كل ما يتعلق بافون لشهر شوال

مشترياتى
http://forums.3roos.com/showpost.php?p=13198976&postcount=153

حاجاتك روعه ياميادة
عجبتنى جدا وزيك بافكر اجيب واشيلها
انوش من فضلك كنت محتاجة اعرف الزيوت اللى جبيتها من مين من التاجرات على الموقع التانى
وباقى الحاجات التانية الاسعار وانطباعك عنها
ربنا يكرمك يارب ياحبيبتى

انا زعلانة جدا كنت جايبة ازازة ليتل بلاك وعمالة اعتقها وفجاة وقعت منى واكسرت قبل لما ارش منها رشوشة واحدة


برفان سيليبر الشهر الجاى رخيص اوى اية رايكم فية ولا فية حاجة احلى منة


وبرفن فاراواى انا بتعجبنى ريحتة لية مش عجباكو اصلى انا بحب ارش رشة صغنونة تدينى ريحة جامدة:D

Nouna2002;13199157:
حاجاتك روعه ياميادة
عجبتنى جدا وزيك بافكر اجيب واشيلها
انوش من فضلك كنت محتاجة اعرف الزيوت اللى جبيتها من مين من التاجرات على الموقع التانى
وباقى الحاجات التانية الاسعار وانطباعك عنها
ربنا يكرمك يارب ياحبيبتى

لا ياقمر دي مش من تاجرة الزيوت والاسكينول مش عارفة سعرهم
بس الاسكينول جربته من امبارح حوالي 4 - 5 مرات عشان انا بحب كل كام ساعة امسح وشي بيه لان مخلياه فالفريزر سائع وفريش اوي
ميزته مش بيجف ولا بيشد البشرة وبينضف كويس يعني لما بمسح رقبتي بحس اكني استحميت قبل كده مع ان والله بستحمى فاليوم مرتين :lol:

زيت ترشوب استخدمته النهاردة كمساج لفروة راسي وشعري لسه مبلول مستنيه ينشف
وانا بطبيعتي مش بحب احط حجات تقيلة على شعري فا عشان كده بخلي الزيوت لفروة الراس والكريمات للشعر نفسه وحاليا انا بستخدم كريم باراشوت بجوز الهند والاكوا للحماية من ماء الاستحمام وبعد ما دهنت روحت اخد اد معلقة من زيت ترشوب وممشياها على شعري كله من الجذور للاطرف والبشاير هلت لان شعري من ادام كله بجد والله في لمعه جميييييلة ومش هايش ابداااااا نمت ولسه صاحية من ساعتين اكني لسه غسلاه ما شاءالله والله اكبر

باقي الحجات التانية

الاسيتون بتاع ياسمينا جبته ب 8 ج
مش بيجفف الضوافر ولا بيعمل طبقة جير كده فا عجبني بصراحة ودي اول مره استخدمه

مايه الورد لمسه ب 8.5
بردو حلوة بس مش مداومة عليها يعني احيانا تطق في دماغي استخدمها فا بجيبها احتياطي

بلسم هير كير بالفراولة ب 8 ج
استخدمته النهاردة تحفة طبعا بينعم الشعر ويخليه طري وجميل ودي تاني مره استخدمه بس مش ورا بعض لان مش بحب اكرر منتج واستخدمه فترة كبيرة

مكعبات المسك بجد مش فاكرة انا كنت بجيبها ب 3 وامبارح سالت خالتو قالتلي جيباه من العطار ب 6 ج فاهي حسب المكان
ودي بحطها في ادراج الاندر والتسريحة وبين الهدوم بتاعة البيت
بتدي ريحة جميلة اوي تعرفي انا شايله 3 في كيس وحطاهم جوا درج الكومود والله كل الحجات اللي حواليهم ريحتها بئت مسك منه يعني محفظتي والنوتي بوك وشنطة الميك الصغيرة كله كله بئه مليان من ريحته مع انه مغلف وجوا كيس مش مفتوح بس هو ريحته قوية وعشان كده بتجنب استخدمه مع هدوم خروج او طرح وكده

