شات بنات مصر القمرات منتظرات الحمل ان شاء الله لشهر شوال

السلام عليكم
ازيكم يا مدامات
معلش انا قمت فجاه كده النت عندى فصل عااا
و نزلت جبت التحاليل و جيت

sweetyronaaa;13224208:
بصي بقي انا هقلك القصه بالتفصيل
انا كانت البريود متاخره عندي بقالها حوالي اسبوع او عشر ايام و جوزى مكنش يعرف انها اتاخرت اصلا
و كانت ساعتها الدكتورة قالتلي لو اتاخرت اكتر من 3 ايام روحي حللي على طول
و كنت عايزة اعيد التحاليل و اخلي جوزى يعمل تحليل لما البريود تيجي
المهم في يوم خارجين انا وجوزى نسهر بره و نقابل بنت خالتى و جوزها بس كان لسه بدري علي المعاد فكنا بنلفلف بالعربيه المهم قعدت اساله على اماكن معامل التحاليل القريبه من البيت المهم هو بيسالني هي المفروض هتيجي امتى عشان نعمل التحاليل قلتله يوم التلات و سكت شويه و بعدين قلتله بس اللي فات
طبعا هو سمع كده قالي طيب مقلتيش ليه كلمى الدكتورة و قليلها قلته يا ابني بلاش هحلل على الفاضي ليه ( مكنتش متوقعه بصراحه;) ) و كنت اياميها حاسه بوجع في بطنى و ضهري جامد جدا المهم قعدت اقله انا حاسه انها خلاص هتيجي نستني يومين كمان لو مجتش ابقي احلل يقولي لا كلمى الدكتورة فرحت مكلماها قالتى روحي حللي حالا اقلها خليها للصبح طيب تقلي لا مش هتفرق ده تحليل دم
طبعا جوزى ما صدق على ما قفلت التليفون لقيته راح عند معمل البرج و ركن و قالي يالا نحلل و فعلا حللت و النتيجه قالولنا هتطلع تانى يوم بليل
تانى يوم بقي جوزى كان نازل عنده شغل و قالي هعدي اجيب التحليل و انا رايح و راح يجيب التحليل و كان عايز يسال الدكتور اللي هناك عن النتيجه لاقي واحد بيتخانق معاهم عشان اتاخروا على مطلعولوا التحليل فمعرفش يسال حد طبعا
و كلمنى في التليفون اقله طيب اقرالي التحليل يقولي مش عارفه كل اللي قدامى ارقام مش فاهم حاجه اقله هتلاقي رقم على جمب كده لوحده قلي هو كام يقولي مفيش ( قلت خلاص مفيش حمل الحمد لله على كل شئ:-# ) المهم شويه و لقيته بيقولي استنى فيه رقم كده 700 و حاجه قلته طب الحمد لله ال 700 دي بقي تحت ايه من الناحيه التانيه قالي مكتوب من 3اسابيع ل 4 اسابيع
مش قادره اوصفلك بقي احساسي كان عامل ازاى بجد قعدت اعيط من كتر الفرحه و مكنتش مصدقه و لا حتى عارفه اقوله ايه و هو يقولي يعني ايه الكلام ده اقله الحمد لله يقلي ما الحمد لله على كل شئ بس برده يعني ايه قلتله انا حامل في 3 اسابيع قالي متاكده قلتله اه قالي لا هاتى نمره الدكتورة انا هتصل بيها اتاكد و اتصل بيها و اتاكد منها

sweetyronaaa;13224228:
و كنت لابسه ايه بقي
انا يوميها اصلا كنت بحتفل بعيد ميلاد جوزى
كنت لابسه فستان سواريه موف و جايباله تورتايه و شمع
و هو جاب معاه سندوتشات شاورمه و قعدنا احتفلنا بالمناسبتين مع بعض
و دي كانت قصه حملى
عقبال كل البنات يا رب

:L::L::L::L:
الله قصتك حلوة اوى برضو يا رونا
ربنا يكملك على خير ياااااااااارب و تقومى بالف سلامه يارب يارب ياااارب
و اللى زود حلاوتها ما شاء الله هو عيد ميلاد جوزك

