ايه الحكايه ورا اسمك الرمزي (nickname)

noogy;13203819:
عارفة لولا انك كتبتى ان تاريخ ميلادك فى شهر 12 كنت هفتكرك موءة صحبتى :D
اصل صاحبتى اسمها اسماء وبدلعها ب موءة من اول ما شوفتها


من ساعة ما اشتركتى وبفتكر انك مسمية اسمك على محل تيامو :lol:
شوفتى الافكار راحت لفين ذكية انا مش كده :D

نيجي بقى لقصتى انا اسمى نجلاء وكل اصحابى بيدلعونى ب نجلا او نوجا لما جيت اعمل اكاونت على اى منتدى الاقى نوجا موجودة روحت مزودة حرفY & O وبقت نووجى :D وقولت دلع جديد ليا بقى وفعلا بقى ليا اصحاب كتير يقولولى يا نوجى

ميراميا انا برضه كانت بتجيلي كوابيس ايام الكلية اصلي كنت علوم برضه :D

ههههههههههههه :lol:نوجا هو فين المحل ده عشان عمرى ماخدت بالى

حلوه فكره الموضوع جدا

كولكولا ده اسم معقد صحيح بحبه عشان كان اسم قطتى

ولما جيت اسجل في عروس كانت قاعده جنبي

فسجلت باسمها

بس :)

SmSm27;13191750:

السلام عليكم
موضوع حلو اوي يا اميرة
بصي يا ستي اسمي سماح ودا ليه دلع كتير بس انا بحب سمسم اكتر حاجة وانا اصلا مبحبش اسمي هههههههههه كان نفسي اوي اوي اسمي يبقي فاطمة او مريم وان شاء الله لو ربنا اراد واتجوزت ورزقني ببنت هاسميها اسم من الاتنين دول
و27 دا تاريخ ميلادي 27/3
بس كدا
حاولت اقيمك معرفتش علشان لسة مقيماكي قريب
بحبك في الله
كولكشن 2011
محجبات استايل

ليه يا سماح مش بتحبى اسمك ؟؟
انا بالنسبه لى
اى واحده اسمها سماح لازم تبقا طيبه :D

ra_tamima;13192070:
موضوع متميز وانا قليل انى اشارك فى اى موضوع خارج التجهيزات
بصى ياستى انا اسمى ده ليه قصه طويله هارخم عليكو وهاتسمعوها8o|:)
انا ياستى اسمى رشا واسمى تميمه تقريبا ع النت من سنه 2004 واخويا هو اللى اخترهولى ف الميل علشان كان فى تمثليه بنحبها اوى للاهام شاهين اسمها مساله مبدا وكان فيها بنت اسمها رشا المهدى ودى كده اسمها على اسمى وكان اسمها ف المسلسل تميمه ف عجبنى جدا واخويا ميزنى بيه
القصه ف اللى جى بقى:o
المهم كنت ساعتها صغيره وكنت بدخل شات كتير وكلمنى حد من الشات علشان اسمى عجبه اوى وقالى والله يابنات لوحده كده قالى انى مسميه نفسك على المسلسل الفلانى يبقى اكيد انتى اسمك رشا بصراحه:-o قولت مين الواد الذكى ده واضطريت اكلمه مع انى مكنتش بكلم شباب ع الشات كنت انا وصحباتى بعمل روم ونعيش فيها المهم بقى كلمه منى كلمه منه طلع ايه :-o زميل ماما ف الشغل واعلى منها كمان بس طبعا هو شاب :woo: ومكملش شهر وكان عندنا ف البيت اتقدملى ههههههههههههههههههههههه شوفتو النصيب تصدقو يابنات ان لحد الان محدش يعرف الحكايه دى ف بيتى يلا الحمد لله انه محصلش نصيب مكملناش مع بعض 8 شهور مش هاقول علشان النت وعلاقاته لا هو طباعه غير وكمان ربنا عمل كده علشان اسيبه واروح اشتغل ف شركه امريكانا واااقابل البشمهندس محمد ربنا يخليه ليا ونتخطب واكمل معاه حياتى واحاول بس اااوفيه جزء ولو بسيط من حنيته ومعاملته وحبه ليا
توته توته خلصت الحدوته طبعا ملتوته صح ؟؟؟؟:( رغيت كتير بس والله بحبكو وبحكى اللى ف قلبى
المهم برضه لما وصلت انى اتخطبت زودت على اسمى اول حرفين من اسمى بس ف كل حاجه فيس وميل ومنتديات وكله
ادعولى بقى واحلى تقيم ليكى ياميرا:):)F::L:

واخيييييييييييرا عرفت السر
انا ماكنتش عارفه اسمك ده بالذات ليه
اصله فى بالى تميمه اللى هى الشركه اللى بتعمل اعلانات فى التليفزيون :D:D

وحشتنى يا ابى;13190077:
تسلمى يا قمر
انا اسمى حزين كتيررررررر لان ابى فعلا وحشنى جدا وللأسف مش هاشوفه تانى لانه توفى يوم 4-7 يوم الاحد الحزين
رجاء يا بنات تدعو لابى ان ربنا يرحمه ويسكنه الفردوس الاعلى ويجمعنى بيه يارب اللهم امين

ربنا يرحم والدك ويغفر له ويسكنه الفردوس الاعلى ياااااااااارب

علوم;13194729:

ميراميه
بجد اسمك عاجبنى جدا وربنا ييسر احوالك
:adore:

وحشتنى ياابى
البقاء لله ياحبيبتى وربنا يجعل مثواه الجنة وييسر احوالك
:L:

salma 0
بصى ياحبيبتى ممكن يكون اسمك salgad
على اساس sal جايه من salma وgad جايه من amgad
ايه رأيك بقى
:o


اما بقى انا اسمى علوم
هنا على المتتدى واكيد هتفهموا ان كليتى علوم انا اسمى الحقيقى ايمان
بس ماسمتش علوم من حبى فى الكلية تبقوا فهمتونى غلط :struggle:وجدا كمان :mad:
بس اصل الاسم ده الوحيد اللى مش هنساه اصل الزهايمر عامل عمايله معايا :confused:
ادعولى بقى ياجماعة ان ربنا يرزقنى الزوج الصالح
:o:o

رفييييييييييقه الكفاح
هو انا صحيح زعلانه منك عشان مش بتحبى كليتنا الحبيبه:mad:
بس انا اول ما شوفت اسمك استغربت اصلا
انا فعلا بحبها
بس حد يسمى نفسه على اسمها
مش للدرجه دى هههههههههههههههههههه:lol::lol::lol:
بس كفايه انه الاسم ده اول ما شوفته خلانى اتعرف عليكى
وانا اتشرفت بالمعرفه الجميله دى :o
ربنا يكرمك يا ايمى ويرزقك بالزوج الصالح

بناتى حياتى;13195808:
انا اسمى باين

بناتى حياتى دول بتول واروى بناتى وانا بحبهم اووووى
ربنا يخليهم ليا
ويرزق كل اللى عايز يااااااارب

ربنا يخليهوملك يارب
ويرزقنا جميييييييييييعا

meramia;13199587:

بالنسبه لاسمك انا والله كنت مستغربه برضه
ازااااااااااااااااي تحبي علوم هو في كائن عاقل يعمل كده
دا انا اول سنه ليا اعدادي صيده كنا بناخدها في علوم
معلش يعني
اسوأ سنه في حياتي
يعني بموت في الكليه صراحه:mad:8o|:mad:
دا حتي بابا خريج علوم وطلع علي المعاش اهو
ولسه لحد دلوقتي بيجيلوا كابوس انه لسه في الكليه ومش عارف يخلصها
هههههههههههههه

وبعديييييييييييييين :mad::mad:
كده هزعل
ماحدش يغلط فى علوم وانا واقفه
مش علوم (ايمى) ,, علوم الكليه :D:D
انا عارفه انتى مش طايقاها ليه
عشان انتى كنتى بتاخدى فى قسم بيولوجى
وده بصراحه قسم ييييييييييييييييع
فظيع ,, هو اللى جايب للكليه السمعه دى والله :(
بقيه الاقسام مش كده
لأ استنى
رياضه بردو شنيييييييييييع وخصوصا لو علوم القاهرة
وفيزياء رخم شويه
الباقى لذيذ
احلى واحد جيولوجيا
قسمى الحبيب :p:p
هو بابا كان قسم ايه ؟؟ عشان ياعينى يفضل لحد المعاش زعلان اوى من الكليه كده ؟؟

الأُمومة;13202094:
أحببتُ موضوعك
الأُمومة: إخترت ذلك الإسم لأننى أشعر تجاه كل طفل بالحنين والأمومة كما أننى أعشقهم

دعواتك المخلصة لى بالذرية الصالحة وكل أخواتى المشتاقات المسلمات
فى إنتظار الجديد من مواضيعك

وفقكِ الله..

