๏║๏ التجمع الحادي عشر لحوامل شهر (11) نوفمبر 2010 ๏║๏

عليكم بالعافية هالهذرة الحلوة والجمعات الفلة، يمكن تستغربون من ردي بس اني دايما افتح التجمع واقرى كل هذرتكم واستانس واقول يا ليت اقدر اجمع وياكم ، خبركم عندي بنت وولد وهذا الثالث واحس صعبة اني اجمع وياكم وخصوصا اني دوامي طويل من ثمان الى اربع العصر ، ودايركت من ارجع من الشغل على الشقة اتخمر فيها ليوم ثاني اروح الدوام ، وبس الخميس اطلع من الشغل واروح بيت بيت عمي والجمعة اروح بيت ابويي
عليكم بالعافية طلعاتكم ومشترياتكم

هلا بنات
اخباركم؟
وش هالخيانه هدرات من ورانا من الصبح
الله يديم هالنشاط عليكم يارب
مبروك افتتاح التجمع الجديد
بنات اني ماادري وش فيني كل امبى انام وادا نمت احس روحي متخدره
وماامبى اقوم من النوم وادا جلست احس جسمي كل متكسر من النوم

آيم باك

سويت الغذا و حطيته لرجلي و جيت .. و حدي متفوطرة

هع

حتى ماليي خلق غذا

اني رجعت

نمت 10 ونص وقعدت 1 عشان اتغدى

وللحين احس روحي دايخة امبي اناااام لان كلش ماشبعت نووووم

.
.

زهورة1;13166907:
مسكين البيبي من الماي بروحة متضايق داخل
و لين يعافرون يضبطون القعدة او السدحة
احيانا احسهم خاطرهم يتمغطون بس حكرة ما في مجال

ايي على افاادي
اني لين اشووفه جيفا يرافس اقول عفر المكان صار ضيق عليه بس يالله هانت
ماباقي شي ان شاء الله

..صفاء..;13167382:
سلاام

شخباركم

على طاري الفراشات بنات عمتي توهم والدين في شهر رمضان

وحده مسويه اليها 3 ووحده مسويه اليها 4

يوم قلت اليهم اني بسوي ثنين هاوشوني وقالو اليي ماايكفي

وقالو اليي آخذ 12 قماط

ونصحوني بالقماطات القطن بت عمتي مسويه اليها من خلق ولا استخدمتهم اصلن

اهليين عليكم السلام

الحمدلله انتي شخبارش؟

اممم عدد الفراشات يبين ليي يعتمد على طبيعة الوحدة وطبيعة الجاهل

والقماطات اييي كلما كثرتين منهم احسن لان واااااااجد بتستهلكينهم

يعني 12 قماط تمااام هذا اذا ما اضطريتين تروحين تاخذين غيررهم عقب

ومثل ماقلتيين القطن احسن بس

:thumbs_up:

بس اذا في الصيف اخف للجاهل الخلق ولو ان بسرعة يتفلل منه

تنهدات محامية;13167357:

تقريري الى امس ..

طلعت بعد صلاة المغرب .. و رحنا انصار جليري .. تشرينا اغراض للبيت .. و انة طايفة افتر شفت شي لحمود و خذيته >> خب لازم ما نقدر :lol:

شريت له هالجوتي عن خاطري

و عقب طلعت و مرينا بيت حماتي بنعطيها اغراضها الا بنتها النتفة عمرها سنة و 5 شهور تقريبا .. طلعت ورايي للطريق فازعة المكان من الصراخ تبي تجي ويااي .. كسرت خاطري المسكينة :(

و عقب رحنا بيت خالي نسلم علييهم جايين من سوريا و رجعت البيت و اني متكسرة .. من عقب ما طليت عليكم رحت قطيت روحي عالسرير و نمت دايركت من التعب و بس :D

بالعاااافية على حموووود الجووووتي

أم زهاري;13167701:

سلاام


شخباركم ؟

اليوم ماقعدت الا بالزكام والبلاعيم كريه
قعدت على الساعة 10 ونض
وسويت لينا ريوق اني وزهرتي
وتريقنا
وطلعت سمك
نظفته وبهرته
بسويه مقلي..
وسويت حلاوة
العصر بروح بيت ابوي..
اليوم رجعوا من سوريا..

اشوفكم تتكلمون عن الفراشات 2 اوكي

بس اذا 3 واجد افضل للطوارئ
اني بزهرتي سويت 2 وصى واحد جاهز
وهالمرة بسوي 2 واحد عادي واحد يمكن اسويه مدس بما انه شتا
والثالث عندي مال زهرتي بستخدمهم

اهليين

ماعليش شرر
وتستاهلين سلامة بيت ابوووش

ام نور وعلي;13167927:
عليكم بالعافية هالهذرة الحلوة والجمعات الفلة، يمكن تستغربون من ردي بس اني دايما افتح التجمع واقرى كل هذرتكم واستانس واقول يا ليت اقدر اجمع وياكم ، خبركم عندي بنت وولد وهذا الثالث واحس صعبة اني اجمع وياكم وخصوصا اني دوامي طويل من ثمان الى اربع العصر ، ودايركت من ارجع من الشغل على الشقة اتخمر فيها ليوم ثاني اروح الدوام ، وبس الخميس اطلع من الشغل واروح بيت بيت عمي والجمعة اروح بيت ابويي