وحلوة اوووى برضو وانتى بتوعى قلبه كده :D:D:D
و تستاهلى الجايزة برضو :G::G::G:


وعقبالنا جميعا ياااااارب

هاااااا غيره
مين اللى عليه الدور يحكيلنا :)

يلا مين اللى هيحكى

انا هنا يا فرح ازيك يا حبيبتى عامله ايه

sweetyronaaa;13224228:
و كنت لابسه ايه بقي
انا يوميها اصلا كنت بحتفل بعيد ميلاد جوزى
كنت لابسه فستان سواريه موف و جايباله تورتايه و شمع
و هو جاب معاه سندوتشات شاورمه و قعدنا احتفلنا بالمناسبتين مع بعض
و دي كانت قصه حملى
عقبال كل البنات يا رب

انتى كده زى العسل وتلميذه نجيبه
جاوبتى على كللللل الاسئله الدقيقه و الغير دقيقه
مع انك نسيتى تقولى كنتى لابسه سابوه و لا صندل و لونه ايه :lol::lol::lol::lol:

manyaa;13224295:
جيت تاني.. جوزي نزل يشتري حاجات ... تعبان اوي .. و عنده دور برد فظيع..ربنا يشفيه و يعافيه يا رب..

الف سلامه عليه يا منمن
شافاه الله وعافاه

و يا مفتريه عامله له اكل مش بيحبه بدل ما كنتى تعملى له حاجه بيحبها علشان ياكلها و تغذيه هااااااااااا؟:|

دينا حمدى;13224433:
يابنات انا عايزة اشتغل وجوزو مش راضى
عااااااااااااااااا
انا مش عايزة اشتغل فراغ ولا علشان المساواة ولا احقق ذاتى ولا الكلام الفاضى ده خالص والله
انا عايزة اشتغل علشان داخلين فى جمعيات كتير لان علينا ديون من ساعة الجواز وهو برضو مش راضى
مش عارفة اقنعه ازاى

طب يا دندونه انتى قداامك وظيفه دلوقتى
و لا انتى لسه هتدورى؟؟؟؟؟؟

وعموما هى خايف عليكى يا حبيبتى متزعليش منه
انتى برضو خليكى وراه كده بالهداووووه مش بالخناق اوكيييييييه:)

يتصفح الموضوع حالياً: 2 (2 من الأعضاء و 0 من الزوار) ‏الطيور المهاجرة, ‏miramiro

اهلا حبيبتى كيفك عامله ايه

دينا حمدى;13224516:
انا هنااااااااا اهو يا نيللى ازيك


انا ماطبختش ضربنا كشرى من بره
بحب اكل الشارع اوى بحب الرمرمة



مابلاش يا اختى
بس هقولك برضو وانتى اللى جبتيه لنفسك
صلى على النبى كان ياماكان فى بت اسمها دينا اتجوزت وبعد الجواز ب4 شهور حملت هيه هيه:D
وبعد يومين من التحليل لقيت دم بينزل :( وروحت لدكتور ودكتورة وطلبو تحليل رقمى لاقوه ضعيفغ قالولى كده خلاص وقولت الحمد لله معلش ان شاء الله احمل قريب ويكمل وفى ناس كتير كده الكلام ده كان فى شهر 12 2008
المهم لحد شهر 4 2009 ماحصلش حمل تانى روحت لدكتور عمل لى تحاليل هرمونات واكتشف ان عندى تكيس وقالى خسى وخدى السيدوفاج المهم اخدت الدوا ولحد شهر 7 ماحصلش حمل برضو روحت لدكتورة ربنا يهديها اديتنى منشطات زيادة وخلت المبيض يكبر اوى دكتور كده دونكى ولا مؤاخذة يعنى افتكره كيس دهنى وكان عايز يفتح بطنى يشيله يبقى كده كام دكتور عدى معايا لحد دلوقتى 4 المهم سيبت الدكتورة دى والدكتور الدونكى وروحت لدكتور صاحبتى قالت لى عليه اسمه احمد الشربينى فى مستشفى المريلاند وده اساس مش مقتنع انى عندى تكيس ولا هرمون لبن عالى هههههههههه ادانى كلوميد وحقن مثبتة وحملت الحمد لله ولكن النبض ماظهرش فاخدت دوا علشان ينزل الحمل
وبعد كده روحت لدكتور عادل البيجاوى وقالى برضو على التكيسات ولازم اخس واخد السيدوفاج وخسيت شوية وروحت له ادانى منشطات وحقن ومتابعة تبويض والحمد لله حصل الحمل ولكن برضو النبض ماظهرش والمرة دى بقى عملت عملية التنضيف والكلام ده شهر 7 اللى فات ودى قصتى مع الحمل والاجهاض
عااااااااااااااااا قلبتى المواجع
بس انتى عسل والله ياميرا وانا حبيتك اوى كانك اعرفك من زمان وبحبكم كلكم فى الله والله ربنا يخليكو ليا