اسمك تحسيه كله حنان :o
ربنا يرزقك الذريه الصالحه
انتى وانا وكل بنات المسلمين :)

noogy;13203819:

ميراميا انا برضه كانت بتجيلي كوابيس ايام الكلية اصلي كنت علوم برضه :D

انتى كنتى قسم ايه عشان تجيلك كوابيس
تلاقيكى كنتى نبات او حيوان :D
لو كنتى رياضه ماكانش هيجيلك كوابيس
ماكنتيش هتدخلى معانا هنا اصلا
لأنه كان زمان دماغك ضربت :confused::confused:
اوعى تكونى رياضه :-#:-# وانا عماله اغلط كده :woo:

red roseee;13205095:

فكرة الموضوع جاااااااااااااااااااااااااااامدة جااااااااااااااااااااااامدة جدااااااااااااااااااااااااااااااااا

انا بقى اسمي red roseee F:واضح جدا
الوردة الحمراء بس مش اي وردة للالالالالالالالالالالالالالالالالالالالالالالالالالالالالا
ال الورد ( الجوري ) بجد بموووووووت على الورد ده لما بشوفه بتهبل كدة
بعشقو بعشقو ههههههه :lol:بحبو يا بابا ههههههههههههه:D

هو في مصر بيسموه الورد البلدي بس مش زيه بس هو اسمو الورد الجوري
والورد الجوري بيتباع في مصر على اساس اسمو الورد المستورد
و قولت ادلعو بدل rose خلتها roseee

فاخترت لنفسي اسم الوردة الحمراءءءءءءءءءءءءءءءءءءء و ماتضحكوش عليا ولا تقولو تافهة ولا هيفا ولا نانسي :lol:
انا عارفة دوشتكم








ايه رئيكم مش بذمتكم يههههههههبل
علشان تعرفو بس قد اية انا بموت عليه:adore:

نضحك عليكى ازاااااااااااى يا بنتى
ده احلى حاجه فى الدنيا الورد الاحمر
انا بموووووووووووت فيه F:F:F:F:

اما انا فا اسمي ........ ههههههههه بس النك نيم هو بنت قطر هههه لأني بنت قطر وانا منها وبس ^_^

تسلم ايدك على الموضوع الروعة ، بالنسبة ليا النيك نيم تبعي بوح الكلمات قعدت أفكر كتير عشان كنت عايزة حاجة ليها معنى حلو وكمان حلو في النطق ووقع اختياري على النيك نيم دا وجاري التقييم .

والله مافهمت عليكي ياليت لو تعيدي

دودو1;13214416:
اهلا بيكم يا بنات كلكم وموضوعك حلو قوى يا ميراميه
انا بقى دودو1 ده اسم الدلع بتاعى بيدلعونى بحاجات كتير بس صحبتى بتدلعنى بيه ولما اتخطبت خطيبى من اول يوم ندهلى بيه يمكن يكون ندهلى بيه قبل ما ينده اسمى الحقيقى هههههههههههههههههههههههههههههههههههههه عشان كده حبيته قوى مع انى عامله الاسم ده اللى هو دودو قبل ما اتخطب اصلا ب3 سنين ههههههههههههههههههههههههههههههههههههههههه
ورقم واحد بقى انى كل ما ادخل منتدى اسجل فيه الاقى فى حد اسمه دودو فميزته برقم 1 على كل المنتديات واى خدمه يا قمرات

عارفه انا انتيمتي دودو عشان كده الاسم ده غالي عندي قوييي
وكده انا خلاص بقي حبيتك موووت ههههههههه
ربنا يخليكوا انتي وخطيبك لبعض ويتمملكوا علي خير
نورتيني ياقمر

سيما سيمو;13219088:
جميل اووى الموضوع واستمتعت بقراة قصصكم الجميله
انا بقى اسمى اسماء واهلى بيدلعونى بسيما وجوزى بيدلعنى بسيمو فرحت كتبتهم مع بعض سيما سيمو علشان كمان مالقيش حد اسمه كدا فى المنتدى
وكمان هتبقى وهى مشبوكه ليها معنى بردو يعنى سيماسيمو وهو بردو اسم دلع
اتمنى تكونو فهمتوا اللى انا كتباه فوق ده:o

