sachinka23;13183683:
اوووو c'est gentille كي خممتي فيا .... تعيشي حنونة واش راكي
bon ديجا اللي تدخل تقولي عيد ميلاد سعيد بروسي خخخخخ:lol:
+++++++++++++++++
أما ع اليوم واش نحكي واش نخلي يا يما يا يما .... :|
نبدا جات مانو وعمتو كيما قتلكم ... ايا بداو نورمال جازو قعدو مع ماما في الصالون راهم قصارين قالي قتلك قالي قتلك على كلش :confused:من بعد بداو فالصح بدات عمتو تهدر وتسقسي قتلوها بالاسئلة مسكينة ماما :p وانا راني نسمع من الكوزينة دافنة روحي:058: لبست كيما قتلكم السروال مع الفوقاني ديالو فروزي وبابوش ماشي اللي شريتو حسيتو شوية هابط لبست واحد طالع اعليه باش نبان شوية ... :K:سقمت شعري حكمتو que de chevale مع شعري فيه شوية les meche بقاولي سقمت لاماش ديالي bien يعني جاني مليح درت شوية résyle في عينيا برك وشوية برك احمر الخدود هههه:037: ونقطة rouge à levre باش ابانو rose في فمي هذا ماكان والله مانكذب اعليكم مانعرف لاصراتلكم ولالا طاح اعليا واحد الزين ربي يبقي الستر انا ونخلعت في روحي وجهي صافي مراية مادرت la fond de teint لاوالو الحمد لله .. :03:الحاجة اللي كنت خايفة منها وجهي تنوضلو كاش حبة ولا يخسرها اعليا:057: معليش نكمل راني نسمع واش راهم اقولو وحاكمة كرشي من بعد سرباتلهم ماما القاطو تاع شوكولا مع مادلان fouré من الداخل بالjus حطتلهم وبقاو اقصرو ويتفاهمو الخ..:098: من بعد قالولها ودوك مانشوفوش الطفلة:059: ارواحو نتوما وشدوني زعمة قلت اندخل السنيوة تاع القهوة تامنو غير ماقدرت نوقف...:047: جات ماماا قاتلي ارواحي راهم حبو اشوفوك زدت شت روحي للمرة الاخيرة في المراية:066:قريت آية الكرسي وتكلت على ربي ورحت تامنو غير شواربي يترعدو ماقدرتش ننطق رجليا تخبلو ركبتي تترعد:090: سلمت اعليهم وريحت غير شافوني عجبتهم قالولولي ايه علابيها يماك قاعدة تشكر فيك تم تبسمت:095: من بعد قالولي والله والو يماك قاتلنا كي تشوفوها نتوما احكمو ... :023:أمانو حكمتني قاتلي الله ابارك ماشاء الله ... قاتلي شوفي راني قتلو لوكان ماتعجبنيش الطفلة راني مانجيبهالكش واخبط راسك خخخخ:036: من بعد قاعدة عمتو تغزر وتميز وانا حاطة راسي والخلعة وكرشي والفرحة خالوطة
خخخخ:062: درتلكم جريدة:094: من بعد مانو قاتلي نوضي نشوفوك ياسيدي لا طويلة لقصيرة نتوشيك لسمينة لرقيقة هههه قتلتني بالضحك:037: وقفت شافتني مليح وتوشاتني من بعد باستني وقاتلي ماشاء الله ... ياخي عجايز ياخي:037: بصح نقولكم حاجة سكتهم داخلينها غير حنا وحنا دخلت اعليهم نخلعو خخخخخ:02: من بعد كنت رايحة نوض مي قاعدين غير اسقسو فيا ماقدرتش انوض ريحت معاهم حتى راحو وهدرت معاهم عادي:hysterical: من بعد قاتلي عمتو اعطيني تصويرتك باش اشوفوك الباقي c'est tt:study: واعطيتلهم لعمتو 2 خمارات وصابونة ولمانو باليطة وسبحة وصابونة والقاطو باسك ماحبوش ياكلو درنالهم في طبسي شباب وداوه معاهم هذا ماكان ودرتلهم ريحة وراحو وخلاصت الحكاية والحمد لله ..:o ولعقوبة لقاع البنات ان شاء الله..:016:
++++++++++++++++++++++++++
ملاحظة : نضت ع 6.30 تاع الصباح ومازلت سهرانة ... الخلعة واش ادير ههههههه
///////////////////////////////////////////////
خلولي ردود باش نقراهم ..^_^
صباح الخير
ما شاء الله عندك اسلوب جميل في الكتابة
انا هكذا صرالي نهار تخطبت بصح مداروليش التحاليل كيفك على خاطر خطيبي قالهم ماكان لاه هي ولا منتزوجش تخيلي انا لي رجعت نشوف فيهم و هوما حشمانين:lol:
بصح الخلعة حكمتني كي دخل باه يشوفني واش نقلك كرشي توجع و وذنيا يصفرو:worn_out:
الحمد الله كي فوتيهاعلى خير لعقوبة لنهار الدخلة ان شاء الله
