهوة
وبخرت البيت ببخور بانافع ورجع زوجي اتقهوينا
وبعد صلاة العشاء مريت محل أبدل
فستان لأن عندنا مناسبه الأسبوع الجاي بس ماحصلت المقاس الأصغر ورحت عند أهلي أتعشيت عندهم ورجعت الساعه 1

اليوم صحيت بعد صلاة الظهر صلت وجهزة الفطور أفطرنا ونزلت لحمه للغداء وكنست الصاله ومسحت الطاولات
والاب توب وبدأت بالغداء الساعه 3 وصلحت السلطه بعد صلاة العصر صحي زوجي اتغدينا
وأنا كويت لي كم قطعه وجهزة القهوه وبقلاوة وبعد صلاة المغرب اتقوينا وزوجي طلع وكلمت ماما
وبعدالصلاة خرجت مريت بندة أخذة أجبان طازة ومخلل وزيتونات وكان نفسي نتعشى هناك بس زوجي طلبوه أهله وأعتذر ورجعنا البيت

وفاء
الله يعوضـــك بأغراضك ويسخرلك زوجك والله يخليك الماما


شذاوي
الحمدلله على سلامة أختك ومبروك البيبي

دانه
حلوه فكرة المشروع وبالتوفيق بس لاتنسي تعزمينا بالأفتتاح
وكيفها ست الحبايب أن شاء الله طيبه


مايمدحني لقب
مشكورة عالروابط وبالنسبه للقص اتوكلي وقصي ونعيماً مقدماً

جداويا
كيفك مع الحمل وحابه أسألك متى يبدأ الجنين يتحرك حركه ملحوضه
لأن عصفوري يرفرف في النادر جداً وخاصتاً هاليومين مابحس بشئ كأني موحامل
وكمان وش أخبار البعثه ؟؟؟

خلود
يعطيك العافيه يومياتك حلوه

هموووووووسه
مبرووووووووك والحمدلله عالسلامه

كوامن
سلامات ياقلبي وسلامة أطفالك

وفاء,,

ياقلبي ,,الرجال عنده الخساره اهون من إنك تكذبين ,,ماتوقعتها منك بالذات ,,أحسك أذكى من كذا ,,

والله يخلي لك أمك ,,

وزوجك حاولي تراضينه ,,,,وقولي غصب عني كذبت ,,لأني زعلتك يوم الخاتم ,,وماأبغى أزيدك هم ,,

,,,,,,,,,,,,,,,,,,,,,,,,,,,,,,,,

اليوم صحيت الظهر ,,وقلت مافيه روحه للدار ,,لأن زوجي

طالع من الصبح ولا هو جاي الا الليل ,,وتعيجزت أركب الباص العصر ,,

بس يوم قمت من السرير ,,وصليت ,,تذكرت كآبة العصر وقلت وشوله أجلس ,,

قمت بسررررعه غسلت مراييل البنات وكويتهم وكويت بلوزتي

وبدلة ولدي ,,

ورحنا للدار ,,

رجعت بيتي وجلست ع النت ,,ورحت أزين عشانا برياني دجاج ,,

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

اليوم جاء ضيقة صدر في الدار ,,عندنا حرمه كبيره مع حلقة الأمهات ,,

تجي على عربيه ,,تدفها حبشيه معها ,,وقاطعه قلبي الأسبوع اللي راح

كانت في عيونها نظرات أسى ,,مدري ليه جلست أتأملها ,,

واليوم قالوا انها توفت الفجر ,,جاها سكته أو ارتفع عندها السكر ماأحد درى عنها ,,

وقالوا انها شافت الحسره من هالدنيا ,,قلت الحين عرفت سر نظراتها ,,

الله يرحمها ويغفر لها ويرفع منزلتها ,,اللهم ثبتها عند السؤال ,,

يوم طلعت من فصلي ,,لقيت الأمهات يبكون وباين عليهم التأثر ,,

رغم ثقلها وتعبها ,,لكن كانت حريصه على حفظ القرآن ,,

الله يجزاها الجنه ويعوضها بدار خير من دارها ,,يارب

سلااام..
اليوم الحمدلله راضيه عن نفسي
صحيت الفجر صليت ورجعت وصحيت ولدي عيا يقوم ولاشديت عليه من النوم;) اللي فيني
رجعت نمت الى 12ونص صليت وانسدحت على النت وارسلت لزوجي يشكل لنا من البقاله شيبسات وكيكات وهيك افطرنا وجلست بالصاله اتفرج على التلفزيون وعقب قطعت سلطه مع بطاطس تغدينا والعصر دخت مررة بس قاومت
وقمت الساعه 5 على غرفة عيالي رتبتها وكنستها:068:
وغسلت دفعتين ملابسهم ونشرتهن وجففت بدلة ولدي
وخليت ولدي يرتب الصاله وانا كنستها:068:
ومع اذان المغرب سويت القهوه مع شوكلاتات
تقهوينا وعقب العشاء دخلت المطبخ:badly:مررة حوسه غسلت المواعين وكنسته وغيرت مكان الطاوله وسويت مكرونه حمراء بالدجاج وطلعت الزباله تكرمون
وخلصت 9ونص الحمدلله:)
تعشينا وغرفة لكم صحن:adore:

والحين اتابع مسلسل ولاخلصت
اذاكنت نشيطه غسلت ارضيه المطبخ وامسح السراميك.
سي يو

كوامن الليل
الله يهديك ايش هذا التفكير يعني انتي بالله
ما تشتهين اكلات سوريه؟ انا اشتهي موووووت
خاصه المحاشي و ورق العنب و زوجي يموت على
شي اسمه بقلاوه و اذا تبغين الصدق انا بعد ما احب
اكل كبسه او رز كل يوم ما احب اكلها كثير اسويها من
فتره لفتره و حلو تنوعي اكلك ايدامات صواني مكرونه
محاشي و النت عندك مليان طبي و تخيري..



