تجمع الجزائريات لشهر شوال

sweet nadir;13172582:
قولولي كيفاش ندير الاتقتباس:o:cool:

الاميرة شهرزاد الجزائرية;13172590:
مرحبا بيك مارساي

باينة راكي مع الصفحات لولين

شفتي ديك الحالة

الاميرة شهرزاد الجزائرية;13172600:
الرد لي تحبي ديري منو اقتباس شوفي تحتو في الجهة اليسرى تلقاي مربع احمر اكليكي عليه

نور الجزائر;13172593:
في اي رد من تحت على اليسار تلقاي وحد الايقونات
الحمراء الاولى هديك هي تاع الاقتباس:)

الاميرة شهرزاد الجزائرية;13172641:
لبنات شوفو هاد الموضوع
وقولولي الكلينيكس وش هو
ديما نلقاه في مواضيع
http://forums.3roos.com/showthread.php?t=565742

نور الجزائر;13172681:
شهرة الكلينكس هي mouchoire en papier ولا محرمة ورقية ...عرفتيهم؟؟؟

الاميرة شهرزاد الجزائرية;13172697:
اي عرفتهم
شكرا

هذا غباء ولا خلي:D

la_kahina;13172700:

أختي زينب19 ضرك نقولك أنا كيفاش نعتني بروحي

وش ندير لوجهي
أنا سمعت مرة في برنامج doctors اللي في mbc4 قالو باللي البوماد اللي يديروه للـ bebe كي يبدلولو la couche (الاغلبية عندنا يديرو زيت الحوت)مفيدة جدا جدا للبشرة
لأنو فيها أوكسيد الزنك
مالا أنا حوست على la milleure marque و ما لقيتش خير من Nivea Baby فيه أكسيد الزنك و زيت جنين القمح (حوسي على الفوائد تاعهم في google)
أنا والمني بزاف و تعرفي les pomades تاع les bébés ما تخافيش منهم ..راح يرطبلك البشرة و يغذيها و يبيضها :thumbs_up:
ف الليل اغسلي وجهك مليح و ديريه و رقدي
و هادي تصوريتو صورتهولك

و لباقي جسمك أنا ندير هذا le lait de toilette اللي هي Mixa bébé فيه فيتامين E و زيت اللوز

و هو ينظف و يرطب البشرة الحساسة و تقدري تستخدميه باش تنحي بيه الماكياج
استخدميه قبل ما ترقدي لجسمك (ذرعيك،يديك،رجليك،ساقيك) لمناطق اللي تحبي ترطبيهم

و أكيد راكي تخرجي هاد الايامات باش توجدي جهازك و الشورة (الله يكمل على خير) مالا أكيييييييييد لازملك anti-solaire لأنو الشمس تسمر البشرة و تسبب النمش و التجاعيد
و أنا نستخدم الماركة المفضضضضضضضلة عندي Avéne

ولا تقدري تستخدمي تاني Bio-tache مليح تاني و ينحي البقع البنية من الوجه
وهادي صورتو

ماسكات طبيعية ما درتش تقدري تلقاي وصفات على الأنترنت لكل نوع من البشرة
فقط عندي هذي الطريقة نديرها مين داك :

نغسل وجهي مليح ..و نعرضو للبخار
من بعد نجيب شوية سكر و نص حابة قارص و تكون معصورة شوية و نستخدم هديك القشرة من الداخل ندير فيها السكر و ندلك بيها وجهي
هذا يعمل كمقشر للخلايا الميتة
ولا ببساطة تستخدمي مقشر للوجه أنا نستخدم Deep Clean

من بعد نعاود نغسل وجهي
و نحضر ماسك يستخدموه اليابانيات و اللي هو "ماسك الأسبرين"
و اللي هو كما يلي : جيبي قيس مغرف ماء و ذوبي فيها حبة من الأسبرين و مغرف عسل حر و ديريه لوجهك مدة نص ساعة من بعد اغسلي
أنا شريت هدا النوع من الاسبرين فيه فيتامين سي

هدا الماسك ديريه مرة ف الأسبوع
و المكونات تاعو : العسل أكيد كلنا نعرفو انو فوائده كثييييييييييرة
بالنسبة للأسبرين فيه مادة اسمها : حمض الأسيتيل ساليسيليك و هادي المادة مفييييدة جدا للبشرة (شوفي في google باش تعرفي الفوائد تاعها )

*************
بالنسبة لنزع الشعر أنا نستعمل "شرائح veet" و لا OE هاااايلة ما عندي ما نقولك عليها نعومة تهبل اعرفي برك كيفاه تستخدميها
و كي نكون مزرووبة نستعل veet creme ولا OE ثاني هايلة

**********
و إذا عندك مناطق مسودة ف الجسم كيما الركبة ولا الأكواع
أنا سمعت في برنامج doctors في mbc4 قالو جيبي نص حبة قارص (كيما شرحتلك للوجه) و البن الباقي بعد ما تطيبي القهوة و ادلكي بيه الركبة مثلا
و مع الوقت تلقاي نتيجة ان شاء الله (أنا ما جربتش هادي الوصفة بصراحة مع انو عندي شوووية سواد في الركب ههههه قتلني التفنيين)

إن شاء الله نكون أفدتك و مبروك عليك و ربي يكمل على خير

الاميرة شهرزاد الجزائرية;13172770:
ماشاء الله عليك رنيدة

زينب راكي لقيتي لي تعاونك

وعجبني وش راها دير

رنيدة كون غير حطيتيه في تجهيزات العروس باه يشوفوه باقي لعرايس
كاين لي ماتدخلش للشات

ولا حطيه موضوع وحدو
ودري الرابط في التجهيزات

la_kahina;13172788:
يتصفح الموضوع حالياً: 5 (5 من الأعضاء و 0 من الزوار) ‏la_kahina, ‏نور الجزائر, ‏الاميرة شهرزاد الجزائرية, ‏ღ MiMi ღ

السلام عليكم لبنات ...راني جديدة معاكم ف الشات هدرت مع بزاف بنات هنا بالصح جامي تلاقيت معاكم
مالا تحية من عندي
و سمحولي نروح نرقد عيييت جبت ساعة باش نكتب الرد و نصور و نحط لي فوطو
و غدوة رايحة للدونتيييييست نخافو بزااااف ادعيولي
و تصبحو على خير

الاميرة شهرزاد الجزائرية;13172794:
شوفي نور رنيدة كيفاه تهتم بنفسها ماشاء الله

واخيرا ظهرت وحدة مش فنيانة ههههههههه