اشلون تتصرفون في هالموقف

ههههههه ياحليله انا ماجربت طبعآ الى الان بنوتي صغنونه ان شاء الله ماتبكي وتسوي حوسه لمن تكبر الله يهديها بس اشوف عيال خواني واحد منهم مزعج وبكاي ويصارخ ويهاوش امه ويسبها ويضربها بعد مااعرف وش تسوي معه ومثل ماقلتوا الحقران يقطع المصران خخخخخخخ

الحمدلله أنا وزوجي ماعندنا تساهل ويا الأطفال في هالموضوع أبدا وأولادي خلاص صاروا يعرفون ان اذالشي موجود عندهم وطلبوه طلبهم بيتقابل بالحقران ، صح هم يزنون ساعات بس ما يبكون لأنهم عرفوا ان صياحهم مابيجيب نتيجة في هالموضوع والطفل اذا تعلم ان أي شي يشوفه ينشرى حقه حتى لو موجود عنده في البيت بيكبر وبتكبر وياه بعض الأطباع السيئة يعني ما بيقدر تعب الوالدين في تأمين المال للأسرة وما بيحافظ على أغراضه أبدا لأنه بكل سهولة يقدر يحصل غيرها وكل شي بيحله بوصلة بكاء وهذا اللي أنا ما أسمح فيه أبدا . جاري التقييم .

يا حلوات .. احنا يالأمهات عارفين ان علاج هالمشكلة هي ( التطنيش ) .. لكن ام عبادي القمر .. تقصد من مشكلتها .. كيف نفهم ازواجنا ان المفروض مو كل شي يلبى لهم .. !!!! فيه اشياء مالها داعي .. وفيه اشياء موجودة في البيت .. او يكون اشترى أمس لعبه واليوم بعد لعبة ................ الخ من حنّة الاطفال اللي ما تخلص :) ..

عطونا حل اذا فهمتوا قصدنا :)

ومشكووووورين :025:

بس فهميه أنك يابابا قاعد تربي في الطفل أطباع كريهة واذا ليش مزاج الشرح اشرحي واذا ماليش خليه يشتري وعقب بيشوف النتيجة بعيونه . سوري خيو بس الموضوع مفهوم من البداية .

تسلمون خواتي
والله ان كل رد قريتة وبتمعن واني استفدت منه
ومفكرة اخلي زوجي يشوف الموضوع والردود علشان يقتع ويحاول معاه من الحين
والله اني فعلا خايفة اذا كبر شبيسوي فينااا

كلهم فيهم هالطبع اني ساعات اكون بروحي وياها فاذا تصر تبي شي اقول ليها قولي لابوش يشتري لش اني عندي بس لجذي وجذي ..وعادي يمشي الوضع ...وتقعد طول الوقت بقول لبابا يشتري جذي وجيذ لين تنسى السالفه ...

واذا كنت مع ابوها تقول تبي بس ابوها يقول لها مرة 2 بناخذ والا يقص عليها ويقول شوفي ما عندي فلوس بالبوك (لانه يشتري اكثر الاوقات بالبطاقه) وتصدق وتسكت تقول له اذا صار عندك خذ لي واااجد ..تنسى ..


واحيانا يشتري ليها يعني مو كل وقت ناخذ ليها الللي تباه بعدين تتعود ..واللحين خذيت ليها حصاله تجمع فيها وقلت ليها اذا انشحنت نفتحها وتشترين كل اللي تبينه استانست وقامت تعدد اللي تباه .... ومن جى ابوها ذاك اليوم قالت له عطني ربيات واااااااايد عشان تنشحن الحصاله ... << جنى دخلت موضوع غير لو يتهيا ليي....




بس اهم حاجه انه ما نخليهم علىرايهم بطريقه او اخرى نحاول

اي والله صادقة ام ملاك
وزين اذا زوجش عنده نفس الراي
علشان تعرف انه هالشي غلط
وسالفة الحصالة عجيبة سويتها لعبادي
ويستانس اذا يحط فيها الفلوس هههههههه