تجمع حوامل وامهات لشهر شوال لعام 1431ه ؛ 2010 م

LavenderA;13324533:
يصير تحملين الاماكن فوق اللولب اذا كان متحرك والله اعلم

لاتوسوين ووايد

انتي الدورة متاخرة علييج

هاجرية كيووت;2965018:

السلام عليكم ورحمة الله وبركاته
مرحبا ، هالو ؛ هاي ؛ باي ، شاي ، ماي ، عصير بونص
واشحالكن يابنات واشحال البزران ؟؟
أدري بتموتن تبغن تعرفن شسالفة !!!!
خلاص خلاص بختصر .. <<<<<<<< ياويلي كلوني !
بس قبل لا ادخل بالموضوع رجاااااء خاص من البنات اللي بعثت لهن عالخاص يقلبن وجيهن ولا يقروووون موضوعي <<<<<<<<<< ههههههههههه
بعد الالحاح الشديد والرجاء المميت من بنات عروس قطر لمعرفة طريقة تعطير الغرفة ووووووووو<<<<<<< ملاااااااااغة هههههههههه
موضوعي اليوم يا حلوات يهم كل بنت مقبلة على الزواج ويا كثرهن اللي زواجهن قريب ، وحتى المتزوجات اللي راحت عليهن<<<<<<< خخخخخخ لتجديد العلاقة الزوجية .
ومثل ما تعرفن حنا في الخليج بشكل عام وفي قطر بشكل خاص نموت في شي اسمه عطور وبخور ودهن عود سواء رجال ولا نساء وحتى البزران قاموا يتنافسون في العطورات.
وما يخفى عليكن ان بنات قطر يخسرن مررررررة مره وبالهبل على العطورات وأكثرهن ما يعرفن كيف يتعطرن للزوج وخصوصا ليلة الزفاف ، وهي أهم ليلة في حياة الزوجين ، وتلاقي العروس من كثر العطور اللي تحطها تخنق الزوج المسكين ههههههههه ويجيله التهاب في الجيوب الأنفية وصداع يفتك براسه ووده يطق،
وعلى فكرة يا بنات ترى من ذي الليلة تترسخ صورة كل واحد فيهم في قلب وعقل الثاني سواء من ناحية الريحة أو الشكل ..................الخ .
يعني لا تقولن ليلة وتعدي والسلام.
وأنا حبيت أساعد المقبلات على الزواج في اختيار عطورات ليلة الدخلة ، وطريقة تعطير الجسم والشعر والأماكن الحساسة والفراش والغرفة والملابس عشان تكون جاهزة من جميع النواحي وتحيا حياة عبيرها ما يمل منه االزوج طول العمر. بس تعطير المنطقة الحساسة اللي تبغيها بطرشها عالخاص احتراما للخصوصية ولقافة الشباب االلي قاعدين يقرون موضوعي ذلحين بما فيهم اخوي الملعون <<<<<<< خخخخخخخخ
ورجاااااااااء خاص اللي تبغي الطريقة تدفع رسوم 50 ريال ومااافي خصم. واللي ماراح تدفع لا تتعب نفسها وتراسلني لأني ماراح أعطي حد وجه بدون مقابل ، هذا بزنس هههههههه
وكل هذي الطرق والمعلومات خذتها من أختي الملعوووووووونة اللي ذلتني ذل عشان تعطيني هذي المعلومات الخطيرة ، مع إني اعرف الطريقة بس أخذت منها التفاصيل.
بس صدق والله ساومتني عالمعلومات مقابل أن ولدها يقعد عندنا أسبوعين وهي مسافرة فرنسا .. وولدها الصراحة ماااااااااااااااااينطاق لدقيقة ودي اذبحه لا جانا زيارة .. اشحال إذا قعد عندنا أسبوعين !!!! والله انه بيطردنا من البيت الله يمحطه هو وياها !!!
بس عشااااااااان عيون عرايس قطر كل شي يهووووووووووون
اليوم بعطيكن طريقة من طرق كثيرة عندي لتجهيز غرفة المعاريس وتعطيرها من الحمام الله يعزكن للسرير والملحف والستاير والموكيت والأثاث.
وهي طريقة أختي المتزوجة لتعطير الغرفة والفراش للعرايس
وأي وحدة بالعايلة بتتزوج لازم كلنا نجتمع ونسوي هالخطوات .. والريحة ولا ارررررووووووووع
ونجهز هذي الأشياء من عطورات وخلطات قبلها بشهر.
