.. █ || « تجهيزات عرائس لشهر شوال 1431 - 2010 م / الجزء = 104 .. ♥

السلام عليكم

بنت الغالي + موون
مبروك الف مبروك والله يسعدكم ويهنيكم يارب ويحفكم من كل شر


مشكورين الاخوات على التقرير واهم شي انه شكله نص التجمع في العرس ..


بنات ترى العربيه للعود مسوي عرض اي شي تشترينه تاخذين واحد مثله مجانا
الخميس اخر يوم ,,

السلام عليكم ورحمة الله وبركاته

صباحووووووو F:

وجدان الشوق
دلوعه قطريه
كاميليا
شوشو
حرمان

تسلمون على التقارير الحلوه تم التقيييم ماعدا كامي مااايصير اقيمج ><

cute noni;13225821:
مرحبا صبـآيا ...

مبروك " بنت الغالي " و " مون " الله يهنيكم ويوفقكم
بنات سؤال محرج شوي :$ من وين اقدر اشتري قمصان نوم ف قطر ؟
مابي الحرير والدانتيل ,, ابي شي غير شيفون ومن هالسوالف انا دورت بس ماحصلت ف المحلات الا كذا واحد
وفي حريم يبيعون بس مادري قلت اشوفكم قبل .. :$

وبالنسبه للذهب ,, بصراحه مــأساه قطر
كله ذهب سعودي ومافي شي حلو ولا موديلات يديده
احلى ذهب الذهب البحريني الي يجي نفس كولكشن الفراشه و فرفشه من داماس
يكون ذهب واحجار ملونه احس احلى

انا مادري شآخذ للحين .. المشكله مافي شي عجبني p:

الله يعين ,, لحين مابديت اجهز والجامعه مب ماعطتني فرصه وماعندي الا شهرين :(

حبوبه الذهب روحي البحرين ويكند وبتحصلين اللي تبينه ماظن الدوحه بتحصلين الخيارات اللي تبينها

لولوه الدوحه + قلب قلبي
مبروك عرسكم الله يوفقهم ويهنيهم
F:F:F:

.. اوداج ..
هلا والله
صباح الخير
شخبارج ؟؟

بنات وين محل ورد العرايس اللي فالسد .. اي صوب ؟؟

:: حرمــــــان ::;13240073:
.. اوداج ..
هلا والله
صباح الخير
شخبارج ؟؟

بنات وين محل ورد العرايس اللي فالسد .. اي صوب ؟؟

تمامووو الحمدلله

للأسف ماعرف مكانهم اتصلي 180 اطلبي رقمهم بيدلونج

مرحبا صبايا
بتكتب لكم تقرير عرس اخوي
كان يوم السبت نفس يوم عرس مووون



الله يهني معاريسنا ويهني مون يارب




عرسنا كان في الشيراتون قاعه سلوى
الكوشه والتجهيزات من ماسيس

كل شي كان ذهبي من الكراسي والسنتر بيس
والورد كان جوري برتقالي مع ورد ابيض نااااااااااااااااااايس ماشالله
السنتر بيس نوعين طاولات عليها سنتربيس مدور ذهبي والطاولات زجاج
والنوع الثاني كان 3 ستاندات ذهبيه عليهم الورد ومن نص الباقه يطلع مثل غصن اخضر للباقه على الستاند الثاني ومن الثاني يطلع غصن للثالث
فصاروا كنهم مربوطين في بعض
وعلى الطاولات كان فيه فطاير واعتقد سويت ..ماذكر بالضبط




الكوشه ناعمه حدها
كرسي اوف واايت وعليها خداديات وكوشيات صغار بيج وذهبي والوجه مورد مثل فالنتينو جذي ..
ومن ورا الكرسي مثل الطاوله بس هي ستاند زجاج ومنثور عليه الزجاج الصغار عاكسين الاضاءه والستاند نفسه عليه فازات كبيره شكلها نفس كاس الويسكي <<خووووووش فازات
داخل الفازات حبات من اللولو كبيره الين نص الفازات وبعدين الورد طالع منه
هالورد اللي طالع من الفازات ..بس لونه اوف وايت مو اصفر

[/IMG]




