تجمع بنات مصر لشهر شوال 1431 للاستفسارت عن الميك اب

yasema142;13228198:


انوش ازيك ياقمر
بصي الدرجة اللي انتي عايزاها موجودة عند رمييل و نفيا
وفي كلارا بس بتاعة رميل احلى
وفي ماركة سينيما عندهم
نعلش لاقادرة اصور و لااكتب ارقام وقعت وايدي مش بحركها بكتب باد وحدة
هاصورهملك بس اقدر احرط ايدي

ياقلبي الف سلامة عليكِ
بعد الشر عليكِ من اي تعب ولا وجع
معلش متتعبيش نفسك ويارب تخف بسرعة وترجعي تنورينا من تاني
وتسلم ايدك على الافادة منتحرمش منك يارب F:F:

صوت العيون ʚϊɞ ام سندس ʚϊɞ;13242499:
المناكيرات دى فى واحده ليها جروب بتبيعهم حلوين اوى وجربتهم والوانهم واضحه وجميله ما شاء الله

كلاسيك دي ماركة تركية زي جولدن روز بس مجربتش منها حاجة ولا شوفت منها في اسكندرية اصلا
البنت بتاعة الجروب دي بتبيعهم بكام يا مورو وانتي كنتي جيباهم بكام ؟؟

بصى الصغيرةب 10 والطويله ب 15
وحلوة اوى ونضيفه ما شاء الله

صوت ممكن تبعتي ليا الجروب

صوت العيون ʚϊɞ ام سندس ʚϊɞ;13242550:
بصى الصغيرةب 10 والطويله ب 15
وحلوة اوى ونضيفه ما شاء الله

ماشاءالله اسعاره حلو زي جولدن روز
المصيبة ان الاتنين مش متوفرين عندنا ومش ينفع اجيب عمياني كده
طيب لو معاكِ رابط البنت دي وحاطه درجاته زي الصورة واضحة كده اديني الرابط الله يكرمك

عايزة روج مات يكون حلو
وايه رأيك في ماي فير يا انوش جربتيه

فى روج مط جيبته اسمه baolishe لونه حلو اوووووووووووى وشيك هصورهولك ومش غالى تقريبا كان ب 5 او 6 مش فاكره بالظبط

baolishe ده يا صوت العيون نازل منه اشكال والوان نوع يبقى حلو ونوع يبقى وحش يا ريت تصوري لي الي عندك لأن فعلا اغلب الانواع الي بوفها اسمها كده ولا واحد شبه التاني لا شكلا ولا مضمونا

دى صورته يا جميله

جزاكي الله خير يا ام سندس
ده اكيد شكل جديد ليه لأن الي عندي لونه نبيتي مش دهبي من بره
حدور عليه انهارده لأنه منتشر قوي عندنا ويا رب الاقيه

بشرى 1981;13242782:
عايزة روج مات يكون حلو
وايه رأيك في ماي فير يا انوش جربتيه

بوصي ياقمر ماي فير من نفس كواليتي تشاو الوانهم المط جميلة بس كريمي مش بيعد ربع ساعة وتلاقيه ساح
في روج تحففففففة مش لقياه خالص كانت خطيبة اخويا جابتلي منه الطوبي الغامق ( البني المحمر ) اسمه midie حاجة شبه كده عايزة اقولك اللون بيعد معايا ساعات وهو مط ومش بيجفف الشفايف خالص
ياريت الاقي من الماركة دي بس دوخت عليها مش لقياها

طالما انتي دايخة عليها عندك يا انوش يبقى انا مفكرش خالص اني ادور عليه
انهارده جبت ماي فير معجبنيش خالص
ودورت على باولشي ملقتش منه

فيه واحده بتجيب حاجات من امريكا جديدة في المول اسمها
ChoCoPinK
عاملة موقع بس لسه جايبة حاجات بسيطة ومش بتجيب حاجات بالطلب
بس عندها مايبلين
و NYX

بشرى 1981;13254178:
طالما انتي دايخة عليها عندك يا انوش يبقى انا مفكرش خالص اني ادور عليه
انهارده جبت ماي فير معجبنيش خالص
ودورت على باولشي ملقتش منه