وأنا بكتب الطريقة اللي كل عرايسنا يسوونها للعرايس المستعجلات ، أما الخلطات الثانية اللي حنا نخلطها بنزلها بموضوع ثاني لأن المقادير بالضبط مش عندي وقاعدة اجمعها من خواتي وخالتي وبنات عمي وبنات العايلة الكريمة ، وترى خلطاتنا عجيييييييييييييبة ريحتها تجننننننننننننننن تدوووووووووووخ الرجّال وراح تغنيكن عن الخلطات الجاهزة بالسوق. والله الكل يسأل عن ريحة بيتنا وريحتنا.
أوف !! لوعتي كبودنا بكثر الهرج والمهايط أوووووووووووووف ادخلي بالموضوع !!!!! ،، خلاص والله خلاص يلا يلا ............................................... !!
يلا نبتدي بموضوعنا:
عشان تكون غرفة المعاريس غرفة خياليه من ناحية الشكل والريحة والجو وحتى إحساس العروسين وعشان تمتعين وتستمتعين مع حلالك وتقضون ليله ما تنمحي من ذاكرتكم للأبد ! تابعي علوم الهاجرية.....
أهم شي طبعا الغرفة لازم تكون نظيفة والمفرش جديد /هذا للعروس..
أما المتزوجات والعوانس ..... عادي أي ملحف قديم واجد عليهن بس يكون نظيف <<<<<<<< خخخخخ
وبعدين لازم تكون عندك مجموعة من العطور والأدوات وبتلاقينها في الأماكن التالية:
1-( الرصاصي ) : تشترين من عنده ((بخور جبل علي)) ب 100 ريال ، ((وبخور الراقية ب 109 ريال)) ، وعطر رخيص اسمه ((ايموشن)) ب 25 ريال لون الغرشة رمادي ولون العطر بنفسجي فاتح 50 مل.( لا تستهينون فيه عجيييييييييييييييييييب.)
2- ( اجمل ).. تاخذين من عندهم عطر ما عرفت اسمه لأن الغرشه من كثر ما نستخدمها انمسح اسمها هههههه بس هي غرشة ما عنده منها إلا ثنين يشبهون بعض بالضبط ، وحده سماوية ووحده برتقالية مدبدبة ، انتي خذي البرتقالية ب 100 ريال.
3- ( محل ماس ) هذا الأساس لأنك بتضمنيين تلاقي عنده كل أنواع الزيوت العطرية الفرنسية والشرقية الأصلية ، والزين اللي فيه انه يبيع الدرجة الأولى بس، يعني ما تلاقين درجة ثانية وثالثة مثل أجمل والحرمين وغيره ، يعني تضمنين انه أصلي 100% ، والعود الخشب عندهم أصلي ، وأختي وكل جماعتنا يتعاملون معاهم من زمان. حتى الشباب عندنا بالأعراس ما ياخذون إلا من عندهم. عودهم يبيض الوجه ... هذي دعاية ولازم اطلب عليها كووووومشن .. خخخخخخخخ وخصوصا إن العود بسعر الألماس .. ألا|ّ على طاري الألماس ، ذاك اليوم ....!!!!!! خلاص خلاص لا تعصبن يابنات برجع لموضوعنا ....... ههههه
4-( الشارع اللي جنب بيتكم) : تاخذين منه مشموم/ وورق سدر .....هههههه عاد ورق السدر مزحة.
5 – محل بيع الورد المحمدي.
6- 7 مكعبات جبنة كيري وقوطي قشطة نستله<<<<<<<<< خخخخخخخخخخخ <<<<<<<<<هذي من عندي.
الأدوات والعطورات اللي بتحتاجينها :
1- صينية كبيرة وصواني فاضية صغيرة ويستحسن تكون قديمة وغلفيها بورق النايلون الشفاف حق المطبخ.
2- قفازات نايلون.
3- ورق مشموم مقطع من حديقة البيت ، واللي ماعندها بحوشهم الله لا يهينها اطرش الشغالة تجيبلها من الشارع يا كثره ... هههههههههه.
