خطبـــوني و مـــاعجبتهم !!!!

اجل احسن لك انه ماصار نصيب شكله ماله راي لانه يقولون كل شي هم !!!!!
انا زوجي ماشافني شخصيا بس شاف صورتي وصار نصيب
الله يعوضك خير

مشكــــــــــوره حبيبتي ...

جد هالنااس و الي مثلهم ما عندهم سالفة
و انا هم ما تعجبني هالطريقة بقولش شي أختي
أول ما تخرجت من المدرسة يعني بالصيف اهل الرجال
بس يتصلون و ما يجون يعني تقدرين تقولين بس حجي
و عاد مرة من المرات شخص تقدم لختي و قالوا بجون عااد
احنا توقعنا ان الصبي بجي معاهم و بصير مقابلة بس العكس
جت بس مرة وحدة قالت بشوفهاا هالمرة طيبة يعني سولفت
عن الصبي و عمره و وظيفته ... الخ و لا ردوا علينا كان من نصيبها
حتى صديقاتهاا يقولون لها ليييش ما شرطتي ان يجي الصبي يكون
مقابلة طبعاً اختي اكبر وحدة فيها و ما ندري عن هالسوالف بس اهون
من الي جو يشوفونش بس احمدي ربش ما اخذتي ولدهم شدراش بكرة
وش راح يصير و ابد لا تفكرين بهالشي الله يرزقج و يرزق اختي بالزوج الصااالح

الله يرزقك اختي بالي احسن منهم هدول ناس ماينزعل منهم

الله يقهرهم مثــل ماقهرونــــي ..


مشكـــورين بنات ع المرور منـــورين ..

لا ازعلين نفسش حبيبتي حتى اني ما تعجبني هالطريقة التقليدية وله في ناس يقولن ياخذون اصور بنات الناس قبل لا اجيون

حبيبتي عادي

هالحركات تحصل في كل مكان

اللي الله كاتبه لك بيصير والله

الاقسام بيد الله وهذا رزقك ونصيبك ماراح ياخذه احد غيرك

شوفيني انا كذا واحد تقدم لي وكلهم كانو يدخنون وارفضهم بسبب الدخان

واللي الله كتبه صار وتزوجت واحد من صغره وهو يدخن وشافتني امه واخته ولاعجبتهم ولما شافني هو مات فيني بس مع الوقت ومع زنت امه واخته فوق راسه طلقني والنتيجه طفلين امهم في مكان وابوهم في مكان

والحمدلله على كل حال

حبيبتي اشكري ربنا انه مافي نصيب لأنه واضح ان ابنهم ده ملوش شخصية لانه لو عنده كان صمم يجي ويشوف البنت اللي لو في نصيب راح تشاركه عمره كله بس انت ولا يهمك نصيبك في الأحسن F:

مثل ما قالوا البنات شكله ما عنده شخصية واخواته قويات فالحمدلله ما صار نصيب كنت راح تتورطين فيهم
وربي يرزقك بالزوج الصالح اللي يسر خاطرك

وربي احقريهم ولاتتعبين روحش معاهم هذه الطريقةمابتتغير الا اذا لرجال هم قالوا يغون يشووفن زوجاتهم
وصدقيني كان تقل حالات تأخر الزواج وماتشوووفين وحدةجالسةفي بيتهممومتزوجة بس الحريم هم يخربوون على بعض
تلقيها

وربي احقريهم ولاتتعبين روحش معاهم هذه الطريقة مابتتغير الا اذا لرجال هم قالوا يبغون يشووفوا زوجاتهم
وصدقيني كان تقل حالات تأخر الزواج وماتشوووفين وحدةجالسة في بيتهم مومتزوجة بس الحريم هم يخربوون على بعض
تلقيها تدور الى ولدها او اخوها ملكة جمال وماشفت روحها ولا مواصفات الشخص المتقدم
قهرر والله
انا الحمد الله ماارضى اطلع الى احد :worn_out:
ومرة طلعت وقالو نرجع لكم معاريس بس بعد مارجعوا خخخخخخخخخخخ

وربي وربي نفس الشعوور صار فيني حالة اكتئااب يوم رفضووني وعلى اساس ولا شي
وتحطمت معنويااتي لانه الرفض كان لسسب غبي جذا جذا
مع انه يو اتذكر الموقف واليوم الي صار اندم ع اني قابلتهم وهم رفضووني
بس حلو انه ننسى هالشي ونتركه ورا ظهرنا ونتقدم الحياه حلوه والي كتبه ربي لناا بيصير
وكلن بياخذ نصيبه في اخر
ويمكن هذ الي رفضني ما فيه خير

انا لو مكانج ولا ازعل بتعرفي ليش لان الشاب اللي يفكر بهذه الطريقة ويخلي اهله يختارون البنية من شكلها وبس هذا واحد مايستاهل ولا عنده شخصية ولا ذوق ، قطع خليه يولي عنج .