عليكم بالعافية طلعاتكم ومشترياتكم

الله يعاااافيش
بس شاركينا في السوالف لا عن الملل
ايي الله يساعدش
ام شهد عندها بعد بنات ثنتين بس اكي تجي ويانا الطلعات
لكن الفرق انها ماتشتغل وانتين تشتغلين وشغلش متعب الله يعطيش الصحة والعااافية

عاشقة قلبي;13168233:
هلا بنات

عاشقة قلبي;13168233:


اخباركم؟
وش هالخيانه هدرات من ورانا من الصبح
الله يديم هالنشاط عليكم يارب
مبروك افتتاح التجمع الجديد
بنات اني ماادري وش فيني كل امبى انام وادا نمت احس روحي متخدره
وماامبى اقوم من النوم وادا جلست احس جسمي كل متكسر من النوم

هلاااا عشوووقة
شكلنا كلنا جدي صايدنا خمووول وكله نمبي ننام

:|

وينهم البنات

ملل

السلاااام عليكم

شخبااااركم ؟ اني جييييييييييت :lol:

عشوووق وبقايا .. انتون صايدنكم خمول واني صايدني ارق .. البارحة ما قدرت انام .. ما ادري وش صايدني .. حاولت وعجزت والنومة مو راضية تجي ما ادري شسالفتها ..

اليوم حدي تورطت بدون سيارة .. شكلي بقنع زوجي انه يفك عني قرار حظر السياقة .. الصبح هو وصلني .. وكان عندي اجتماع في مكان ثاني على الساعة تسع .. خليت سايق الدوام يوصلني في باصه :lol: .. المهم عقب ما خلصت الاجتماع طلعت وي وحدة مركزهم .. على اساس ان السايق بيمر عليي يرجعني مركزي .. اتصلت فيه الا هو من زمااان وصل السلمانية .. :worn_out: .. اتصلت في زوجي قال مشغول شوي وبيمرني عقب ما يخلص شغلته اتصلت الى اخواني اللي ما يرد واللي مبند تلفونه .. آخر شي صارت الساعة 12 قلت الحين وش يرجعني الشغل خخخ .. جا اخويي ورجعني بيت ابويي تغذيت ورجعوني شقتي وبس .. هو كل يوم اذا ما عندي اجتماعات او طلعة من الشغل عادي يوصلني الصبح ويرجعني الظهر بس سالفة اني اطلع وسط وقت الدوام هذي المعضلة والغربال .. :worn_out:

****

وردوووه وزهورة وتنهيدات .. وكل المسربات خخخخخ .. طمنتوني شوي .. اني كنت حدي متضايقة ومنحرجة من هالمشكلة .. من كم يوم في الدوام .. رحت الحمام وقمت تكرمون ارجع .. وتسرب نصها خخخخخخخ .. فاحترت ما دريت ويش اسوي .. خاصة ان توها تسع ونص وعليي شغل لازم اسلمه في نفس اليوم .. قمت وفصخته وظليت بس ببنطلون خخخخخ .. لاعت جبدي من روحي بس ولا ان ريحتي تفوح خخخخخخخخخخخخخخخخ

****

بقايا .. ما عليش منها ونفس ما قلت لش زهوورة هالمرة قوليها ليها في الوجه صلي على النبي .. في ناس مرضى وشغلتهم بس يراقبون الناس .. وسمعي من اذون وطلعي من اذون الثانية .. وباجر بتشتغلين وبتشوفين ناس اشكال وارناااق .. الحقد والحسد والغيرة والفتن في قلوبهم وهم يضحكون في وجهش .. وعلى طاري الحسد ترى اني يوم امرض واترقد متأكدة انها عيون ما صلت على النبي .. كانت صحتي عال العال وما فيي شي بالمرة .. وفي يوم اللي استلمنا كشف الراتب كنت محصلة درجة بأثر رجعي ومكافأة 300 دينار .. وناس من عرفوا بالسالفة قاموا يهدرون ويطحنون ليش ان المكافأة تنعطى لناس وناس .. والله في نفس اليوم بدأ عليي الالم وعقبها ترقدت وعقب ما ترقدت جتني الصخونة اللي زلزلتني وعقبها جاني اسهال ولحد نهاية رمضان والحموضة ذابحتني والعطش اللي مو طبيعي والترجيع حتى اني كنت آخر ايام رمضان في حالة مو طبيعية من التعب والترجيع والحموضة وانخفاض الضغط .. مع اني اول اسبوعين في رمضان كنت وش حلاوتي ولا فيي شي ..

