ربات منزل متفائلات وكلهم ملح وانوثه >> فديتهم

رايقه>>>
شاور ابوي امي...ثم وافقو عليه...وحددو المهر 90الف ريال..
ثم جتني امي تقول جوزناك فلان..تلعثمت ابغا الدراسه..قالت قلنا له..

بنت عز>>>حياك الله...العتب عالمشاكل الحياتيه..وتغيرت الجو وتاثيراته>>العن ام الفلسفه

مساء الخير.............اخبار الجميع ماعندي جديد يذكر احس بفتووور بجسمي من بعد فك الربط امس ووركي يوجعني ماغير منبطحه ع السرير
بكره عندي موعد مستشفى والله يعين ع الانتظااااار......
جداويا اذا زوجك ملزم ع الاسم سمي البنت تحلي اسمها وكفايه انها ام المؤمنين اسمها عائشه
ع الاقل لقيتوا اسم انا الى الان ماعندي كل يوم اسم خخخخخ الله اعلم ع ايش بنثبت........

يتصفح الموضوع حالياً: 3 (2 من الأعضاء و 1 من الزوار) ‏رايقه وحولي عصافيري, ‏@حبيبة زوجي@

اقول حبيبه وش سالفتي انا وياك اليوم ههههههههههههههههههههههههههههههههه

يتصفح الموضوع حالياً: 3 (3 من الأعضاء و 0 من الزوار) ‏رايقه وحولي عصافيري, ‏راح الفرح, ‏مها عبدو

اهلين مها طمنينا عنك واخبار وضعك الحين

جداويا
انا اقول إذا انتي بقرارة نفسك مقتنعه سمي واذا لا لا تسمين
ولدي الصغير سلمان الكل يقول كبير وبيكبره ومدري ايش
بس مااحد همني وسميته
وماشاء الله هو اللي حلا الاسم
والكل يسمسه سلومي صرت اقول لهم لا تسمونه الاسلمان
عشان يتعود الحين يقول اسمي سلوم
...........................
همس
قريبتي جابت بنت سمتها إيلان>>>الغزال الصغيره
..........................

مسالخير...
اخباركم؟؟...
الحمدلله الليله ارتاحت نفسيتي...وانا وزوجي صرنا نتكلم مع بعض...برغم انه زعلان...
وقالها بالافم المليان زعلان ولاانا محلك(احللك)...لانني كلمت اخوي..برقم جوالي...
وانه ماراح ينسى الاهانات...
واذ ابغاهم هو اللي راح يرجعني لمهم...>>هنا ضاق صدري..منهم ومنه..انا فار تجارب لهم..

والليله اخر دوامه....ياخوفي من بكرى فيني حرّه...بفهمه اللي يدور ببالي...
بانني((بكلمهم واتواصل معاهم...استحي من الله انه فرض صلة الرحم وانا اقطعه....ثم من اهلي ربوني وكبروني ...اعوذ بالله ماعرف الجميل...صحيح كانت شخصتي ضعيفه وخوافه...وابعد من المشاكل...لكن هذه صلة رحم..ومن خالط الناس وصبر ع اذاهم له اجر...ثم استحي من عيالي اذ كبرو...ليش تنصحيننا وتحببينا ببعض..وكلك انسانيه قدام الناس ومع اهلك فلا))....
(ولا انسى زوجي بيقول بنفسه مالها شخصيه...والرجل يكره ضعيفة الشخصيه...ليش ماثابرت وتمسكت باهلي..الظفر مايحك الا ظهر..وانا اللي احدد صلة اهلي..مو رجال غريب بيوم من الايام...ثم صار زوجي..)
هذا مايدور ببالي...

