تجمع بنات مصر للعنايه بالشعر لشهر شوال

السلام عليكم انا هتجوز قريب وعايزة اعرف ازاى اعطر شعرى واخلى ريحته حلوة انا بستعمل زيوت طبيعية بتخلى ريحته مش حلوة عايزة اعرف انواع الشامبوهات اللى ريحتها قوية وبتفضل فى الشعر ولو فيه طريقة لتعطير الشعر جربتوها ياريت تقولولى عليها

b0nb0n;13110410:
انا جربت النخاع وهو تحفة

طيب ياقمر ايه تاثيره علي الشعر يعني بيعمل ايه وكده يعني وكمان سعره كام وحجمه قد ايهF:

rody88;13110954:
بناااااااات انا شعرى متدمر بقى متقصف بطريقة غريبه و شكله بقى وحش جدا و بيفع يكميلت رهيبة انا مش عاؤفة اعمل ايه بصراحة نفستى تعبت منه و عندى فى اول الشعر بدأ يخف و عمرة مكان بالمنظر ده مس عارفة بقى ساعدونى بجد فى حلول ليه

الحال من بعضه يا رودي بجد حاولي تقصي المقصف ده وكمان جربي الحنه حلوه للشعر بجد وحمامات زيوت زيت خروع وزيت سمسم وزيت زيتون جوز الهند دول من تجاربي احسن زيوت للشعر وحاولي مش تشدي شعرك لوراء علشان مش ينحل من قدام
وجربي حمام كريم كويس يعني وربنا معانا

tanos;13111821:
السلام عليكم انا هتجوز قريب وعايزة اعرف ازاى اعطر شعرى واخلى ريحته حلوة انا بستعمل زيوت طبيعية بتخلى ريحته مش حلوة عايزة اعرف انواع الشامبوهات اللى ريحتها قوية وبتفضل فى الشعر ولو فيه طريقة لتعطير الشعر جربتوها ياريت تقولولى عليها

انا مش عندي فكره بس انت لو بستعملي الزيوت كدهان يومي مش حمام كريم اكيد هتزيت شعرك ووهتعمل فيه ريحه الزيت المفروض حمام زيت بس مش اكتر قبل غسيل الشعر
ان شاء الله البنات يفيدوكي اكتر

دعوة للتفاؤل;13109833:
مش جربت منهم حاجه ولاحتي شامبوهات انت جربتي منهم او الشامبوهات بتاعت هير اكس دي



بصي ياقمر كريمات عندك كازنوافا حلو وبارشوات انوش شكرت فيه بتقول عليه ملمسه خفيف ومش دهني وطبعا فيه بالمزر بس ده تقيل وفيه فاتيكا بالحنا واللوز تقريبا وفيه ايفا بالعسل

اللي عاجبني اووي هو كازنوافا بصراحه وان شاء الله هجرب بارشوات

لا مجربتش اسبريهات ولا شامبوهات
اصل عاجبني واحد لونه اصفر تقريباااا بتع العنايه من الرطوبه والحراره
كان في اكتر من بنتوته جربوه الاسبريات ديه شفتها من المشتريات بتعتهم بس محدش قال الاستمرار ايه اخباره معهم وللاسف نسيت اسمائهم

يارب وفقني مرمر;13108920:
مبروك الجزء الجديد

بنات مكوة الشعر من هنا ارخص ولا برا؟؟؟

والله مافيش فرق خخالص جبت واحده من هنااا ولقيتها نفس السعر في مصر

maryameya;13109273:
السلام عليكم
انا مبسوطة اني لقيت التجمع دا وأول مرة أدخل هنا
ياريت يا بنات حد يرد عليا
كان في عضوة قالت على زيت جوزالهند cbc اللي في صفيحة انها لقته في الازهر عند ظاظا وبعتهلها ميسج بس مردتش عليا
ياريت اللي تعرف عنوانه ايه بالظبط أو الزيت ألاقيه فين وبكام يبقى ربنا يجازيها خير

ربنا يكرمكم محدش رد عليا برده بيتهيألي انكم رديتوا على كل واحده دخلت إلا على سؤالي
متشكرة جدا على ذوقكم