:lol::lol::lol:
اكل الرمرمه طعه حلو و مريييييح بصراحه

وانا اسفه بجد يا دينا لو كنت قلبت عليكى المواجع فعلا :( بجد سورى

خلالالالالالالالالاص محدش يحكى الا الحوامل بقولكم اهوه
عايزين نتسلى عليهم هما نياهاهااااااااااا

دندونه
انتى كنتى بتابعى دايما مع اتنين دكاتره فى وقت واحد و لا ايه؟

دينا حمدى;13224544:
هو بيقولى مش عايز ابهدلك ولانه صعيدى دماغه ناشفة وبيغير غيرة عمياااااااااااااااااااااااااااااااااء :| مش عارفة على ايه ياختشى بس

طبعا لازم يغير يا بنتى
حد يبقى معه العثل ده و مش يغير;)

sweetyronaaa;13224570:
هى المشكله في الغيره دي
انا برده جوزى مكنش راضي انى اشتغل لانوا بيغير عليا اوى
و لما اقتنع انى اشتغل معاه في نفس الشركه و كنت خلاص هنزل الشغل
طلعت حامل
قالي ابدا ابهدلك انتى و اللي في بطنك
هههههههههههههههههههههههههههههههههههههههههههههههههههههههه

سبحان الله

بس مش كشطله يا رونا
ناجل المفاوضات لما تولدى والبيبى يشد حيله كد
و ساعتها لو عايزه تشتغلى يبقى ابدائى الجوله التانيه الى ان يستسلم :096::096:

الحمد لله يا حبيبتى ازيك انتى
هو انتى عايشه فين يا فرح؟

انا ياحبيبتى عايشه بالاردن
وبشهر 12 ان شاء الله برجع مصر

ازيكم يا امهات المستقبل ان شاء الله ... انا كنت عند الدكتور النهارده وفي حاجه غريبه اوي المفروض النهارده كان اليوم ال ١٢ فعملي متابعه تبويض ملاقاش بويضات خالص فقالي في احتمالين يا اما يكون البويضات نزلت بدري يا اما لسه وقالي الي هيبين ان التبويض حصل ولا لاءه هو تحليل البوجسترون فقالي اعمليه وقوليلي النتيجه لو اكتر من ٣ يبقي التبويض حصل وتاخدي المثبت ان شاء الله لو بقي اقل من ٣ يبقي مفيش لسه تبويض حصل واروحله بعد ٥ ايام تاني ... المهم انا خرجت من عنده علي المعمل واخدو العينه بس لسه النتيجه يوم الاربعاء ان شاء الله وربنا يستر يارررررررب

الطيور المهاجرة;13226683:
انا ياحبيبتى عايشه بالاردن
وبشهر 12 ان شاء الله برجع مصر