سلام يا حلوات
توني رجعت من فرح بنت خالتي
اليوم طبعا كان كتب الكتاب يوووه ارهاق وتعب بالنهار مع اننا جبنا طباخة وغسالات مواعين بس مع ذلك تعب
طلعت الساعة 11 الصبح وزوجي لما حضر الغدا في الفرح اخد عزوز ونورا معاه للبيت يقيلوا وانا ونجومي بقينا في العرس وهات يا كرف لييين بعد المغرب
رقيت غرفة مستقلة فوق وشغلت التكييف وكان هدوء نيمت نجومي وعملت استرخاء لان كان مودي معكر ..لو تعرفوا من ايش تضحكوا عليها بس مافي داعي للفضايح هههه ...
المهم اعطيت نفسي شحنة دعم تهد جبال يا سلاااااام
ودخلت دوشت وانتعشت وضربت ماغ كابتشينو ولبست وتمكيجت وتعطرت ونزلت والنفسية صارت توب الحمد لله لقيت عيالي واصلين عشيتهم وطلعت للضيوف كانت الصالة مليانة وبدينا الطق وشغل العوالم هههه
وانا ماقصرت فجرت الطاقات الكامنة و معدل المعنويات ارتفع والمود تحسن ماشاء الله
والساعة جت على 11 حسيت اني خلااص فلمت اتصلت بزوجي ورجعت البيت ولاني كنت مبسوطة وهو كان بااارد
سالته مشتاق لي ..قال ليش ؟؟؟
قلت له لنا 12 ساعة عن بعض..قال معقولة ماحسيت فيهم ههههه
بعدها قال بعفوية عارفة اشتقت للقهوة اليوم بقوة !!!
حسيت كلمته جرحتني وبلمت فيه وقرنت الحواجب وسكتت ههه
هو عرفني زعلت ضحك وسكت ..
دخلت المطبخ حطيت حواضر له وللعيال وانا رتبت غرفة المعيشة وبخرتها جلست على لابي
ناموا العيال وقاعدة انيم نجومي
وزوجي جلس شوي تفجنا عالتي في ودخل ينام وانا لاني شاربة كابتشينو كثير ماجايني نوم
المطبخ والحمام حايسين وكاني لي شهر غايبة بكرة نتصبح فيهم الله يعين
بكرة حفلة الحنا
اليوم قلبت دولابي ولقيت لبس حلو بسيط بس ينفع مع الحر هههه وكم اكسسوار يصير تمام ...
....
يللا نقرا ردودكم ونرجع لكم نرد عليكم ان ربي اراد

السلام علكيم
اليوم انجزت رغم اني تعبانه والنفسيه تحتتتت بس ضغطت على نفسي
غلست الحمامات بفلاش وغسلتها عمييق
نظفت المطبخ
وأمس كنت مغسله كنب الصالة واليوم رجعتها وغطيتها بشرشف عشان ماعاد تتوسخ .. وفركت الموكيت بالمكنسه الخشنه عشان الوبر والشعر في الأخير كنست البيت كله ومسحت الممرات وبخرت
غرفة النوم اللي ما ٌدرت أسوي فيها شي على طول نايمين فيها يصحون عيالي وينام زوجي والعكس بحاول آخذها حبه حبه

بناااات
عندي مشكلة متشعبه >> الله يعينكم علي
وضعي مو عاجبني ما أقدر أسيطر على إنفعالاتي ولا على كلامي ماأدري وش فيني أعرف أني غلط واقول بتغير وبتعدل لكن ما فيه أمل استمر يوم ويمكن مو كامل وارجع لعادتي القديمة يعني مثلاً اليوم العصر تناقشنا نقاش بسيط أنا وزوجي رديت عليه بكلمة بااايخه مال أمها داعي بس طلعت وتورطت وزعل زوجي وما ألومه وياااااالله ياااالله رضي بطلعة الروح وتنكد يومي كله ..دايم يصبر علي ويعديها لكن يوصل لحد يزعل زعله قوية والله يستر من زعلاته أخاف يتطور الوضع لحد ممكن يصير فيه شي ما يرضي الطرفين الله يستر

وعيالي ما أتحملهم ما عرفت أتعامل معهم وأقول بتغير وأقرا وأطالع مواضيع تفيدني لكن كأني أسمع من أذن وأطلع من الثانية مرات قاسية ومرات ارحمهم لكن الصدق والحق أحس أني أم قاااسية وأحس بعض ألأحيان أن ما عندي مشاعر أمومه ..!!

مشكلتي حاااره وزوجي أبرد من الثلج وماخذ الدنيا بكل سهوله وأنا أبغى كل شي عاجل وسريع وما أتحمل التأخير ومن كثر ما هو حارق دمي بتسويفه وبروده صرت لا شعورياً أحاول أحرقه بالكلام لأن ماعندي غيره لكن في النهاية تطربق على راسي

بالله ساعدوني كيف أضبط نفسي أكثر لأني من جد تعاملي من ردي لأردى =(

مايمدحني لقب
انا اشوف ان الشخص كل ماكبر كل مافهم في الحياة اكثر
قولي لزوجك انا كبرت وكبر عقلي معاي
بكره بيلووموني عيالي على قطاعتي اهلي
فعلا يمكن يوم تزوجتي كنتي بعمر صغير
ولا تتفهمين بهاالامور
طيب عمتك ام زوجك تتواصل مع ابوك؟
.........................
عندي يوميات
بس سحابة الصيف مرت اليوم
ومالي خلق اكتب يومياتي.
.......................