دعوة للتفاؤل;13113122:


انا مش عندي فكره بس انت لو بستعملي الزيوت كدهان يومي مش حمام كريم اكيد هتزيت شعرك ووهتعمل فيه ريحه الزيت المفروض حمام زيت بس مش اكتر قبل غسيل الشعر
ان شاء الله البنات يفيدوكي اكتر

لا انا بستخدمها كحمام زيت مش دهان يومى وبغسل شعرى بعدها بشامبو صانسيلك وقبل ماينشف بشوية بحط مسحة كريم عليه علشان مش يهيش بس دة اللى بعمله وبرضه ريحته مش قد كدة عايزة اخلى ريحته حلوة ومش عارفة اعمل اية ومش عايزة اتهور وارشه برفان يبوظ اكتر ماهو بايظ ياريت اللى تعرف تقولى وبجد اية الشامبوهات اللى ريحتها فعلا قوية وبتفضل فى الشعر معلش طولت عليكم بس ياريت تردوا عليا F:

ازيكم يابنااات كل سنة وانتو طيبين
حد فيكم جرب حمام كريم منك بتاع دكتور الشبراويشي ؟؟؟
ومعلش انا هسالكو سؤال سالته يجي ميت مرة:-#:-#
انا قولتلكو قبل كده ازاي استخدم بالمرز قبل المكوة قولتولي اسخنه في حمام مائي طب ازاي اسخنه ازاي يعني احط علي مية ازاي قولولي معلش وحاجة تانية لو عاوزة ادهن شعري حاجة بعد الكوي ادهنه باي كريم عادي ولا ايه ؟؟؟؟؟؟؟؟؟

eng.hagor;13115449:
ازيكم يابنااات كل سنة وانتو طيبين
حد فيكم جرب حمام كريم منك بتاع دكتور الشبراويشي ؟؟؟
ومعلش انا هسالكو سؤال سالته يجي ميت مرة:-#:-#

انا جربت حمام مينك اللي بالصبار .. والصراحة حسيته عادي جداً
خصوصاً ان شعري جاف جداً
بس في ناس بتشكر في اللي بجوز الهند و زيت الحيه
واحتمال اجربهم

انا قولتلكو قبل كده ازاي استخدم بالمرز قبل المكوة قولتولي اسخنه في حمام مائي طب ازاي اسخنه ازاي يعني احط علي مية ازاي قولولي معلش وحاجة تانية لو عاوزة ادهن شعري حاجة بعد الكوي ادهنه باي كريم عادي ولا ايه ؟؟؟؟؟؟؟؟؟

هند2;13115622:

بصي انا مجربتش بالمرز ده
بس حمام مائي معناه إنك تجيبي حلة مثلاً .. وتحطي فيها ماية وتسخنيها علي النار لحد ما تغلي
وتحطي عليها إناء زجاجي من فوق يغطيها .. وتحطي داخل الاناء علبة الكريم وهيا مقفولة
وبجد هتلاقيه ساح معاكي خالص
وبالتوفيق

طب انتي جربتي ايه ياهند قبل الكوي ؟


332a755a-fb76-47bd-85c0-58b7fee71609
1.03.01

eng.hagor;13115680:

طب انتي جربتي ايه ياهند قبل الكوي ؟


332a755a-fb76-47bd-85c0-58b7fee71609
1.03.01

ميرسي يا ميكووو

كل سنه وانتم طيبين ياقمرات يارب السنه الجايه اللي ماتتخطبتش تتخطب واللي مخطوبه تتجوز واللي متجوزه تخلف وتحققو كل اللي نفسكو فيه يارب اللهم امين يارب
انا كنت عاوزه اسالكم علي شويه حاجات كده انا عمري ماصبغت شعري حتي لما اتجوزت معملتش فيه اي حاجه غير اني سشورته يوم الفرح قلت اخلي الصبغات والحركات بعدين الحمد لله اتجوزت وخلفت دلوقتي بقي عاوزه ااقص شعري وافرده واصبغه لان شعري طويل ومقصف اوووووي ومالوش منظر ودايما بلمه كحكه جوزي طبعا اتخنق وعاوزين لوك جديد
انا بشرتي فاتحه يعني بيضاء البشره ايه الالوان اللي تليق عليا في البنيات والاحمرات لاني بحس الاصفرات دي للشقر مش لينا غير اني مابحبهوش خالص ممكن تحطو درجات الوان
عاوزه قصه شعر تليق علي وش مدور يكون الشعر فيها طويل مش قصير يعني معدي الكتف
اهم سؤال عاوزه كوافير كويس في مصر الجديده او مدينه نصر ااقص شعري عنده واعمل صبغه
يارب اللي ترد عليا ربنا يحققلها اللي بتتمناه يارب

