بسم الله الرحمن الرحيم
انا ما ادري من وين ابتدي, سالفتي طويله, بس باحاول اختصر كثر ما اقدر,انا انخطبت لولد عمي عن حب من تقريبا سبع سنوات طولنا في الخطوبة تقريبا سنتين بس ما حسيت فيها لاني ما كنت مهتمه بخطوبه وزواج كان كل همي اني اكمل جامعه بتفوق مو بس اخذ شهاده,وهوه كان يبني ويجهز شقة في بيت اهله علما اني لما اخذته كان في مركز تقريبا عامل في شركته, وكنت كلشي ادرسه اجي واعلمه اياه الى درجة انه تطور وصار مدير الحين.
اثناء ايام الخطوبة كنت اسولف معاه واعترفت له اني كنت اعرف انه ما كان يبيني كان يحب بنت خالي طبعا هذا الكلام يمكن كان عمري 17 سنه وكنت بريئة وقابلة فيه لانه جميل وحركات يعني, فهو اعترف انه ما خلاها لان جافني وحبني لكن خلاها لان ولد عمي الثاني (مو اخوه) كان يحبها وبعد ما خلاها يوم عرف انه يحبها راح وواجهه وقال ليه ترى انا بعد احبها فالثاني قال انا ما اقدر اخليها فقررو ان البنت اهي اللي تختار, بنت خالي ما اختارته فقرر يتركها لصديقه وولد عمه. انا لما عرفت هالسالفه اثرت فعلاقتي فيه وكنت كلما ازعل اقول اهوه اصلا ما يحبني لو كنت اهي كان ما سوى فيني جذي. مرت الايام وتزوجت بنت خالي ويابت عيال وانا ادرس بالجامعه وهمي جامعتي فقام يلح علي بالزواج وانه كبر ويبي عيال. فقررت اتزوج.
عقب الخطوبة بسنتين تزوجت لكن الله ما كتب لي احمل فقام يلح علي بالعلاج وقمت اتعالج وجفت ايام اسود من ظلام الليل بس تحملت. طافت اربع سنين بدون حمل والقهر ان اذا احد يسأله شنو السبب دايركت يقول من زوجتي!!!!! على الرغم اني مفهمتنه انه يجرح مشاعري اذا قال جذي!!! قبل سنتين كنت اسولف معاه واقوله الشاب مهما كان لازم يعرف بنات قبل لا يتزوج وامزح معاه واقول له والله لا قلت لي ما بزعل اكيد كنت تعرف وحده فقال ما ابيش تزعلين في وحده تلاحقني من زمان وما تبي تهدني وما بينا شي بس مسجات ابيج تتصلين فيها وتقولين لها اني اكتشفت زوجي وابش تهدينه!!!
فعلا اتصلت فيها وقلت لها نفس الحجي لكنها قامت تغلط علي وبنفس الوقت قمت اصارخ عليها فقام اهوه اخذ التلفون من يدي بالغصب وعور يدي 3 ايام متنفخه!!!
عقب اللي صار قال ان هالبنية مريضه مسكينه وانا كنت اساعدها بس احنا بالبحرين معروف عندنا هالمرض(سكلر) وقال ان كل شي بينى انتهى وخلاص ..