يومياتي/...
اليوم بديت اتنشط ع خفيف...فيني صداااااااااع...من كثرة النوم والتفكير>>لي اسبوع
قمت قبل الظهر...الساعــ11ــــه...افطر مع عيالي...
طلعت دجاجه للغداء.نقعت الرز...
جلست تقريبا نص ساعه..صليت الظهر...ثم غسلت الملابس البيضاء فقط...3وجبات غسيل...
واثناء الغسل عملت الغدء..مضغوط..
عالساعه3الاثلث...خلصت..
البيت كله يغى له تنظيف>>>والنفسيه مو رايقه...
صليت العصر الساعه3ونص...
وجلست للمغرب عالنت..
ثم قمت رتبت الصاله عالسريع..
صحى زوجي...صلى المغرب بلمسجد...
.وانا صليت...وراح جاب اغراض ناقصه ومن ضمنها نواشف..
تغدى(غداء عشاء) من الغداء...
ع اذان العشاء...طلع زوجي للمسجد..وانا روشت(سبحت عيالي)..وجهزت قهوه وشاي..
انتظرت زوجي ووضعتها بالصاله...بس اخذ فنجان وجلس عالنت للساعه8وثلث...وطلع لدوامه..
وانا صليت العشاء..
وسنترت بالصاله مو طايقه اقوم اخلص اشغالي...بس اللي عملته اليوم بعد الاضراب ...انجاز...

ما يمدحني لقب
انا اايدك على تفكيرك ..بس كوني هادية وبنفس الوقت واثقة ولا تحسسيه بالخوف لانه رح يتخذ موقف دفاعي قبل حتى ما تتكلمي ..واكرر ..الهدوووء والثقة ..وتحاوري مع نفسك قبل تكلميه انك هادئة واثقة ومانك خايفة ..وانك تحبي زوجك ونظرة الحب بعيونك تدربي عليهاا ههه ..وهو لما يحس انك بحيرة وانك تحبيييه وربي بيضعف بس لا تبكي !!!
الله معك ..
قبلها الجأي لربك بقوة .اول شيء علشان يوفقك ..وثاني شيء وانا مجربتها والله رح تحسي بقوة خفية معاك تعينك ..انا مواقف كثيرة ادعي من قلبي والح في الدعاء واذكر واستغفر ..
بعدها والله قلبي يبرد وتجيني حالة كان في حاجة تحركني وماني مسيطرة على نفسي ...طبعا تحركني بطريقة ايجابية وانبسط مزبوط ..
الله يقدم اللي فيه الخير ..
ومشكورة على الاطراء وانا ما ازكي نفسي ..بس احسب نفسي اني احب الخير للجميع وان قلبي نقي وابيض ثلج يارب يثبتني ..ويحسن خاتمتي ويعطيني على قد نيتي ولا يحاسبني بذنوبي اللي لا تعد ولا تحصى ...
..
هموسة ..
مبروك فك الربط وعقبال ما نبارك على البنوتة وانا اعشق اسم ياسمين صح قديم بس احبه ونفسي اسميه وزوجي راافض الله يسخره لي ...
..
جوجو حياتي فرحتيني لما قريت انك تنتظري رايي ..
وانا زي البنات مقتنعة ان الشخص هو اللي يحلي اسمه ..
واسم عائشة حلو وزي ماقالوا البنات يكفي انه اسم ام المؤمنين ..
بس نصحتي
ناديها عائشة بالضبط وبالفصحى ..
يعني لا تناديها عيشة ..او عايشة ..
لانه بتفقدي جمال الاسم وهيبته ..والله عائشة له هيبة صدقيني ..
واتوقع انها رح تكون اعقلهم واوقرهم الانسان فيه من اسمه الكثير صدقيني ..
...
انا عيالي عز الدين ونجم الدين والد زوجي سماهم وماكنت راضية حسيتها مركبة وثقيلة ..بس مع الوقت حبيتهم وحسيت ان فيهم هيبة ..وحاسة انه بيعطيهم وقار وتميز لما يكبروا يارب يحفظهم من كل سوء اعيذهم بكلمات الله التامة من كل شيطان وهامة ومن كل عين لامة ...
...
انثى رديت عليك برايفيت ..
..
شذو الله يحفظ سلمان واخوه ويارب تفرحينا بالسديم !!
..
وكويس ان السحابة مرت ..
..
كوامن الليل ..
التغيير ما يبي يوم وليلة يبيله شغل والله وتخطيط وارادة ..
اشتغلي على نفسك حبة حبة ولا ضغطي على نفسك انك تكوني توب في كل شيء ..
وزوجك عندي وصفة تخليك تخافي على شعوره وما عاد تلقحي الكلام ..وتتقبلي عيوبه ..
اول شيء انك تتفكري في نعمة ان زوجك زوجك يعني فكري في مميزاته ..ويكفي نعمة الستر وصدقيني مادامه جنوبي اكيد راااايق وهاذي في حد ذاتها نعمة ..
وبعدين خوذي دفتر كل يوم قبل النوم اكتبي موقف او اثنين اليوم عملهم زوجك كانوا كويسين وانبسطتي منهم ..طلعي المواقف من تحت الارض ..
مع الوقت بتصيري تركزي على مميزاته وعيوبه تختفي ..
ورح تحبيه من قلبك ومارح تزعليه والله ..
ثاني شيء تمرين الصباح وتمارين الاسترخاء وربي بيخففوا من عصبيتك بنسبة كبيرة انتي بس التزمي ولا توقفي ..
لو تحبي ارسلي لي ايميلك على الخاص نتكلم واشرح لك التمارين اللي ساعدتني كثيير في اني اتغلب على الحالة اللي كانت عندك لاني كنت زيك بالضبط ...
رايقة اسفة ماجاوبت على سوعالك ..
التحفيظ بموقع اسمه معهد امهات المؤمنين ارتحت فيه لانه مش زحمة زي طريق الحقيقة وعالم حواء وما اجلس بالساعات انتظر دوري والمعلمة ما تفرض عليا كميات كبيرة وانضغط واتعب الحمد لله ماشاء الله كلها نص ساعة واكون مسمعة ومخلصة يارب الثبات والاخلاص ..لو تبي اعطيك الرابط وانتي ايش تدرسي بالكلية يمكن كتبتي بس نسيت ههه ..
وتر الحنين ..احبك الهي ..حبيبة زوجي ..دلوعها زوجها ..مهاوي ..خلود .. ..سلخير ..ام رغد وربا..دانة الم
وباقي البنات لو نسيت احد المعذرة ..
احوبكم كلكم وقواكم الله