كريم الايد بتاع ايفون نازل ب 14.5 بروشور
استخدمت حته من النهاردة هي تقيلة بس انا ايدي بعافية شوية اليومين دول من غير سبب معروف فا ترطيبة يادوب مكفيني حتى انا لو عملت اوردر تاني الشهر دا هجيب منه واحد كمان احتياطي لان انا بشرب كريمات الايد العبوه 150 مل مش بتعمر معايا شهر :lol:

كريم القدم من ايفون نازل ب 12 بروشور
دي 4 ولا 5 مره اكرره كنت فالاول بجيب بتاع اوريفليم اللي لونه لبني وكان بيعجبني قوامه لانه زي المرهم او الجليسوليد تقيل وفي نفس الوقت مش بيسيب اثر دهني بعدين جت الست اوريفليم هانم غيرت الكولكشن بتاع القدم بقيت لايصه ومحتاسة فا اتجهت لايفون وهو حلو مش وحش لكن مش زي بتاع اوريفليم وبردو دا زي كريم الايد العبوة مش بتكمل معايا شهر لان كل ما رجلي تتبل سوا للوضوء او لاي سبب كان لازم احط منه فا ناوية والنية لله لما يخلص اجرب من حجات اوريفليم الجديدة

سبراي سيليبر نازل ب 22 بروشور
تاني مره اكرره ريحته بتعجبني وبرش منه على خفييييييف اوي يعني رشه واحد عشان مش بحب الكحول فالاندر ارمز والحمدلله المكان عندي فاتح جدا رغم ان بستخدم الشيفنج مره اسبوعيا بس طبيعتي مش بستهلك ديودرنتات كتير ولا بحتاج ليها وفالشتا مش بحط ديودرنت خالص وممكن سبراي سيليبر دا يعد معايا شهرين وتلاته على ما يخلص

جليمر ستيك الجراي ب 20 بروشور
لونه شبه القلم الرصاص بالظبط لما يتحط فالعين تحسي اكنه اسود بهتان وكمان مش بيعمر يعني لما شوفته فالواقع اتصدمت شوية لان السن رفيع لدرجة الغباء ومش كبير فا من اول استخدام هتحسي انه بيتاكل بسرعة فا مش هكرره تاني بتاع اوريفليم احلى وبيعيش اكتر

كريم حمام العروسة من اصالة ب 10 ج
كريم مكون من شمع عسل ونبات السعد طبيعي 100%
بيتحط بعد ما بتشيلي الشعر لمده 3 ايام مره صبح ومره بليل
دا بستخدمه من اول ما بدأت اشيل من اواخر الثانوي وبدايات دخولي الجامعة
بجد كريم تحفة بيأخر من نمو الشعر وبيخف منه هتلاقي من اول مره ان في اماكن الشعر مش طلع فيها لان نبات السعد بيضعف الانزيم المسئول عن نموه الشعر وباستمرار الاستخدام هتلاقي نتايج تحفة وكمان ترطيبة هايل وانا فالشتا بحب احطله زيت زتون خير وبركة يعني :D

الهدايا بتاعة اوردرات ايفون
كريم الجسم ريحته رقيقة بس بتاع بي كيسابول احلى منه وارق

روليت ليتل بلاك دريس
مش بستغنى عن واحده من الروليت دي في شنطتي والحمدلله ربنا موسعها عليا في ليتل بلاك حبيبتي الشهر الفات جبت عرض الليتل واخدت الروليت والرول اون والبرفيوم
والشهر دا ادوني الروليت هدية فا عاجبني اوي
وكمان البرنامج التحفيزي الهدايا بتاعته ليتل بلاك 30 مل و روليت هههههههههههه

الماسكرا
مش جربتها وولا هجربها لان مش من هواه مسكرات التطويل
لان الحمدلله رموشي طويلة ولما بحطلها ماسكرا تطويل بتكون مأفورة وبحس الناس بتبص عليا فالشارع فا بحب التكثيف اكتر واحسن ماسكرا ناسبتني كانت من جولدن روز

مممم بس كده اعتقد خلصت (:

vetdody;13199747:
انا زعلانة جدا كنت جايبة ازازة ليتل بلاك وعمالة اعتقها وفجاة وقعت منى واكسرت قبل لما ارش منها رشوشة واحدة