4- في شي اسمه ((مخلط ليلة الخلة)) تلاقينه عند محل ماس في غرشه كبيرة ريحته مركزة. مش حلو تتعطرين به لكنه مووووت للمشموم ويقلب ريحة الغرفة خيااااااااال .. نااااااااااااااااايس.. عجييييبة ريحته بالمكيف وهو مخصوص لليلة الدخلة ، إذا المهر تمام اخذي الغرشة الكبيرة عشان باقي الأيام ، وإذا المهر يفشل اخذي الصغيرة. خخخخخخخ
5- عطور فراش (( الصحراء – ليال – نجد – فروتي )) من نفس المحل .. واقري على العلبة إذا كانوا بالكحول أخذيهم لأن الريحة أقوى ، وإذا مش بالكحول لا تاخذيهم. بس اعتقد كل عطورات الفراش عندهم بالكحول عشان كذا شوي غالية.
6- عطر اسمه ((love سريكو)) بعد من عندهم .. تاخذين تولتين. (هذا يقلب مخ الرجّال) ريحته قوية حيل بس له طريقة بالاستخدام بس مش مثل أي عطر ، هذي وصية أختي وبتجيكم العلوم ..
7- ((بخور جبل علي)) أكيد الكل يعرفه من الرصاصي تلاقينه بفتول ولا بالعالم الجديد نابينا .. لا تستهينون فيه تراه شي شي شي بالخلطة.
8- ((بخور الراقية)) أكيد تعرفونه بعد من الرصاصي .. هذا عجيييب ويلعب دور بطريقتنا السريّة.
9- عطر (( ايموشن )) بعد من الرصاصي رخيص 25 ريال بس عجييييييييب ناااااااااعم ويجنن لتعطير الأطفال >>> وهذي بعد دعاية ولازم اطلب عليها كومممممشششششن.
10- ((عود ماس المبخر)) ، كلمة جنااااان قليلة عليه.مهم لأن الريحة تفرق حيييييييل معاه ، وبعد العرس تقدرين تستخدمينه بروحه يجنننننن ..سواء لك ولا للغرفة أو الملابس أو للشعر.
11- عطر ((لاليك الرجالي)) .. عطر فرنسي عجيييييييب من باريس جاليري تلاقين ال 50 مل ب 312 ريال وبمحل ماس تلاقينه ارخص ب 150 ريال .. واخذي الزيت حقه تولتين . مهم.
12- ((خشب عود ماليزي تركان تربل سوبر)) ياطوووول اسمه هههههههه تلاقينه بعد عند ماس وممكن تلاقينه بأي محل للعود بس حنا ناخذه من عندهم أصلي ومضمون والتولة ب 1800 ريال وخشب عود هندي سوبر التولة ب 450 ريال وفي ماليزي ارخص ب 300 ريال للمتزوجات القدامى اللي راحت عليهن ... هههههههههههههه وانشالله بعطيكم طريقة العود المعطر اللي حن نسويها والكل منهبل عليها المرة الجاية.
13- تولتين ((دهن عود السيف)) ورب الكعبة موووووت يجنن للنسوان والرياجيل واخذي البخاخ حقة روووووعة ريحته مو مثل أي دهن عود وتبقى فترة طويلة وحنا نحطه بعد للبزران في العيد والمناسبات والزيارات وتغدي ريحتهم موووت والكل يسأل وش متعطرين به.
14- ((قطعة عنبر أصلي)) مو صناعي لونه فاتح ووااجد غالي ماله ريحه بس يسوي شغل جاااامد عالفحم مع اللحم .... خخخخخخخخخخخ ، وقطعة من ((خلاصة العود)) ، مثل المعجون لونها اسود بعد غالية بس عجييييييييييبة لما تحطينها على خشب العود ، وترى هذي الطريقة يا بنات مايسوونها إلا الشيوخ والهاي هاي يعني الهوااااجر خخخخخ
صدق والله محد يسويها الا الهاي كلاس لأنها مكلفة، وخليني اتمنظر وأهايط قدامكن اشوي
حنا كل يوم نسويها ......>>>>>>>>>>> صدق اني كذووووووب.الصراحة دايم نسويها في المناسبات اللسبشل يعني للعروس والمتزوجات
أما الآنسات اللي مثلي والعوانس اللي مثلكن ههههههه لما نكون معزومين على عرس أو مناسبة أو في العيد خخخخخخخخخ
والبنات اللي حوالينا تطير عقولهن من الريحة. والله اني لا شميت ريحتي اتحسف ان ماعندي زوج ههههههه تراها مزحة توني صغيرة .
