اسبوع الجاي روضة ملاك وللحين ما سجلتها
مضايقه حدي من السالفه وهي متى بتوديني الروضه ؟؟
*
**ام عبادي القمر**
عروس ماسية
25-09-2010 | 10:26 PM
انزين ليش ماتروحين اتسجلينها على الاقل تكونين حصلتين الليها مقعد
وعلشان تجهزيات من المريول وغيرة حتى لو ماقدرت تروح الحين
مالك القلب ضروري تروحين تسجلين ملاكي لمتى بعد؟؟ و على الاقل تجهزين لها اغراضها
**ام عبادي القمر**;13137781:
بسم الله الرحمن الرحيم
الحمد الله رب العالمين
اللهم صل على محمد وآل محمد
شخباركم امهات
اني صار لي فترة مانزلت موضوع في هالقسم
وخطر على بالي اني افتح موضوع
نتناقش فية ونشوف شنو جهزنا الى عيالنا اول يوم روضة او مدرسة
من ثياب واكل واغراض
وخصوصوا الاكل اني وايد احتار فيه :(
واكثر الاكل الي ينحط في الشنطة يرجع
اذا ماكان يرجع فية كلة بعد:-o
والقرطاسية راح تشترون من وين
واشلون كان اول يوم بالنسبة لهم
فرحة:025:
صياح:035:
خوووف:057:
في روضات بدت وفي منهم يوم الاحد مع المدارس ان شاء الله
واذا استفتون من خبرات بعض
لاتنسون التقيم:o
الله يخلي لك بنتك ويحفظها :thumbs_up:
وانا بنتي هالسنة بدخلها الروضة وبالعكس بتطير تبقى تروح المدرسة وانا الي خايفة عليها
لكن الحمد لله تيتتها ام زوجي تشتغل بنفس المدرسة وعماتي وخواتي الصغار بنفس المدرسة وبنتي اجتماعية كثير
وتم تقييمك يا عسل :thumbs_up:
*
**ام عبادي القمر**
عروس ماسية
25-09-2010 | 10:54 PM
ريفال غناتي
تسلمين على المرور حبابة
بس اني عندي عبادي هو الي في الروضة
والله يخلي لك البنوتة
ومدام عندها احد معاها في الروضة مو غريب عنها راح تتاقلم مع الوضع بسرعة
الله يخلي لج الكتكوتة ان شاء الله
ويسلمووو على التقيم
اني جهزت كل اغراض ملاك بس التسجيل ما سجلتها بنت خالتي كلمت المديره قالت بتاخدها...يمكن على الخميس اروح اسجلها
دعواتكم
اليوم كان أول يوم لبنتي بالروضة وصلتها الصباح مع أبوها للروضة لعند الباب و كانت خايفة دفيتها لداخل و طلعت عنها لأن عندي دوام و الحمد لله كل شيء كان أوكي
ودقيت عليهم بالظهر أطمن أكتشفت أنهم حطوها تمهيدي بدل رضة تنرفزت شوي بس حصل خير بكرة بودها روضة
و رجعت بالباص لبيت أهلي أستنوها خواتي و بنتي الصغيرة عند الباب رجعت مستانسة مررره و حكت لي عن يوميها في الروضة كان حلو
بكرة ان شاء الله عيالي اول يوم لهم دوام في الروضة
من الصبح جعهزوا غريضاتهم وكلهم ماشاء الله حماااس
بس الله يستر من بكرة
أخيراً راحت بنتي الروضه واليوم اول يوم لها
البارحه من الساعه 10 وانا أحاول معاها جان تنام عاد كل حين تطلع ليي بحجه
عطشانه وجوعانه ومتملله وتبي تروح الحمام لحد ما صارت الساعه 1 بعدين نامت
قعدتها الساعه 6:40 ,,ما رضت تقعد وبعدين قعدت تهدر من الصبح
وتعبر عن فرحتها حسيت انها متخربطه ومو عارفه شتقول
لانه شي جديد عليها واول مره بخليها بروحها
تقول ليي ماما اني بافكر فيش لين رحت الروضه خخخخخ خلتني اضحك عليها
وبعد شوي تقول الحين المعلمه قاعده تفكر فيي خخخخخ
للحين ما شافتها المعلمه وهي تقول تفكر فيها :confused:,, لبستها وطلعنه مشي
لانه الروضه قريبه وايد من بيتنا ..ودخلنه حسيتها خافت شوي ومسكت ايدي بقوة
لانه سمعت واحد يصيح وعافس الروضه فوق تحت من صياحه ,,
بس ابتسمت ليها وارتاحت شوي وديتها الصف شافت اليهال والالعاب
قلت ليها روحي معاهم وراحت معاهم تلعب ..
