.. حاسة روحي صغيرة عالزواج والاولاد !! ..

تسلمووون حبيباتي ..
ماقصرتوا عالردود الحلوة والله يقدرني على هالمسوؤلية وادعوا لي الله يسخر ليي زوجي ويرزقنا من رزقه ،

شعور طبيعي انك تخافين من تحمل مسؤولية كبيرة عليك ..

لكن اذا عشتي لوحدك في بيتك .. وتعلمتي كيف تتكحمين في نفسيتك ومشاعرك .. عرفتي تتصرفين في كل شي ..

ومافيها شي الواحد لو سأل علشان يكتسب خبره .. !!!

انا تزوجت وعمري 23 سنه .. يعني مافيه فرق بيني وبينك .. وكل شي تم بسررررررعه ..

انا بصراحه ما كنت أعرف أطبخ .. وخاصة الوجبات الرئيسية .. أول غداء سويته لزوجي اتصلت على أمي تعلمني خطوه خطوه لحد ما تعلمتها زين .. !!!

حتى بعد ما حملت .. كل ما شفت شي غريب .. أو حسيت بشئ غريب .. على طوووول اتصل على أمي وتعلمني .. !!

حتى وقت ولادتي والنفاس .. كلها والله ما أعرررررررررررف شي .. أمي تعلمني .. وانا أطبق .. لحد ما تعلمت اني استقل وأستقر في حياتي ..! !!!

يعني الحياة كلها تعلم * تعلم ..

ومادام انكم موافقين على بعض .. ومرتاحين لبعض .. ليش تأجلين الزواج علشان سالفة بسيطة جداً راح تختفي بعد الزواج ؟!!!

توكلي على الله .. ولا تفكرين كثير باللي جآي ..

ادعي ربك بكل وقت انه يسهل لك أمورك .. ويسهل لك تحمل المسؤوليات كلها .. وكل ما حصل لك موقف أو شي وما عرفتي تتصرفين اسألي أمك أو أختك .. أو أي حرمة متزوجة ولها خبرة في الحياة .. ترى عادي .. مافيها شي اذا كنتي اول حياتك تتعلمين .. !!!

الله يسهل امورك .. ويعجل لك اللي فيه الخير .. ويرزقكم الذرية الصالحة ..

حبيبتي توكلي على الله وبلا هالوساويس بعدين اختي عمرها 15 سنه وزوجنها والحمدلله هي الحين حامل
ومتوفقه في زواجها وبعدين انتي مع الوفت راح تتعلمين كلشي وتتحملين المسؤوليه والله يوفقك

الله يوفقك ..

والله فرحتلك كثير .. الله يسخره لك ..

بس شوفي انتي الحين تزوجتي يعني استقريتي ..

وشيلي هالافكار عنك .. انك صغيره ومدري شنو ..

وقولي الحمدالله .. انك تزوجتي بدري .. تراه احسن لك ..وانتي صغيره عشان تشيلين عيالك وانتي صغيونه ..

والله ويوفقك .. وعقبالي ..

ألف مبروووك أولا ع الزواج
بالنسبة للنضج بالتدريج راح تنضجين الإنسان ياخذ فترة
شكلج مستعيلة وااايد ، أنا خذيت 5 سنوات لحد مانضجت أفكاري^_^

اختي اول شي الف مبرووووك والله يتمم لكم على خير
والله يجمعكم على خير ويرزقكم الذريه الصالحه
اما بالنسبه لسالفه النضج فلا تشيلين همها ان شاء الله بعد الزواج مع الايام بتحسين روحش غير
يعني تطورتين او بمعنى ان نضجتين اكثر .. وان شاء الله بتكونين احسن ربه منزل واحسن ام
ولا تشيلين هم ولا شي .. خلي كل شي على الله

بالنسبه لي انا انخطبت وعمري 19 والحين صارلي سنه وشهر تقريبا مخطوبه
واني آخر العنقود في البيت
تدرين في البدايه كلهم ما كانو مأيدين اني انخطب لانهم كانو ينظرون لي اني للحين صغيره
ومو قد المسؤوليه وانا هم نفسي كنت احس جذي
بس بعدين الله كتبه لي وتيسرت لي اموري
والحمدلله احس روحي شوي شوي قمت انضج اكثر واتحمل المسؤوليه
وبالعكس شعور حلو ان تكونين في محل انش تمسكين زمام الامور وتتحملين مسؤوليه
حتى لو صار اي موقف لا سمح الله حاولي تتحملين المسؤوليه وقولي في نفسش - اني اقدر ومافي شي صعب - بالعكس راح تتعزز ثقتش بنفسش
وراح تحسين انش قد المسؤوليه وانضج فوق ماتتصورين