[BACKGROUND="70 #000000"]
مبروك الجزء الجديد ياقمرات

وكل سنه وانتو طيبين وعيد سعيد عليكم:L:

هقولكم على حاجه بعملها علشان اخلى ريحه شعرى حلوه ومش شوفت منها اى ضرر لحد الان الحمد لله:D

بلف شعرى عادى وهوه مندى كدا واستنى لما ينشف وبعدين احط عليه برفيوم اللى بحطه تركيب لانه ريحته حلوه وهاديه وثابته اوى

المهم احط البرفان مش كتير يادوب رشه او رشتين على شعرى من بعد ماسكه التوكه وبعدين الف شعرى تانى طاقيه وافكه بعدها بكام ساعه ماشاء الله ع الريحه :adore:

اللى جرب الموضوع دا قبل كدا وحصله مشكله قولولى الحق شعرى ههههههههههه بس انا عملتها بتاع 4 مرات على فترات متباعده مش كل مره يعنى كل ما احب ادلع نفسى اعمل الموضوع دا:D
[/BACKGROUND]

معلش يابنات انا دوشاكم لو عاوزه اعمل نفس تسريحه البنت اللي في الاول اللي لابسه توب زيتي وقميص ابيض وعاوزاها تبقي دي تسريحه شعري علي طول ازاي بقي يعني اعمل ايه فرد ولا ايه يخلي ليا تسريحه شعر ثابته معلش يابنات انا معرفش في الدنيا غير السيشوار والكحكه وجوزي زهق مني اوي عاوزه اعمل لوك جديد
ربنا يحققلكم كل اللي تتمنوه يارب اللهم امين

بنات هو الكيراتين سعره كام دلوقتي

اتغير و لا زي ما هو

و كمان فرد شي دا بكام و منين

و اللي جرب سوفت اند بيوتيفل الشعر الجديد اللي بيطلع بيبقى اخباره ايه و لو مكرتوش هيكون في فرق كبير بين الشغ\عر الجديد و الاقديم

و كمان طلب ممكن حد يحطلنا صورة للشكل النهائي

بيكون واقف كده و لا شكله طبيعي

و شكراااااااااااااااااااااااااا

ازيكم يابنات عاملين ايه كل سنه وانتم طيبين

انا ليا كام تجربه هقلكم عليها

بصوا بخصوص شامبو جليس انا فى الاول شكرت فيه جداااااااااااا وفعلا كان فى اول الاستعمال كان رائع جداااا هو والبلسم بس بعد كدا بقوا عادييين جداااا يظهر شعرى خد عليهم مابقتش احس باى فرق خالص دى حاجه

الحاجه التانيه بخصوص الفراغات الى فى اول الشعر انا عندى فراغ فعلا بقاله سنين بس لما لقيتهخ بيوسع والعمليه هتبو دورت على النت ولقيت بخاخ اسمه بيرفورما بتركيز 5%
وده افضل بخاخ ونتيجته سريعه بس محتاج استخدام لمدة طوييييييييييييلة يمكن توصل سنه
وكمان مافيش ضرر منه لو استخدم طووووووول العمر