****

وردة البرية

اني ما عندي مانع سواء الجمعة او السبت .. بس حددوا الوقت وجايتنكم :cool: .. وبجيب ويايي خرابيط وكاكوات وحلاوة من كذا مكان عشان تختارون من وين بتسوون ضيافة المستشفى خخخ ..

****

زهووور ... يالله دام بنروح بيت وردوووه بعطيش اغراضش هناك .. :D

****

صفاء .. واجد اربعة فراشات وانتين ما بتستغلينهم الا بس ثلاث شهور او بالكثير اربعة .. اهم شي تحطين صوب البيبي فوطة مالت الترجيع عشان ما يوصخه ..

والقماطات كثري منهم .. اني اخذت قطن ملونين وفيهم اشكال .. الحين احس اني تسرعت يوم اخذتهم ومو طايقتنهم .. لو ماخذة كلهم بيضان سادة احسن :worn_out: >> صدق ما ينعرف لينااا .. اتخيل ان الفراش ابيض وفوقه البيبي مقمط بقماط مشكل مو حليو .. احسه ذوق بلدي ما ادري صعايدي خخخخخخخخخخ ...

****

ام زهاري

اني كان خاطري في مدس من جاكادي .. عجبني واحد واااااجد شفته في دبي .. بس كان بروحه ب 46 ما ادري 48 دينار .. حسيت سعره مبالغ فيه وعادة هالنوعية ما تستخدم واااجد .. فما اخذته ..

****

هلا هلا جحجووحة و اخيرا احد جي يطل

الناس في زلزلة و العروس تبي رجل

من الملل قعدت اطالع جازورا و الحين هكو حطوا بومبو ههههه

وردة و بقوي الله يعافيكم خلفات جبدتي

بقايا فجر ... حياش ويانا في تجمعنا الجاي نتعرف عليش .. ونذوقش من طباخنا :D >>> لحد يسمع عاد جان بجيب كاكو وبقول هذا اني طول الليل اطبخ وانفخ فيه نفس الكشري اللي قعدت من الصبح للظهر واني اطبخه خخخخخخخخخخخخخخخخ

****

تنهيدات محامية .. :D .. هذاني اهني قاعدة ومتمللة .. يبغي ليي انام بس متعايرة خخخخخخخخخ .. عجل سويتينها وطنشتين الجامعة هالكورس .. يالله ولا ان يجيش الطلق وانتين في المحاضرات .. وولدش خليه عند عمتش ام زوجش اذا فيها شدة او عند وحدة من خالاتش لأن امش اكيد بتولد او بتكون في التاسع وقت اللي انتين بتداومين .. لحد ما تطلع من الاربعين وتجود الاثنين .. ولدها وولد بنتها :lol:

برب شوية .. بروح اجيب عمي من المزرعة و برجع


مو تتشاردون

اقووول

طبعا نفس ما قلت ليكم اني ما صفيت اغراض البيبي في الكبت .. للحين في اجياس .. وكل يوم اقول برتبهم وبحطهم في الكبت .. وهو في كل الاحوال كل الاغراض مال النيو بورن ومن 0 تو 3 بنوديهم ويانا بيت ابوتنا لأن بنقعد هناك اول شهر ..

اليوم قاعدة افكر هل اني ارتبهم واصفهم في شنطة سفر مباشرة بدل ما احطهم في الكبت وبعدين ارد اشيلهم :lol: >> عندي شنطة سفر حجم وسط وملبقة وحليوة .. قلت لو اجهزهم واحطهم مع كل الاغراض في شنطة السفر من الحين .. مع ثيابي طبعا واغراضي اللي بوديهم بيت ابويي . وبس اشيل منهم اغراض المستشفى .. وكلما اتذكر شي ناقص احطه فيها بعد .. واذا ولدت دايركت زوجي يودي الشنطة كلها بيت ابويي .. ويصفونهم في الكبت اللي في الحجرة اللي بقعد فيها .. شرايكم في الفكرة :D

شي ثاني .. بتاخذون سلة لو هذا السرير الصغير لبيت ابوتكم لو لا ؟ واذا ما بتاخذون وين بتحطون البيبي اصلا ؟ ما يصير ينام وياكم على السرير لا تنقلبون عليه لو شي .. فوين بتنيمونه ؟

اني رجعت

احتمال اخليه عند حماتي لان عمتي كبيرة و ما فيها شدة .. و امي نفس ما قلتين و اصلا يصير عليي درب من سار لسترة و عقب المعارض

توني مخلصه من ترتيب اغراض ولدي
حطيتهم كلهم في شنطه مثل ماقلتي جحه
عشان بعدين لين اولد يكونون مجهزين بس على زوجي يوديهم بيت ابوي
تقريبآ خلصت كل شيء بقي علي السرير والكبت
واغراض الصيدليه
واني ماخديت لي ولاحاجه
اهم شيء الحين اخلص اغراض البيبي وافتك وبعدين اتفرغ الى نفسي شوي

اي شنطة اسهل .. علشان حزة الحزة رجلش يوديها دايركت

بنات بسألكم اليوم امي لها 15 اسبوع بالضبط يعني كم تاريخ ولادتها ؟