برفان سيليبر الشهر الجاى رخيص اوى اية رايكم فية ولا فية حاجة احلى منة

وبرفن فاراواى انا بتعجبنى ريحتة لية مش عجباكو اصلى انا بحب ارش رشة صغنونة تدينى ريحة جامدة:D

معلش قدر الله وما شاء فعل فداكي
تعرفي انا فالعيد بعد مادوخت على هدوم تعجبني وجبت تونيك شكله ستايل وحلو قلت لماما تغسله عشان مش بحب البس حاجة ممكن تكون حد لبسها قبلي فا بعد ما اتغسل لقيت لونه اتغير وكل حته بلون وانا متاكده ان مكنش في مبيضات ولا الوان تبوظه والكلام دا كان قبل الوقفة باسبوع يعني وقت زنقة جدا والحمدلله عدت وجبت حاجة تانية احلى منه فا مش تزعلي ياقمر الحمدلله اكيد ربنا عمل كده خير عشانك

سيليبر ريحتها سو كيوت رقيقة وبناتيتي اوي وهي كده طبعا سعرها حلو

فاراواي انا جبته عشان شكل ازازته كان عاجبني وكان نازل عرض في كريسماس 2008 على المجموعة الاسبراي والديودرنت والبرفيوم فا اشتريتها انا وخطيبة اخويا ولفت الايام وبعته لواحده بتحب الفاراوي حتى انا فكرة يومها اديتلها الاسبراي كادو على البرفيوم وفضل عندي الديودرنت لحد ما بعته من كام شهر :lol:

خطيبة اخويا لسه بتقولي متعرفيش حد عايز الفاراوي هههههههههههههههههه

بنات اقروا المشاركه بتاعتي دي عن تاجره نصبت عليا و شتمت في المنتدى التاني

http://forums.3roos.com/showpost.php?p=13205078&postcount=154

اللهم بلغت اللهم فاشهد

سؤال المخالفه

فين لينك الكتالوج الجديد

:L:السلام عليكم ورحمة الله وبركاته:L:
ياجماعة انا عضوة جديدة ممكن اشترك معاكم واستفسر منكم على حاجات لانى مشتركة فى افون من اربع شهور وفى حاجات محيرانى

معلش اول سؤال انا محتارة اشترى برفان تومورو ولا اوت سبوكن الجديد انتوا رايكم ايه؟؟؟

ميااااااده;13191128:


باربي
انا الاوردر وصلنى قبليكى :p متنسيش بقي تصوريلى اوردرك لما يجيلك


اما بقي اخبار الكتالوج الجديد انوش حطتها
وبجد البرفيوم الجديد اليه نازل اوت سبوكن من فيرجى تحفه تحفه
وكله انوثه ريحته وهميه وازازته شيك جدا انا بجد هتجنن واجيبه هو واللوشن بتاعه
نفسي اجيبهمو اشيلهم في جهازى بس لما ينزل بعرض افضل لحسن غالى



اما الحاجات اليه بفكر اشتريها
امممممممم
بالم ادفانس الكويك تاتش
وماسك كلاى ماسك
وكريم المسائي كومبليت بلانس
و جلوس ريد ماى ليبس الدرجه البينك

ههههههههههههههههه وانا كمان يا اختي حاجاتي جت :p
ميرسي كتير اوووووي بجد يا مياده علشان عرفتيني علي البنوته السكر دي
انا جبت يا سيتي 2 ويش اوف لاف عجبني اووووووي بجد اول مره اجربه
واتنين برفان ايسنس الحمد لله طلع حلو وعجبني اوي واتنين بابل باث لافندر وسوفت بينك بس طبعا مش عرفت اشمهم زيك مش رضيت افتحهم وووووو اه وسيمبلي ديليكيت واتنين كريم رجل اللي هو المرطب العمييييييييق واتنين هاند كريم بالسليكون والبنوته اديتني هاند كريم كمان هديه
مش عارفه لسه في حاجات تانيه اشترتها بس مش عارفه افتكر

هو كريم اللي بالسيليكون اسمه ايه؟؟؟ونازل بكام؟
وعايزه اجيب برسيف حريمي هي سعرها كام