عقب اللي صار وثقت فيه ثقه عميه يعني يا سبحان الله اشوف الاشياء والدلالات بعيوني وجني مسبهه لهالدرجه
نسينا اني ما حملت وكنا نطلع ونستانس وعايشين حياتنا جنها شهر عسل خلصت جامعه وتوظفت وكنت انا اللي مسويه ايميله ايام اول وانا اللي حاطه الباسوورد
كنت عادي اجيك ايميلاته في البدايه بس عقب خليتهم يولون
في يوم الله رايد اني اكتشفه. قعدت على النت من الملل خلصو ايميلاتي قلت خل اجيك ايميلاته انا في ايميلاتي اي ايميل اقراه دايركت امسحه فعبالي ايميلي مسحت جم ايميل بالغلط فلما تذكرت ورحت اردهم جفت انه مطرش ايميل فيه صورته واهوه كان في (جنة دلمون) حق ايميل ثاني يحمل تقريبا نفس الاسم. بعد نفس الشي من ثقتي فيه نسيت السالفه جني مسبهه
جى يوم وكنت امزح معاه واقول له ها فلان مو حالك حال الشباب عندك ايميل ثاني؟؟؟ جان يقول لا!!! انصعقت وجان يقول والله ما عندي طبعا يوم حلف خفت بنفس اليوم جافاني النوم وقمت قعدت على النت وجاني الفضول بطريقه او باخرى قدرت ابوق ايميله الثاني وافتحه
اهني كانت المفاجئة
طلع طول هالفترة يحاجي نفس البنت
ويجوفها ويدز لها ايميلات واتدز له ايميلات
والطامه الكبرى انه طلع مشغلنها معاه بس السالفه ما طاف عليها غير اسبوعين
انا من هول اللي كنت اقراه ما صحت ولا شي بس كان فيني الم فضيع في صدري جني كنت بموت انا بهاللحظه ما تحجيت دشيت غرفة النوم اخذت عباتي بمشي بيت اهلي جان ينتبه لي وما تهاوشنا ولا شي قال لي لا تروحين بروحج انا اوصلج وقام وصلني بيت اهلي الساعه 2 الصبح ورد الشقه يتصل فيني ما ارد لما رديت قال انا خلاص بفنشها او بفنش.
المهم انها اهي ما رضت ينخرب بيته وطلعت بسكات
ايميلاتها مصره انها تبيه مع انها تعرف انه متزوج
عرفت انهم كانو يتلاقون بالسيارة
ما ادري لاي درجه وصلت علاقتهم
طلعت حامل عقب ما تركت العلاج
يقول ان السالفه انتهت وانه ما يكلمها وانا مو قادره اصدقه
المشكله اني ولدت وجبت بنوته ولهاليوم مو قادرة اصدقه ولا بعد اقول له اصلا انا اكرهك
ما احبك اصلا
يمكن لاني اشتغل واحس اني ما بظيع اذا هديته
احس اني بجن من كثر الاسئلة ليش شنو سوو شنو قالو شنو عطاها شنو عطته شنو وشنو وشنو
ما يرضى يتحجى بالسالفه لدرجة الموت يقول انا ابي انسى وانت مو مخليتني
ما ادري شسوووووي احس روحي ما ابيه لاني مو قادرة اصدقه وحتى لويحلف على القران ما صدقته
ساعدووووني
زوجي
ا
18-09-2010 | 07:30 AM
H
18-09-2010 | 07:38 AM
الله يفرجها عليك
ع
18-09-2010 | 07:39 AM
شوفي اختي زوجج مو هييين
يعني اخذي حذرج منه
بس اللي طاف اعتبريه نزوه ومرت
مرريها بكفيج و راقبيه و حاوطيه لاتخلين اي وحده غيرج تاخذه منج
يعني حسسيه دايما انج معاه
حوالينه
علشان ماتخلين مجال حق بنات ابليس يدشون بينكم
اعوذ بالله
والله يعينج حبيبتي
يعني اخذي حذرج منه
بس اللي طاف اعتبريه نزوه ومرت
مرريها بكفيج و راقبيه و حاوطيه لاتخلين اي وحده غيرج تاخذه منج
يعني حسسيه دايما انج معاه
حوالينه
علشان ماتخلين مجال حق بنات ابليس يدشون بينكم
اعوذ بالله
والله يعينج حبيبتي
ا
18-09-2010 | 07:43 AM
مشكورة اختي ابتسامه على الرد
وبالنسبة للاخت عروس الحب
تصدقين اني ما اقدر اصيده حتى لو كان يسوي شي
اهوه كان يحاجيها لما يكون بالدوام بس
يعني مستحيل اجوف مسج من عندها او حتى ايميل