الخلفيه كانت اوف وايت ونازل منها مثل المرايا الصغيره حلووووو كان بسيط وناعم

على جنبين الكوشه كرتين كبار من الورد الجوري لونه اوف وايت كانوا حلوييين واحذاهم فازتين او ممممممم ماذكر بالضبط اذكر انه كان في شي احذاي اعتقد فازتين كباااااااااااااااااااااااااار وفيهم من نفس الورد اللي عالطاوله


بنات اذا غلطت في الوصف صححوا لي ثرا من الحشره والروحه والجيه ماذكر الحين عدل

الفرقه كانت اماني
الصج بدعت لنا صج صج صج ماشاالله ماشالله ماشالله تبارك الرحمن شلت العرس استانسنا وااايد
مع انه كنا نحاتي لان قبل عرسنا بكم يوم ماماتي حضرت عرس وقالت اماني كانت اطق وكان بارد ما حمى طقها الا عال12 من الليل قد العرب كلهم طلعوااا



ستايلي
احم احم



كنت لابسه فستان جيرسي ابيض ..
حده بسيييييييييييييييييييط الموديل يصير في السلاسل من الظهر الين الخصر
انا غطيت اخر سلسلتين لاني حسيت نفسي وااايد مشخلعه قلت استر نفسي
غطيته بتور نفس لون الجلد ومابين بعد اني مغطيته كلهم عبالهم هذا جسمي احم احم


شعري سوته لي غانيا واللي تقول ان تسريحاتها تنزل وماتثبت غلطاااااااااااااااااااااااااااااااااااااااااااااااااااااااانه انا بس رويتها فستاني وهي اللي اختارت لي التسريحه ووسوتها لي بدون نقاش وجدال ..ولا حتى قلت لها غيري فيها شي ماشالله عليها فنااااااااااااااااانه صج بدعت لنا
تسريحتي كانت على جنب بما ان فستاني ستايله روماني ..

الميك اب ..ديانا طبعا حنت علي البس طقم ذهبي لانه السلاسل في الفستان ذهبيه وفيها سوارفسكي فضي قلت لها نووو واي بلبس طقم فضيي
حطت لي الميك اب اسود بفضي خفيف وروج فووووووووووشي ناااايس
طبعا بنات خالتي من الكويت يسالوني هي نفسها اللي مكيجتج في عرسج قلت لهم لااء هذيك دينا ..قالوا هالثنتين بس اللي يمكيجووونج بطريقه حلوووووووووووووة بدون مايخربون لج رسمة عينج صج دينا وديانا ماقلت لهم عدلوا شي ..ماشالله عليهم
بس انبهم عالاشيا اللي ماحبها ويحطون لي الميك اب بطريقه ناااااااااااااااااااااايس وتعجبني ..بس اللهم شفايفي كبرتهم ديانا وااايد هي تقول شوي بس انا احس وااايد
عموما كنت عاجبه نفسي اوي اوي ماشالله علي ههههههه




قلبو لابسه فستان اوف وايت ..ناعم وفيه شك خفيف ..وفتحه ..ماذكر اني شفت الفتحه في فستانها لووووول
ستايلها طبعا شعرها رفعته لها غانيا نص رفعه وقذلتها نص نازله على عينها ونص مرفوعه شوي على جنب
وميك ابها كاااان ناااايس بعد عند ديانا ..كانت دامجه لها لون فوووووشي مع الاسود ودمجته بطريقه مابين انه فوشي بس البدايه كنت خايفه انه مايعجب قلبوووو بس الحمدالله طلع اوووكي




البنات اللي شرفونا بحضورهم


نصفه الثاني
ماشالله عليج هااااااااااااااااديه ونااااايس حدج
عجبني ستايل شعرج
فديتج والله نورتي العرس
وتشرفنا فيج




[COLOR=seagreen]هيوبه [/COLOR]
اهلا بالحب
هههههههههههههه
كل سنه وانتي طيبه
ثرا نسيت اقولها لج في العرس
وتذكرت عقب لوووووووول
شرفتينا بجيتج




ديور قطر
كانت اول الحاضرات فديتها
ماتخيلتها جذي ضعيفه بس وجهها حلوووو ماشالله
وضحكتها نااااايس
هااااااااااااااااااديه ماشالله عليج
ختى شكيت فعمري قلت هي ديور قطر والا في ديور ثانيه في البي بي معاهم كثر ما كنتي هاديه
ماشالله عليج