ترجعى بالف سلامه يا حبيبتى ان شاء الله

و هتقعدى فى مصر اد ايه؟:L:

magda 1;13226701:
ازيكم يا امهات المستقبل ان شاء الله ... انا كنت عند الدكتور النهارده وفي حاجه غريبه اوي المفروض النهارده كان اليوم ال ١٢ فعملي متابعه تبويض ملاقاش بويضات خالص فقالي في احتمالين يا اما يكون البويضات نزلت بدري يا اما لسه وقالي الي هيبين ان التبويض حصل ولا لاءه هو تحليل البوجسترون فقالي اعمليه وقوليلي النتيجه لو اكتر من ٣ يبقي التبويض حصل وتاخدي المثبت ان شاء الله لو بقي اقل من ٣ يبقي مفيش لسه تبويض حصل واروحله بعد ٥ ايام تاني ... المهم انا خرجت من عنده علي المعمل واخدو العينه بس لسه النتيجه يوم الاربعاء ان شاء الله وربنا يستر يارررررررب

غريبه اوى فعلا يا ماجده
سبحان الله

انتى كنتى واخده منشطات صح
امال البويضات راحوا فين؟؟؟؟؟؟؟؟ سوال يطرح نفسه

عموما متقلقيش ان شاء الله خير

يا سلام لو تبقى حامل يا ماجده تببقى جميله اوووووووووووووى ان شاء الله

وبعدين هو تحليل البوجيسترون ده بيتعمل فى اليوم ال 21 صح
طب اشمعنى اليوم ال21
و كمان هو نتيجته بتقعد كتير اوى كده

ميراا انتي مقولتيش التحاليل بتاعتك عامله ايه طمنيني ...اه مش عارفه والله يا ميراا ايه الي حصل ومش عارفه هقدر استحمل ازااي ليوم الاربعاء علي ما النتيجه تطلع انا معرفتش انها بتتأخر كده الا لما دفعت الفلوس ربنا يصبرني بقا يارب

magda 1;13227073:
ميراا انتي مقولتيش التحاليل بتاعتك عامله ايه طمنيني ...اه مش عارفه والله يا ميراا ايه الي حصل ومش عارفه هقدر استحمل ازااي ليوم الاربعاء علي ما النتيجه تطلع انا معرفتش انها بتتأخر كده الا لما دفعت الفلوس ربنا يصبرني بقا يارب

انتى عملتى التحليل فين يا ماجده؟
و معلش استحملى الايام هتعدى بسرعه ان شاء الله
و التحاليل اهيه مش فاهمه فيها حاجه:confused:

miramiro;13227139:
انتى عملتى التحليل فين يا ماجده؟
و معلش استحملى الايام هتعدى بسرعه ان شاء الله
و التحاليل اهيه مش فاهمه فيها حاجه:confused:

انا عملته في مركز رابعه العدويه هو ده كان اقرب حاجه ليا فقولت اعمل في اي مكان واخلص اه و بحبهم من ساعه اشاعه الصبغه وشهم كان حلو والاشاعه طلعت سليمه الحمد لله ... انتي قولي نتيجه التحاليل يمكن نفيدك ده احنا دكاتره ‏‎
‎

magda 1;13227265:
انا عملته في مركز رابعه العدويه هو ده كان اقرب حاجه ليا فقولت اعمل في اي مكان واخلص اه و بحبهم من ساعه اشاعه الصبغه وشهم كان حلو والاشاعه طلعت سليمه الحمد لله ... انتي قولي نتيجه التحاليل يمكن نفيدك ده احنا دكاتره ‏‎
‎

وان شاء الله يبقى وشهم حلو عليكى فى التحليل ان شاء الله

حاضر يا دكتور
فى fsh ده بتاع ايه ؟
نسبته 7.8
و فى LH ده بتاع ايه برضو؟
ده نسبته5.1

و فى prolactin? ده بتاع ايه برضو يا جماعه
نسبته 16.1

افيدونى يا دكاتره

انا ممكن افيدك في البرولكتين هو كده كويس انما التحاليل التانيه معملتهاش قبل كده ... اه ومعملتيش ليه تحليل ‏TSH ‎‏ وده بتاع الغده الدرقيه وطبعا مهم جداا