بيتى اتخرب وانا بنهار

الله يهدي سرك خلي طرف من اهك يكلمة وبلاش تتكلمي انتي والتفاهم بالعقل افضل من العصبية حاولي ترخي شوي زوجك عصبي بس بيحبك :woo:

الله يهديه ويصلح بينكم

طنشيه افضل ..

عزيزتي ..

انا لسه مش عارفه انتي متمسكه بالراجل ده على اي اساس ... هو لو اصلا .. فيه ذرة احترام .. ماكنت مد ايده عليكي قدام مماتك واهلك ....

يا ختي .. الباب الي يجي منه الريح سده واستريح .. وهو مش اول ولا اخر راجل يا اختي .. بالنسبه لي .. الي حصل هو صلاح في حقك ... وصدقيني .. خيره لك..

بلاش بهدله في نفسك وذل ... ليه وعشان ايه... عشان خاطر زواج.. يا اختي .. محدش يقدر يعيش بالطريقه دي بكل التنازلاات دي .. اشتري نفسك بئه وخليها غاليه ولو مره في حياتك..

وخليه .. يخبط راسه بالحيط .. ماكانش المفروض اصلا يمد ايده .. مش بس يعتذر عن تصرفاته..قدام مماتك..

ياليت يا اختي تعيدي التفكير في حياتك.. هل انتي فعلا مرتاحه معاه !!؟
هل انتي راضيه بشخصيته ومحو كرامتك بالارض..

تحياتي

ام جنى

لا حول ولا قوة الا بالله


انا مش فاهمه اصلا هو في اية ؟؟؟ اية اللى حصل لكل دا ؟؟ دا بيتلكك بقى ,,,,,,,,,


من الاساس انتى اللى ليكي حق تزعلى لانة اهانك وضربك ومحترمش انك مراتة وكمان محترمش وجودك فى بيت اهلك وادامهم كمان يضربك

بجد انا مستغرباة جداااااااااااا كل دا علشان شاي بليمون او ليمون بس ؟؟؟؟؟

اللى انا شيفاة انة اصلا بيتلكك ... ومش عارفة اقولك اية بجد انا عارفة ان الموقف صعب جدا عليكي ربنا يقويكي ويعينك ,,,


لكن صدقيني انا شايفة ان الموضوع مش يستاهل انة يضربك او انة يطلقك علشان شاي بليمون

والاحسن انك تفوضى امرك لله,,, محاولة اخيرة شوفى حد كبير من اهلة ويكون عادل وخلى باباكى يدخلة فى الموضوع ,,, مش علشان اى حاجة ولا علشان يرجعكو لبعض لكن علشان تفهمى فى اية ولية كل دا ,,,, ابسط حقوقك انك تعرفى بيتك لية اتخرب ,,,,

ولو قدرتو توصلو لحل كان خير ,,, لقيتو نفس المعاملة والرد ,,, يبقى سيبية وامرك لله ,,, لانة بالطريقة دى يبقى مش شاريكي ,,,

ربنا يعوضك احسن منة ويجعلك كل خير مكان ما تروحي

لا اله الا الله

بس معلش حاولى تفهميني اية اصلا المشاكل بينكم ,, ومتجوزين من اد اية ,, وبينكم اولاد ولا لا ؟؟؟

ربنا يهديلك كل عاصى ويحنن قلبة عليكي ويرحمك

حبيبيتي انتي ليه عم بتعذبي نفسك كده .. هوا اللي باعك .. واللي يبيعك بيعيه برمل .. هوا اللي اختار هالشي وهوا اللي اختار انه يمشي ويروح عنك .. ماخلاص بطلي تعذبي نفسك كده انتي تعذبين نفسك وهوا يفرح ليه ؟؟ هوا اللي راح يرجع لج وهوا اللي بيندم عشانك لانه انتي كلمتيه كتير اوي وذليتي نفسك له ؟؟ عاوز ايه اكثر من اللي سويتيه ؟؟ ريحي روحك وادعي الي فقلبك ف الصلاة وتمسكي بصلاتك اكثر .. الله يوفقج ياربي

سلمى امرك لله وهو الى راح يندم عليكى اكثرى من الصلاه والاستغفار وربى يكتبلك الخيير

