يااااه أخيرا وصلت لآخر صفحة معلش يابنات انا اسفة اتأخرت عليكوا في الرد بس كنت برة اليومين دول ويدوبك انهاردة دخلت وكل مقرأ شوية يجيلنا حد معرفش اكمل
بصوا الراجل بتاع الفستان في الوكالة والعنوان اهو 70 شارع درب الشيخ فراج متفرع من شارع بولاق الجديد
شارع بولاق الجديد ده هو الشارع الرئيسي بتاع الوكالة امشوا شوية فيه وع اليمين هتلاقوا دب الشيخ فراج ده ادخلوه وتقريبا أول يمين هتلاقوه مكان قديم كده وبرضه اسألو المحلات اللي تحت فين مصنع عادل خليل بتاع فساتين الأفراح
نوشة معلش والله انا بس مدخلتش مش قصدي اطنشكوا يا قمرات
ميراميا ومشتاقة وتوتا وكلكوا وحشتوووني
ميراميا بصي يا بنتي زي مقولتلكوا الراجل كده كده بياخد 600 تفصيل انا بتاعي القماش تقريبا ب 500 او يمكن يزيد وهو كده كده 600
بصي هو الأول بيشوف الفستان يعني شاف الفستان اللي انا اخترته وهو ده اللي اخترته في الاخر ومحدش يقوللي حاااااااااااجة لأني تعبت من نفسي ومن الاختياااار وده اخر ما توصلتله
المهم قاللي الستان اللي في الفستان ده 10 متر والنوع الكويس للموديل ب 40 جنيه المتر فقولتله طب مفيش أنواع أقل شوية
فوراني كذا نوع وهو على فكرة بيقوللي السعر من الآخر يعني مش بيقول سعر البيع بيقوللي السعر اللي هو بيجيب بيه كجملة المهم وراني كذا نوع نوع قاللي صعب يطلع نفس شكل الفستان واستقرينا على نوع قاللي ده معقول وانا كمان عجبني وكان ارخص ب 20 المتر
والمطرز حسب بقى مانا اجيب هو قاللي هاتي اللي يعجبك وقاللي محل هو متفق مع واحد في المحل على انه يقول للي جاي من طرفه اااخر سعر من غير فصال يعني المهم قاللي شوفي لو عجبتك حاجة هاتي من عنده وهو هيقولك اخر سعر لو معجبكيش او كل المطرز غالي هاتي قماش مش مطرز واحنا نطرزه وهخيبقى رخيص برضه هناخد ع المترين 100 جنيه وقاللي صحيح ان الفستان محتاج 4 متر مطرز لكن هيبقى غالي فانتي هاتي اتنين بس ونفرغهم ونحطهم على تل فالاتنين متر يعملو 4 متر وقاللي كمان على محل في الموسكي بيبع كنارات كده مطرزة قاللي روحيله ده رخيص وبيبيع بالكيلو وبرضه نفرغ منه الوردات ونحطها ع التل فبصراحة راجل جااامد
المهم اللي عايزة اقولهولك يعني ان نفس فستاني ممكن بدل 1100 يوصل ل 3000 حسب القماش اللي انتي هتستخدميه وهو بيقولك ويوريكي كل الخيارات وانتي تشوفي الأنسب لامكانياتك
واللي في الصورة مش اللي انا اخترته هو اصلا مش بيبيع الستايل ده ولا بيبقى عنده جاهز كل اللي جاهز عنده السوري لكن دول بيبقى عاملهم مخصوص لاتيليهات او ناس زي مقولتلكوا وانا الحمدلله المرتين اللي روحتهم شوفت كذا فستان قبل ميتسلم للاتيليهات
توتا بصي الحاجات بتاعة كتب الكتاب المفروض تروح قبلها بكام يوم هي اصلا مبتاخدش يوم لكن المكان بياخدها عشان يديها للمأذون يسجلها عنده انا وديت الورق قبل كتب الكتاب علطول والحمدلله بالصدفة المأذون كان موجود وخدهم يعمل بيهم الأوراق قالولي لو اتأخرتي المأذون هيعد يكتبهم في القاعة وده هياخد وقت طبعا
فانتي اعمليهم علطول ووديهم مش هياخدوا يوم
فلة الراجل ده مصنع فساتين مش بيأجر يا جميل
ايمي صحيح سوري اني نسيت وحطيت فستان من غير مطمسه نسيت خااالص ويارب تكوني عرفتي العنوان بالتفصيل
