الرئيسية ركن الشات والمواضيع الترفيهية والألعاب شات عروس تجمع حوامل وامهات لشهر شوال لعام 1431ه ؛ 2010 م

تجمع حوامل وامهات لشهر شوال لعام 1431ه ؛ 2010 م

أم الغاليين الثلاث 11-09-2010 2,019 رد 132,237 مشاهدة
*
*^*نواري*^*
عروس مشاركة
15-09-2010 | 01:27 AM
مزمز
فديييته حمووود يلا نبي نسمع اخباار حلوووه خخخخخخخ

قموره وفراااشه
انتو ماافهمتووني انا بالنسبه لي اذا يااهل وااحد مب مشكله الوحده بتعاابل فيه لكن صغااار واكثر من 2 الواااحد لازم يضطر ياخذ معاه خداامه عشان ترتاحين وتستانسين وانا على حسب خداامتي اذا كنت متعوده عليها وزينه لي باخذها لكن لو حسيت من قبل لها حركات مب ماخذتها بس صدقووني سفر مع يهاال اكثر من 2 من غير خدامه تعب في تعب هاي رأيي واختلاف الرأي مايفسد للود قضيه بالعكس احنا اهني نتبادل الافكار نستفيد من بعض

اممم عندي سؤال الاسبوووع الجاي عندي تحليل سكر في الولاده لازم اكون صاايمه وكم سااعه تقريبا؟؟
[
عروس نشيطة
15-09-2010 | 01:32 AM
مزمز

حلوه الشنطه بس مب ستايلي ..


نور

خلج صايمه من الليل اخر شي اكلي على الساعه 10 والا 11 .. وعادي تشربين ماي على راحتج بس اكل وقهوه ووو ممنوع ... .وحاوولي تخففين السكريات هالاسبوع لانهم ياخذون مخزووون الجسم لمده اسبوعين جدااام ... الله يعييينج والله ذكرتيني فالطعمممم ...
ه
هتان قطر
عروس نشيطة
15-09-2010 | 01:38 AM
دوحانية مشكورة فديتج

فجر ماتقصرين حبيبتي مشكورة أنا بحاول أسجل وأسوي لي توقيع خاطري أتعلم وإن ما عرفت بقولج ان شاء الله

بسومة ولولوة قطرية مبروك ما جاكم ويتربى في عز والدينه

نور الحلوة تستاهلون سلامة أختج ومبروك ما جاكم

قمر .. ما تشوفين شر اسمله عليج حبيبتي .. هذا كله من الاجهاد والتعب والقعدة ريحي وان شاء الله ما عليج شر . بالنسبة للولادة .. مستشفى حمد وبس ما أأيد أي مكان ثاني توكلي على الله وبالعكس والله يهتمون .. شوفي أنا في ولادتي كنت متوكلة على رب العالمين في كل شي وربي سخر لي ممرضة نيجيرية كأن كل الرحمة اللي في هالكون ربي ازرعه فيها وولدوني دكتورتين سودانية ومصرية طيبات وايد وساعدوني واهتموا فيني وايد الحمد لله رب العالمين .. الله يسخر لج الخير كله ويهون عليج يا رب ..

بدر البدور .. حبيبتي بالنسبة للولب اذا عندج التهابات سابقة نصيحة لا تحطين لولب شوفي أنا عندي التهابات دايما والدكتورة قايلة لي اللولب كلش ما يصلح لج .. الحبوب أضمن شي .. وبالنسبة للسفر أنا وحدة قلبي يعورني عاليهال قبل كان قلبي قوي أتذكر بنتي خليتها يوم سافرت مرة تركيا ومرة العمرة مع انه قلبي معورني عليها بس قدرت أخليها ولا تذكرت أقول صج كان قلبي قوي بس ألحين مستحييييييل يا بدورة أحس ما أقدر أسافر بدون عيالي وحتى ولدي الصغير بوديه معاي كل مكان ماقدر أخليه يعورني قلبي عليه ..وزوجي عنده دورة الشهر الجاي لمدة أسبوع وبروح معاه بس ولدي جدامي ماقدر أروح بدونه صعبة وايد علي .. حتى لو صغير وبيلعوزني بعد ماقدر ..
[
عروس نشيطة
15-09-2010 | 01:41 AM
هتان

فديتج تسلمييين ان شاء الله ربي يسخر لي الولاده السهله انا وكروشاااتنا كلهم ، والستاااف السننننع يااااارب...
[
عروس نشيطة
15-09-2010 | 01:45 AM
استأذن مااميز ... بروح ارتاح وان شاء الله اقدر انام .. بقوم بآجر بخلي الخدامه تغسل ملابس البيبي ... :)

تصبحون على حب ..
M
MoZ(a)N
عروس مشرقة
15-09-2010 | 01:47 AM
نور

ههههه ان شاء الله ..