شكرا لكم جميعا اخواتى بس بجد انا تعبانه اوى اوى بتقطع من جوا اصل مامته مش طايقانى خالص وحاشره نفسها فى كل حاجه غسلتى ايه طبختى ايه سايبه طباق فى الخوض ليه وانا كنت مش بديها فرصه لكده وكمان هو عنده مشكله بسيطه شويه بطئ فى الاستيعاب يعنى عاوز حد يشرح له براخه اوى علشان يفهم وانا كنت بعمل ده معاه كانه طفل صغير والله وكمان هو ساعات بتفوت عليه شويه حاجات يعنى ممكن يخش على الناس كده وخلاص من غير حتى مايقول السلام عليكم فانا ساعات كنت بوجه فكانت مامته بتزعل وتفتكر ان شخصيتى قويه عليه بس هو كان بيفوته حاجات كتير اوى يعنى مثلا لما كان يجى ضيوف عندنا لازم اقوله قول لهم اهلا وسهلا انتوا منورين لو انا مش قلت هو بيقعد ساكت خخالص حتى مش بيفتح كلام معاهم لدرجه ان خالى قالى هو بيضايق لما بنيجى نزورك لكن الحقيقه ةهو مش بيعرف يتعامل مع الناس ويتكلم وكده يعنى ممكن فى المكان لو مافيش حد كلمه يفضل قاعد ساكت خالص ووالله كنت مش مضايقه منه لانه معايا كان بيتكلم صحيح كنت بتحرج قدام الناس وعلشان كده كنت بوجه شويه بس مامته بتفتكر انى بفرض شخصيتى عليه اصل هو على طول اى مشكله كان يجرى عل مامته ويحكى لها والله كنت مستحمله وعايشه يمكن كان فى شويه مشاكل لان مامته فهمته انه لما بوجه يبقى انا اقوى منه ده حتى كان عنده مرض ومش بيخلف والدكتور بتاعه قال الموضوع هايطول شويه واستحملت والله يمكن فى الاول زعلت بصراخه وقلت انى مش هاكمل معاه بس بعد كده قلت له انا معاك ومش قلت حتى لاهلى اى حاجه حتى دى ماشلهاش ليا كمان الشغل لما اتخطبنا كان عنده محل وبعدين خسر فباعه وبعدها اشتغل حاجات كتير ومش نفع فيها لحد انا ماوسط ناس للمدير فى المستشفى اللى كنت شغاله فيها لحد ماعينته فيها وكل الناس قالت عنه بطئ اوى مش بتاع شغل لكن انا كنت بدافع عنه على طول كزا مره المدير اشتكالى منه وقلت له معلش علشان خاطرى كل الحاجات دى ليه مش افتكرها ليه مافيش اى حاجه حلوه او لحظه حلوه عاشها معايا تخليه يرجعنى او يحن حتى ليا بمكالمه تليفون نفسى اسمع صوته فكرت اتصل من اى تليفون اسمع صوته واقفل بس اكيد هايعرف انه انا ومارديتش اتصل ليه هو مش حاول يكلمنى يسمع صوتى ليه انا هاموت عليه وهو قسى كده هو مش كان كده ةابدا حسبى الله ونعم الوكيل ده كان كل شويه لو بره يكلمنى لحد ما يرجع وكمان مامته قالت لعمى انه بيدور على عروسه وهو قالى بدر وهلاقى واحده ماتقعدش توجهنى كانى طفل صغير ووهلاقى معقول هايقدر يحب ويتجوز واحده تانيه مش هايفتكرنى خالص ولا ذكرى معقول انا هاتجنن مش عارفه اعمل ايه

للاسف انا شايفه شخصيتة ضعيفة جدااا ,,,

واستنتاجى ان مامتة اللى ورا كل دا ,,,,

وصدقيني اى واحدة هترتبط بالشخص دا هتتعب اااااااااااوى ,,, الا لو كانت هيا كمان زية ملهاش اى شخصية ,,,,ووقتها مامتة هى اللى هتحركهم هما الاتنين ,,,,والحياة هتمشى هادية بيهم لكن طبعا دى مش حياتهم هما لا دى حياة مامتة بتعيشها من خلالهم ,,,,

بس معلش انا عايزاكى تقوى شوية عن كدا وبلاش تقولى لية ,,, قولى هو مش يستاهلنى ,,, وانا احسن منة وربنا هيعوضنى خير ,,, ربنا يعوضك خير عاجلا يارب


وخليكي متاكدة ان ربنا مش بيضيع حق حد ,,, هو الواحد الحق ’’

ربنا يهديلك حالك ويهون عليكي كل صعب

هو ايه اللي حصل بالضبط عشان ده كله؟!!!!!!