واخيرا الله ييسر لش امور زواجش
واموز زواجي ولو انه بعدين شويونه =)

ههههههههههههههههههه
اتزوجت وعمري 14 سنه
وصدقيني من اليوم الاول من زواجك راح تحسي انك كبرتي
ومتحمله المسؤليه وهذا شي بالفطره وراح تتعلمي الطبخ لانك تبغي تسعدي زوجك
والاحساس بالامومه من ساعة ماتعرفي انك حامل ويوم يتحرك في بطنك ومن اول مايخرج من بطنك
والله يوفقك يا حبيبتي

الف مليووووووووووووون مبروك اولا ثانيا الله يتمم لك ع خير ويكتب لك الخير والله انا لاقوة الا بالله انخطبت وانا عمري 19 سنه وتزوجت وانا 21 سنه وجبت بنتي الاولى وانا 22 وعاااااااااااااااادي صح اني لعبت فاعصابه فديته بس تحملني والحين عمري 28 وكللللل شيئ يمشي ويهوووووووووون ا\ا لقيتي الحب والتفااااااااااااهم الله يوفقك

اول الف مبروك وربي يتمم لك على الف خير...
اختي الحبيبه لاتفكرين تاجلين ولااي شي بالعكس... انتي خليك طبيعيه وعيشي شخصيتك وبنسبه لطبخ الحين ماشاء الله الانترنت مومخلي احد محتاج اي شي صدقيني انا تعلمت اشياء من النت لو اروح مدرسه ماتعلمها بالهاتقان والدقه الخياطه مو بس الملابس حتى الستاير بكل انواعها واتقنها وتعلمت الكورشيه والطبخ ....

الانترنت كل شي تحتاجين تتعلمينه موجود ان تبينه كتابه وصور وله تبينه فيديو تلاقين يعني مافي مشكله بالطبخ اما بنسبه لطريقتك واسلوبك انتي طبيعي بعد الزواج بتتغيرين خاصه لما تتحملين مسؤليات ماكنتي تسوينه من قبل التسوق مثلا للبيت ..التنظيف ...الطبخ ..

المناقشه مع ريلك بامور تخص حياتكم مع الايام ببتغير طريقتك وبتنظجين اما ان تاجلين ماراح تتغيرين تدرين ليش لان التغير يحتاج له مناخ خاص والزواج والمسئوليات التابعه له مناخ مناسب انك تغيرين من طريقتك او مثل ماذكرتي تنظجين اكثر


والله يوفقك ويتمم لك على الف خير ويوفقك

هذا شعور طبيعي لكل وحدة مقدمه على حياة جديدة وخصوصا انش مو متعوده انه تعيشين بروحش وياه في بيت واحد بدون اهلش اللي كنتين عايشة وياهم..

عادي خيوو خلي الأمور طبيعية

اني قبل ما أعرس صحت صياح على امور واجد وكل مرة أحط حجة على شي

يعني مرة أصيح بسبب اني صغيرة واني 22 سنة

ومرة اني مو قد المسؤولية

ومرة انه ما أبي اترك أهلي

ومرة انه مو متأقلمة على الحياة الجديدة وعندي كانت مخاوف واااااااااااجد..

بس عادي حبيبتي بتتعودين وبتحسين انه طعم الحياة أحلى..

وحتى عقب ما الله يرزقش بالحمل ان شاء الله بعد بتحسين بمخاوف هذا أمور طبيعية لأنش تتحولين من مرحلة لمرحلة ثانية..

استانسي في حياتش وخلي عنش المخاوف عاااااااااااادي الأمور طبيعية وكلنه حسينه فيها بس في الأخير تبقى الحياة أحلى لما تكون بهاطريقة

فديتج ياقلبي ، هاي شي طبيعي بس انتي لا تاخذين الامور بهاي الصعوبه يعني معى الايام راح تتعلمين كل شي سواء بالطبخ او شغل البيت او حتى تربية الاطفال و انتي بعدين 22 في سن النضج بس فيج خوف من الحياة اليديده عادي حبيبتي خلي كل شي بوقته و بجوفين روحج قد المسؤليه بأذن الله


الله يسهل لج امور زواجج و يوفقج;)