بس طريقته بقى علشان لما تيجى تقطيعه انك توقفيه واحده واحده
يعنى تفضلى مثلا شهرين تلاته تستخدميه مرتين الصبح وبعدين مثلا شهر ولا اتنين بعديه تستخدميه مره فى اليوم وبعدين شهر مثلا 3 مرات بالاسبوع وهكذا لغايه ما تقطعيه خالص
انما توقفيه فجأه الشعر هيقع زى الاول وهو على فكره بيعلاج بردوا حالات الصلع الوراثى انا بستخدمه حوالى اسبوعين ونص اهو بدات الاقى شعر بينت ربنا يسهل واستمر فيه وتمنه 52 جنيه مكتوب على العلبه على فكره

بخصوص تعطير الشعر اسمع يابنات ان الافضل لو هتحطى برفان تحطى الزيوت العطريه نفسها من البرفان لانه بيبقى عليه كحول وده بينشف الشعر

حاجه اخيره انا استعملت كريم منك الى علبته برتقانى بجد حلووووووووووووو وحاليا حطيت عليه زيت زتون علشان نتيجه افضل


اسئلتى بقى

انا سمعت ان كل الشامبوهات فيها كلوريد الصوديوم والماده دى الى مسئوله عن تكوين الرغاوى وهى اصلا مؤذيه للشعر وبتنشفه للاسف وكل الشامبوهات والصابون عليه الماده دى
طيب دلوقتى ايه الحل انا مابعرفش استخدم المية او البلسم بس فى غسيل الشعر وبحب استخدم الشامبو علشان احس بالنضافه
سمعت ان شامبو تشى حلو ومش عليه الماده دى , حد جربه يابنات ؟؟؟؟؟؟؟؟؟

ولغاية ما حد يجربه عايزه شامبو حلو وبلسم علشان الى عندى قربوا يخلصوا بفكر فى فروكتس ايه رائيكم فيه

سورى طولت عليكم خالص :o

بنات عاوزة حمام كريم حلو ومتجرب
وبالنسبه لكريم بالمرز حلو اوى وفى منه كمان اللى هو فى صفيحه مش العلبه البلاستيك ام غطى اسود لاء غلبه صفيحه صفرا

جيهان123;13121498:


اسئلتى بقى

انا سمعت ان كل الشامبوهات فيها كلوريد الصوديوم والماده دى الى مسئوله عن تكوين الرغاوى وهى اصلا مؤذيه للشعر وبتنشفه للاسف وكل الشامبوهات والصابون عليه الماده دى
طيب دلوقتى ايه الحل انا مابعرفش استخدم المية او البلسم بس فى غسيل الشعر وبحب استخدم الشامبو علشان احس بالنضافه
سمعت ان شامبو تشى حلو ومش عليه الماده دى , حد جربه يابنات ؟؟؟؟؟؟؟؟؟

بصي يا بنوتة كلوريد الصوديوم ده اللي هو ملح الطعام العادي اللي احنا بناكله
الماده اللي انتي تقصديها اسمها صوديوم لوريت سلفات وهي دي اللي بتعلم الرغاوي وهي دي اللي بيقولوا عليها مضرة
عشان نتلافي ده انتي المفروض متحطيش الشامبو علطول علي راسك .. لأ انتي بتاخدي حبة وتخففيهم بالميه بعدين تستخدميهم
وهو الشامبو يعني عشان نغسل بيه مش عشان يطري فعادي لما تلاقي شعرك نشف انتي كده كده هتستخدمي حمام كريم او بلسم هو ده اللي بيطري الشعر

.. Hopes;13121666:
بصي يا بنوتة كلوريد الصوديوم ده اللي هو ملح الطعام العادي اللي احنا بناكله
الماده اللي انتي تقصديها اسمها صوديوم لوريت سلفات وهي دي اللي بتعلم الرغاوي وهي دي اللي بيقولوا عليها مضرة
عشان نتلافي ده انتي المفروض متحطيش الشامبو علطول علي راسك .. لأ انتي بتاخدي حبة وتخففيهم بالميه بعدين تستخدميهم
وهو الشامبو يعني عشان نغسل بيه مش عشان يطري فعادي لما تلاقي شعرك نشف انتي كده كده هتستخدمي حمام كريم او بلسم هو ده اللي بيطري الشعر

ايوا ياهوبس هى الماده دى
:D

عموما لو تعرفى شامبو حلو تانى قوليلى وبلسم

الا يوجد بنات بريطانية