انتي اللي جميله ياسيما
اسمك حلو قوي وعجبني
ربنا يخليلك زوجك ويسعدلكوا كل ايامكوا يارب

Kolkola;13226951:
حلوه فكره الموضوع جدا
كولكولا ده اسم معقد صحيح بحبه عشان كان اسم قطتى
ولما جيت اسجل في عروس كانت قاعده جنبي
فسجلت باسمها
بس :)

دا انتي الاحلي ياقمر
واسمك جمييل وجديد
بس ليه اصلا سميتي قطتك كده ياتري

hoba bodyyy;13230772:

ازيكم يا بنانيييييت عاملين ايه
طبعا واضح من الاسم انا اسمه هبه وخطيبى حبيبى اسمه عبد الرحمن فا انا ساعات بقوله يا بودى وساعات بقوله يا عبود وانا اول لما خطبنى دلعنى وقالى يا هوبه فا قمت مسجله بيه انما بيقولى حاجه تانيه دلوقتى ههههههههه وبجد يا ميرا موضوع جااااامد واانا هدلعك واقولك ميرا علشان انا اللى اسمهم اميره بقولهم كده ياقمر

وانا موافقه ياستي بس عارفه انتي اول واحده تدلعني بالاسم ده يعني محدش هيقوللي كده غيرك ماشي ههههه
بس ماليش دعوه عايزه بقي اعرف بيقوللك ايه دلوقتيييي
غلاسه بقي هههههههههههه

tota_10;13233055:

كده هزعل
ماحدش يغلط فى علوم وانا واقفه
مش علوم (ايمى) ,, علوم الكليه :D:D
انا عارفه انتى مش طايقاها ليه
عشان انتى كنتى بتاخدى فى قسم بيولوجى
وده بصراحه قسم ييييييييييييييييع
فظيع ,, هو اللى جايب للكليه السمعه دى والله :(
بقيه الاقسام مش كده
لأ استنى
رياضه بردو شنيييييييييييع وخصوصا لو علوم القاهرة
وفيزياء رخم شويه
الباقى لذيذ
احلى واحد جيولوجيا
قسمى الحبيب :p:p
هو بابا كان قسم ايه ؟؟ عشان ياعينى يفضل لحد المعاش زعلان اوى من الكليه كده ؟؟

والله ضحكتيني ياتوتا دا انتي ماسبتيش قسم الا وقلتي عليه وحش
طب اتبقي ايه بقي
ولعلمك بابا كان رياضه
ومع انه ماشاء الله عليه عبقري رياضه بس الكليه ولاااا بيطيقها
ليييه مااعرفش;) ههههههههههه

Bint Q6r;13233158:
اما انا فا اسمي ........ ههههههههه بس النك نيم هو بنت قطر هههه لأني بنت قطر وانا منها وبس ^_^

اهلا ياقمر
شرفتيني بمرورك

بوح الكلمات;13234037:
تسلم ايدك على الموضوع الروعة ، بالنسبة ليا النيك نيم تبعي بوح الكلمات قعدت أفكر كتير عشان كنت عايزة حاجة ليها معنى حلو وكمان حلو في النطق ووقع اختياري على النيك نيم دا وجاري التقييم .

اسمك جمييل
بيدي احساس حلو ورقيق
ونورتيني بمرورك

(دلع شمر);13234800:
والله مافهمت عليكي ياليت لو تعيدي

ايه بس اللي مش فاهماه يادلع
فكره الموضوع يعني ولا ايه

ميرسي يا ميراميه على الموضوع واسمك جميلF:
على فكرة انا كمان صيدلة;)

لما جيت اشترك في المنتدى مكنتش عارفه اسجل اسم ايه
بس انا عاطفيه شويه:o وجه في بالى الاسم
فسجلت نفسي الاسم ده واحة الحب
ويارب نكون اصدقاء ان شاء الله:L:

انا بقى باعشق التاريخ الفرعونى
واسم هاميس بادخل بيه فى كل المنتديات
عشان معروف شوية من فيلم عروس النيل
وتقريبا لقيت حد مسجل فى المنتدى باسم هاميس عشان كدة حطيت اتون
اسم ابوها مش حد غريب

