عطوني الحل من تجاربكم وخبرتكم ياامهات عروس

انا بنتي كانت نفس الشي والحين ماشاء الله شعرها حلو جربي لها زيت اللوز احسن شي حق الشعر واخذيها مني من تجربة وان شاء الله تستفيدين منه.

زيت الخروع فعّال .. و زيت اللوز الحلو يمدحونه .


عموما السيدة جميلة حتى و هي شعرها خفيف ماشاء الله .. و بتكبر و بيكثر .

ماشاااء الله عليهااا عصووووم تجنن
والله مثل حال بنتي بتكمل سنتين وشعرها كلش
خفيف وقصير
استخدمت طبيب الشعر الصراحة خلص ولا استفدت منة
والحين استخدم زين النارجيل وان شااااء الله استفيد منة
واهو احسن من طبيب الشعر

اختي انا بنتي اول ما جبتها كان شعرها غليظ وبعدين شوي شوي بدا يخف

وبعدين بتديت معاها احط لها زيت الخروع مع زيت اللوز مرتين في الاسبوع والحمدالله الحين شعرها غلظ انتي جربي معاها هالشي وان شا ءالله ينفع

والله يخلي لج عصوم واخوها محمد

جربي زيت اللوز و الخروع
معرفين و اجد زين بالذات الخروع يكثف

جنه ساكنها حبيبي;13174812:
مشكورين على الردود حبايب قلبي

اخت شانيل من وين شريتيه ؟

وطبيب الشعر تحصلونه عند الحواج او الاسواق المتنقله ب20 ريال والبعض يبيعه ب25 ريال

وهو كريم يطول الشعر ويكثفه وينعمه

اني من استخدمته صار اللي تقريبا 7 شهور

شريته من الحواج
وقوليله الي بعلبه حديدF:

هلا جنه
لاتخافين انشالله تكبر ويكثف شعرها
زيت النارجيل اللي نزلته شانيل روعه من يوم وانا صغيره وامي تسخدمه لنا وشعورنا مشالله
طويله وحلوه
بس انا ماستخدمت لدرر هالزيت
شعرها اول ماجت خفيف م قدام ومن ورا شوية شعر فيه وكان طويل والحمد لله الحين مثل شوفتك حلو وكثيف مشالله تبارك الرحمن
الحنا روعه استمري عليه مره بالاسبوع وبعد ماتغسلينه حطي زيت زيتون علشان الشعر مايتكسر
وعندك زيت السمسم كلمه روعه شويه عليه
وانا استخدم لها الحين كريم فاتيكا اذا ماتعرفينه اصوره لك احطه لها قبل اغسل شعرها بنص او ربع ساعه
وانشالله اكون افدتك

زيت السمسم وااجد زين لشعر الصغاار

ينعم و يكثف الشعر و في نفس الووقت خفيف ع فرووة الرااس

و الله يخلي لك الأمووورة عصوووم و أخووهاا سيووود بصحة و عاافية

نفس مشكلتي بشعر ولدي

مثل مشكله بنتي وايد شعرها خفيف بس بسالج من عمر جم اقدر استخدم لها طبيب الشعر ؟؟

بنات البحرين وين احصل زيت السمسم و زيت اللوز الحلو ؟؟

sweetnov;13178400:
بنات البحرين وين احصل زيت السمسم و زيت اللوز الحلو ؟؟

روحي اي حواج وبتحصلينهم

الحنة وش يسوي في الشعر ؟؟

شكلنا كلنا نفس المشكلة وي شعر عيالنا.... انه حموود ما ظل زيت ال جربتة له .... وما احس استفاد منهم .... بس لاحظت يوم بديت احنية غلظ شعرة عن قبل....وانشالله هالمرة اي شي راح اجربة فية في شعرة ..راح احطة هني في الموضوع هههههه
فاااتي... الله يعافيج حبيبتي.... وانشالله يستفيدوون عيالكم ...

ماشاء الله على عصوووووووووم تهبل حتى لو قرعه ههههههههه
زيت الخروع مرررة ممتاز لكن بس تاخذي زيت اللوز الحلو
اخلطيه بشوي زيت خروع وعادلي الاثنين ليصير الزيت شوي غليظ
واستخدميه يوميا مسحات خفييييفه من اول ما تجلس
بس تنام غسليه مو العكس!
واثبتي على نوع شامبو واحد
عندك منتجات بروبليو السوريه مثل سيباميد حلوة وكلها طبيعيه..
وبس تغسلينه امسحيه بس بزيت اللوز لحاله شي خفيييف
استمري على الغذاء الصحي واكيد بتلاقين نتيجه..
ولو غيرتي لزيت النارجيل بعد ممتاز
والحناء مرررررة ممتاز..

هلا ام السادة حبيبتي مشكلتج نفس مشكلة بنتي

واجد خفيف شعرها واتوقع لين كبرت بصير شعرها مثل بنوتتج

وجربت انواع شكثر زيوت لها ولا شي نفع

جرربت فاتيكا و فازلين و هملايا و جونسون وبيجون ولا شي نفع وياها

بس الحين دخلت اشوف المشكلة و احس اني استفدت شوي من معلومات الخوات

وبقط كل هذول

وبشتري ان شاء الله زيت اللوز الحلو

بحط لها بالليل وبغسله الصبح

وزيت الخروع بعد لكن زيت الخروع بس مرة بالاسبوع

بخلط معاه زيت الزيتون شوي عشان اخففه

و بعد يوم في الاسبوع حنة شعر


وان شاء الله اشوف نتايج

لان احس الزيوت تحرق الشعر اللي استخدمتها

وهذول الزيوت اللي قالو عنها البنات خفيفة على فروة الشعر تقول الماما الله يحفظها

والحنه طبعا ليه فوايدة يبرد وينعم الشعر وسمعت انه يغلظ ان شاء الله احصل نتايج


شرايج تتبعين مثل طريقتي ؟

ناس واجد قالو عن الفيتامينات بس بنوتي الحمد لله تاكل عدل فاحس ماله داعي عندي

ومشكوورة ع طرح المشكلة لاني استفدت عليج

ما شاء الله البنات ما قصرواا والله يكثفه بسرعة ان شاء الله

ملاحظة..
طبيبة بنتي نصحتني ان الزيت ما ينترك على فروة الشعر بالليل وتنام به
لان يسكر مسامات الشعر فيسبب نوع من التساقط!!
وقت النوم يكون الشعر مغسول ليتنفس..
بس حبيت افيدكم ..