شوشو
جات بسرعه وطلعت
ماشالله عليج حلوه ونايس
ان شالله الجايات



[COLOR=seagreen]سدومه [/COLOR]
جات بسرعه وطلعت
واقووووووووولج ماقصرتي فديتج ان شالله نفرح فيج قريب




[COLOR=seagreen]يزوي [/COLOR]
ههههههههههههه
فديت وجهج انا
جيران الطفوله لوووووووول
البنات يبون يشوفونج وانا ولا عرفت وين قعدتي
مالحقتي الا على دحدوحه اظن




ام الغاليين
ياعيني يا ليلي عالاصفر
كان خاطري في فستان اصفر بس مالقيت شي عدل
و وحده من جماعتنا لابسه اصفر بس عشان اللون تقول موديلها عادي وااايد ومب عاجبها ذاك الزود بس تبي اللون وخذت الفستان يمكن شفتيها في العرس





بيرل قطر
فديتج اسمحيلي ثرا انا كنت وااايد مشغوله
نكج مو غريب علي بس ماعندي وقت في العرس اني افكر متى سولفنا مع بعض في المنتدى




طبعا كاميليا ودحدوحه وحرماني وغيور ولولوه قطريه ذكرتهم من قبل
ماقدر اقول غير الله يخليكم لنا يارب والله لايغير علينا وتشرفنا فيم وبحضوركم الكريم
اهم شي الكروشات فديتهم خخخخخخخخخ



وجدان الشوق وماماتها ومرام قطر وماماتها شرفتوووووونا فديتكم وماقصرتوا




وج وج
ماشالله ضعفانه وااااااااااااااااااايد عن عرس مس قطر وصبغتج نااااااااااااااااااااااااااااااااااااااااايس حتى الميك اب وين صبغتي شعرج وقصيتيه ؟؟
اصلا انتي محلوه محلوه محلوه ماشالله عليج تبارك الرحمن





واسمحوا لي ثرا من اللويه والزحمه ماشالله لا اله الا الله ماشفت عدل يعني حتى زفه العروس كنت قاعده ورا ومانتبهت عليها عدل بس عجبت هلنا من الكويت خخخخخخخخ ومدري عن هل الدوحه عجبتهم والا لااااء

لولوة الدوحه ألف ألف مبروك عرس أخوج الله يهنيهم ويسعدهم إن شاءالله :)

ومشكورة على التقرير الحلو وشكله العرس ماشاءالله نايس تسلمين حبيبتي

ذكريات
الفال لج حبيبتي
والله يبارك فعمرج حبوبه

السلام عليكم ...


بنات فديتكم وين يسوون زفات حلوه ؟ بدون شعر
ابي اغنيه بس ..

عرسي بعد شهر ونص وتوني أفكر في زفتي :rolleyes:

لولوه الدوحه

1000 مبروك زواج اخوج الله يهنيهم ويسعدهم ويرزقهم الذريه الصالحه

لولو
الله يوفقهم ويرزقهم الذرية الصالحة ويبلغكم ف قلبو وباقي خواتج والشوش يااارب
وعن فستاني عيونج الحلوة حبيبتي
وام الاصفر اللي من جماعتكم هي ليموني انا فسفووووري وصج كان لون فستانها حلو والموديل ناعم
ماعلقتي ع القصة خخخخخخ

واما زفة عروستنا كانت حلوة ابوها مسويها لها فديته والله بدع الله يخليه لهم ان شاءالله 
بس ماشفناكم ثاني يوم الغدا توقعتج تجين 

ويعطيج العافية ع التقرير حبيبتي 

اوداج وام عيسى
الله يبارك في اعماركم حبيباتي
الفالك لج اوداج
وتفرحين في احبابج ام عيسى فديتج وفديت اسمج




حرماني وكامي وشوشو ودلوعه
تسلمون فديتكم شرفتونا والله بجيتكم
وماقصرتوا فديتكم




دلوعه قطريه
فديتج السموحه منج قلبو عبالها انتي في لندن
ان شالله عرس قلبو تشرفونا انتي واليجنت يارب




حرماني
فديت النيو لوك والمحلوييين انا
ورد العرايس في النصر مب السد
قبل محل الضيافه ..



