لمتنا السورية لشهر شوال اهلا و سهلا فيكم

هداك الرد كانت ملخص عن اخباري هلأ اجي الكم والله انكم كنتو ببالي دااائما وحكيت لاهلي عنكم وعن حبنا لبعض واخوتنا الله لا يحرمني جمعتكم وصحبتكم
قولوا امييين ...

شامية تسلميلي والله وانتي ان شالله بتنبسطي وبتروحي تركيا ومابتبقى بخاطرك واعمليلك همة عليها لانها عن جد بلد حلوووووووووة بكل معنى الكلمة
ربي يكرمك وتزوريها ان شالله
والله يتمم حملك وولادتك بتسهيل وتيسير من ربي وتكوني مبسوطة ومرتاحة بين امك واهلك وبماانك بكرية فاكيد ولادتك عند اهلك افضل الك واريح حتى
ترتاحي وتتأقلمي على وجود بيبي جديد ..
ومنشان الجو والحرارة الله المستعان والله هون بجدة نار وشاعلة الله يجيرنا وبالشام ووين ماكان الدنيا انقلبت ..

** بيرل ياحياتي انتي والله سلامة قلبك وسلاااااامات ماتشوفي الشر يعني قضيتي هالسفرة عقد مع الدكاترة الله يقويك بس والله الوقعة ربك سترك
يعني الحمد لله اللي اجت على خير وربي سلمك وعن جد انا هالاشياء بعتبرها صح قضاء وقدر بس كمان بعتبرها عين والله يجيرك من العين
لانو نحنا المغتربين مضروبين بحجر هالكبر على وين راحو ووين اجو وشو لابسين وشو عاملين ...يعني سفرتي على تركيا وطرابلس الله وكيلك كانت حديث العائلة
عنا بالشام .. مابيعرفوا اديش زواجنا وانتي بماانك موظفة عم تكدوا وتهلكوا هلاك ,,, الله يرد كل حاسد كيده بنحره قولي امين ..
المهم الحمد لله على السلامة وتسلميلي والله واي والله ربي كرمني وريحت اعصابي لاني كتير كنت محتاجة لهيك شي مشترك مع زوجي ... الحمد لله
خليكي على تواصل معنا وطمنينا عنك بيرل اذا رحتي على دكتور ولا لاء ؟

*****
كاتي ياحبيبة قلبي انتي لك ان شالله ربي بفرحك بتالا وبنجاحاتها وتفوقها وبعرسها ..
واكيد بدك تفرحيلي لانك اخت غالية والله ... وسلامتك وسلامة تالا كلنا والله تأثرنا من جو الغبرة اللي صار والله يومها كنت ببيت اهلي ونسمع صوت سيارة اسعاف رايح وصوت جاي من الكتمة وديقة النفس اللي صار لهالعباد الله الله المستعان

ومنشان سفرتي من غير حماتي اي يامخلوووقة غير شكل وحتى من غير شر لاولادي كمان غيرت جو صح اني استفئدتلهم كتير وتجيني كل غصة اكبر من
التانية عليهم بس والله انبسطت وخصوصي ان الجو كان ساااحر درجة الحرارة 18 .. 17 وبرد على كيفك وانا كتير بعشق هالجو ويالله حط ايدي بايد هالرجال ونطلع ونفوت ونمشي بتركيا وين نروح مامنعرف خخخخخ بس اخدنا جولة سياحية مع كروب وحطينا همنا
فيهم فمشونا واخدونا مشاوير حلوة رحنا على استانبول الاسيوية والاوربية وركبنا برحلة بحرية بين الشطين وشفنا بيت مهند ونور ههههه وكمان مشينا على الجسر المعلق ورحنا قصر عبد المجيد ووووو ...الخ يعني حاولنا نغتنم الفرصة ومحسوبتك راحت بعباية على تركيا وهنيك شلحتها وصرت اطلع ببنطلون وتيشرتات وقمصان خخخخخ يعني بتعرفي على حسب السوق سقت اي والله خفت على هالرجال من هالمناظر اللي هنيك عدا عن التشليط هدا كوم بتشوفي شوفات وووووووووووووو فظيعة يعني مابقى الا يجيبو ولاد ههههه وفهمكم كفاية
ومنشان اخوكي متل ماودعتوا تلاقو يارب كل خير

