كيوت لولا;13163101:
لولا رايي اختاري اللون مع الكوافير و هاتي انتي الصبغه عشان تجيبي نوع نضيف احسن و تحافظي على شعرك
و ياريت تسالي غلى فرد تشي انا لفكر فيه
كيوت لولا انا هاسال واجمع معلومات عن فرد تشي واكتبها هنا عشان كلنا نستفاد ان شاء الله
ساره افندي;13164108:
بصي انا مقدره كل كلمه بتقوليها لاني مرت بيها
ومن رائي بجد انك لما تصبغي اول مره متعمليش لون اوفر وفاتح انتي هتستغربي نفسك اوووووووي ومش هتتعودي بسهوله عليه
خصل ولا ضبغه ده حسب وشك وايه اللي يليق عليه الموضه حاليا اللون الواحد
انا بحس اللون الواحد الفاتح اللي هوا البني الفاتح احلي واشيك بحس الفواتح والاصفرات ديه بتكبر الواحد
وانا اول مابدائت اصبغ عملت هايلايت بس وكمان لما صبغت تاني مره عملت خصل وكانت في خطوبتي الفرح بقا ظربت صبغه وخصل
الخصل بتبقا هاديه وشيك بس حسب بشرتك يعني لو سمره مش بتبقا حلوه وكمان مش بتبقا حلوه لما الخصل تبقا فاتحه اوووي علي ارضيه سوده اللي هيا الشعر الاساسي
والهايلايت هوا تفتيح الشعر او الخصل بدرجه افتح من لون شعرك الاساسي بدرجه
بس الكوافيرات شغالين هايلايت يعني خصل واظرب
بصي بدل اول مره من راي يالون فاتح شيك وهادي بس مش اصفرات طبعاااا بنيات
او خصل بنيات بردوه مش اصفرات
الاحمر والبنتناجني والالوان ديه مقدرش اقولك عليها لان معرفش وشك هيليق ولا لا فيها
وشوفي الكوافير هتقولك ايه لانها بتبقا خبره شويه وبتعرف ايه اللي يليق عليكي ده في حاله لو بتفهم
موضوع اجيب صيغه من بره ده يعبر فاشل شويه لان زي ماقتلك الكوافير واخد علي نوع ومقادير معينه زي الميك اب كده
ولو قتلها اجبلك الخامات هتقولك علي اللي بيستخدموه الكوافيرات نادرااا جدااااااااا لو قالت ليكي علي نوع بيتباع في كل حتا ومعروف
انا مش عايزه احبطك بس انا بقولك كل الحاجات اللي ممكن تقبليها علشان تبقي عندك معلومه وده صدقني عن تجربه وتخبيط في الكوافيرات
بخصوص الصبغه انا اشتريت من دبي صبغه رويال الاصليه وكانت غاليه وادتها لكوافيره تعملها ليا
طلع لون زفت قالت ليا بمنتهي البساطته انا مليش دعوه انتي اللي اخترتي اللون مش انا
والتخليط ده مش اختراع يعني عادي انا مش ممكن الخبط اناقتلك اعملك انا ن اوله رفضتي
وانا علشان دماغي جازمه
استنيت اللون راح واشتريت نفس الدرجه والماركه وعملتها في البيت صدقني طلعت روعه بجدددد وحتا هيا لما شافتها قالت ايه الالونات الحلوه ديه انتي عملتيها عند مين وبقيتي تعملي بره
قتلها لا ده نفس اللي جبتهالك وانا اللي عملتها قالت لا يبقا ضفتي حاجه قتالها لا
قالت يبقا بقايا اللون القديم عمل شغل معاكي
انا دوشتك بس حبيت ارسيك علي حورات الكوافيرات وكمان كل البنات تعرف اللي بيحصل
دلوقتي طالعه موضه ان الكوافيرات بتعمل باليت وده بيطلع كويس
الفوليم
ده بتعمل بموس وسشوار بعدها
يابتعمل اكستنشن جوه الشعر وده للافراح اكتر
يابتكون الشعر خشنه وبترفع نفسها بشويه سشوار ولف
واخر حاجه مشط البف
ده كله ممكن يعمل فوليم
انا شعري ناعم ومش بثبت فيه لف نهائي حتا الاطراف وحتا لو مقصوص كمان
فالما قصيت حطت موس وسشوار ولف وانا طبعا رضيت بلموس لان طبعا عايزه كنت اشوف القصه وهيا بكل اناقتها وكل لمساتها
تشي انا مجربتش منهم فرد ولا جربت فرد عمومااااا جربت منتاجات عنايه للشعر
بس لو عايزه الاتنين صبغه وفرد هتهلكي الشعره وحرام
حاولي تشوفي الاوليه عندك
البنات هنا جروب نوع فرد واكتر من واحده عاجبها ممكن تساليهم النظام بتعه ايه وهما مش هيقصروا
كمان انا لاقيت واحده كانت في منتدي تاني بتشتكي اوووي من فرد تشي بتع الاطفال بوظ شعرها وشعر بنتها
فايريت تسالي اكترررر
اسفه لو كنت رغيت كتير وازعجت البنات
ساره بجد جزاكي الله كل خير يارب :thumbs_up::thumbs_up::thumbs_up::thumbs_up::thumbs_up:
كفيتي ووفيتي ومش افدتيني انا بس لا انتي افدتي كل البنات انا سيفت ردك ده عشان يبقي مرجع ليا لما اجي اعمل شعري جزاكي الله خيرا ياقمرF:F:F:
كام سؤال كده علي الماشي ممكن تحطيلي صوره فيها موديل عامله هايلايت بس انا مش متخيله شكله لوحده دايما بشوفه مع لون عشان كده الصوره بعيده عني خالص
انتي ماتعاملتيش مع اي كوافير في القاهره في موضوع الصبغه ده لاني قلقت من برستيج بعد ردك لازم اسلم شعري لحد اكون سمعت خير عن شغله في حته الصبغه
سؤال اخير ساره هو كتر الصبغه والفرد والسيشوار بيخلي الشعر يبيض اسرع؟
جزاكي الله كل خير علي افادتك ليا وللبنات كلهم ياجميل