ولما رجعتها كانت فرحانه تقول ماما كل يوم روضه له ؟؟قلت ليها اي ..
وتقول عطوها هديه وبكره بودونهم حديقه الروضه..
*
**ام عبادي القمر**
عروس ماسية
03-10-2010 | 01:54 PM
الله يخلي لكم كتاكيتم ان شاء الله
ويش اخبار اول يوم دوااااااااااام
ام عبااااااادي واخيرا داومت اليوم ملاك بالروضه ...وديتها بمريول الروضه اللي في الدير لما يستوي مريولها ..اني هني واني افكر فيها ..المهم
البارحه خب ما نامت الا الساعه 1الا ...ومن قلت لها ملاك الصبح 6ونص قامت ولا عاندت مثل كل يوووم ...وبرزت على الساعه 7 وشوي ورحت وياها البراده لشتري لها عصير لانه خبرش توي متحوله هني ... المهم حطيت لها شندويش جبن وتفاحه وحليب فراوله وعصير برتقال وماي ...وطلعنا وصلنا ونزلنا هي اوكي ..ولما دخلنا وشافت بنت خالتي (ماما غاليه)اطمنت شوي وخليتها عند معلمتها حليوه عجبتني...ورحت اسجلها..ورجعت اطمن عليها ..الا الوضع مستتب ويا المعلمة بس قلت للمعلمه عنها ..بنتي اذا تلعب ما تشوف قدامها لاحظيها لانه تدعم واااااايد عندها هالحركه ما تنتبه ...وكانت اوكي ..بترجع ويا ماما غاليه بعد مشيت عنها واني مطمنه ليها ....
وبشوف وش تقص عليي لما ترجع ...
ليها فجة
*
**ام عبادي القمر**
عروس ماسية
06-10-2010 | 08:58 AM
ياااااااااااعمري ملوووكة واخيرا مسكينة راحت الروضة كان في خاطرها
والحمد الله اول يوم كان زين ومن غير عناد
ولازم اول ليلة جدي ماينامون من وقت وساعات يكون من الفرحة ههههههههه
بس نصيحة مني لاتخلنيها تنام العصر
اني اللعام عبادي جنني ينام العصر حتى لو اشوي في الليل مايرضى ينام
بس هالسنة الحمد الله
ماشاء الله مسيطرة علية نوم العصر مافية ولو كلش يعني غمض عيونة ساعة بس وساعات حتى ثلث ساعة اخلية
علشان في الليل ينام من وقت وتحسينة يوم ثاني قاعد مصحصح
دام اليوم اول يوم لها لاتخلينها تنام بتشوفنها في الليل بسرعة دوخ وتنام
الله يخلي لج الكتكوتة والفال للحور ان شاء الله<<<<تو الناس
ولا تنسين اتجين اتخبرينا ويش قالت الليش من قصص عن الروضة ههههههههه
عدنا
اول ما جت قالت ماما مريولي تلعوز ودونا نلعب في الرمل ..عبالها بصارخ عليها ومستانسه حدها اقول لها بتروحين بعد باجر قالت اي ...وعطوها الكتب توي مجلدتنهم بعد ما ناموا ...وكل حين تقول عبارات اقول لها من يقول قالت ماما زهرة ...وتطبق على اختها يلا دخلوا الصف ..والشيطان يطلع بره بره ...الحمد لله عدت على خير ان شاء الله كل يوم تكون جدي ...
واكلت اكلها كامل ..مدرستهم وااايد تشددعلى الاكل وياهم ...وما نامت العصر والساعه 9 نامت ...واللحين اني فيي نوووومه عدددددددل
تصبحون على خير
ولدي حسون توه مداوم يوم الأحد وأموره وتقبله للروضة لحد ألحين الحمد لله تمام ، صح ساعات يتحجج اشوي الصبح لأن روضة أخوه غير عن روضته بس هو عموما حاب فكرة الروضة وانشالله من حسن الى أحسن .
*
**ام عبادي القمر**
عروس ماسية
07-10-2010 | 11:03 AM
هلا مالك القلب
الحمد الله انها حابة الروضة وان شاء الله دوووم
وماشاء الله عطوهم الكتب
اني روضة عبادي للحين ماعطوهم وكل مااسالهم قالوا لي للحين ماوصلوا
متحمسة ابي اشوفهم
*
**ام عبادي القمر**
عروس ماسية
07-10-2010 | 11:04 AM
بوح الكلمات اذا يتحجج هذا يعني نفس عبادي ولدي
كل متحجج الصبح يبة يلبس على كيفة هههههههه
الله يخلي لج ان شاء الله
بس ليش هو روضة غير عن اخوة
لو يكونون ويا بعض احسن