قمر

ولا انا بس الصورة حلوة
ن
نوور الحب
عروس مشرقة
15-09-2010 | 01:51 AM
صباح الخير


بسومة ولولوة قطرية

تستاهلون سلامتهم ومبروك ما جاكم



نور الحلوة

تستاهلون سلامتهم ومبروك ماجاكم



قمر

ما تشوفين شر ان شاء الله



بدور

ما يشوف شر الحلو

وبالنسبة للموضوع اذا وحدة ماعندها لا ام ولا ام ريل شتسوي ؟

بس انا طبيعتي ما اتوقع اخلي الياهل عند وحدة من خواتي ولا اخت ريلي والخدامة مستحييييييييييييل اصلا ماعندي خدامة
(
((بدر البدور))
عروس مبدعة
15-09-2010 | 02:23 AM
هتان

أنا قلت جذيه بعد مب مركبته ,,



ماميز

اللي ردوا على الموضوع ,, يعطيكم العافيه
وبالنسبة للخدامة اذا ريلج من النوع اللي يساعدج ممكن تستغنين عنها
نور حبيبتي انتي بعد لان حااامل من جذيه تعبتي ..

أنا اليوم رحت الموعد احسه وووحشني ,, :)
ن
نوور الحب
عروس مشرقة
15-09-2010 | 02:34 AM
الحمد لله والله كريم ان شاء الله ويهون على كل الكروشات يارب


بدور علميني شلون ياج الالم وعرفتي انه طلق ولا نزل عليج شي ؟


والله يخليه لج ان شاء الله
(
((بدر البدور))
عروس مبدعة
15-09-2010 | 02:48 AM
نور

فديتج الله يهون عليج ويقر عينج بشوفته ..,,
ويرحم امج ويسكنها فسيح جناتة,,

صدقيني الم الطلق غييير عن كل الالام بتعرفينه انا عرفته لانه كان منتظم كل نص ساعة
جاني العصر وعلى ال 11 صار كل 20 دقيقة عقب كل ربع ساعة ويوم صار كل 10 دقايق رحت
يعني حاولي تحسبين الوقت اذا مب منتظم مب طلق ,, وانا ما نزل علي شي الحمدلله ..
ن
نوور الحب
عروس مشرقة
15-09-2010 | 02:58 AM
بدور

تسلمين حبوبة ويرحم موتى المسلمين يارب


كل افكر شلون بعرف الالم واحسب له . الله يسهل لين ذاك الوقت ان شاء الله
ا
الماسة قطر
عروس ماسية
15-09-2010 | 03:09 AM
بنااااااااااااااااااااات انا مو متزوجه ولا حامل

بس شفت المووضوع فيه بنات بلااادي حبيت اسلم عليكم
]
][
عروس فضية
15-09-2010 | 03:30 AM
لولوة الدوحه
اي ماتوقع اشحنهم @@ .. مع اني اشوف كم طقم عجبوووني .. بس مدري بشحن ولا لا احس بيتكسرون




موزآن
شدعوه @@ صج ناس متفرغين
انزين يمكن نفس الخريطه .. مم يعني نفس البيت مثلا << مع اني ماتوقع لأن لو جي باب البيت بيتغير @@




نور الحلوه
مبروووك ماجاكم
وتتربى فعز امها وابوها ان شاءالله





الله يسهل عليكــم كروووشآت
[
عروس نشيطة
15-09-2010 | 06:54 AM
نور الحب


فديتج تسلمييين ،، واللهـ’’ يهوون عليج ياااارب ... هآنت مابقى الا كم يوم من العد التنآزلي ...
انا بصرآحه الالم اللي جآني من الفحص عوورني لين الحين اتذكره واحس يعوورني لما اتذكر اللهـ يستر وقت الولآده مادري ليش ماستحممممل شي .. اي ألم اصييييح :(



الماسه قطر


مرحبا بج ... منوره ...



من قآآآعد ياحلوووين ... انا اتصلت فالدريول قلت له يجيب لي سندويجـآت بيض وجبن مع جباااتي فخاااااااااطري .. تذكررررت يزوووي الله يذكرها بالخيييير....
ق
قلب جسامي
عروس جديدة
15-09-2010 | 07:52 AM

هاي ماميز وكروشات
اخبـــــــــــاركم ؟؟
حبيت اسالكم سؤالين وياليت تجاوبوني ..
1- متى يبين هرمون الحمل فالدم ؟؟ بعد الجماع بكم يوم ؟؟
2- شنهي اعراض الحمل اللي صادتكم فالبدايه ؟؟ ياليت كل وحده تقول لي تجربتها ..
ومشكورين مقدما ..
ق
قلب جسامي
عروس جديدة
15-09-2010 | 07:54 AM

قمر حياتي زين انج موجوده ممكن تجاوبيني على اسئلتي
ل
لولوة الدوحه
عروس رائعة
15-09-2010 | 07:57 AM
صباح الخير



الشوش قاعده مافيها نوم :091:



شخباركم




نور الحب
الله يهون عليج ان شالله
ويرزقج الولاده السهله وهون الطلق




فروشه
ماشالله صج الايام تركض
الله يهون عليييييييييج ام نصور
انا بعد ضد الخدامه
ادري انه تعب
بس انا جربت الخدامه والله تقعد عالقلب ..ولا خذت راحتي في اي شي
واصلا ريلي من النوع اللي ما يحب نشقلها اي مكان معانا ..
انا مركبه لولب ومرتاحه الحمدالله
رحت عند ليلاما



نواري
هلا وغلا
وحشتينا ام حمني
مايوحشج غالي فديتج
شخبارج واخبار البيبي ..






