ِِِالتجمع الـ12 لحوامل شهر أكتوبر 2010 ِِِ

cheekygirl119;13192453:
صايدني هووس في اللون الاخضر

بس مو كل اخضر يدش مخي

الاخضر الفاتح كلش

والاخضر مثل هاي الدرجة

ذكرتيني بحملي اللي طاف كله لون ازرق ما ادري ليش ههههه

nana12;13197846:

هااى بنات اخباركوا ايه انا ان شاء الله رايحه اولد معادى للعمليه الساعه 8 ادعولى

مع ان محدش فيكوا افتكر انى حولد النهارده يا وحشين
حدعيلكوتا كلكوا باذن الله
لولو حمدالله على سلامتك يا قمر وكده سليم اكبر من جنى الحمد لله

الله يسهل عليج ويقومج بالسلامه

ويرزقكم الصحه والعافيه

ويقر عينج بشوفة ضناج سليمه ومعافاه :)

سبحان الله خواتي

الألم نعمه من الله

احمدو ربكم وايد

لان من دون الألم ما نقدر ندفع البيبي

لا تنسون ذكر الله في هالوقت ...


والله يسهل على الجميع يااااااااااااااا رب

هو الألم يكون قبل يوم الرحم يتبطل

في البدايه الألم يسير ويي على فترات بعيده .... ها عادي اتحملو

يكون مثل ألم الدوره بس ما يخوف

لكن اذا حسيتو الألم يسير ويي ورا بعض ها معناته انج خلالالالالالالاص على آخر شي

وسبحان الله عقب ما يفتح الرحم 10 سم .. ما شي الم بيكون عليج الدفع بس

وحاولو ما تصرخون ... خلو طاقتكم في الدفع ...حاولي تتنفسين عدل ... وحطي في بالج انج تبين اتخلصين

والتساهيل من الله ... والله يسهل عليكم جميعا ...

وهيه شي نقطه مهمه .........


طبعا انتي بتكونين في البيت ... وفي حالات لازم اتسيرين المستشفى على طول

اذا نزل الماي ... والماي خطر ينزل وما تتلاحقين عليه ... وخطره يستوي جفاف داخل البطن وبالتالي خطر عالبيبي

لا مفر .... نزلج ماي على طول عالمستشفى ... ويختلف من وحده لوحده ..

مثلن في وححده ينزللها ماي يوم الرحم يكون 3 سم ... في اللي 5 سم ... في اللي يبطلونه في المستشفى الدكتوره تفتحه وينزل الماي

واذا شفتو دم طبعا على طول المستشفى .... لا مفر ...

واذا حسيتو الألم يسير ويي يسير ويي ورا بعض مره يمسك بطنج مره ظهرج ... اعرفو ان هذا عوج ولاده ... على طووووول المستشفى

اقرو على بطنكم القران سبحان الله ... اتحسون بالأمان ...

مب شرط سورة معينه ...

انا اقرا سورة مريم ... واقرا القصص كيف الله قادر ان يرزق سيدنا زكريا يحيي وكانت امراته عاقر وكبيره في السن

وعقب كيف نفخ في روح سيدتنا مريم عيسى وكيف ياها المخاض وقدرة الله في ان عيسى يتكلم في المهد ...

وعقب عن سيدنا ابراهيم وو موسى ...

اتعجب ...

وسبحان الله ادعو ربي ان الله يسهل علينا جميعا

ألف ألف ألف ألف مبروك الولادة ( الحب الكبير و لولو )
والجمدلله على سلامتكم وسلامة عبد العزيز و سليم

اورانج مانجو

شكرا ع النصايح :)

وربي يسهل علي وعليكم ويرزقنا الولاده الطبيعيه السهله الميسره

برحمته انه ارحم الراحميييين

نانا00000 ربي يقومك بالسلامه وتجي تبشرينا وفي حضنك جنى الحلوه يارب

اللهم ياخآلق النفس من النفسَ ، ويامخلص النفس من النفس ، ويامخرج النفس من النفسَ خلصني