** من غير شر على مونو زمان مابانت وكمان لولية وسمورة وبنوتة يارب يكونوا بالف خير
وعن جد وحشتونا ووحشتنا اخباركم

صباح الخيرات يا بنات ليش هالشات فاضي من غير شر و ين القمورات

الحمدلله على السلامة دمشقية و أنا عم قول ليش الشات منور ما تتخيلي فرحتي انك سافرت و انبسطت و غيرت شكل و على قولتك اي والله مضروبين مو بحجر بصخرة اذا بدك الله يجيرنا منهم و الأنكى من هيك انهم عايشين احسن مني و منك و ما عم يخلوا شي ببالهم ما يعملوه بس العين علينا غير شكل يالله الحمدلله على كل شي و الحمدلله انه رجعتوا بالسلامة و ان شاءالله كل سنة بتعملوا هيك سياحة و اكيد رح تعيدوها و خاصة انه زوجك انبسط انكم لحالكم فأكيد رح يعيدها صدقيني

سورية حياتي الغايب لك و الباقي لنا و فهمك كاف انا متأكدة انه فرحتك ما بتعطيها لحدا الله يخليكم لبعض والله ما في أحلى من الأخوات و خاصة انتوا بالغربة بتكونوا مونسين بعضكم و الله يخلي لك زوجك و اولادك كمان و يارب نسمع عن قريب أخبار تفرحنا عن استقرارك و اقامتك يارب

كاتس حبيبتي سلامتك وسلامة تالا والله الحساسية ما في اصعب منها ديري بالك كتير منيح لأن اذا تسلطت على الجسم بيصير بدها كمامات كل ما بيطلع عاصفة و بعدين ابر كورتيزون أنا بشوف هيك من رفقاتنا لأن جو الكويت يا غبار يا أما رطوبة و الاتنين العن من بعض و هالأيام رطوبة كتير قوية بقى ديري بالك كتير منيح و حاولي بهيك جو لا تطلعي انت و بنتك من البيت ابدا لبين ما يتحسن الطقس ومبروك نظافة تالا اكيد البادية صعبة بس لبعدين أريح بكتير

شامية انت اللي لازم تديري بالك كتير منيح لأنك بتطلعي بتشتغلي و الحساسية صعبة كتير لهيك حاولي تغطي انفك على طول بمحارم أو كمامات بتصدقي هون بأيام الغبار بتلاقي اغلب الناس اذا اضطروا يمشوا بالشارع بيحطوا كمامات

مونو وين مو مبينة صار لها فترة ان شاءالله يكون المانع خير يارب و لولية كمان و ياسمينة و بنوتة تعالوا طمنونا عنكم

اما عني فما زال ظهري عم يوجعني و هي صار لي اكتر من شهر و نص تقريبا بس هي المنطقة كتير حساسة يعني على ركب السيارة او اذا مقعد مو مريح أو اشتغلت زيادة يعني كله بيأثر لكن بالرغم من ذلك صرت أحسن من قبل بكتير الحمدلله و راجعت دكتور هون من شي 10 ايام و رجع طلب مني صورة عملتها و الحمدلله ما طلع فيني شي بس عطاني ابرتين وحدة مسكنة ووحدة مرخي عضلي بفرد مرة و ريحوني كتير و عطاني حبوب مسكن عم آخد منهم لما بكون موجوعة زيادة
و هلأ وقتي كتير مليان مع دورة الانكليزي لأن 3 أيام بالأسبوع يعني يادوب ارجع من دوامي برتاح شي ساعة و بعدها عالمركز فورا وما برجع عالبيت للساعة 9 بالليل لهيك ما عم يصير لي شغل بالبيت غير يوم العطلة الله وكيلكم يوم الجمعة قمت الساعة 8ونص بلشت بالشغل بين البيت و تنظيفه و عملت 3 أكلات حطيتهم بالبراد مشان الأسبوع و عزلت غرفة النوم و حمام ما خلصت للساعة 5 المسا و الله العظيم مبارح لما جيت عالشغل حسيت حالي مكسرة تكسير بس هيك بيبقى بالي مرتاح انه ما عندي شي خلال الأسبوع غير اشياء بسيطة هي كل أخباري و ان شاءالله لما يصير لي وقت تاني برجع بطل عليكم سلامي للجميع

مسالخير ويسعد أوقات الجميع والله الشات منور الحمد لله على سلامتك دمشقية والحمد لله انك انبسطتي والله فرحتلك من قلبي انك عوضتي بهالمشوار الحلو والله يطعمنا ياه يارب
بس شلون الحرية ؟؟؟؟؟؟؟؟ غير شكل مو هيك يمكن حماتك ما حملها عقلها انو تسافرو بدونها
شو أخبار المدارس عنكم طمنينا كيفو ابنك ؟؟

كاتس شايفة شايفة هالوضع الله يجيرنا يا ستي مالي مصدقة ايمتى تجي الشتا عم أجي كل يوم من شغلي تيابي ملزقة فيني مباشرة بعمل دوش وماما قالتلي الحامل بتشوب أكتر زيادة كمان
سلامة قلبها تالا ماعلى قلبها شر ان شالله وألف مبروك صارت تفوت عالحمام انجاز يا ستي