ام الغاليين
علقت عالقصه بس ماعرف وين كلامي راح
مدري كتبته هني والا في الشات
قلت لج حلو ماشالله القصه والصبغه
انا ماحب اقص هالقصر على نفسي واقصر شي قصيته كان تحت الكتف بشوي مايهياني قلبي ..
الحين ابي اتجرأ عشان اقصه بس طول القصه اللي حطتها غيورلما قصت شعرها قصير تذكرين ..؟
وانا نوعي ملول مره وحده تلقيني ابي شعري طويل
وقصتج وهالستايل من القصات يبيلهم معابل ومجابل بالذات اذا طول الشعر لازم ترتبينها اول بأول احس..


القصه حلوه عليج بس علي انا ما اتخيلها ابد ..



بسومه
فديتج والله
ان شالله الجايات يارب ولا يهمج
اهم شي راحتج

لولو
تقصدين قصة فيكتوريا 
انا كنت ابي اقص نفس قصة يغار بس اختي تقول هي قصتها وما كانت حلوة على ويهها وكلش ماشجعتني بس ان شاء الله على عيد الاضحى باروح اعدلها

شوفي اذا انتي مب جريئة ماانصحج ابدا تقصين هالقصات لان يبيلها قلب جامد بس شوفي من فترة موزان حطت كم قصة للشعر الطويل بس يبين كانه قصير شيكي ف الشات بتلاقينهم

ومرة ثانية ربي يبلغكم ف الباقي يارب وسلمي لي ع الوالدة

ام الغاليين
الله يسلمج من الشر يبلغ ان شالله
ممممم والله قلبو تحن من طلعتي الاربعين من سنتين هي وبنات خالتي يحنون علي قصيه قصير نفس قصه غيور فكتوريا و يقولون لي غيري في لوكج وانا فخاطري بس اخاف انه مايعجبني واتحسف ..

ماشاء الله تحرك الموضوع بالتقارير :)
الله يبارك لكل زوجين و يسعدهم و يهنيهم , و الله يرزق بنات المسلمين الأزواج الصالحين و نفرح فيهم كلهم ..

لولو :
فستانج ما شاء الله وايد حلووو و التغطية ترى كلش ماتبين ..
جاهز صح ؟ من وين ؟
و قلبو فديتها ما عليها قصوور ..
والله يهني معاريسكم :)

هاااي <--- داخله عررض ><


لوو لوو

بالمباارك عرس اخووج وعقباال قلبوو والشووش فديتها

مرحبا

لولو وقلبوو

لولو وأنتي بخيررر حبيبتي احتفلت وياكم بعيد ميلادي خخخخ

الله يهني معاريسكم والعرس كان مرتب وحلوو والطق أرووع مأشاءالله

استأنست لما شفتكم وشفت الشوش فديتهااا

وبنات عروس نصوفه ودح دح وديور وأم الغالين ويزوي ويعار الحلى لولو قطريه كامي شوشو واختهاا بيرل أوف قطر والحب حرمانووو

تشرررفت بشوفتكم كلكم


لولو وقلبوو

ضيافه عرسكم من وين ! والمضيفات من وين ؟

بس حبيت ادخل أشكركم على استقبالكم الحلوو وعقبال مانرقص ف عرس قلبو حبيبتي


مـووون حبيبتي الله يووووفقـج فديتج وترتيبات عرسج تجنن مأشاءالله « شفت الصور ف البي بي


عقبال كل البنات يأرب:)

هااااااااااام جدا لشعرك


http://forums.3roos.com/showthread.php?p=13247171#post13247171

صباااااااااااااااااح الخيرررررر

اول شي مبروك للغاليه بنت غلوووي فديتها كانت تجنن .. طبعا انا ولولو كنا فالنادي الدبلوماسي ليلة الحنا ... طلعنا عال10 ونص رحنا الريتز بما انه قريب يدوب 5 دقايق سلمنا و11 الا عشر احنا رادين قاعتنا .. مشالله عرسها كان حلوو والطق عجبني
الحين عرسنا ^-^

فديتهم اللي شفتهم بالعرس .. حبيبات قلبي والله شرفتووووونا .. بس ماقعدت معاكم وايد حسافة .. اسمحولي يالغاليات
كنت واقفه عند الطاولة قريب الكوشة واشوف لولو معاها وحده ماعرفتها .. كيووووت وعصقوله فديتها ... واول مره اشوفها .. ديور قطر .. فديتها ادش القلب وهااااادية واييييييييد

وعقبها شوشو هيهيهيهي ياربي على هالبنت انا واقفه في ويهها وتتصلي تلفون .. وصج مادري ليش تلحقني معني وديتها صوب البنات ههههههه لين دشت حرماني هدتني الشريرة ..
حرماني....حسافة ماقومتج ترقصين يالله بعرسي :p
يغار الحلى
حياتي العصقولة وحشتيني

دحدوحة
وحشتيني وايد وشرفتينا حبووو

.. ولولو قطرية ويزوي وام الغالين طبعا من اهل العرس ..