كان يتصل لها من الدوام حتى انه قال اذا الانترنت مشكله انا بسكرة
لكن شنو الفايدة اذا ما كان يسوي شي بالبيت ابداااا ابدااااا
وبالنسبة للاخت عروس الحب
تصدقين اني ما اقدر اصيده حتى لو كان يسوي شي
اهوه كان يحاجيها لما يكون بالدوام بس
يعني مستحيل اجوف مسج من عندها او حتى ايميل
كان يتصل لها من الدوام حتى انه قال اذا الانترنت مشكله انا بسكرة
لكن شنو الفايدة اذا ما كان يسوي شي بالبيت ابداااا ابدااااا
B
18-09-2010 | 08:02 AM
لا حول ولا قوة الا بالله
انا لو مكانك بعطي زواجي فرصة ثانية بحاول اني اكسبه لجانبي و اصلح العلاقات...خليه اذا كان يعمل اشي من وراك لا سمح الله يتندم و صميره يعذبه و خليكي انت و بعد فترة سافرو و غيرو جو واذا كان معها رح يبان ما رح يقدر ما يتكلم معها او يتواصلوا لا قدر الله
طمنينا عنك..الله يكون بعونك
انا لو مكانك بعطي زواجي فرصة ثانية بحاول اني اكسبه لجانبي و اصلح العلاقات...خليه اذا كان يعمل اشي من وراك لا سمح الله يتندم و صميره يعذبه و خليكي انت و بعد فترة سافرو و غيرو جو واذا كان معها رح يبان ما رح يقدر ما يتكلم معها او يتواصلوا لا قدر الله
طمنينا عنك..الله يكون بعونك
ب
18-09-2010 | 08:12 AM
الله يعينج حبيبتي....
س
18-09-2010 | 10:16 AM
الله يكون في عونش ويهدي زوجش ويسخره ليش .
بس أني مستغربة من الرجال الي مايملي عينهم غير التراب ليش يقعدون يكونون علاقات مع بنات يمكن القصد مو الزواج حته ويقعدون يقهرون زوجتهم الي ما تقصر وياهم ؟؟؟
بس أني مستغربة من الرجال الي مايملي عينهم غير التراب ليش يقعدون يكونون علاقات مع بنات يمكن القصد مو الزواج حته ويقعدون يقهرون زوجتهم الي ما تقصر وياهم ؟؟؟
ه
18-09-2010 | 10:51 AM
حالياً سوي نفسش مصدقتنه
بس بين فترة والثانية جيكي تلفونه وايميله
وحاولي تراقبينه بطريقة مايدري فيها
والله يفرجها عليكم ..
بس بين فترة والثانية جيكي تلفونه وايميله
وحاولي تراقبينه بطريقة مايدري فيها
والله يفرجها عليكم ..
ا
18-09-2010 | 11:04 AM
مشكورين خواتي على الرد
بالنسبه للاخت هذيان
ما اقدر ادور بأيميلاته او حتى تلفونه لانه ما يلمس الكمبيوتر بالبيت كلش اكتشفته بالغلط ولو كنت شاطرة بسوالف الكمبيوتر فهو اشطر بمليون مرة ما يخلي شي وراه علشان اشوفه
وحتى التلفون النقال ما يستخدمه للاتصال فيها يعني كان يتصل فيه من الدوام بس
والله اني احس روحي ضايعه
يمكن لو عندي طريقه اعرف شي سوي هناك جان ارتحت
بالنسبه للاخت هذيان
ما اقدر ادور بأيميلاته او حتى تلفونه لانه ما يلمس الكمبيوتر بالبيت كلش اكتشفته بالغلط ولو كنت شاطرة بسوالف الكمبيوتر فهو اشطر بمليون مرة ما يخلي شي وراه علشان اشوفه
وحتى التلفون النقال ما يستخدمه للاتصال فيها يعني كان يتصل فيه من الدوام بس
والله اني احس روحي ضايعه
يمكن لو عندي طريقه اعرف شي سوي هناك جان ارتحت
@
18-09-2010 | 11:10 AM
الله يهديلك الحال
ويرزقك الذرية الصالحة ويرزقنا عاجلا
ويرزقك الذرية الصالحة ويرزقنا عاجلا
ه
18-09-2010 | 11:10 AM
والله مـــو سهـــل الله يساعدج عليه ....
لآ تثقين فيه ...
والله يكــون في عوونج واحمدي ربج انج تشتغلين يعني مابتحتاجين له ابدااا ...
لآ تثقين فيه ...
والله يكــون في عوونج واحمدي ربج انج تشتغلين يعني مابتحتاجين له ابدااا ...