حفيدة فاطمة;13188235:

جميل قووووووووووووووووى موضوعك

وحشتينى

ثانيا انا اسمى ميادة واللقب بتاعى حفيدة فاطمة

لانى بحب السيدة فاطمة بنت الرسول صلى الله عليه وسلم

بحب فيها حب سيدنا على لها وحسن تبعلها لزوجها وعشان كدة اخترت الاسم دة لعلى يبقى ليا نصيب منها يارب :)

بجد انتى انسانه رائعة
انا كمان بحب السيدة فاطمة وشعر سيدنا الامام على فيها
بس عمرى ما فكرت فى الاسم ده
لفتى انتباهى لحاجه جميلة جدا

y.choclate;13188557:
انا اسمي دينا

واخترت اسم y.choclate عشان y اول حرف من اسم خطيبي ياسر والباقي لاني بموت فالشيكولاته وبس خلاص

طرابلسية لسرتاوي;13206403:
انا طبعا ممكن تستغربو في اسمي
طرابلسية لسرتاوي
طبعا طرابلسية نسبة الي مدينتي طرابلس وسرتاوي نسبة الي سرت مدينه خطيبي هههههههه هاااااه اش رايكم؟؟

انا بحب الليبيين جدا
هما والسودانيين
بحس اننا شعب واحد
يعنى باحس بالانتماء لكم بعد مصر
الجار قبل الدار
وانتوا احس جيران

Kolkola;13226951:
حلوه فكره الموضوع جدا

كولكولا ده اسم معقد صحيح بحبه عشان كان اسم قطتى

ولما جيت اسجل في عروس كانت قاعده جنبي

فسجلت باسمها

بس :)

دايما كنت محتارة فى اسمك
حليتيلى اللغز

انااااااااااااااااااااااااااااا اسمي واضح
اسمي الحقيقي نور
و انا من البحرين
ههههههههه فأنااااااااااااااا اكيد نور البحرين :p

انا ديما يقولولي انتي دايما متألقة هههههههههههه تسلمي يا عمري عالموضوع

ههههههههههههه انا اخذته من ممثله كويتيه

حلو موت الموضوع وفكرته قرات كل الصفحات علشان اشوف النوتات اختارو اسمهم ليه
انا اخترت باربي علشان بموووووووووووت فيها وجدتي كانت دايما تقولي بطلي لعب بالعروسه الوحشه دي ده انتي خلاص بقيتي شكلها ههههههههههه علشان كنت رفيعه اوي وشعري طويل اوي اوي
و 15 مش ليه معني انا كنت عاوزه باربي بس بس كان يوزد فزودت رقم 15 مش عارفه ليه مع اني مش بحبه بحب رقم 13 جداااااا علشان يوم ميلادي 13 وخطوبتي 13 ونتيجة الثانويه 13 ونتيجة الليسانس كمان كانت يوم 13
شكلي هروح اغير دلوقتي واخليه باربي 13 هههههههههههه

انا بقى اكيد اسمى واضح على اسم مسلسل بنت من الزمن ده مع انى مكنتش بحبه اوى ولا حاجه بس كنت مختارة كزا اسم قبليه بس كل مرة كنت بلاقيه مكرر فكان ساعتها المسلسل بيتعرض فجه بقى في دماغي انى اسجل بيه بس الموضوع جمييل اوى ودمه خفيييف مووووووووت

بنت من الزمن ده

انتي اللي جميله ياقمر
اسمك جميل وعاجبني قوي
وحقيقي برضه هههههههههه
نورتيني

واحة الحب..;13261823:
ميرسي يا ميراميه على الموضوع واسمك جميلF:
على فكرة انا كمان صيدلة;)
لما جيت اشترك في المنتدى مكنتش عارفه اسجل اسم ايه
بس انا عاطفيه شويه:o وجه في بالى الاسم
فسجلت نفسي الاسم ده واحة الحب
ويارب نكون اصدقاء ان شاء الله:L:

