لمة الليبيات لشهر شوال

عروسة ليبيا تسلمي ياعسل على الكلام الحلو والرد الكافي والوافي وسفرتي لمصر مش شهر عسل اني وليت مغتربة زيك راجلي يخدم اهني والعيد هادا اول عيد بعيد على اماليا وبلادي ليبيا الحق حسيت بفراغ كبير وحتى بكيت واني انكلم في اخواتي بالعبرة لكن يلا هادي الحياة
والله قعدت مشغولة عليك طمنيني شن صار في موضوعك هاداكا ؟؟؟

قهوة صباح مادوريش كلامها وديري روحك طرشة وهادا دليل على انها غايرة منك واضح اصلا الله غالب وخلاص

روح الوليد وينك حق ليك وحشة
دايموند ربي يكمل عليك وان شاء الله يجي عرسك كيف ماتتمني

حتى اني نبي انزل تجهيزات عرسي لكن للاسف قعدو الصور كلهم في ليبيا سفرتي هادي جت فجأة مالحقتش اندير شي بعد رجعتي من تركيا باسبوع جيت مصر يعني ماشبعتش حتى كوني عروسة في ليبيا
لكن تو انزلكم صور شهر العسل في تركيا قعدت غادي 15 يوم كان ايام مش عاديات بكل وتركيا حلوة حلوة ونظيفة لكن الحق غالية

احلا امورة خطيبي هلا واحلا صباحو

والله حتىاني تمنيت انشوفكم في عرسي لكن حصل خير
سمعت ان ام هايلة جت لصالة امالي راجلي على ماعتقد ؟؟؟

واني سجلت المولات اللي قلتي عليهم واول مانرجع للقاهرة نبدأ في الطلوع تعرفي جيت قبل رمضان بيومين وطلع طلعة وحدة بس لستارز سنتر وكانت طلعة سريعة

وبالنسبة للراجل اكيد بداية الزواج بتكون مرحلة صعبة وكل واحد يحاول يفهم التاني واني طبعي صبورة وبالي واسع وحتى هوا باله واسع بس هي مسألة وقت للتأقلم مع بعض


وفعلا اني مفكرة نخش دورة ونطور من نفسي خير من تقعميز الحوش والكساد

اهلا بنات ان شاء الله امروكم كويسة وبخير

واخيرا نضت فى الصبح طبيعى الساعة 8 انحس فى شعور غريب نضت بدرى لى شهر واانا على نفس روتين

قهوة الصباح حبيبتى ولايهمك الموقف الى صار المراة هى الى مسكينا شكلها مش متربية ع الاصول والكلام السمح ولا الذوق
قولى مشكينة شنو دايرن هل دارها معها والا زوجها

روح الوليد;13104747:



مساء الخير للحلوات وكل سنة وانتم طيبين وينعاد عليكم باالصحة يارب

وانتي بالف خير ياسحمة ليك وحشة

ان شاء الله رمضان كان اكويس علي الجميع اهلكF:

فيرونا 25;13104806:
يتصفح الموضوع حالياً: 7 (7 من الأعضاء و 0 من الزوار)
‏فيرونا 25, ‏حبيبة أيمن, ‏عروسة ليبيا, ‏هديرالحب, ‏عروسة الاميرات+, ‏mememass, ‏ام وسيفه


صبايا

معليش وين ردودكم بخصوص الزى الليبى

والله ياحلوة لو عندي فكرة ماكنتيش حنبخل عليك

بس لاسف مانفهميش فيهم حتي بالكذب:o

طرابلسية لسرتاوي;13105326:

بنااااااااااات من عندها صور بطاقات حلوات تعرفو انا قبل ف بالي بناخد يالخشبيات او متع الشمع بس مش عارفه توا نفكر نديروحدات ع ذوقي وحلوات ونوتيهم من توا زعما عادي والا يجي وقتها ساهل؟؟؟؟؟


خايفه يتحدد العرس فجأه لان بناء ع سفرته هو مرات حتى ف شهر وخايفه يجي كل شئ مشي حالك فيدوووووني

خلتني حتي انا نفكر :)من زمان وانا اندور في تصاميم بسيطة وحلوة

وعسول او مانفضة وندورلك ونزلك ,F:

Diamond Ring;13106841:
حبيباتي و صاحباتي و وخياتي

استحشتكم كلكم بدون استتثناء

مشكورة كل واحدة اتفكرتني و سالت عليا هني و لا على الخاص تعرفو مشنوووووووووقة


بلاهي عليكم ادعولي ربي يسهل اموري و يمشي العرس على خير


عروسة ليك وحشة كبيييييييييييييييرة و قولي لحيو هانت خلي نحصل على عزو بس


و وعد يرجع الخط الاحمر يعبي المنتدى انشاء الله


سلامي للجميع

في وحدات ربي يهديهم وخلاص

البنات كفنن ووفن حبوبة ديري روحك حولا وماتعدليش:confused:

ربي يحفظلك ويحفظ هلك وعويلتك وزوجك :L:


ام وسيفة :

اولا اهلا بيك معانا في منتدي مع انها متاخره

وكل سنة وانتي بالف خير

بارك الله فيك في شغل ايديك ماشاء الله روووعة

تشتغلي في ليبيا ولا خارج منها ؟؟

وعجبني واجد التركوازي لو يجي ع الفوشي رووعة

تسلم ايدينك مرة اخره

صباحو لاميرة وعروستنا وامورة خطيبها :L:

في امان الله

صباح سكر ياقدرك كبير بقلبي تسلمي
عروسة الاميرات تعرفي حتى اني في رمضان برنامجي تلخبط النوم مايجيش للساعة ع الفجر ومرا حتى اكثر والصبح انوض مع الساعة 12 ومرات الساعة 2 تعرفي اخلاقي فسدت بالنوم لكن تو به شوية انحاول انرتب اموري ونعدل نومي اليوم نايضة من الستة درت دوش واهو نستنى في الراجل ينوض باش بنروحو لقاهرة لكن تبيله باش ينوض عنده للساعة 2

عروسة ليبيا;13107166:

امورة

خطرها مكيجتي عند مدام ربيعه ولا وين

وشن رايك ف لوك كنتي راضيه علا طلتك

يلا خبرينا

لا ياعسل مشيت لنادية الجزائرية وكنت راضية على اللوك اخر رضا لكن في حاجات ضايقتني شوية طلعت موخر من المزين خشيت للصالة الحداش ونس وجي روح ببا الساعة 12 ونس يعني ساعة بس في حفلتي وماكملتش تصوير لقطات جت سريعة ولارقصت مع صاحباتي ولا شي واني السبب :oلاني مشيت موخر للمزين وكان رقمي 9 :|
حاجة تانية البست ستاقونة وشورني عفست عليها لما طلعت من المزيت مزقتها وطلع الحديد امتعها وبدي يضايقي فيا في المشي وقعدت في موقف لما دخلني خوي لصالتنا قريب طحت ولما مشيت صالة راجلي حتى هي قريب طحت قالي راجلي حوليها وخلاص ههههه تعقد منها حتى هوا :confused:

عروسة ليبيا;13107239:

تي لا هادو الموقف ملللللح العرس وبهاراته

اني كان نقولك شن صارلي

ياااا حنه المصممه الي درتلي الفيلو اول ما جبتلها القماشات طلبت مني ستيان وبنجيرا =الكورسيه

عشان تفصلي وانا لبستهم ويبقن هنا بتاع الحفله ومقاس الفيلو ما يجي مزبط الا بيهم

خلاص المقاس والبروفات كلهم كلهم عليهم

وعابيه بيهم شوور شريتهم وكل بروفا نلبسهم ونزبطو ف هدكا القفطان

بعدها بدي عرسي

وكل حاجه لدخول واتيه واخرى حاطه كل شي فحوش صحبتي الانتيم وهي تسكن معاي ف شارعنا وراجعت كل شي علا اساس ان اموري تمام

يوم الكوافيره لقيت روحي بلا البنجيرا مهناششششش بكل

نهاري اصلا تخصيرت فيلوي ما تبانش الا بيها

طرت ونزلت ويما صار فيا من رعاش مشي كلمت صحبتي تانيه مشت شرتلي من محل عادي بنجيرا هك وخلاص