ا
18-09-2010 | 11:40 AM
بنات اخر زمن مايستحون وما يحلى في عيونهم غير المتزوجين
خيويت انتبهي لزوجش ولا تخلينه لبنت بليس واتحملي فيه ....سافري وياه كم يوم بدون بنوتش
وغيري جو وياه افضل او حاولي اتسوين اشياء اتنسيه البنية الي اكلمها
الله يعينج بصراحة اكره شي الخيانه .....والله يسعدش ويفرج همش
خيويت انتبهي لزوجش ولا تخلينه لبنت بليس واتحملي فيه ....سافري وياه كم يوم بدون بنوتش
وغيري جو وياه افضل او حاولي اتسوين اشياء اتنسيه البنية الي اكلمها
الله يعينج بصراحة اكره شي الخيانه .....والله يسعدش ويفرج همش
س
18-09-2010 | 12:55 PM
خيتو الله يساعدش
انتين اول قرري تبين تواصلين او لا
على هالقرار لازم تتصرفين اذا تبين تواصلين لازم تتناسين مو تنسين
واهتمي بنفسش اكثر واكثر
انتين اول قرري تبين تواصلين او لا
على هالقرار لازم تتصرفين اذا تبين تواصلين لازم تتناسين مو تنسين
واهتمي بنفسش اكثر واكثر
ن
18-09-2010 | 01:55 PM
الله يساعدج اختى ويصلح لج ريلج
هالحين صايرين الرجال اكثريتهم جذي حتى المتزوجين ، اهو متزوج وعنده عيال ويدور له على وحده ثانية يدلعها وتدلعه ويتبادلون الهدايا ومادري شنو ... عاد شنو يقولون صداقه وهابين لينا بهالكلمة صداقة وصداقة . من متى احنا عندنا صداقه ما دري وصاير الموضوع منتشر وايد وايد لدرجة ان بعضهم يسوون مع البنية كل شي واخرتها يقولون هذى علاقة صداقه . اعوذ بالله من الشيطان الرجيم
عموما اختى ديري بالج على نفسج والله يهدي ريلج حاولي تصدقينه علشان ترتاحين شوي بس بين فترة والثانية جيكي عليه والله يستر عليكم
هالحين صايرين الرجال اكثريتهم جذي حتى المتزوجين ، اهو متزوج وعنده عيال ويدور له على وحده ثانية يدلعها وتدلعه ويتبادلون الهدايا ومادري شنو ... عاد شنو يقولون صداقه وهابين لينا بهالكلمة صداقة وصداقة . من متى احنا عندنا صداقه ما دري وصاير الموضوع منتشر وايد وايد لدرجة ان بعضهم يسوون مع البنية كل شي واخرتها يقولون هذى علاقة صداقه . اعوذ بالله من الشيطان الرجيم
عموما اختى ديري بالج على نفسج والله يهدي ريلج حاولي تصدقينه علشان ترتاحين شوي بس بين فترة والثانية جيكي عليه والله يستر عليكم
[
18-09-2010 | 03:29 PM
{ الله يهديه ويصلحه ياربي....~
مادري ش اقولك بصراحة
:(
بس احسه لاعبها صح
مادري ش اقولك بصراحة
:(
بس احسه لاعبها صح
n
18-09-2010 | 04:48 PM
عروس الحب;13149181:
شوفي اختي زوجج مو هييين
يعني اخذي حذرج منه
بس اللي طاف اعتبريه نزوه ومرت
مرريها بكفيج و راقبيه و حاوطيه لاتخلين اي وحده غيرج تاخذه منج
يعني حسسيه دايما انج معاه
حوالينه
علشان ماتخلين مجال حق بنات ابليس يدشون بينكم
اعوذ بالله
والله يعينج حبيبتي
انا مع الاخت :thumbs_up: مب شرط تشوفين دلائل في البيت وتدورينها
حسسيه انج تعرفين كل شي عنه وانه كيدهم لعظيم ..ترى قلب المراة دليلها وادعي الله يسخر لج زوجج ..لا تيبين طاري لليي صار وطنشي ..لانه بينكم بنوتة علشانها خلي ديناها حلوة ولا تخلينها تعيش في هالشك اللي انتي عايشته وبالكلام الحلو تتصافى القلوب