كوامن ليل
الحال من بعضها كانك تتكلمين عني
صايره اررررررد بكل سهوله وارمي الكلام
زوجي حاااااار وانا حاااااااره يعني لين صارت مشكله تشتعل ناااااااااار
اول لين عصب اسفهه واصير عالصامت الحين ارد عليه
والله لو تدرون اساس المشكله كان تضحكون بس الله يسهل..
نام وهو زعلان الله يعين.

*شذى الورد*;13374429:
مايمدحني لقب

طيب عمتك ام زوجك تتواصل مع ابوك؟
.......................

اقولك ولاتضحكين...عمتي تو علاقتها رجعت باعمامي..(من كم سنه)..
لان سالفتها مثل سالفتي مع اهلي...
بعكس امها(اخذها ابوها من امها وهي طفله...وامها تزوجت...وزوجها جدي بعمر17سنه من ابن عمها ثم طلقها غصبا عنها تعاون مع اخوانه(ابوي وعمامي)وزوجها رجل شايب(زوته متوفيه وعياله بالعشرينات وعنده بنات) ثم كرهت اهلها وهربت مع زوجها الشايب..وبعد اخوها(ابوي)كرهه وصار بيطلقها...لانه مازوجه ابنته...وتركت اهلها لين ثالث طفل لها...وراحت ارضت ابوها واخوها الكبير..والباقين رجعو من حالهم...شفتي:confused:

ومن كثر ما هو حارق دمي بتسويفه وبروده صرت لا شعورياً أحاول أحرقه بالكلام لأن ماعندي غيره


والله كانك تتكلمين عني
...............
مايمدحني لقب
يووووه مشكله والله
بس ان شاء الله امورك بتتسهل
.............
فوفه
خخخ ياحبي لك صدق انك
..بس احسب نفسي اني احب الخير للجميع وان قلبي نقي وابيض ثلج يارب يثبتني ..ويحسن خاتمتي ويعطيني على قد نيتي ولا يحاسبني بذنوبي اللي لا تعد ولا تحصى ...

مو احساس الا حقيقه
تدرين وش امنيتي أني اقابلك واشوفك عالعموم متخيله شكلك ههههه
امين الله يعطيك على قد نيتك
والسديم خلاص هونت منه اصلا بنتي معروف اسمها بس خليه مفاجاه لكم>>انتي احملي الحين هههه
..............

شذو \
الله يصلحنا ويصلح أزواجنا يا رب

ما يمدحني لقب \
الله ييسر أمرك ويفرج همك ويدلك لطريق الخير

جوجو \
أسم عائشة روعه يعجبني سمي وتوكلي على الله .. ربي يصلح لك عيالك ويفرحك فيهم