15- عدد 2 غرش فراش بخاخة فاضيين حجم 300 مل أو أقل.
16- كمية من(( الورد المحمدي)) يستحسن احمر أو أي لون وياليت لو من البيت بتكون فيه ريحة حلوة ، أو من محل الورود بس بيكون بدون ريحة ، مش مهم لأنك بعدين بتعطرينه.
17- عطر بخاخ اسمه ((الورد الطائفي)) من ماس.
18- ((زيت لافندر)) حنا ناخذه من لافاندو ، بس بعد تلاقينه بماس ، وتقولين له زيت لافندر مش عطر اللافندر لأن عندهم نوعين.
19- عدد(( اربع حريم من العايلة الكريمة)) .. هههههههههه بتعرفين بعدين وش فايدتهن
20- أي ((شرشفين عاديين)) ورخاص.

ذلحين الخطوات:
تفتحين غرش عطور الفراش الفاضية وتصبين في الأول نص عطر الصحراء حق الفراش وتصبين عليه توله ((دهن العود (السيف)) وترجينها وتسكرينها، هذي طريقة أختي بس أنا لي راي ثاني ، حرام تحطين تولة دهن العود لأنها غالية التولة تقريبا ب 1200 ريال ، رايي أي دهن عود ارخص يمشي الحال لأن أختي ونسوان جماعتنا بطرانات وما عليكن منهن. الوحده منهن تخسر مخاسير عشان خاطر ذا الزوج وبالأخير ممكن يتزوج عليها .
المهم ،، وتاخذين الغرشه الثانية الفاضية وتصبين نص عطر ليال وتصبين عليها تولة من عطر (( love سريكو)) حييييييييييل مركز ورخيص تقريبا ب 89 ريال وترجينها وتسكرينها.
أاما الغرشة الثالثة الفاضية تصبين نصها الصحراء ونصها ليال وتحطين عليها نص تولة ((لاليك الرجالي)) ونص تولة ((love سريكو ))ونص تولة دهن عود وترجينها وتسكرينها وتخلينهم يختمرو يومين عالأقل. بس هذي الغرشة الثالثة بتكون مركزة حييييييل وروووووعة لو استخدمتيها بروحها لباقي شهر العسل كم بخة بس والريحة وكأنك مبخرة ومعطرة ومسويه شغلات كثيرة. وممكن تستخدميها لتعطير الملابس خياااااااااااااااااال.
ذلحين جينا للمهم :
أول شي تفتحين المكيف ، بعدين تلبسين القفازات وتاخذين الصينية الكبيرة القديمة وتحطين فيها كل المشموم المقطع ، وتصبين 2فنجان قهوة من (مخلط ليلة الخلة) وتخلطينه بيدك مع ورق المشموم ، وترشين عليه شوي من بخاخ (الورد الطائفي) ، واللي ماعندها فلوس تشتري المخلط والورد !! تحط (كلونيا ريفدور) واجد عليها ههههههه
االحين بتوزعين المشموم على الصواني الصغار واللي ماعندها صواني تستخدم اكياس نايلون وتوزعينها في الأماكن التالية:
الله يكرمكن في الحمام على جنب تحت الحوض وفوق البانيو على جنب ، وتحت التسريحة وتحت السرير .. المهم يتوزع بالغرفة ، ولا تخلين شي يبين إلا اللي بالصينية لحد يفشلنا قدام الرجال.
والحمام طبعا بيكون نظيف ومغسول وملمع .. تترسين البانيو مويه بارده ( بااااااااردة لأنك ماراح تتسبحين فيها ، هذا بس للزينه قدام المعرس وللريحه الزينة ، وبعد ما تملين البانيو تحطين فيه (10 نقاط من زيت اللافندر) ،فايدته ريحته تعدل المزاج وترخي الأعصاب وحلوة ، بعد كذا تحطين شوي من أوراق الورد المحمدي عالوجه ، وآخر شي ترشين (بخاخ الورد الطائفي) على الورد والموية وشوي بالجو لا تكثرين لأنه قوي.
