تجمع حوامل وامهات لشهر شوال لعام 1431ه ؛ 2010 م

مرحبا

فراشة قطر .. الله يهون عليج ياااارب

موزان التسريحات رووووعة يعطيج العافية

طيوبة .. أنا بعد يوم رحت عند سميرة حسيتها طيبة وهادية وعطتني حقي في الأسئلة والوقت بس يمكن لأنها خرعتني شوي دكتورتي تضايقت
وبالنسبة لعدنان عمري ما جربته وغير مريم سلمان ما ارتاح بصراحة .. بس من كلام دكتورتي حسيت انهم يثقون فيه هو ومريم سلمان .واذا تسالين عن الولادة أكيد الطبيعي أحسن حبيبتي .. أنا جربت الاثنين الطبيعي سبحان الله ألم ساعات بس القيصري تتعبين في الحركة والمشي عقب العملية ويبيلج فترة لين يروح الالم أتذكر تمت النغزات في بطني مكان العملية أكثر من سنة القيصرية عملية مب هينة يفتحون البطن سبع طبقات دام ان ربج مسهل عليج الطبيعي ليش تلجأين للقيصري ؟

أم عزيز احنا عندنا النظرة الشرعية بس يروح الرجال مع أمه بدون الخوات يعني أمج كفاية عشان البنت بعد ما تنحرج بس مادري اذا أنتي حابة تروحين