مزمز
نايس الشنطه
شوشه جذي اول بيبي في بيتنا
[
عروس نشيطة
15-09-2010 | 08:08 AM
قلب ج

حبيبتي بخصوص الهرمون انا كنت على ويهي وحملت وانا مادري اصلا .. ! وكنت انطر الدوره وماجـآتني .. وحللت فالبيت
لازم يكون الجماع في ايام التبويض هاي اللي اعرفه .. وبخصوص متى يبين انج حامل .. ممم انا تآخرت علي 5 ايام وحللت مره ومرتين ولا طلع شي يوم مر يومين بعد ولا ياتني حللت مره ثانيه وطلعت حامل بس اذا سويتي تحليل البيت انطري عليه ربع ساعه تقريبا عشان النتيجه تبين آضمن لج .. ممم واعراض الحمل انا الصراحه كنت اعشق الرقاد وكنت كله تعبانه وراسي ساعات يدور بس لان فيني نقص حديد فما حطيت ببالي ان من الحمل اذا دار راسي كلت لي شي عشان اصحصح شوي .. والرقاد كان عندي بزووود ..

ان شاء الله جاوبت على كل اسئلج ...
الله يرزقج ان شاء الله اللي تتمنينه .. والحمل القريب ... بس نصيحه لاتحطين ببالج ان تبين تحملين بسرعه بسرعه خليها على الله وتفاجأي بالحمل .. توج انتي متزوجه وان شاء الله تحملين بأقرب وقت تبينه ... :)



لولوه

فديتها الشوووش .. خليها تعدل رقادج ههههه ،،

انا قاعده وتريقت ريلي راقد ومتملله ... ابي اطلع بس مانعيني من الحركه الزايده .. الله كريم ...


ق
قلب جسامي
عروس جديدة
15-09-2010 | 08:16 AM

تسلمين قمر حبيبتي ماااااقصرتي كلش فديتج ويارب اتفاجأ على قولتج يااااارب
مشكوره والله يقومج بالسلامه يارب
F
Farfalla Qatar
عروس جديدة
15-09-2010 | 09:56 AM
قلب جسامي;13126188:

هاي ماميز وكروشات
اخبـــــــــــاركم ؟؟
حبيت اسالكم سؤالين وياليت تجاوبوني ..
1- متى يبين هرمون الحمل فالدم ؟؟ بعد الجماع بكم يوم ؟؟
2- شنهي اعراض الحمل اللي صادتكم فالبدايه ؟؟ ياليت كل وحده تقول لي تجربتها ..
ومشكورين مقدما ..


هلا قلب ج..

انا لما فكرت احمل رابع مرة..

حاولت اركز واكتشف الاجابات على هالاسئلة..

وكانت كالتالي..<<<<< بخصوص..... مدرّسة يعني؟؟؟

الهرمون يبين بعد التلقيح ب14 يوم..
لان صادف عندي التلقيح صار تاسع يوم من الدورة..

قبل 5 ايام من الدورة اللي بعدها حللت دم وطلع الهرمون 12.. واذا كان اي رقم اكبر من 5 يعني حامل..

وللتأكيد حللت بعدها بيومين طلع 150

وانا تجيني اعراض(قبل وقت الدورة) عبارة عن نغزات في الرحم كأنها ابر.. وودج تحكينها..بس هي دااااخل ومستحيييل تحكينها..
ونغزات في الصدر بعد نفس مالت الدورة..

وصرت اعرف اني حامل قبل وقت الدورة بكم يوم..

ومثل ما قالت قمر.. كله ابي انااااااااااااام



بدور..

بالنسبة لموضوعج..

انا طبيعتي في الدوحة ما اخذ الخدامة معاي في طلعاتي مع عيالي اذا كنت طالعة مع ريلي..

بس اذا بروحي سايقة.. اوديها للألعاب بس مع اليهال..

ومن كم شهر لما كنت حامل..
اضطريت اخذها.. لان عندي رضيعة.. غير اليهال..
وماكان عندي حد يمسك الرضيعة.. امي كانت مسافرة.. وام ريلي بعد..
وعندي اخت وحدة.. وفي الثانوية.. يعني ماتعرف حق اليهااال كلللللللللش
وانا على حسب النفسية.. اذا متهيأة ان عيالي في السفرة معاي.. مستعدة حق كل الحوسة واللوية معاهم..
بس اذا بسافر بروحي مع ريلي.. ما اطول..حدي اسبوع

والحلوة اللي قالت عن الجزر..

ترى انا رحت جزيرة موريشوس..

ومستعدة اروحها كل مرة.. تراها عجيييييييبة..

X