فيه واحده بتجيب حاجات من امريكا جديدة في المول اسمها
ChoCoPinK
عاملة موقع بس لسه جايبة حاجات بسيطة ومش بتجيب حاجات بالطلب
بس عندها مايبلين
و NYX

دي فين اسكندرية

بنااااات اخيرا نزلت النهاردة وجبت المانيكيرات اللي كنت عايزاها الحمدلله
اسيبكم مع الصور وعايزة اقولكم ان الالوان تحفففففة بس لما بتتحط عالايد كلها بيبان جمالها
فا مش تحكمو على الشكل بسبب اللخبطة كل صباع لون

الاولاني من اليمين ابيض مط من جوردانا عجبني اوي قوامة كريمي ومش تقيل ولا ملزق ماشاءالله

التاني لون قشر اللوز بالظبط من جوردانا بيندرج تحت الالوان الناتشورال لانه مقارب للبشرة القمحي شوية وشكله عاجبني جدا وبينشفو بسرعة ماشاءالله

التالت الابيض الميلكي من فلورمار تغطيته تحفة وقوامة وملمسه جميل وبينشف هوااااا

الرابع دا لمعه كريستالي من اماندا كان عندي منها الابيض ولاخر نقطه فضل زي الفل لا مكلكع ولا تقيل ولابايظ ولما حبيت اجدد اخترت الدرجة دي لان لونه سكري شوية مع لمعه كريستالي دهبي رقيقة لما جربتها على الوان مانيكير بيج اداني لون تحفة

الاخير بئه حبيب قلبي اخيرا لقيت اللون دا وهو بينك تحفة وعلى فكرة لونه فالحقيقة اغمق شوية صغيرة عن الصورة وزي ما شايفين من اماندا وعلى فكرة فرشتة روووووعة طويلة ومتماسكة التحكم فيها سهل جدا

بالنسبة للاسعار الاماندا 14 ج
جوردانا 16 ج
فلورمار كانو كاتبين 19 بس نزلتها ل 15 ج ودا طبعا لان اخدت حجات كتير

وكلهم من اوريجينال اللي فالزنقة



وهنا على ايدي



في حجات تانية جبتها بس بجد مش قادرة لسه جايه البيت ومن فرحتي حبيت اوريلكم المانيكيرات وان شاءالله بكملكم باقي المشتريات بوقت تاني (:

تتهني ياانوش بيهم لون امنادا البينك ده كنت دايخه عليه روحت المحل اللي بيجيب الماركه ديه ملقتش الدرجه ديه بس احنا بيبعها ب18ج
اخبار الابيض الجيري ايه حلو مش عامل زي البلستك ولو جربتي تعملي بيه فرنش قوللي اخباره لان مشكلتي في الفرنش الابيض الجيري بكلكع ومش بنشف بسهوله ولما تجي تشيلي شرايط الفرنش اللون الابيض ييطلع معها انا حغظ المشاركه بتعتك علشان درجه البينك في مقابلها نفس الدرجه في ماركه كلار بس مش فاكره رقمها بس زيها بلظبط بس للاسف مش متوافر اللون ده بردوه

ساره افندي;13256338:
تتهني ياانوش بيهم لون امنادا البينك ده كنت دايخه عليه روحت المحل اللي بيجيب الماركه ديه ملقتش الدرجه ديه بس احنا بيبعها ب18ج
اخبار الابيض الجيري ايه حلو مش عامل زي البلستك ولو جربتي تعملي بيه فرنش قوللي اخباره لان مشكلتي في الفرنش الابيض الجيري بكلكع ومش بنشف بسهوله ولما تجي تشيلي شرايط الفرنش اللون الابيض ييطلع معها انا حغظ المشاركه بتعتك علشان درجه البينك في مقابلها نفس الدرجه في ماركه كلار بس مش فاكره رقمها بس زيها بلظبط بس للاسف مش متوافر اللون ده بردوه

تسلمي يا ساره ربنا يخليكِ ياقمر
بوصي درجة البينك دي لما تدوري عليها قولي للبياعه لانهم بيخبوها ودي مش اول مره تحصل قبل كده بردو جبتهالي من الدرج مكنوش حطينها فالاستاند ومش بتتباع الا لما تطلبيها بنفسك
والبنت النهاردة بقولها عايزة درجة البينك المط الغامق راحت ضحكت هي وصاحبتها قالتلي احنا مش بنحط الدرجة دي الا للي بيطلبوها بالاسم لانها من الالوان التوب وراحت مطلعاها وقالتلي اخر واحده