بس اختى هذيله مال اي منطقة هذى طريقة قديمــــــــــــــــــــــــــــــــــة جدا والحين اكثر العوائل وحتى الشباب يطلب يشوف البنية من اول مرة حتى اهو اللي يحكم بنفسه . هذيله مال اول وتفكيرهم مو صحيح ابداً ، يعنى مو شرط ان البنت تعجبهم يعنى تعجب ولدهم او يرتاح لها بعد الزواج . صج يعنى تفكيرهم غبي

والله يرزقش واحد احسن منه

لا تزعلين رووحك في ناااس
مااعندهم تفكير ومتخلفين
ماايحسوون احنااا عندنا تفكير
ومشاااعر الصراااحه يقهرووون
بس الصراحه الحمدلله اني مااجربتهاااا

عشآن تعرفون ان سبب عنوسه البنآت سبه هالامهآت .. وهآلحريم ..

يعني لو الولد يختآر كآن تزوجت انا من زمان ..

بس حسره ..

وانتي ياقلبي لايجي في خآطرك ..

انبسطي يمكن خيره لك ..

ووووووي مااآآعليج فددديتج
الحمدددلله انج عرفتيهم من الحييين .. وافتكيتي ! <<رياال جذي جنه ماله رأي !! بااجر بيخليهم يدخلون ف حيااتج !
يمكن الرياال معتمد عليهم !! او مسكيين بعد يمممكن عندده مواااصفاات وهم بيشوووفونها بالاول واذا موجوده هو يجي عقب ,, !
لآ تتضاايقين ياحلوووه ,, ووايد تصير هالشغلات ولو تسممعين السواالف اممم بقوولج ساالفه (مرره وحده تبي تخطب لولدها ف راحت بيت العروسه وتقدمت رسمي وتقدمت وجي ,, جاان ام البنت تقوول منعا" للاحراج وهيك خلو المعرس يروح يشوف العروس بالشغل واذا عجبته حياكم مره ثانيه و تشووفه البنت عقب ,
انزززين تخخخخخيلي منوووو اللي رااح للبنت الدوووام !!!!
الام والابووو !!!!!!!!!!!!!!
ووباال عااد صاارت سواالف وقعدوو يفصصون البنيه , وتدرين شسووت الام ارفعت ثياب البنت تبي تجيك تقولها : انتي لابسه كعب ولا طولج طبيعي !!!!!!!!!!!!!! هههااآآي
يعني اووك اسألو عن الطووول من حقكم يعني بس مو بهالطريييقه
و ووين الولد !!! قلنا المعرس يجي مو انتو !!!!@@
والسمووحه طوولت بس جي قلت لج عشاان تعرفين ان في ناس جي ,, وبعد ساعات ماتلوومين حــد لان الزواااج شي مو سهل وحيــاة ومستقبــل اطفــآل <<حبيت اتفلسف شوي لووول
~وان شااااءالله الله يعووووضج بالاحسن منه واللي يعجبج وتعجبيــنه ^^
بالتوووفيق حبيبتي

ذرة البحرين 5;13123413:
لا ازعلين نفسش حبيبتي حتى اني ما تعجبني هالطريقة التقليدية وله في ناس يقولن ياخذون اصور بنات الناس قبل لا اجيون

الحل ام وين;13123424:
حبيبتي عادي

هالحركات تحصل في كل مكان

اللي الله كاتبه لك بيصير والله

الاقسام بيد الله وهذا رزقك ونصيبك ماراح ياخذه احد غيرك

شوفيني انا كذا واحد تقدم لي وكلهم كانو يدخنون وارفضهم بسبب الدخان

واللي الله كتبه صار وتزوجت واحد من صغره وهو يدخن وشافتني امه واخته ولاعجبتهم ولما شافني هو مات فيني بس مع الوقت ومع زنت امه واخته فوق راسه طلقني والنتيجه طفلين امهم في مكان وابوهم في مكان

والحمدلله على كل حال

مسز إيمي;13123444:
حبيبتي اشكري ربنا انه مافي نصيب لأنه واضح ان ابنهم ده ملوش شخصية لانه لو عنده كان صمم يجي ويشوف البنت اللي لو في نصيب راح تشاركه عمره كله بس انت ولا يهمك نصيبك في الأحسن F:

حياة جدة;13123478:
مثل ما قالوا البنات شكله ما عنده شخصية واخواته قويات فالحمدلله ما صار نصيب كنت راح تتورطين فيهم
وربي يرزقك بالزوج الصالح اللي يسر خاطرك