بيرل والله عم حاول دير بالي على حالي قد ما بقدر بس انت بتعرفي وضع المدارس عنا غبار ووسخ غير غبرة الطباشير بتعرفي لساتنا على عصر الطباشير مع انو المدارس يلي عم آخدها بأرقى المناطق وبتعرفي كمان وقت الذروة والعجقة تبع المواصلات شلون روايح دخان السيارات بيكون
وسلامة قلبك معافاية ان شالله انت البسيلك مشد لضهرك بيريحك كتير

مونو وينك ياحلو مو مبين عسى خير عقبال عند رورو تصير تفوت عالحمام وترتاحي من الحفوضات

عقبالك يارب لما تروحي وتتمشي واغتنمي الفرصة قبل لا تكبر تالا وتفوت المدرسة وقتها بصير الموضوع اصعب
اما عن الصور من عيوني ان شالله بس انزلهم اللاب توب بحطلكم كم صورة

***************
بيرل يامية اهلا وسهلا فيكي وربي يسلمك ويسعدلي ياكي ياقمر انتي و ان شالله بتفرحي بللي بتتمنيه يارب وعن جد هالسفرة خلتنا فريش
وغير شكل وخصوصي ان نزلة الشام كان فيها شوية منغصات بقى ربك عوضنا الحمد لله وان شالله بتنعاد على قولتك لان زوجي عجبتوا الشغلة وخصوصي مع العروض بتطلع ارخص .... اما عن الناس فاه اي والله على قولتك مو مخلية شي يعتب عليها ولما بشوفوا شي منا بيستكتروه
ستي الحمد لله على العافية ومنيح اللي احنا بعااااد والله هيك اريح خخخخخ مو بالله؟
ويارب سلامة روحك وقلبك ليت اللي مابحبك ...
والحمد لله اللي اطمنتي على حالك من هالوقعة وربي قدر ولطف فيكي بس عن جد بيرل بدك رياحة امانة عليكي لا تستقوي بحالك جسمك اله حق عليكي
ولازم تريحي وتنتبهي على حالك اكتر ...
ماشالله عنك يعني انجاز اللي عم تعمليه يخذي العين عنك .. كنتي جبتيلك وحدة ونضفت البيت وكوت والذي منه وانتي ارتحتي شوي على الاقل من تعب طريق السفر ومن هالوقعة
يالله ربي يقويكي ويكون لك معين ان شالله

****************888
شامية يسعد مساكي واوقاتك يااارب وتسلميلي ياذوق انتي وكل البنات ربي يفرحك انتي كمان بشوفة البيبي بخير وبسلامتك يااارب
الحرية حلوة كتير وخصوصي انك تكوني مع احب الناس على قلبك من غير مراقبة ومن غير تدقيق والذي منه
ماعلينا .... المهم الاولاد بخير وعم يداوموا وبلش الهم والتعب على اكتب وادرس وذاكر

*******************

شوروا علي يابنات منشااان الله والله تعبت نفسيا من بنتي شام الله يهديها مخها سميك وماعم تستوعب كتير من هالمدرسو والمنهاج والله صعب وكتير
ضخم على عمرها مابقلكم محمود اسم الله مشي حالو وكمل وعم يفهم ويستوعب
بس هالبنت ماعم خسها عم تفهم كتيير ...
انا عم فكر انقلها من الانترناشيونال لمدرسة خاصة يعني عربي مو انكليزي شو رايكم؟؟
والله محتاااااااااارة قد ماقلكم واكتر هي السنة الجاية اول وهلأ هي عم تدرس ukg بس مو فهمانة شي ابداااا
ااااااااااااااه والله هم

صباح النور والسرور عالجميع
كاتس الف الف مبروك عشان تالا والله انجاز اسأليني انا هههههههههه
واطافيلي الحمدلله بخير هلأ عم ندور مدرسة لجودي ترضى بوضعنا او ترضى بخطاب من شغل زوجي انه ابوها عنده اقامة ان شاء الله تزبط وتتيسر ادعيلنا
وعشان الهدايا ههههههههههههههههههه تكرمي عينك ففتي ففتي بيني وبينك ارتحتي هلأ :lol:

بيرل الله يسعدك ويسلم قلبك ومتل ماقلتي والله مافي احلى من الاخوات خصوصا اذا كانوا متل الدمشقية وياستي عشان الهدايا تكرمي عينك هههههههههههه الحلو بالموضوع انه ما اجاني هدايا من الدمشقية بس كل اخواتي بعتولي الله يسعدهم ويخليلي ياهم يارب ويخليلكم اخواتكم
وماشاء الله عنك على تنضيف البيت الله يقويكي يارب بس حاولي تداري حالك شوي لبين ما يروح وجع ظهرك
شامية حبيبتي الله يكون بعونك على الشوبات وانتبهي لحالك وعالبيبي يالله هانت ان شاء الله ربي بيقيمك بالسلامة
لولية ان شاء الله الف مبرووووووووووووووك وشكرا على العزيمة والله يتمملهم على خير يارب