Dr:Candy;13216206:
هو كريم اللي بالسيليكون اسمه ايه؟؟؟ونازل بكام؟

intense protection بالسيليكون وشمع العسل
و نازل ب14

Dr:Candy;13216206:
هو كريم اللي بالسيليكون اسمه ايه؟؟؟ونازل بكام؟
وعايزه اجيب برسيف حريمي هي سعرها كام

الكريم سلسل قالتلك
برسيف نازلة ب 63.5 بروشور ياقمر (:

Nouna2002;13199157:
حاجاتك روعه ياميادة
عجبتنى جدا وزيك بافكر اجيب واشيلها
انوش من فضلك كنت محتاجة اعرف الزيوت اللى جبيتها من مين من التاجرات على الموقع التانى
وباقى الحاجات التانية الاسعار وانطباعك عنها
ربنا يكرمك يارب ياحبيبتى

مرسي ياقمر ولو فاضل على جوازك 6 شهور كده او 5 ابدئي شيلى

vetdody;13199747:
انا زعلانة جدا كنت جايبة ازازة ليتل بلاك وعمالة اعتقها وفجاة وقعت منى واكسرت قبل لما ارش منها رشوشة واحدة


برفان سيليبر الشهر الجاى رخيص اوى اية رايكم فية ولا فية حاجة احلى منة


وبرفن فاراواى انا بتعجبنى ريحتة لية مش عجباكو اصلى انا بحب ارش رشة صغنونة تدينى ريحة جامدة:D

متنزعليش ياحبيبتى فعلا برفيوم ليتل بلاك حلو وبينزل عروض كتير تبقي تجبيه
وفارواى بجد بلنسبالى برفان كريهه على قلبي هههههه بيوجعلى منخيرى لانه تقيل جدا

هتجنن يااخواتى;13215450:
معلش اول سؤال انا محتارة اشترى برفان تومورو ولا اوت سبوكن الجديد انتوا رايكم ايه؟؟؟

جيبى تومورو الحريمى دى تحفه وعرضها كويس نازل بنص الثمن وقليل لما بتنزل كده
لاكن اوت سبوكن ده لسه جديد وكمان مش نازل تخفيض كويس عليه

باربي 15;13215908:
ههههههههههههههههه وانا كمان يا اختي حاجاتي جت :p
ميرسي كتير اوووووي بجد يا مياده علشان عرفتيني علي البنوته السكر دي
انا جبت يا سيتي 2 ويش اوف لاف عجبني اووووووي بجد اول مره اجربه
واتنين برفان ايسنس الحمد لله طلع حلو وعجبني اوي واتنين بابل باث لافندر وسوفت بينك بس طبعا مش عرفت اشمهم زيك مش رضيت افتحهم وووووو اه وسيمبلي ديليكيت واتنين كريم رجل اللي هو المرطب العمييييييييق واتنين هاند كريم بالسليكون والبنوته اديتني هاند كريم كمان هديه
مش عارفه لسه في حاجات تانيه اشترتها بس مش عارفه افتكر

ههههههههه مبروك عليكى حاجتك بس البابل باث خرمت ثقب كده ببنسه شعر عشان اشمهم اصلى مش صابوره بس بقي اليه تحفه بابل باث الفروله خطير :thumbs_up: بجد
وهجيب منه علبه تانى بس لما ينزل عرض تانى
بس يا باربي انتى اشتريتى الكتالوج كله ولا ايه:lol:

اقتباس المشاركة الأساسية كتبها vetdody
انا زعلانة جدا كنت جايبة ازازة ليتل بلاك وعمالة اعتقها وفجاة وقعت منى واكسرت قبل لما ارش منها رشوشة واحدة


برفان سيليبر الشهر الجاى رخيص اوى اية رايكم فية ولا فية حاجة احلى منة


وبرفن فاراواى انا بتعجبنى ريحتة لية مش عجباكو اصلى انا بحب ارش رشة صغنونة تدينى ريحة جامدة:D

معلش فداكي يا قمر مش تزعلى هي بتنزل عليها عروض كتير ان شاء الله تعوضيها



اقتباس المشاركة الأساسية كتبها هتجنن يااخواتى
معلش اول سؤال انا محتارة اشترى برفان تومورو ولا اوت سبوكن الجديد انتوا رايكم ايه؟؟؟

