منو عرفت انها حامل قبل موعد الدورة

اني حسيت اني كله دايخه وتعبانه وكان قبل الدوره بسبووع تقريبااا ولما جيكت بـ ختبار الحمل المنزلي وطلع لي خط واحد واضح وواحد خفيف وبعدين تأكدت بعد جم يوم وطلع بعد خطين بس كان اوضح ،،

اني حسيت قبل اسبوعين من دورتي بدوخة و ارهاق طول اليوم وارتفاع بسيط في الحرارة وعرفت اني حامل

أني عن نفسي قبل موعد الدوره أعرف أني حامل

لاني طول الوقت كله نايمه

وهذا ثالث حمل لي وبعد عرفت أني حامل قبل موعدها

انا اعرف قبله الدوره بأسبوع ف حملتي الاولي ام حملي هذا لا قبل الدوره بيوم وكان خط غامق وخط فاتح

حبيبتي انا هذي اول حمله لي والله يرزق كل طالبين الذرية بلي يفرح قلبهم انشالله .....
أماانا عن نفسي ما كنت اعرف شلون أعراض الحمل وأكيد دامها حملتي الاولى فما حسيت بالأعراض من قبل .... واصلن ما كنت انطر هالحمله يعني مو فاقده الامل بس ماكان الموضوع فبالي كلش لكن سبحان الله حسيت اني حامل وكان احساس قوي ....
والأعراض اللي يتلي نفس اللي تييلي وقت الدوره لما تتأخر علي جم يوم بس هم كنت شاكه بالحمل وسبحان الله جنه شي ينبهني ويوعيني .....
كانت تلوع جبدي ... بس بدون ترجيع (وهالشي كان يصيرلي كل وقت دوره يعني ماكان شي غريب علي)
عوار بصدري ... (وهالشي هم كان يصيرلي وقت دورتي) >>>> بس هالمره بزود عن كل مره
اتنرفز وااااااااااااااايد واعصب وتنتلف أعصابي بدون سبب .... لدرجه ريلي قام يخترع مني يحسب مينونه ... (وفعلا اللي صار فيها هالشي راح تحس فيني واني مو قعد ابالغ)
أحب الليمون وكنت أييب من الجمعية شفتي الخيشه الصفره اللي يكون فيها جنه 8 أو 9 ليمونات اذا عرفتيها واللهكنت أقشره مثل البرتقال واكله ....
وكنت اقصصلي خيار وأترسه ملح وليمون وخل وأكله وبعد ما اخلص الخيار أشرب العصير اللي باقي من الخيار (هههههههههههههههههههههههه)
وعلى فكره أنا صارتلي هالامور والتوحم ولوعت الجبد قبل ما اروح أحلل ... (انا قلت هالشي لان وايد أسمع ويقولولي انه الوحده مايكون فيها شي ولا تحس باعراض بس لما الدكتور يقولها انتي حامل تبلش اعراضها جنها تتعيير)
(تتعيير كلمة عندها = معناتها تتدلع بجذب او تتوهم بلعانه .... عاد اللي فهمتها) المهم
انا كنت احس بالاعراض والتعب قبل ما ادري اني حامل يعني الكلام اللي ينقال مو ماشي عالكل لان انا وحده صج جربتها وفعلا في شي اسمه تعب ووحام يخليج بوادي ثاني جنج نايمة بس انتي قاعده ما تحسين بلي حولج اكثر شي يلهيج وحامج ولوعت الجبد انا فعلا كرهت من بداية حمالي لي الشهر الخامس وانا اعاني بس الشهر الخامس على خفيف يعني اهون من أول الأشهر
بس انا ردلي الوحام اخر اسبوع من السادس والحين انا بالسابع ردلي الترجيع ولوعت الجبد وتبدي ضلوعج تعورج وتحسين ضغط كبير تحت لان حجمه يكبر فيضغط عالمثانه عرفتي ....
انا قلت اللي صارلي واتمنى اكون أفدتج بشي حبيبتي ......
بس بقولج شغله ترى وحده عن وحده تفرق يعني انا عندي بنت خالتي حامل معاي لكن ما صارلها اللي صارلي يعني لما أسألها تقول انا نساتي مو قويه يعني بس تتشهى أشياء لكن ما ترجع ولا يحوشها لوعت جبد ولا شي .... وفي ناس لما أقولهم يقولون تبالغين او في اعراض معينه لما اقولها يقولون امبيه انتي من صجج اشدعوه ترى تو الناس على هالاعراض بس لا ماله شغل على حسب جسم الوحده .... وفي ناس لما اقولهم الاقي انه نساتهم أقوى من نساتي يعني اللي يصيرلي ولا شي بالنسبه لهم ....
واااااااااااااااااااااااااااااااااااااااااااي سوري قلبي قرقت وايد بس اتمنى اكون أفدتج بلي تبين وما يكون فهمي لسؤالج غلط واي شي تبين أنا حاضر