حبايبي السوريات انا مصرية بس انا بحب الشعب السوري جداجدا ونفسي نكون اصحاب لأني بجد بعشقكم
ممكن تقبلوني في موضوعكم

مرحبا
صبايا كيفكون قريت شوي من اخبار كم
دمشقية الحمد لله ع السلامة انبسطلك كتير بهالمشوار هي طلعت وغيرت جو ومالك شكل وانا بنصحك لا تفوتي ولا فرصة واولادك لاحقن بكرا بيكبرو ويمكن بتصير السفرة بوقتون كانون رايحين شي مشوار من شان هيك لا تزعلي عليهون

بيرل حبيبة قلبي يا بنت بلدي انت عن جد زعلت عليكي لك سلامتك وسلامة ضهرك انتبهي ع حالك وحاولي تريحي حالك قدر الامكان
لولية بدي سميك ابن بطوطة كيفك وشو اخبارك والله مشتاقتلك
مبركة خطبة بنوتك وان شاء الله بتفرحي بالصبية التالتة ان شاء الله عن قريب والله يبيض حظون كلون ويديمك ويديم ابوهون على روسون يا رب
مانك ناوية تجي ع حمص شي جية قريبة

شامية كيف حاسة حالك هلق وصرتي باي شهر ان شاء الله بتقومي بالسلامة

كيفك ياسمينة شو أخبارك اشتأتلك
أنا كنت بحمص من أسبوع بس نزلوا بناتي مرتين لعندي وإيجى خطيب بنتي الكبيرة كمان والله كنت بدي إحكيكي بس بقى كان عرس ابن خالي وتلبيس خاتم ابن خالي التاني بقى كتير انشغلت

بس يوم الخميس نازلة عالشام من الصبح لليل رايحين جروب مع حماة بنتي الصغيرة اتصلت في وسألتني عاملين جروب بتروحي قلتلها ايه طبعا أنا اللي بروح بتعرفي ما حلوة كرمال سمعتي مهيك

الله يسعد اوقاتكم يارب
الاخت ( مشاعري من زمن تاني ) اهلا وسهلا فيكي وبكل اهل مصر نورتينا واكيد منقبلك معنا
سمورة الله يسعدك يارب كيفك طمنينا عنك وعن اخبارك

لولية مية اهلا وسهلا والله اشتقنالك كتير والحمد لله انك بخير والف مبروك لبنوتك يخذي العين ربي يحميكم من العين وان شالله بتشوفي ولادهم كلهم
وبتفرحي فيهم كمان
وبالنسبة للسفر صدقيني لولا ان الاولاد عند امي واخواتي والله مابفكر اسافر ابدا لانهم صغار .. بس ولادي الحمد لله كتير بحبو امي واختي اللي باقية والامان بالله وفيهم
اما انتي فحقك تسافري بكفي على قولة زوجك والله يخليكم لبعض
لا تنسي الصور على الفيس بوك بدنا نشوفهم ... ومنشان بنتي والله محتااارة ومالي عارفة انا على كل الاحوال راح اخليها هالسنة ونهايتها بشوف شو بصير معها ومعي

&&&&&&&&

سمورة اهلين فيكي ياقمر طمنينا عنك وعاش من شافك
وتسلميلي يارب على مشاعرك الحلوة الي ... وعن ولادي قولتك بكرا على زمانهم بتصير هالسفريات عادية مو حلم متل ماكانوا اهالينا يحلموا فيها ههههه
الحمد لله على العافية ابقي طللي علينا وخلينا نسمع اخبارك
وسلاامي للجمييع ونلتقي بالجزء الجديد على ذي القعدة ان شالله وانتو بسلامة وياريت لو يكون في حماس اكتر
يعني تجمعنا الوحيد اللي بس 7 صفحات والله استفئدت لمونو وكاتي وبنوتة يارب تكونوا بخير
وشامية وبيرل ولولية وسمورة وسورية بدنا نشاط وانا معكم خخخخخ
وقبلاتي للجميييع

هلا فيكي اخت (( مشاعرنا من زمن تاني )) نورتي والله واكيد اهلا وسهلا فيكي معنا

تسآؤلات أخي .. إبن ال5 سنوات ...

أتمنى من مشرفة التجمع فتح التجمع الجديد الخاص بشهر ذو القعده