نرجع ذلحين للغرفة:
تولعين فحم كثيييير ، عن البخل والشحافة ، أنتي عروس ، والحين تاخذين نص دائرة من بخور الراقية ، ونص دائرة من بخور جبل علي وكسرة محترمة من العود الهندي والماليزي وعود ماس المبخر وربع ملعقة من بخور لمسات وتحطينهم جنب بعض بالترتيب على الفحم وتاخذي كسره صغيرة من العنبر الأصلي ومعجون العود وتحطينها على العود الماليزي مش على الفحم مباشرة ! انتبهي لهالنقطة عشان الريحة ما تخرب.
ذلحين جا دور الأربع حريم !!
يمسكون الشرشفين ، أي شرشفين عاديين مش مهم لأن ألوانهم بتتغير وبيبقعون وماراح يكونو مكشوفين
يمسكوهم من الأربع أطراف ويكون المبخر تحت ويخلون الشرشفين يتشبعون بالبخور حيييييييل
لما تجين تفرشين السرير حطي المفرش الأول اللي بخرتيه وبعدين وزعي عليه ورق الورد المحمدي على كامل االسرير وشوي ورق مشموم نظيف بدون عطر وشوي ياسمين من شجر بيتكم وفل رازجي إذا عندك (وعلى فكره يابنات حنا إذا عندنا عرس نجيب الرازجي من السعودية متوفر بالهبل) المهم ،، ورشي كامل السرير فوق الورد (ببخاخ الورد الطائفي) 3 أو أربع بخات لا تكثرين ، الحين غطي الورد والمشموم بالشرشف الثاني اللي بخرتيه ،والحين افرشي الشرشف الأساسي حق العرس وانتبهي انتبهي انتبهي للي بقوله:رشي المخدات بس (بعطر لاليك الرجالي البخاخ) بس ( ريحته ريحة عجيييييبة ، ريحة معاريس وتدووووخ الرجال) ويجنن للشباب إذا تعطروا وحطو عود !! ريحتهم تغذي عذاااااااااب.
ونص السرير اللي فوق رشيه (بعطر الصحراء) اللي خلطتيه (بدهن العود).
ونص السرير التحتي رشيه (بعطر ليال) اللي خلطتيه مع عطر (love سريكو).
أما الملحف اللي راح تتلحفون به انتي والمعرس عطريه كاااااااااااااااااااااااااامل بعطر ليال الأصلي بدون زيادات لأن ريحته ناااااااااااعمة. ورشي بعد كم رشه من عطر( ايموشن ) من الرصاصي
ميزة هذي الطريقة إنها تخلي المعرس راسه يفتر وما يقدر يحدد العطر اللي أنتي حاطته وبنفس الوقت ما يتملل وخصوصا أنكم راح تتقلبون كثير عالسرير بهالليلة .. خخخخخخخخخخخخ وبكل مكان زوجك بيشم ريحة مختلفة ما قد شمها بمكان ثاني وبكذا راح يحس بتميزك وانفرادك بالريحة الخيالية ، والليلة هذي بتم بذاكرته للأبد.
تدرون أختي زوجها وش قالها في الصباحية !! قالها أنا أمس حسيت بأحاسيس عجيبة ، مره الريحة تحسسني وكأني بحديقة مليانه أزهار وورود ، ومرر كأني بوسط أشجار خشب دهن العود والروايح الشرقية ، ومره كأني قاعد عالحشيس وقت الصبح ،ومره كأني في بستان فواكه و.مره ............. وماعرف كيف يوصف الروايح اللي شمها وكيف يعبر عن أحاسيسه.
نرجع للمهم ..
وفي أثناء ماتفرشون السرير خلي وحدة من الحريم تبخر الحمام والدولاب وكل الغرفة حتى الستاير.
والحين رشي عطر فروتي على الستاير بس
وعطر نجد رشيه على السجاد والموكيت بس
وعطر الصحراء الأصلي بدون زيادات عطري به الغرفة والأثاث إذا فيه بالغرفة ورشششتين الله يعزكن بالحمام
وآخر شي طلعي المبخر من الغرفة ، لا تخلينه من البخل لحد ما يحترق ولا بيخرب الريحة الخيااااااااااااااااااال اللي تعبتي فيها وسكري الغرفة .. وصدقيني أول ما يدخل المعرس !!!!!!!!!!!! بيدوووووووووووووووخ من الريحة وبيذووووووووب وبتذوبين معه .
وانشالله الموضوع الجاي طريقة تعطير جسم وشعر العروس
وأي استفسار أنا حااااضرة بس بفلوس ؟؟؟؟ سلّم واستلم