الابيض الجيري حاضر انا كمان متشوقة ليه جدا وقلت للبت يعني مش هيكلكع قالتلي اضمنهولك لاخر استخدام وانا مصدقاها بصراحة لان كنت جايبه ابيض جيري من لودنمي وفضل للاخر زي الفل منشفش ولا كلكع نهائي فالماركة النضيفة فعلا فلوسها فيها

على فكرة اللون الابيض الميلك بتاع فلورمار دا مهم جدا يا سارة للي ضوافرهم قصيره لانه بيديكي تغطيه كاملة بلون الضفر الطبيعي فا اللي يشوفه مش يفرق بين الضفر وبين الجزء الابيض اللي فوق وبعدين تعملي الفرنش بالابيض الجيري ويكون جزء صغير يعني اكن ضفرك لسه بيطلع جديد مش تضربي الفرشه بعرضها المهم ان الحركة دي بتوهم اللي يشوفها انه ضفرك طويل وانا مجربه الحكاية دي وكنت بعملها لما بقص ضوافري ولاحظي فوق انا حاطة طبقة واحده بس ومغطي كويس انما لو حطيت كمان طبقة هيديني تغطيه كاملة وهيبان اكتر لما اعمل كل ضوافر والصورة الي كنت منزلاها قبل كده خير مثال ان شاءالله افوق بس كده واحط تاني واوريكم بصور جديدة

اللون اللي مظلوم اوي هو جوردانا النود د بجد فالواقع تحفففففة مش عارفة مالو فالصور بهتان ليه يمكن عشان محطوط جمب الوان مختلفة عنه لكن فعلا هو جميل اوي فالنور

وبشكل عام كلهم بينشفو بسرعة وفرشهم جميلة وان كانت اكتر فرشة ارتحتلها هي اماندا ولمعتهم جميلة خصوصا ان كنت حاطة بيس كوت فا لما جربتهم فالمحل البت قالتلي انتي ضوافرك بتلمع كده ازاي قلتلها عالبيس كوت قالتلي بجد مخلي المانيكير روعة

ما شاء الله اللهم بارك تحفة يا انوش تتهني بيهم يا رب
ذوقك حلو قوي
انتي وساره بتحبي المانيكيرات
انا بشتريهم ويتركنوا في الدرج لغاية ما ينشفوا بنساهم خالص
وبعدين اني اشيلهم باسيتون وجع دماغ
في حياتي كلها حطيت مرات معدودة
بنتي ساره بقى مهووسه بالمانيكرات كل طقم عايزة تجيب لونه وبتحط لوحدها عندها 5 سنين مجنناني البيت كله بقى بقع

ابقي صوريلنا باقي الحاجة بقى لما تفضي

انوش
المانيكرات حلوين اوى تتهنى بيهم يا رب
و كل سنة و انتى طيبة :087::025::083:


و اماندا فعلا عاملة الوان جميلة شفت الاصفر و اللبنى ههههههه
نفسى اجربهم بس مش لقيت الا الازازة الكبيرة


على فكرة مزيل المانيكر بتاع اوريفلام جميل اوى و مش بينشف الضوافر خالص و خالى من الاسيتون

أنوش;13258303:
تسلمي يا ساره ربنا يخليكِ ياقمر
بوصي درجة البينك دي لما تدوري عليها قولي للبياعه لانهم بيخبوها ودي مش اول مره تحصل قبل كده بردو جبتهالي من الدرج مكنوش حطينها فالاستاند ومش بتتباع الا لما تطلبيها بنفسك
والبنت النهاردة بقولها عايزة درجة البينك المط الغامق راحت ضحكت هي وصاحبتها قالتلي احنا مش بنحط الدرجة دي الا للي بيطلبوها بالاسم لانها من الالوان التوب وراحت مطلعاها وقالتلي اخر واحده