اللهم لا سهل الا ما جعلته سهلا وانت تجعل الحزن اذا شئت سهلا

يااااااااااا رب سهل

يااااااا رب سهل

يااااااا رب سهل

ياااااااا رب سهل ولا تعسر

وارزقني انا وخواتي وكل الحوامل يا رب بالولاده السهله يااااااااااااا رب

انك قادر على كل شي

امين

كروشات لازم تعرفون الفرق بين الطلق الكاذب والحقيقي واقرؤا عن هالشي في النت
لأن الطلق الكاذب إذا غيرتي الوضعيه اللي انتي عليها راح يروح الألم مثلا إذا كنت جالسه وحسيتي بآلام وقفي والعكس
بعد تبخري بعود وإذا الألم اختفى معناها اللي كان معك مو طلق حقيقي لكن إذا استمر الألم معناها لا هذي آلام ولاده
والله يسهل علينا يارب

سؤال ليش نتبخر ؟؟

ها شي غريب بالنسبالي

أهلين أورانج كيفك ؟

شوفي ليش نتبخر أنا بعد كنت مثلك مستغربه لكن لما جربت في الحملتين اللي قبل طلع صحيح

اوانج ماشاء الله عليج صايره وايد تنصحين ..
شكلج من كثر خوفج هههههههه
والله يختي سؤال
ليش تصاحب بداية الحمل ونهايته نفسيه زفت .!
الوحده ماتدري وش تسوي بعمرها احيان مافي شي يضايق تقوم تصيح
.. انا لما تجيني ضيقه بس اضل ساكته مااقدر اطلع من السكوت حتى لو سولف اللي حولي
احس مابي افتح فمي

وصحيح كلام احب اولادي بالنسبه للعود
يقولون لو طلق حقيقي راح يزيد .. اما كاذب يختفي ..
امس امي كلمتني وقالت لي تبخري لا حسيتي بألم قلت لها مالي خلق اسوي جمر ههههههه

الزنبق شخبارج حبيبتي ؟!
تصدقين حلمت حلمه فيج .. حلمت انج ولدتي بس كانت ولادتج عمليه
والغريب انو اللي يشوفج ماكنج مسويتها عادي طيبه ومحلاج ..

.
تعوذت من ابليس يوم صحيت
انشاء الله تقومين سالمه ولاده طبيعيه ميسره

طبعا انا اسولف لانه ملل رد علي احد ولا وش اسوي اسلي روحي
فيني نوم جلست 7 ونص ولا رجعت ثاني
جا وقت الغدى ومافي مجال احس دوخت ..
ياربي ملل لفيت عروس كله وحفظة مواضيعه من كثر اللف
وماكو حد بعد

اهلا بنات شلونكم من الملل والتعب داخله من الموبايل حدي متملله من الثقل بس ماودي اولد شهر ٩ وثاني شي مانعني اني ماسويت جنطتي مالت المستشفى

مساء الخير ..

الف الف مبرووووووووووووووووووووووووووووووك وصول سليم بالسلامه .. والحمد لله

ع سلامتج حبيبتي لوليتا ..


سبحان الله داشه وانا انتظر اسمع خبر ولادة رغييده وتفاجأت بخبر ولادة لوليتا ..

ربي يهون عليج نانا وتوصل جنى بالسلامه ..

دريم مووون .. ربي يعطيج العافيه ع هالنصايح ويسهل عليج ويربط على قلوبنا

ويصبرنا وقت الولاده ويرزقنا شوفة عيالنا بخير ..



انا من امس وياي صداع فظيع وغريب مع حراره .. يعني احس وجهي ورقبتي حارين

واحس بثقل براسي وزغلله بعيوني .. كلت بندول مع الفجر وخف شوي وعقب رجع

سألت امي قالت يمكن السكر مرتفع وياج .. قست السكر طلع اوكيه ..

وعقب خفت لاني تذكرت يمكن يكون ضغط .. افطرت لاني كنت صايمه وخذت ماي زمزم

شربت منه وغسلت ويهي وراسي .. الحين احس احسن الحمد لله ..

اليوم خذت قمصاني النفاس من الخياط .. وحجزت الفواله .. باقي لي المفرش ..