تومورو زي ما ميودة ما قالتلك بالظبط

اقتباس المشاركة الأساسية كتبها باربي 15
ههههههههههههههههه وانا كمان يا اختي حاجاتي جت :p
ميرسي كتير اوووووي بجد يا مياده علشان عرفتيني علي البنوته السكر دي
انا جبت يا سيتي 2 ويش اوف لاف عجبني اووووووي بجد اول مره اجربه
واتنين برفان ايسنس الحمد لله طلع حلو وعجبني اوي واتنين بابل باث لافندر وسوفت بينك بس طبعا مش عرفت اشمهم زيك مش رضيت افتحهم وووووو اه وسيمبلي ديليكيت واتنين كريم رجل اللي هو المرطب العمييييييييق واتنين هاند كريم بالسليكون والبنوته اديتني هاند كريم كمان هديه
مش عارفه لسه في حاجات تانيه اشترتها بس مش عارفه افتكر

ههههههههه مبروك عليكى حاجتك بس البابل باث خرمت ثقب كده ببنسه شعر عشان اشمهم اصلى مش صابوره بس بقي اليه تحفه بابل باث الفروله خطير :thumbs_up: بجد
وهجيب منه علبه تانى بس لما ينزل عرض تانى
بس يا باربي انتى اشتريتى الكتالوج كله ولا ايه:lol:


مبروك عليكو يا قمرات كل الحاجات تتهنوا بيها وعقبال الاوردرات القادمة:celebrate:

هههههه ميادة انتى عاملة زيي مش اقدر اعد اتفرج على الحاجة لما اجيبها لازم اجربها :lol:

شكرا ياجماعة على الرد انا فعلا النهاردة شميت تومورو مع صحبتى فى الشغل وعينة اوت اسبوكن اللى كانت هدية فتمورو احلى ففكرت اجيب تومورو برفان واللوشن لاوت سبوكن ايه رايكم. بس عارفين انا كنت جايبة برسيف بس مش حبتها لانها شديدة وبعتها وعندى ريرجولد وبفكر برده ابيعها

انا بشيل البرفانات فى شنطة ميكب جوة صندوق للجواز يعنى بس طبعا رشيت منها رشة بسيطة اول لما جبتها عشان اشوف بامب الزجاجة سليمة ولا لأ تفتكروا يحصل لهم شئ او لقدر الله يبوظوا^o)

ميااااااده;13223732:
مرسي ياقمر ولو فاضل على جوازك 6 شهور كده او 5 ابدئي شيلى

متنزعليش ياحبيبتى فعلا برفيوم ليتل بلاك حلو وبينزل عروض كتير تبقي تجبيه
وفارواى بجد بلنسبالى برفان كريهه على قلبي هههههه بيوجعلى منخيرى لانه تقيل جدا

جيبى تومورو الحريمى دى تحفه وعرضها كويس نازل بنص الثمن وقليل لما بتنزل كده
لاكن اوت سبوكن ده لسه جديد وكمان مش نازل تخفيض كويس عليه

ههههههههه مبروك عليكى حاجتك بس البابل باث خرمت ثقب كده ببنسه شعر عشان اشمهم اصلى مش صابوره بس بقي اليه تحفه بابل باث الفروله خطير :thumbs_up: بجد
وهجيب منه علبه تانى بس لما ينزل عرض تانى
بس يا باربي انتى اشتريتى الكتالوج كله ولا ايه:lol:

هههههههههههه اه جبت شنطه مليااااااانه حاجات
بس مش عرفت افتح البابل باث علشان انا شايله كل الحاجات دي في شنطه والشنطه وضعها مش امن اوي يعني هههههههههه فخوفت يكون الكفر اللي بره ده مش كفايه ويتفتحو ويبهدلو باقي الحاجات وطبعا طبعا هيفضو كمان وازعل عليهم عاااااااااا
طب قوليلي يا ميوش الفراوله ريحته فراوله وبس ريحه هاديه ومقبوله يعني ولا ريحته سويتي ؟ اصل كلامك خلاني عاوزه الحقه هو كمان بالمره بس انا كنت شميت حاجات كده ريحتها فواكه كانت سويتي اوووووووي وانا الحاجات دي مش بحبها بتتعب معدت وتخليني اعمل حاجات مووووووووووش لطيفه :-#