يا اما جوزك بيتلكك وشايفله شوفه يا اما انتي في حاجة عملتيها ومقولتيش عليها, لان تصرفه ده تصرف مجانين.

اعطي لنفسك فرصة تفكري بهدوء لان اللي عمله ده دليل على انه بايعك وملوش كلمة في بيته واللي زي ده خسارة فيه دموعك

انا قريت ردك التاني وبصراحة شخص زي ده مفيهوش اي ميزة تخليكي تتمسكي بيه وتعوزي تبوسي رجله عشان يرجعلك

انتي بنت اصيلة والعشرة مش هاينة عليكي لكن للاسف هانت عليه , شيليه من دماغك ومترجعليهوش الا لما ييجي ويعتذرلك انتي واهلك

الراجل اللي ميصونش كرامة مراته ميتزعلش عليه,انا عارفة انك تعبانة نفسيا بس فترة وتعدي ان شاء الله

ربنا يصلحلك الحال ويهديه

بصراحة يا قمر انا مش شايفة ميزة واحدة تخليكى تزعلى عليه كده
انتى ممكن تزعلى من الغدر و نكران الجميل وبكرة تروقى ان شاء الله بس تزعلى عليه هو لأ ميستاهلش التفكير فيه اصلا

فوضي أمرج لرب العالمين
والله هو الخســران ,, الامور ما تنحل جذي ,,
واذا توافهه المور يحلهــا بالضرب والإهــانه
لو بكره أو اللي بعده صادفتكم مشكله كبيره لا سمح الله شراح يسوي ؟؟

اللي مايبيج لا تركضين وراه
والله يعوض عليج بالزوج الصالــح

هذه الاشكال ما عليها اي حسافه والله يعوضج بالي احسن منه

ربنا يهديكى ويهدى سرك والبنات عندها حق حاولى تصلى استخاره وحاولى ترتبى امورك وتعيدى زكرياتك

اه يا ناري حاسة بنار شاعلة فيا

تصرفات جوزك و مامتو تخلي الواحد يرتكب فيهم جريمة من غير شعور

أنا الأشخاص إلي متل هالنوعية يستهلو يداس عليهم ..

استغفر الله ... كلهم عيوب و أغلاط .. بس إنت الله يهديك من طيبتك إلي عطيتهم قمة و هما ميستهلوهاش أصلاً

في متل مغربي بيقول ،،، رضينا بالهم و ألهم ما رضا بنا

المعنى انك استحملت القرف و الهمجية منهم و هما لسة طالعين فيها و كا إني مافي أحد قدهم

الله يخدلك حقك منهم و ينصرك عليهم و مرة تانية لا تخلي أحد مهماً كان ينزل ادو على وجهك

الوجه مصحف مو كل من هب و داب يصفق فيها ..

والله زعلت عليكي و راح أدعيلك الله يخدلك حقك أمين يا رب

أنا اسفة على كالمي بس عنجد حسيت بغضب كبير

و طمنيني عنك بأخر الأخبار

اخواتى جميعا شكرا لكم على وقوفكم جوارى كلامكم بجد فرحنى اوى بس لالاسف الموقف صعب اوى لما تلاقى حياتك كلها بتنهار قدامك والعفش بيتقفل تانى ويتربط والبيت فضى والراجل مش موجود وكل حاجه راحت حتى الذكرى الحلوه لالالاسف مش عاوزه افتكرها علشان بموت لما افتكر وهو ناسى كده ده لو كان بعد الشر مات كان ممكن يكون اهون عليا على الاقل كنت هافتكر كل حاجه كويسه واصبر بيها على الايام لكن كده حتى الذكرى حرمنى منها حسبى الله ونعم الوكيل

ادعولى ارجوكم ربنا يصبرنى على اللى انا فيه وينسينى ويعوضنى بزوج صالح عاجلا غير اجل بالله عليكم