nosha_2000;13191923:
شكرا على المعلومه يا جميل بس انا عايزة اوضح حاجه للامانه انا اعرف ناس شغاله فى النساجون و سالت مرة فى حاجه زى كدة بس اكتشفت ان السجاد درجات فى درجه اولى هما بيقولو عليه "فرز اول " و فى فرز تانى وممكن تكون نفس سجادة بس دى بتوبر و دى لا صوف دى غير دى و مش بتبان الا بالاستخدام و كل الفى الفروع الاساسيه للنساجون فرز اول و ايام المعارض بيكون فى الفرز التانى ده ارخص
بصي يانوشا برضه انتي معاكي حق
ماما مره جابت سجاده للصالون من هناك
وعجبتنا قوي
فقلنا نجيب نفس الشكل للانتريه بتاع الريسبشن
مش عارفه حاسين بتغيير في الخامه وطبعا السعر كان ارخص
وكمان في حاجه مهمه
الموديلات المودرن والغاليه مش متوافره قوي بره
وكمان النساجون فيه كل الاشكال تحت سقف واحد
ده لوحده يستاهل الزياده في السعر
ema_cola;13191978:
يابنات حد يقولي اعمل ايه في حماتي فلبا حيتنا جحيم من ساعه لما جابنا الدهب هي عايزه تخده تخليه عندها لحد لما نلبسه علما باني مش هلبسه غير يوم الفرح
واحنا نفهمها انه الطبيعي يكون عندنا وابدا مفيش فايده دلوني اعمل ايه خلاص هتجنن حاسه اني بمسل فيلم الحموات الفاتنات ويعني خطيبي محتار مبنا
بصي انا برضه جبنا الدهب وامام خده
بس وريته لبابا واخواتي وخده وهو مروح
واخويا برضه جبنا الشبكه ومراته فرجتها لباباها واخواتها وروحنا بيها
واللي اصر علي كده مرات عمها هيا اللي جت معاها لان مامتها متوفيه
احنا لافضنا وهيا اصرت
فمعلش بقي
بصي انا حاسه بمامتك الواحد بيحس انه متضايق شويه فقوليلها دا طلع كل البنات عاملين كده
دا مفبش ولا واحده الا وخطيبها خد الدهب
وان ده الاصول وكده وهديها
معلش هي خايفه عليكي
te amo;13192223:
ممكن تقوليلى فين فروع مركاتو او حتى رقم التليفون
بصي ياقمر
انا ماعرفش غير الفرع اللي في عباس العقاد
عارفه الشارع اللي رايح علي جولي وجنينه مول هو في اوله
te amo;13192327:
ممكن ياشرى تقوليلى فين هوم تاتش ولو ليه رقم لان كذا بنت سالت ومحدش رد ومعلش هنتعبك ؟
بصي ياقمر دا ملف وورد كنت حافظاه عندي
((العنوان بالظبط
44 ش مصدق -ناصية ميشيل باخوم -الدقى
بصوا بقا تدخلى ش مصدقى فى الدقى دة مشهور اوووووى تفضلى ماشية فية من ناحية الكوبرى بتاع الدقى دة بس على ايدك الشمال لحد ما تلاقى توكيل راية ادخلى الشارع الى على ناصيتة راية هتلاقى المحل على ايدك الشمال على طول
المحل للاسف ملوش فروووووع خااااااااااالص))
te amo;13192393:
بنات انا عندى اقتراح كل واحدة تعرف محل زى مركاتو وزهران ورويال كتشن عنوانه او فروعه تكتبه لان اغلب الاسئلة بتسال على المحلات دى
وعاوزكو تدعولى ان الكهرباء تدخل
سوالى انا جبت 2 لحاف فيبر و2 بطانية وجبت مفرش شتوى بس فيه فيبر ينفع يستخدم الاتنين كده كفاية
فكره حلوه
واعتقد كده كفايه بس لو فيه اوضه اطفال هاتي كمان لحاف وبطانيه
ويارب الكهربا تدخلكم
خووخة احمد;13192614:
السلام عليكم ورحمة الله وبركاتة
ازيكو يا جماعة وحشتونى اوى اوى اوى كلكم بطوطة ومريم وحفيدة فاطمة وفلة وتوته وسالى والله كلكم وحشتونى انا كنت بتاببعكو بس من بعيد لبعيد الايام الى فاتت عشان كنت ساعات ببقى مخنوقه ومش بيبقى عندى حاجه اقولها وماما كانت تعبانه شويه بس الحمد لله بقت كويسة بس تيتا هيا الى تعبانة اوى امبارح كنت عندها مش بتقدر تقوم تروح الحمام والله شوفتها واقعدت اعيط بس فعدت تقولى نا ماشية يا خلود خدى بالك من نفسك ومن خطيبك وقعدت تدينى فى حاجات كانت جايباها ملايات وفوط وادتنى خاتم دهب قالتلى انا كنت شايلهولك يوم جوازك امانه عليكو يابنات ادعولها تقوم بالسلامة
سؤال عشان المخالفة اجيب منين شنطة المعالق مش لاقيه حاجه حلوة خالص
ياحبيبتي
الحمد لله علي سلامه مامتك
ويارب يارب يشفي تيته
صعبتي عليا قوي
ربنا يشفيها ويديهاطوله العمر اللهم امين
ويارب تشوفك عروسه وتشوف ولادك كمان
المعالق ياخوخه من حمام التلات او مول الازهر او التوحيد والنور
انا جبتها من التوحيد والنور
tota_10;13192780:
اه والله عندك حق فى سؤال الملايات ده
ده بعد كده هيتكتب فى المقدمه بتاعه التجهيزات:lol::lol:
هههههههههههههههههههه
عسل يا ميراميه :)
يارب متجمعين فى الخير دايما
دمك شربات ياتوتا
ضحكتيني مووووت:lol::lol:
ربنا مايحرمنا من بعض ومن اللمه الحلوه دي ابدا
والله دلوقتي لما بتخيل حياتي بعد الجواز مابتخيلش نفسي الا وامام في الشغل وانا قاعده معاكم
زي سالي كده ههههههههه
مش ناويه اسيبكم ابدا
:04:
fulla2010;13192940:
مافيش حد يعمل اقتبااس
شنطتك جمييييله يافله
تتهني بيها يارب انا كده ماعملتش اقتباس؟
انتي قصدك الصور طبعا صح
جويرية المسلمة;13193078:
يا بنات
هي السجاد كمان بينزل عليه تخفيضات
وبتكون امتى ... ف أي شهور يعني ؟؟؟
طبعا ياقمر
غالبا بيبقي في شهر 3 و 7
دلوعة الغالى;13193246:
بنات هو قماش التل الاسترش فى منه طبقة واحدة وفى طبقتين ولا ايه ياريت حد يوضحلى لو عايزة اعمله طبقتين اروح الازهر واقول لبتاع القماش عايزة قماش ايه بالضبط
اعتقد لأ ياحبيبتي
انتي بتجيبي القماش والترزي بيعمله هو طبقتين ويخيطهم علي بعض
بتقولي للراجل عايزه قماش تل للبدي التل
واحسن حاجه تروحي للترزي الاول وتساليه تقولي للراجل بتاع القماش ايه كده اضمن