هتجنن يااخواتى;13224916:
شكرا ياجماعة على الرد انا فعلا النهاردة شميت تومورو مع صحبتى فى الشغل وعينة اوت اسبوكن اللى كانت هدية فتمورو احلى ففكرت اجيب تومورو برفان واللوشن لاوت سبوكن ايه رايكم. بس عارفين انا كنت جايبة برسيف بس مش حبتها لانها شديدة وبعتها وعندى ريرجولد وبفكر برده ابيعها

دي برسيف كمييييييييييييييييييييله ومش شديده خالص دي هاديه ورقيقه موت
بس زي ما دايما العيال بيقولو هنا البرفيوم اذواق
ان شاء الله تجيبي تومورو وتعجبك وانا كمان هجيبها علشان بحب ذوق مياده اوي

هتجنن يااخواتى;13224944:
انا بشيل البرفانات فى شنطة ميكب جوة صندوق للجواز يعنى بس طبعا رشيت منها رشة بسيطة اول لما جبتها عشان اشوف بامب الزجاجة سليمة ولا لأ تفتكروا يحصل لهم شئ او لقدر الله يبوظوا^o)

لا ان شاء الله مش هيبوظو ولا حاجه بس لما تشتري حاجه تاني مش ترشي منها احسن
وخللي بالك من اللي انتي رشيتي منهم دول لازم تشيليهم واقفين كويس مش مايلين علشان البنات قالو لو جربتيهم والازازات مالت ممكن تسرب والبرفيوم يخلص

قوليلي يا عيال حد جرب مجموعة فور من البلسم والجل والفوم ؟ لو حد جربها لجوزها يعني ولا حد من اخواتها يقولي حلوه ولا ايه علشان لو حلوه اجيبها الشهر الجاي وكمان مجموعه من نيفيا
وكمان مجموعة توتال راديانس لكل انواع البشره كريم الليل والنهار حلوين ولا ايه ومناسبه اصلا لاي سن ولا بردو فوق ال 25 وكده ؟
واخر حاجه برفيوم ويلدرنس حلو ولا ؟

بنات
انا ناسيه ان المفروض ليا عينة من برفيوم اوت سبوكن لان جبت جليمر ستيك
النهاردة لقيتها فالشنطة وانا نسياها اصلا

بوصو بئه انا جربتها لايف يعني مش من الكتالوج

البرفيوم دا مش هقول عنه غير


وهمييييييييييييييييييييي


كل برفيومز ايفون في كفة ودا في كفة

Nouna2002;13234764:

متشكرة ياانوش على ردك ياحبيبتى
ماشاء الله شرح وافى بالتفصيل كنت محتاجة بس اعرف اجيب منين الاسكينولل والزيت التريشوب معلش انا اسفه كل شوية بضايقك
ومن فضلك ياحبيبتى كنت محتاجة اعرف اشيك برفانات ايفون ضروررررررررررى
وايه اللى عليه عرض الحق اجيبه

العفو حبيبتي
بوصي الترشوب والاسكينول هتلاقيهم عند التاجرات او لو ليكي حد فالسعودية ممكن يجبهولك
والتاجرات بتبيع الاسكينول ب 15 والترشوب ب 20 ج

اشيك برفيومز في ايفون وموجودين في بروشور نوفمبر 10-10

ليتل بلاك دريس بنص التمن
اوت سبوكن عليها اللوشن هدية
والبنات بتقول تومورو حلوة بس مش جربتها ودي نازلة بنص التمن بردو

بالنسب للبروشور اللي شغال حاليا اغلب البرفيومز اللي فيه هاديه وسوفت يعني بناتيتي وتنفع لخروجات الصبح او البيت مش زي الكولكشن اللي فوق جامد وشيك وعايز مناسبات

برسيف حلوة ب 63.5
ويش اوف لاف ب 50.5
ويش اوف هابينس 50.5
ليتل وايت دريس حلوة اوي اوي ب 75 ج