اصلا مافي فرق وايد بين الخطوبة والزواج

بالعكس الزواج راحة واستقرار وبالنسبة للتنظيف ما بتنظفين كل يوم لان مافي الا انتي و زوجج بعدكم ما عندكم عيال

والطباخ عاااادي حبيبتي تتعلمين ما يبي له شي

اصلا بتحبين انج تطبخين لزوجج وهو يستانس ويمدح في طباخج او تتعاونون ثنينكم على طبخة شي حلوو

ومو لازم يوميا طباخ عادي لو طبختي بس كم مرة في الاسبوع والايام الباقي من برى
وغسيل الثياب خصصي له يوم ولا يومين في الاسبوع

شوفي ترى المسؤولية الصج الصج اهي الاولاد

انتو توكلو على الله و تزوجوو بس مسئلة الحمل فكري فيها زين مازين لانها مسؤولية عليج وعلى زوجج ولاهي شي سهل

عيل انا شقوول انا حملت وتوني مكملة 19 سنة وولدت وقريب بكمل ال20 سنة وبعدي ادرس بالجامعة

وفوق هذا صار الحمل مو برغبتييي ابد يعني ما فكرت في الحمل ولا توقعت اني راح احمل بهالسرعه

والحين عمري 21 سنة وولدي بيكمل السنتين وماكنت توقعه اني في يوم من الايام اني راح اصير ام حتى زوجي يقولي ما يناسبج

بس الحمدلله اموووت في ولدي واخاف عليه من كل شي

فإنتي وزوجج قعدو مع بعض من الحين وتفاهمو على سالفة الحمل .. وهالسالفة مو على عمر الوحدة على تقبلها للحمل والمسؤولية ورغبتها فيه

يمكن فيه وحدة عمرها 15 وتبي تحمل بسرعه وعندها استعداد عشان تتحمل المسؤولية

ووحدة عمرها 26 وما ترغب في هالشي

وطبعا كله بإرادة الله سبحانه وتعالى

لأن لو حملتي وانتي مو متقبلة بيأثر على نفسيتج وعلى الجنين وحتى بيكون التأثير عليه مستمر لين ما يكبر


الله يوفقج ان شاء الله وصدقيني من تتزوجين على طول راح تشتاقين لطفل ينمو داخلج ويكبر جدامج ويناديج ماما

:)

شوفي مسألة الزواج والإرتباط مسئولية كبيرة لأنه تعطي نضج أكثر
بس كل هذا مع الوقت بتقدرين تتأقلمين مع كل ظروف تمرين فيها
والبنية أول ما تنخطب تكون دخلت مرحلة جديدة في حياتها . . .

تتعلم فيها أشياء كثيرة يمكن تكون جديدة عليها وأول مرة تصادفها
بس تهيئ نفسها بالتدريج مع كل مرحلة بدأ من الخطوبة حتى الزواج والحمل والولادة
ومنها تكون أكثر قدره على تحمل المسئولية
ويمكن خلالها إنها تستعين بخبرة الأم أو الأخت الكبيرة للمساعدة عند الحاجة للنصيحة والإرشاد

وأهم شي يكون هناك تعاون ومشاركة ما بين الزوجين وإنهم يكونو أكثر صبر وتحمل للمسئولية


أما بخصوص عمرج يمكن تكونين صغيرة في السن بس مع التهيئة المسبقة بتكونين قادره إن شاء الله


والله يوفقج إختي ويسعدج

عادي يا حلوة كل البنات مدللين ببيت اهاليهم

بكرة مع المسؤولية بتلاقي تصرفاتك تغيرت

الله يهنيكي حبيبتي

تسلموووون بعد عمري .
ماقصرتوا كلكم .. مشكورين عالنصايح الحلوة ،
والله يوفقنا ويوفقكم كلكم ياحلوات ;)

يا قلبي انتي عمرج مو صغير بس يمكن دلوعة حبتين
حبيبتي ما يصير الواحد يعيش حياته بالبركة لازم يكون عندج خطة تمشين عليها انا بالنسبة لي تزوجت في عمر 19 و انجبت ولدي في عمر 22 لأني كنت في الجامعة و ناوية ان شاء الله اذا الله اراد اني احمل بعد مرتين قبل لا يصير عمري 30 سنة و من اكمل الثلاثين خلاص راح اتفرغ لنفسي لا حفاضات و لا رضاعات و الحمدالله انه زوجي مثلي ما يحب يعيش بدون خطة محددة مسبقا