الابيض الجيري حاضر انا كمان متشوقة ليه جدا وقلت للبت يعني مش هيكلكع قالتلي اضمنهولك لاخر استخدام وانا مصدقاها بصراحة لان كنت جايبه ابيض جيري من لودنمي وفضل للاخر زي الفل منشفش ولا كلكع نهائي فالماركة النضيفة فعلا فلوسها فيها

على فكرة اللون الابيض الميلك بتاع فلورمار دا مهم جدا يا سارة للي ضوافرهم قصيره لانه بيديكي تغطيه كاملة بلون الضفر الطبيعي فا اللي يشوفه مش يفرق بين الضفر وبين الجزء الابيض اللي فوق وبعدين تعملي الفرنش بالابيض الجيري ويكون جزء صغير يعني اكن ضفرك لسه بيطلع جديد مش تضربي الفرشه بعرضها المهم ان الحركة دي بتوهم اللي يشوفها انه ضفرك طويل وانا مجربه الحكاية دي وكنت بعملها لما بقص ضوافري ولاحظي فوق انا حاطة طبقة واحده بس ومغطي كويس انما لو حطيت كمان طبقة هيديني تغطيه كاملة وهيبان اكتر لما اعمل كل ضوافر والصورة الي كنت منزلاها قبل كده خير مثال ان شاءالله افوق بس كده واحط تاني واوريكم بصور جديدة

اللون اللي مظلوم اوي هو جوردانا النود د بجد فالواقع تحفففففة مش عارفة مالو فالصور بهتان ليه يمكن عشان محطوط جمب الوان مختلفة عنه لكن فعلا هو جميل اوي فالنور

وبشكل عام كلهم بينشفو بسرعة وفرشهم جميلة وان كانت اكتر فرشة ارتحتلها هي اماندا ولمعتهم جميلة خصوصا ان كنت حاطة بيس كوت فا لما جربتهم فالمحل البت قالتلي انتي ضوافرك بتلمع كده ازاي قلتلها عالبيس كوت قالتلي بجد مخلي المانيكير روعة

مبروكين عليكي يا قمر تتهني بيهم وطبعا لازم يكونوا حلوين زي صحبتهم تمام
البيس كوت ده بتاع جولدن روز ولا بتاع ايه

انا شوفتهم فعلا في اوريجنال اثناء جولتي السريعه هناك بس انت بتفصلي ازاي بقي يعني مع البنات اللي هناك ولا الواد اللي بيكون معاه الحساب ولاايه النظام علشان مش اروح ادفع الفلوس زي الشاطره كده مره واحده
تصدقي ان ده محل الوحيد اللي شوفته فيه انبولات ايفا بالناثينول مع اني سالت عليها في صيدليات كتير ومش لقتها

بشرى 1981;13259548:
ما شاء الله اللهم بارك تحفة يا انوش تتهني بيهم يا رب
ذوقك حلو قوي
انتي وساره بتحبي المانيكيرات
انا بشتريهم ويتركنوا في الدرج لغاية ما ينشفوا بنساهم خالص
وبعدين اني اشيلهم باسيتون وجع دماغ
في حياتي كلها حطيت مرات معدودة
بنتي ساره بقى مهووسه بالمانيكرات كل طقم عايزة تجيب لونه وبتحط لوحدها عندها 5 سنين مجنناني البيت كله بقى بقع

ابقي صوريلنا باقي الحاجة بقى لما تفضي

بشري اظاهر كل اللي اسمه ساره كده هههههههه
انا كان بنسيه ليا المناكير زمان اخره اي لون شيك وفيه لمعه كرستال
بعدين لما بقيت اتصفح النت واشوف مدونات الاجانب والاشكال اللي عملنها بقا عجبني اوووي واستهواني الموضوع جداااا
بقيت احط واشيل وبنفعني الصراحه في المواعين لان الاظافر بتعتي ضعيفه اوووي في المايه اي لمش للميه تتكسر
بس انتي جربي تحطي مناكير ساطحه ناعم ومش بيكلكع ولا باهت وبنشف بسرعه هتلاقي العمليه ممتعه
مكروته انا نفسي في اللونين اللي قولتي عليهم دول كانوا بكام وهل في زيهم في الكس انا مصدفتش اللونين دول من اماندا خالص