ايه ده رفيقه في الكفااااااح:hysterical:
تعالي يابنتي جنبي
اصلي بيصعبوا عليا قوي كل الصيدله
بيخرجوا منها ياما فاقدين عقلهم يااما فاقدين نظرهم
ياما فاقدين الرغبه في الحياه اساسا
او فاقدين ده كله
ههههههههههههههه
انا بهزر طبعا انا لو اتكرر الزمن تاني برضه هختار صيدله
مع اني بصراحه تعبت فيها قوي قوي قويىىىىىى
الحمد لله
بصي بقياسمك جميل
دا انا حتي حاسه ان اسم واحه ينفع اسم حقيقي
عجبني قوي
نورتيني

هاميس اتون;13262889:
انا بقى باعشق التاريخ الفرعونى
واسم هاميس بادخل بيه فى كل المنتديات
عشان معروف شوية من فيلم عروس النيل
وتقريبا لقيت حد مسجل فى المنتدى باسم هاميس عشان كدة حطيت اتون
اسم ابوها مش حد غريب

ضحكتيني قوي علي ابوها دي
مع انه وحش
ساب البنت تترمي في النيل ومانطقش
يللا الله يسامحه
اهي طلعت مش ماتت وجاتلنا علي عروس اهو
هههههههههههههههههه
اسمك جميل ياهاميس وجديد
وبجد فكرته حلوه
نورتيني

البحـNooRــرين;13275743:
انااااااااااااااااااااااااااااا اسمي واضح
اسمي الحقيقي نور
و انا من البحرين
ههههههههه فأنااااااااااااااا اكيد نور البحرين :p

وانا اقول البحرين منوره زياده اليومين دول
ههههههههههههه
اسعدني مرورك ياقمر

( المتألقة);13275951:
انا ديما يقولولي انتي دايما متألقة هههههههههههه تسلمي يا عمري عالموضوع

تسلمي انتي ياقمر
وان شاء الله تكوني دائما اسم علي مسمي
شرفتيني

رونـــــــــــــــــــــق;13276202:
ههههههههههههه انا اخذته من ممثله كويتيه

اسم جميييل
وينفع اسم حقيقي
اسعدني مرورك

باربي 15;13276770:
حلو موت الموضوع وفكرته قرات كل الصفحات علشان اشوف النوتات اختارو اسمهم ليه
انا اخترت باربي علشان بموووووووووووت فيها وجدتي كانت دايما تقولي بطلي لعب بالعروسه الوحشه دي ده انتي خلاص بقيتي شكلها ههههههههههه علشان كنت رفيعه اوي وشعري طويل اوي اوي
و 15 مش ليه معني انا كنت عاوزه باربي بس بس كان يوزد فزودت رقم 15 مش عارفه ليه مع اني مش بحبه بحب رقم 13 جداااااا علشان يوم ميلادي 13 وخطوبتي 13 ونتيجة الثانويه 13 ونتيجة الليسانس كمان كانت يوم 13
شكلي هروح اغير دلوقتي واخليه باربي 13 هههههههههههه

انتي احلي ياباربي
انا كمان بحب العب بيكي
يووووووه قصدي بباربي ههههههههه
وجميله حكايه رقم 13 ده معاكي
انا برضه زيك
ليا رقمي زوجي قاللي بحبك يوم 6/8
وباباه كلم بابا يوم 6/8 وكده قرينا فاتحتنا
وجم خطبوني بعدها بسنه اصل عمو كان مسافر يوم
6/8
وكتبنا الكتاب برضه في نفس الشهر شهر 8
واشترينا الشبكه شهر 8
باختصار كل احداث حياتي مع امام كانت في شهر 8
وتقريبا والله اعلم هنتجوز في نفس الشهر برضه
واذا كان كده هحاول يكون يوم 6
وتوته توته خلصت الحوته ههههههههههه

انا حبيت اجى تانى
لان غيرت اسمى من بناتى حياتى للى فية دلوقتى
وطبعا اللى دلوقتى توتو يعنى بتول بنتى ودة دلعها
ورور يعنى اروى بنتى باردو ودة دلعها

السلام عليكم ورحمه الله وبركاته

موضوع حلو اوى ما شاء الله


شوفى يا جميله من زمان مغيرتش اسمى
صوت العيون



ومعناه ان كتير العنين بتقول كلام اللسان مش بيعرف يقوله بس مش اى حد بيسمع صوتها
وعشان بحس ان عنيا بتتكلم اكتر من لسانى بكتير الحمد لله

فعشان كدا
بحب اسم صوت العيون

وام سندس لان بنتى الحمد لله اسمها سندس