وفعلا مطلعش الفيلو زي تقسيمته ف البروفات

والكارثه التانيه الكبرى

المحل الي دايره عنده المسكه ورفعتله حتا القماش الي بيلفه بيها وهو شانتو زي بتاع الفيلو ورفعتله كرستال زي بتاع الفيلو

المهم دفعت وحاجزه وهي ورد طبيعي مطعم بكرستال الموهم مشا خوي ساعه 5 بيستلمها مسكر المحل وساعه 6 مسكر 7 ونص مسكر و8 ونص مسكررررررررررر

قريب جنيت خلاص عابيه بيها وشريتلها اكسسوار وحاجات زي بتاع الفيلو

الموهم اخر مر مشي بتاع 8 ومعاها مشي ولد خالتي معاه لقوه مسكر نزلو خش صيدليه جنب المحل قالوله مالي المحل عندهم حالة وفااااااة جدت عليهم امس ف ليل موخر ومش راح يفتحو اليوم

وهو محل مشهور ف بنغازي ونازك اسمه عباد الشمس

تعرفي خوي خاف يقولها ليا بس ولد خالتي يفهم قاله قولها باش تصرف و وهكي مشيت اشريت بوكيه من المحل لونه بيج عسلي زي لون الشغل الي ف فيلوي وف ديكور عرسي كانو فيهم خيوط يبقصو ذهبي قصيتم بمقص و معاي قطعه قماش سكري منعرفش من وين جايه المهم لفيت علي الباقه من تحت

وووووووومشت الامور و هادي حاجه اول مره نصرح بيها

لكن الحمدلله كا رضاء كنت راضيه رضاء تام وكل حاجه زي ما نحلم

طبعا ما خبرت حد وقتها ولا لقيت وقت حتا خواتي نقولهم ولا حد يندري عاللي صارلي ماتقولي لحد;)

ايييه ياعروسة ماصار فيك ههههه :confused: وفعلا هادي بهارات الفرح الفرحة اكيد مستمرة وتمشي الامور والحمد لله غير الواحد يعرف كيف يتحكم في اعصابه ومايخليش الحاجات هادي تنكد عليه فرحته :thumbs_up: ماشاء الله عليك حق
تعرفي فيه عروسة معاي لما عطلت فينا نادية بدت تبكي وصارت فيها حالة وتقول اني الحق عليا اللي حجزت عندها ومش عارفة وتكلم في اكاليها كل شوية انتو وين وجيبولي مش عارفة شنو وتسكر عليهم قلقت روحها وخلاص وفي الاخير هي الخسرانة
اني وباقي البنات قع\نا هاديات وقرينا قرآن وصلينا صلاتنا ولمينا حاجتنا وكنا مرقين على الاخر :D وتعرفي ياعروسة مشيت زي ماقلتينا بالزبط درت دوش مليح الصبح وفطرت تمرات ودعيت ربي يسهلي امري وسلمت على امي وخواتي وحناي وكنت مجهزة شنطي من الليل فيها المنشف والعدسات والكندرا والفوط اليومية والرايحة واللوشن والشاوروالفرشة والمعجون وحطيت قرون قرنفل للفم والريحة ورفعت معاي تفاح وموز وعمبمبر فاضل من الفاتحة هههههخطمت على محل الفيلو خديته وخشيت للمزين على بركة الله

ام وسيفة :

اولا اهلا بيك معانا في منتدي مع انها متاخره

وكل سنة وانتي بالف خير

بارك الله فيك في شغل ايديك ماشاء الله روووعة

تشتغلي في ليبيا ولا خارج منها ؟؟

وعجبني واجد التركوازي لو يجي ع الفوشي رووعة

تسلم ايدينك مرة اخره

اهلين اختي ام وسيفة نورتي ....

بنات نبي وين يبيعو في استيكرات حنة في مصر ............ حبيبة ايمن بالك تعرفي انتي وعروسة ليبيا ونبي احسن مزين في القاهرة للكيراتين

صباح الخير
كيف حالكم بالله اللي عندها او تعرف كلمات حلوه اللي يكتبو فيها في بطاقة العرس تساعدني ونبيها قصيره مش طويله

ليكم وحشة يا حلوات

السلام عليكم

كيف حالكم ياحلوات ياللي فايتيني بهلبة صفحات