انزين بنات بكتب قصة ولادتي .. بتكلم شوي من البداية .. أنا طبعاّ ما حملت 9 سنوات ويوم ربي أكرمني حمدت ربي واااايد وما كنت مصدقة واللي حولي كلهم كانوا يقولون لي الله يعينج عالولادة بتتعبين لأنج تاخرتي 9 سنوات وكنت أقولهم مافي شي بعيد عن رب العالمين وأنا أحسنت الظن بالله ومتوكلة عليه .. المهم مرت شهور الحمل وفي نص الثامن قالت لي مريم سلمان يوم كنت عندها بالعيادة أن الحبل السري ملتف لفة وحدة عالبيبي يعني صاير مثل السلسلة حول الرقبة وقالت لي لا تخافين أحياناً البيبي يفك نفسه من السلسلة لأنها مب ملتفة عليه وايد .. تضايقت وايد وخفت وكنت وايد أدعي ربي واستغفر وأقرأ سورة البقرة يوميا تقريبا وكنت دايما أدعي ربي وأقول يا رب أنت أرحم علي وعلى جنيني من كل البشراللهم ارحمني رحمة تغنني بها عن رحمة من سواك وعقبها اطلبت مني دكتورتي مع مريم سلمان تلفزيون ثاني بس كانت بتسافر فسويته عند سميرة الطائي وقالت لي الحبل ملتف لفتين عالرقبة ومن كل صوب واحتمال تحتاجين عملية وكلام وااايد يخرع المهم رحت عند دكتورتي في الولادة وقلت لها كل شي قالت لي ليش جذي تخرعج وتضايقت وقالت لي انا بحاول اولدج طبيعي ولا تخافين وايد ناس بمثل حالتج وان ما قدرنا أو حسينا ان البيبي في خطر بنلجأ للعملية آخر خيار ووايد طمنتني وارتحت شوي واكتبت لي دخول المستشفى يوم الخميس بتاريخ 19 اللي هو موعد ولادتي عشان هم يولدوني بالطلق الصناعي بس سبحان الله يوم الجمعة كنت عند أمي وكنت تعبانة وشكلي متغير وخواتي قالوا لي شكلج بتربين بكرة خلاص ورجعت البيت وكان فيني طلق متباعد وألم يروح ويجي المهم انسدحت وحسيت الالم يزيد غير عن كل يوم وحاولت الفجر أنام بس الألم منعني وغطت عيني 6الا ربع وفزيت من نومي الساعة 6 من قوة الالم وتذكرت كلام أختي أم الغاليين يوم قالت مرة الم الطلق يقعدج من نومج ويختلف عن آلام الحمل اللي تجيج طول الشهور وعرفت اني خلاص ولادة وكنت بعد الله يعزكم كل شوي أروح الحمام وبزود عن باقي الأيام وعالساعة & دخلت وحسيت بشي نزل علي ويوم مسحت لقيت سائل مخاطي ثقيل اللي قالوا عنه البنات اللي هو سدادة الرحم واهني عرفت اني ولادة وكنت هادية سبحان الله مع اني طول الحمل كنت ميتة من الخوف وقعدت زوجي وطلعت من البيت عالساعة 8 الا ربع ووصلت المستشفى 8 وقالت الدكتورة بفحصج افحصتني قالت توج 3 سانتي وشافت ملفي واعرفت ان الحبل ملتف وقالت بنسوي لج تخطيط عشان نتابع الطلق ونشوفه يزيد ولا لا المهم كان الطلق منتظم وعقب التخطيط افحصت قالت من 3 الى 4 سانتي ودخلوني غرفة الولادة وكانت النيرس نيجيرية بس تجنن طيبة واااايد وقلبها حنون عاد انا من دخلت اتصلت على دكتور مونجا لأني كنت متفقة معاه انه يعطيني ابرة الظهر وهو كان مسافر وبيرجع نفس يوم ولادتي ويوم كلمته قالي انه في مطار لندن وبيوصل الدوحة 10 في الليل وكلمت دكتورتي قالت لي دكتورة مريم استشارية تخدير وممتازة لا تخافين المهم حشرتهم كل شوي اقول لهم لا تنسون ابي ابرة الظهر وقولوا حق الدكتورة وهم يقولون لي تو الناس وقلت حق النيرس اذا وصلت 6 او 7 سانتي ما راح تعطوني ردت وقالت لا من قالج بنعطيج حتى لو 8 سانتي وكل شوي يفحصوني لين 11 ونص وانا من 3 الى 4 سانتي وعقبها قالت لي النيرس اشرايج تمشين عشان ينفتح الرحم قلت لها بس وااايد تعبانة قالت معليه استحملي وكنت امشي وكل ما تعبت تقعدني النيرس عالكرسي وارجع امشي وكنت ادعي ربي طول الوقت وعالساعة 12 ونص قلت لها ماقدر امشي تعبانة زاد الالم وافحصتني قالت توج من3الى 4 قلت لها انا وايد تعبانة وبعدين نادت الدكتورة وبطت كيس الماي لي وسبحان الله افحصوني عقبها بشوي قالت 6 سانتي واقول حق النيرس وين دكتورة التخدير ابي الابرة واهني خلاص اخنقتني العبرة قالت لا تخافين بتجي قلت لها متى بعد من الصبح تقولون بتجي قالت الحين بنتصل المهم لين الساعة وحدة الا ربع ماجات قلت لها متى بتجي قالت الحين بتجي هي مب اهني عندها حالة وجاية بالطريق عالساعة وحدة تقريبا جات وقالت لي انتي تبين الابرة قلت لها ايه قالت بنفحص قبل افحصوا قالت 7 الى8 سانتي وتمت تقولي حرام عليج تاخذين الابرة خلاص بتربين عاد انا قلبي متروس واصيح اقولها انا من الصبح طالبتها ليش تسوون فيني جذذي اقولج ابييييهاااا قالت براحتج بعطيج بس انا ابي مصلحتج قمت اصيح اقولها كله منكم من الصبح اقولكم ابيها ليش تاخرتوا علي والحين تقولون لي مب في مصلحتج المهم انا مب مقتنعة وهي واقفة تطالعني ما تبي تعطيني بعدين جاووني الدكتورتين اللي بيولدوني قالوا لي دكتورتج وايد موصية عليج لا تخافين احنا بنولدج وبنساعدج لا تاخذين الابرة لان الحبل ملتف والابرة تنزل نبض البيبي زيادة وانتي في وضع ما يسمح وقعدت اصيح اقولهم انا خااااايفة وناسية كل شي ناسية الولادة من 9 سنوات هههه وهم يهدوووني ويقولون لي بنساعدج وسبحان الله جااااني الم مرة وحدة وافحصوني قالت خلاص 9 وشوي بتربين وتموا يجهزون كل شي وجابوا حتى التخدير وحطوا قسطرة عشان قلب البيبي ما يضعف واهني عاد ذبحت الدكتورة تفرص مسكينة كل ما زاد الالم اهوس على يدها وافرصها والحمد لله عالساعة 1 ونص ربيت ورب العالمين سهل علي ومن الفرحة ما صدقت لأني كنت متوقعة عملية أو ان البيبي يختنق ويصير فيه شي مثل ما قالت لي الدكتورة ومثل ما أنا قريت بعد وقعدت أدعي ربي وأحمده بصوت عاااالي وأصيح نسيت اللي
حولي ورب العالمين سهل علي ولين اليوم أحمد ربي على كل شي وسبحان الله رحمة ربي وااااسعة ..وبس وشفت ولدي حبيبي ومن شفته نسيت كل شي
(أحس اني قلت قصة حياتي مب قصة ولادتي ) والزبدة ان الكل خرعني من بداية حملي وحتى الدكتورة خرعتني عشان الحبل السري وكانت نفسيتي وااااايد تعبانة في الشهر التاسع بس الله سهل علي الحمد لله والتساهيل من رب العالمين ,, الله يسهل على كل حامل ياااارب

هههههههه بااااااااال أمااااا صج قصة طويلة