سديم فديتها واختها
سلموا وطلعوا .. ياحبي لهالبنت ماقصرت فديتها معنها تعبانه الله يعطيها العافيه يارب

هيبووووب يااااااقلبي .... فديت الحيا انا ... مارقصتي ياشريرة


بيرل اوف قطر
مانسى جيتج ابد .. احببببببج دبووووتي .. حبيبة قلبي فرحت بشوفتج وايد ماعرفتج مغيره الصبغه وميك اب هيهيهيهيهي.. وان شالله ترقصين بعرسي ^-^ كيفي

نصفه الثاني
كتكووووووووته هالبنت .. نكها واسلوبها يعطيها لوك وحده طويلة وعريضه وقوية خخخخ بس فالطبيعه نتوفه وصغنونه وكيوووت ..اسمحيلي كلش ماقعدت معاج .. وايد كان فخاطري اسولف وياج ويوم رديت انتي كنتي طالعه .. شرفتينا حبو وان شالله نتعرف عليج اكثر ..

وجدان وماماتها الحلوة ومرام الكيوت وماماتها
تسلمون حبيباتي .. اتصدقين مرام ماذكر شكلج اللوك اللي يقولون عنه خخخخ ماركزت كلش بس اعتقد كان اخضر فاتح .. انتي دوم حلوة ياحلوة ..


فرحت فيكم وايد وبشوفتكم تسلمون على حضوركم ماقصرتوا يالغاليات اشكر كل وحده حضرت وكل وحده اعتذرت من الحضور لاسباب ولظروف خاصة .. فديتكم الله يخليكم لنا ولا يغير علينا ... وان شالله تفرحون قريب فيني ههههههه يه قولوا امين بس




بسومة
فديييييييتج معذورة ياقلبي .. ولو ان طلتج البهيه تشرح القلب والعرس نقصه وجودج بس هم ارد واقول ان شالله بعرسي هههههه بتذبحني اللولو على هالكلمة ..
وصح كوشة مون نفس كوشة بنت غلوي .. بما اني مريت عرس غلوي لمحت الكوشة ومون حطت صور عرسها فالبيبي قلت نفسها بس يمكن تغيرات بسيطة بس الورد والطاولات مادري .. والكوشة مشالله حلوة وايد عجبتني .. الله يهنيهم يارب



هيبوب
من ضيافة الخليج حبووو ..
والسويتات والموالح كلها من اهلنا ماعرف عنها ولاشي ..
وفيه موالح من طرف العروس

ام حمني
حبيبتتتتتتتتي .... الله يبارك فيج ...ويهون عليج ... عرفت من لولو طبعا بما اني مادش النت الا نادر ..


دلوعة
الجايات ان شالله .. عرسي او عرسج او عرس عطور هههههههههه



مووون وعطور هههه كتبت اسمج اول شي

حياتي الف مبروك والله يهنيكم .. والفال لج عطورتي الغاليه نحضر عرسج بس بذبحج اذا سويتي عرسج نفس يوم عرسي :mad: انا ومون تهاوشنا على كل شي .. بس انتي بذبحج عادي ^-^
فديتج ان شالله نشوفج احلى عروس قولي امين .. ان شالله انا وانتي قريب ننخطب على هالكشخه والا شرايج خخخخخخخخخ

لولوو
بالمبآآآرك والله يهني معاريسكم ويوفقهم ويرزقهم بالذريه الصالحه وعقبال قلبووو وبنوتتج ان شاءالله هههه
فستآنج احسه حلو .. احب هالستايل الناعم
وصار خاطري اجرب غانيا ان شاءالله فاقرب مناسبه لين رجعت الدوحه ان شاءالله

@@ بس ليش لابسين انتي وقلبو نفس اللون ليش ماغيرتوووا D:



قلبوووو
بالمبااااارك والله يهنيهم وعقبااالج يارب قريب ان شاءالله
صج كان خاطري احضر بس الله كتب اني ماكون فالدوحه .. ان شاءالله احضر عرسج ان شاءالله