ابتسامه بدلع
يا شين المستشفيات و مرمطتها اشيل هم المراجعات
بصراحه و الرفرفه هذي حركه اما اذا قصدك حركات الرفس
و الكاراتيه تختلف من جنين لجنين بحملي السابق من
الخامس و الحركات عنيفه اللحين من السادس تقريبا




فوفو
الحمدلله اللي رجعك الجوال و الله يخلف عليه و زوجك معليش
اعتذري منه و اطلبي السموحه يمكن لو صارحتيه من البدايه
ما زعل و اشرحي له انك خفتي على احساسه



خلود
لا اله الا الله
الله يرحمها و يغفر لها و يسكنها فسيح جناته و يحسن خاتمتنا



ام علاوي و شهوده
حياكي الله



حبيبة زوجي
الله يعطيك العافيه يارب

الحمدلله علي سلامتك يا همس

ويارب بنتك تخرج بالسلامة F:

اول شىء برد لرايقه كنت ابرد عليك برايفت بس قلت اكتبه بالعام عشان الكل يستفيد واعذرينى ياقلبي على التاخير لانى كنت مشغوله بسالفه مزعلتنى
المهم بالنسبه للضغوطات طبيعي كل زوج لمن يشوف حرمته مشغوله يحب يضغط عليها كذا لعانه انا لمن درست واتوحم بغيت انهبل يبغا غدا ويبغا اصناف ويتدلع وبحوث وترجمه له يعنى ضغط مره نفسي من غير عيالى ولمن بطلت ادرس ارتاح ابو الشباب خخخخ
لكن ابعطيك الحل قبل يومين قابلت بنوته عندها توحد وتتعالج عند دكتور نفسي طبعا هى لمن تشوف احد يتناقش وصوته عالي تقول خذ نفس وهذا حلي لك لمن تنضغطى اعملى ستووووب وخذى نفس عميق وروحى تممدى وروقي الشغل ملحوق البيت ملحوق كل شىء ملحوق والله والله لو ماانتبهتى لنفسك محد درى عنك انا ازعل واخذ بخاطرى لدرجه صار من الزعل تكون حمل عنقودى ولمن قلت له سبب الاسقاط وتكون الحمل العنقودى الزعل قال لى انتى تزعلى نفسك والله محد دارى عنك الكل ينام وياكل ويروح ومبسوط ولادرا عنك وانتى تنقهرى وتزعلى وتنضغطى وبالاخير اثر على صحتك وبالفعل لاحظى لو مااكلتى محد درى لو مانمتى محد درى خخخخ كل واحد نفسي نفسي وانتى كمان لنفسك عليك حق لو طحت من الضغوط والتوتر والقلق تتوقعين احد بيدرى عننا لا والله بيدور راحته فعشان كذا كمان انا ادور راحتى مافيها شىء لو جلس صحن بالمغسله ولو جلس الكوى بالسله الدنيا مو طايره انا مو اله كهربائيه عندهم ولاشغاله انا لى حقوق وانا اللى اقرر وش اعمل وش مااعمل اول اسبوع بالدرسه كنت امشى واكلم نفسي من الضغط خخخخ واخر شىء صرت اروق النهار كم شغله وبعد المغرب مستحيل اسوى شىء الا مواعين العشاء وكوى لبس الدوام واكنس الصاله واجلس اقرا كتاب استرخى اتصفح والنهار اجلس الين 10 يعنى شغل ربع او نص ساعه واوقف عشان بنتى وتعلمت مااوتر اعصابي بردت خلاص يبكون عادى كل الاطفال يبكون مااتوتر واعصب اعطى تعليماتى لمخى انى مااسمع بكاء الدلع خخخخخ وشوى وهم يسكتون زوجى طلباته ماتنتهى اوراق عمل بحوث من غير لبسه والغداء لكن اتعمد احيانا انسى له شغله خخخخ مثلا يطلب اوراق اجيبها وانسى اعطيه مثلا ايصال او عقد ولمن يقول انا قلت لك من الاول اقول وانا ترانى انسانه يعنى اتعب خخخخ وعفي عن امتى النسيان
وطبعا من غير سحابتى حقت توم وجيري والحياه تمشى وانا اختك مثل التين يوم حلو ويوم مر ويوم الله يكفيك شره واذا كان الضغط من عيالى وزوجى مو مهم احنا في جهاد والله يكتب لنا الاجر لكن لو كان من ضغوط برا خارج البيت هو التعب
والدنيا حسب ماتلونيها انا بلونها برتقالى احسه لون يضحك لى والاحساس بالذنب بالنسبه للاطفال عادى احنا بشر لو يوم صرخت عليهم وتوترت يعنى بالله وش اسوى والا لهم يومين محرومين من قصه قبل النوم
حاليا لااضرب ولااعصب ولااصارخ احرم من الاب توب ومن القصه ومن العصير بالعصريه وخلصنا ليش انقهر واعكر مزاجى ولو قهرونى اتجاهلهم اتابع برنامج اقرا اتصفح الين تروح الغصه اللى بقلبي خخخخخ
والحياه حلوه يابنت بس انتى حليها

كوامن انتى الذوق ياحبي لك ردك مره اسعدنى
والاكلات السوريه ماجربتها والله

حبيبه دوختنى مكرونه اخ بس