حسسيه انج تعرفين كل شي عنه وانه كيدهم لعظيم ..ترى قلب المراة دليلها وادعي الله يسخر لج زوجج ..لا تيبين طاري لليي صار وطنشي ..لانه بينكم بنوتة علشانها خلي ديناها حلوة ولا تخلينها تعيش في هالشك اللي انتي عايشته وبالكلام الحلو تتصافى القلوب
ا
18-09-2010 | 04:55 PM
لا حول ولا قوة الا با الله
ما ادري اشفيه الدنيـا معتفسـه .. الواحد عنده مرة وادور غيره :-o
الله اعينج حبيبتي .. بس انا اقول حاولي اتنسينه ايهـا
يعني اشغلية دائمـاً فيج .. قولي لـه كلام حب وعزل .. حاولي تجذبينه ابحبج وحنـانج
ولا تلهيـن عنـه ابد
ما ادري اشفيه الدنيـا معتفسـه .. الواحد عنده مرة وادور غيره :-o
الله اعينج حبيبتي .. بس انا اقول حاولي اتنسينه ايهـا
يعني اشغلية دائمـاً فيج .. قولي لـه كلام حب وعزل .. حاولي تجذبينه ابحبج وحنـانج
ولا تلهيـن عنـه ابد
م
18-09-2010 | 07:10 PM
الله يهديه ويصلحه ياربي
خيوه عطيه فرصه ثانيه وحسسيه انش واثقه منه وشوفي
ترى اني خبره في هالسوااالف مرت عليي واجد ساعات اتجهال وساعات اتناسى
بس الحين على طووووول اهدده واقول اليه مابسكت ولبنيه خليتها خلاص ماتفكر تتصل في احد
لاني قلت اليه السالفه توصل مراكز وعادي خيوه روحي اشتكي عليها اذا تحسبنها ماتستحي على وجها
خيوه عطيه فرصه ثانيه وحسسيه انش واثقه منه وشوفي
ترى اني خبره في هالسوااالف مرت عليي واجد ساعات اتجهال وساعات اتناسى
بس الحين على طووووول اهدده واقول اليه مابسكت ولبنيه خليتها خلاص ماتفكر تتصل في احد
لاني قلت اليه السالفه توصل مراكز وعادي خيوه روحي اشتكي عليها اذا تحسبنها ماتستحي على وجها
ل
18-09-2010 | 07:28 PM
الله يفرج همك
ا
18-09-2010 | 10:31 PM
شكرا لكل وحده مرت على موضوعي وردت
والله اني مو مقصرة معاه يعني اللي خاطرة فيه يشوفه
جمال وعلم الحمد لله وموضفة بعد
والله انه قال لي ابيج انتي تنسيني اياها
هالكلام ذبحني
شنو يعني مو قادر ينساها؟؟؟؟؟
وبعد غيرت بشكل 180 درجة
كان يبيني اصبغ شعري احمر وانا مطنشته والله يوم صارة السالفه قلت ليش دامك جذي خل اسايرك
وسويت له مفاجئة وصبغته احمر
والله ما كان في اي ردت فعل على ويهه
احس اني اكرهه ساعات وما ابي احاجيه حتى
والله لو ما ضيقي ما فظفظت لكم
الحمد لله على كل حال واكاني صابرة
والله اني مو مقصرة معاه يعني اللي خاطرة فيه يشوفه
جمال وعلم الحمد لله وموضفة بعد
والله انه قال لي ابيج انتي تنسيني اياها
هالكلام ذبحني
شنو يعني مو قادر ينساها؟؟؟؟؟
وبعد غيرت بشكل 180 درجة
كان يبيني اصبغ شعري احمر وانا مطنشته والله يوم صارة السالفه قلت ليش دامك جذي خل اسايرك
وسويت له مفاجئة وصبغته احمر
والله ما كان في اي ردت فعل على ويهه
احس اني اكرهه ساعات وما ابي احاجيه حتى
والله لو ما ضيقي ما فظفظت لكم
الحمد لله على كل حال واكاني صابرة